ভারত সরকারনা ফোঙদোকপা পাম্লি:

•        য়ু.পি.আই শীজিন্নরিবশিংদগী চার্জ অমতা লৌরোই: শেন পীরিবা কঞ্জুমরশিংদগী ত্রান্সসেক্সন চার্জশিং লৌরোই।

•        পি২পি ত্রান্সসেক্সনশিং লেম্না পাংথোক্লি: পর্সন-তু-পর্সন ত্রান্সসেক্সনশিং মখা তানা চার্জ অমতা লৌরোই।

•        ললোনবশিংগীদমক নোমিনেল এম.দি.আর: এম.দি.আর চার্জশিং চৎনবা মতমদা, দেবিৎ নত্ত্রগা ক্রেদিৎ কার্দ এম.দি.আরশিংগী হেন্না হন্থনা, অপীকপা রেত অমদা, অকক্নবা চাং অমগী মথক্ত, মার্চেন্ত ত্রান্সসেক্সনশিংগী অকক্নবা সেত অমদা চার্জশিং লৌগনি।

•        য়ু.পি.আইদা ললোনবশিংগী য়াম্লবা ত্রান্সসেক্সনশিং চার্জ লৌরোই। করিগুম্বা এম.দি.আর চৎনরবদি, থ্রেসোল্দদা য়ুম্ফম ওইগনি অমসুং পাকতক্ননা খুদিংমক চার্জ লৌরোই।

•        পেমেন্ত এন্দ সেত্তলমেন্ত সিষ্টেমস এক্ত,২০০৭ গী সেক্সন ১০(এ) শেমদোক্না পুখৎলিবা তেক্সসেসন এন্দ অদর লোস(এমেন্দমেন্ত) বিল, ২০২৬ সংসদতা হেক পাস তৌবগা, এন.পি.সি.আইনা লুচিংবা “য়ু.পি.আই এন্দ সর্বিসেস ষ্টরিং কম্মিতি” না এম.দি.আরগী ৱারেপ লৌগনি।

করিগীদমক পেমেন্ত এন্দ সেত্তলমেন্ত সিষ্টেমস এক্ত এমেন্দ তৌগদৌরিবনো?

হন্দক পেমেন্ত এন্দ সেত্তলমেন্ত সিষ্টেমস এক্ত (পি এস এস এক্ত) শেমদোকখিবা অদু মরৈ কয়া য়েৎনখি, য়ু.পি.আই শীজিন্নরিবশিংদগী চার্জ লৌনবা খোঙথাং অমনি হায়না মীওই খরনা লান্না শন্দোকখি। অশেংবদি, এমেন্দমেন্ত অসিনা মখা তানা মীওই খুদিংমক শেন-থুমগী থবকশিংনা কোনশিনবা, মতম শাংনা য়ু.পি.আই শীজিন্নবা, তেক্নোলোজি চাউখৎহনবা অমসুং নৌনা থেংনবা খুদোংথিবশিংদগী ঙাকথোকপা ঙম্বা হেনগৎহনবা প্রোবিজন য়াওরে। 

•        য়ু.পি.আই চাউখৎলকপা: ত্রান্সসেক্সন ভোলুমশিং হেগৎলকপগা লোয়ননা, সাইবরসেকুরিতি, নমথাক ঙাকথোকপা অমসুং ইনফ্রাষ্ট্রকচরদা সিষ্টেম মখা তানা ফগৎহনবা দরকার ওই।

•        কৈথেল পাকথোক-চাউথোরকপা: মশা মরোমদোম লেপচবা ঙম্বা রেভিন্যু মোদেল অমগা লোয়ননা, মখোয়গী থবকশিং হেন্না পাকথোক্নবা অহেনবা কম্পেনিশিং পুক্নিং থৌগৎতুনা চাংদম্নবা হেনগৎহনবা দরকার ওইরে।

•        মশা মরোমদোম লেপচবা ঙম্বা: চাউখৎনবগীদমক সবসিদিশিং খক্তগী মখা পোনবা অসিনা হিংবা ঙম্লোই। য়ু.পি.আই ফগৎনবা, খুদিংমক কোনশিন্নবা অমসুং তুংগীদমক শেম-শানবা থোঙ মান্নবা ঙাক্লৌ অমা দরকার ওইরে।

অরানবা ৱারিশিংগী অচুম্বশিং মীয়ামদা খঙহনবা

মপানগী ইথিলশিংনা মরম ওইদুনা থৌশিলশিংদা অহোংবা পুরকপা ওইরমগনি হায়না মেদিয়াগী পাউ খরনা ফোঙদোক্লি। মসি য়ুম্ফম য়াওদবা, মপুংফানা অরানবা অমসুং লান্না লমজিংবনি। করিগুম্বা মপানগী ইথিলনা মরম অমা ওইরবদি, সরকারনা ২০১৬ দা য়ু.পি.আই হৌদোক্লোই নত্ত্রগা জনুৱারি ২০২০ দগী ললোনবশিং অমসুং মীয়াম অনিমক্তগী মসিগী চার্জ লৌরমগনি অমসুং মসি খুদক্ত শেন থাদোক-থাজিন তৌবা য়াবা মালেমগী খ্বাইদগী চাউবা সিষ্টৈম ওইরে।

ভারতকী দিজিতেল পেমেন্ত ইনফ্রাষ্ট্রকচর তুংকোইনা চৎনবা য়ানবা, চাংদম্নবা ঙম্নবা, অনৌবা থবক পায়খৎনবা অমসুং লৈবাক অসিগী য়াংনা পাকথোক-চাউথোরক্লিবা দিজিতেল ইকোনোমিগী থবক তৌবা ঙম্নবা সরকারগী পান্দমদা এমেন্দমেন্ত অসি পাংথোকপনি হায়না উগদবনি।

অচুম্বদি অরাইবা থবক্নি: য়ু.পি.আই ভারত মশাগী অনৌবা থবক্নি, অমসুং লাক্লিবা চহি কয়াদা মসি তুংকোইনা হিংহনবগা লোয়ননা মসি মীয়ামদগী চার্জ অমতা লৌদনবা সরকারনা থবক পায়খৎলে। 

চাউখৎনবগী মথংগী ইথক

হৌজিক ভারত দিজিতেল পেমেন্ত চাউখৎনবগী মথংগী ইথক্কী অহৌবদা লেপ্লি। মখা তানা য়ু.পি.আই খুঙ্গং অমসুং সেমি-অর্বানগী মফমশিংদা য়ৌহন্নবা অমসুং চাংদম্নবা য়াওবা ঙম্নবা, য়ু.পি.আইগী থবক মশা মরোমদোম হিংবা ঙম্বা অমসুং মমল হোংবা ওইগদবনি। মখা তানা য়ু.পি.আই অশোই-অঙাম থোক্তনবা, মমল হোংনবা, খুদিংমক কোনশিন্নবা অমসুং মালেমগী লৈবাকশিংনা মশক খঙলবা পেমেন্ত সিষ্টেম অমা ওইনবা পান্দমদা পি.এস.এস এক্ত এমেন্দমেন্ত তৌবনি।

ৱারোইশিন:

ভারত সরকারনা অমুক হন্না ৱারেপ লৌরে:

•        মীয়ামগীদমক য়ু.পি.আই লেম্না পাংথোক্কনি।

•        মীয়ামগীদমক নুমিৎ খুদিংগী ত্রান্সসেক্সনশিং চার্জ লৌরোই।

•        তুংগী এম.দি.আর মমিংতগী ওইগনি অমসুং মার্চেন্ত ত্রান্সসেক্সনশিংগী অকক্নবা সেত খক্তদা ওইগনি।

•        য়ু.পি.আই মখা তানা ভারত মরুওইবা দিজিতেলগী অনৌবা থবক ওইগনি, মালেম শীনবা থুংনা শন্দোক্লি।

মসি ২০১৬-১৭ দা হৌদোকপদগী, য়ুনিফাইদ পেমেন্তস ইন্তরফেজ (য়ু.পি.আই) না ভারতকী দিজিতেল ইকোনোমি মালেমদা খ্বাইদগী য়াম্না মীওই খুদিংমক কোনশিনবা অমসুং অফবা পেমেন্ত ইকোসিষ্টেমশিংগী মনুংদা অমা ওইরে। খুদক্ত শেন থাদোক-থাজিন তৌনবা অমসুং ইন্তরওপরেবল ওইনবা চাংয়েং ওইনা হৌদোকখিবা অসি হৌজিক মালেমগী থাক অমা য়ৌরে, থা খুদিংগী ত্রান্সসেক্সন বিল্লিয়ন কয়া পাংথোক্লে অমসুং মীয়ামগী নুমিৎ খুদিংগী পুন্সিদা তঙাইফদবা অমা ওইরে। জুলাই ২০২৬ খক্তদা লুপা করোর লাখ ২৯.৯ রোমগী ত্রান্সসেক্সন করোর ২,৩৬৬ পাংথোক্তুনা, ঙসিদি য়ু.পি.আই মালেমদা খ্বাইদগী চাউবা খুদক্ত শেন থাদোক-থাজিন তৌবা সিষ্টেম ওইরে। হৌজিক মপান লৈবাক ১১ দা য়ু.পি.আই শীজিন্নরে অমসুং অতোপ্পা লৈবাক কয়াসু পাম্লে।

য়ু.পি.আই অসি ভারতমচাশিংগীদমক ভারতমচানা শেমগৎপা লৈবাক অসিগী মাইপাকপা অমনি। সরকারনা চহি কয়া মসি য়োকখৎলে, শেন থাদরে অমসুং চাউখৎহল্লে অমসুং মসি মখা তানা পাংথোকখিগনি। মীয়াম্না ফাইনান্স মিনিষ্ট্রি, রিজার্ব বেঙ্ক ওফ ইন্দিয়া অমসুং এন.সি.পি.আই খক্তদগী ওফিসিএল ওইবা ই-পাউ লৌগদবনি অমসুং অরানবা পাউশিং শন্দোকপীগনু।

***