ইনফোর্মেসন অমসুং ব্রোদকাস্তিং মন্ত্রালয়
সরকারনা তেলিভিজন চেনেলশিংগীদমক মিনিৎ ১২গী এদভর্তিসমেন্ত দ্যুরেসন কেপ লৌথোকখ্রে
ফিয়র কম্পিতিসন লৈহনবা ঙম্নবা অমসুং ইজ ওফ দুইং বিজিনেস লৈহন্নবা এদ দ্যুরেসন কেপ অসি লৌথোকপনি
प्रविष्टि तिथि:
14 AUG 2026 8:39PM by PIB Imphal
সরকারনা তেলিভিজন চেনেলশিংগীদমক মিনিত ১২গী এদভর্তিসমেন্তগী দ্যুরেসন কেপ লৌথোক্নবা ৱারেপ লৌখ্রে।
তেলিভিজনগীদমক্তা এদভর্তিসমেন্ত দ্যুরেসন লেপ অসি কেবল তেলিভিজন নেৎৱার্ক রুল্স, ১৯৯৪গী মখাদা ২০০৬তা হৌদোকখি। মদুদগী হৌনা, তেলিভিজন ব্রোদকাস্তিং সেক্তরদা অচৌবা অহোংবা লাকখি। ২০০৬তা, হৌজিক্কী মতমগী চেনেল ৯০০ হেনবগা চাংদম্নবদা, তি.ভি. চেনেল ৬২ খক্তমক লৈরম্মি।
তি.ভি. চেনেলশিং য়ৌহন্নবগী মরুওইবা প্লেৎফোর্ম ওইরিবা কেবল তি.ভি. অসি এনালোগ ওইরম্মি অমসুং কেরিয়েজ কেপাসিতীসু অকক্নবা ওইরম্মি, মসিনা কঞ্জ্যুমরশিংদা য়াম্না অকক্নবা চোইস ফংহল্লম্মি। কেবল তি.ভি. সেক্তর মপুং ফানা দিজিতেলাইজ তৌখ্রবা মতুংদা, দি.তি.ঐচ., কেবল তি.ভি., ঐচ.আই.তি.এস. অমসুং আই.পি.তি.ভি. য়াওনা তি.ভি. দিস্ত্রিব্যুসন প্লেৎফোর্ম পুম্নমক হৌজিক দিজিতেল ওইরে। হায়রিবা প্লেৎফোর্মশিং অসিনা হৌজিক্কী ওইনা চেনেল ৩০০ অমসুং ৫০০ নৎত্রগা মসিদগী হেনবশিং শন্দোক্লি, মসিনা কঞ্জ্যুমরশিংগী তোঙান তোঙানবা মথৌ তাবশিং ফংহল্লি অমসুং হেন্না মখল-মখা কয়া অমা ফংহল্লি। মরম অদুনা, হৌজিক্তি মার্কেৎ দাইনামিক্সতা মতিক চাবা কম্পিতিসন লৈরে।
তেলিভিজন ব্রোদকাস্তিং সেক্তরদা থোকখিবা অহোংবশিং য়েংলগা, এদভর্তিসমেন্ত দ্যুরেসনগা মরী লৈনবা স্তিপ্যুলেসনশিং অমুক হন্না য়েংশিনবগী তঙাই ফদবা লৈ। ভারতকী ওইনদি, সেক্তর অসি চেনেল অমনা ‘পে’ নত্রগা ‘ফ্রী-তু-এয়র’ ওইরবসু, এদভর্তিসমেন্তগী মখা পোল্লি। মসিগী মথক্তা, দিজিতেল মেদিয়াগা মরী লৈনবা ত্রেদিস্নেল তি.ভি চেনেলশিংগীদমক নন-লেবেল প্লেয়িং ফিল্দ অমা লৈতে, মসিদা এদভর্তিসমেন্ত কেপ রেগুলেসনগী মতাংদা অসিগুম্বা ৱাফম অমত্তা লৈতে।
তি.ভি. ইন্দস্ত্রীগী মনুং অমসুং তি.ভি. ইন্দস্ত্রী অমসুং দিজিতেল মীদিয়াগী মরক্তা মার্কেত্তা মতিক চাবা কম্পিতিসন লৈ হায়না আই এন্দ বি মন্ত্রালয়না খল্লি। ফিয়র কম্পিতিসন অমা ওইহন্নবা অমসুং ইজ ওফ দুইং বিজিনেস লৈহন্নবা সরকারনা এদভর্তিসমেন্ত দ্যুরেসন কেপ লৌথোক্নবা ৱারেপ লৌখ্রে।
ৱারেপ অসি গেজেৎতা কেবল তেলিভিজন নেৎৱার্ক রুল্স, ১৯৯৪দা শেমদোকপগী নোতিফিকেসন পীরকপা তাংদগী চৎনবা হৌগনি।
***
(रिलीज़ आईडी: 2300801)
आगंतुक पटल : 10
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam