পোষ্ট কৰা হৈছে:
07 AUG 2026 9:35AM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে ২০২৬ চনৰ ৮ আগষ্টৰ দিনৰ ১১ বজাত ভাৰতীয় প্ৰযুক্তিবিদ্যা প্ৰতিষ্ঠান (আই আই টি) দিল্লীৰ ৫৭ সংখ্যক সমাবৰ্তন অনুষ্ঠানত মুখ্য অতিথি হিচাপে অংশগ্ৰহণ কৰিব। তেওঁ এই অনুষ্ঠানত ডিগ্ৰী প্ৰদান কৰিবলগীয়া ৫৮৭ গৰাকী পিএইচডি গৱেষককে ধৰি ৩,০০০ৰো অধিক স্নাতক শ্ৰেণীৰ শিক্ষাৰ্থীক সম্বোধন কৰিব।
শৈক্ষিক উৎকৃষ্টতাক স্বীকৃতি দি প্ৰধানমন্ত্ৰীয়ে প্ৰতিভাশালী ছাত্ৰ-ছাত্ৰীসকলক ৰাষ্ট্ৰপতিৰ স্বৰ্ণপদক, সঞ্চালকৰ স্বৰ্ণপদক, শংকৰ দয়াল শৰ্মা স্বৰ্ণপদক আৰু বিশেষ দহটা স্বৰ্ণপদককে ধৰি প্ৰতিষ্ঠানটোৰ আটাইতকৈ সন্মানীয় স্বীকৃতি প্ৰদান কৰিব।
অত্যাধুনিক গৱেষণা আৰু কৃত্ৰিম বুদ্ধিমত্তাৰ অগ্ৰগতিৰ প্ৰতি ভাৰতৰ প্ৰতিশ্ৰুতিৰ ওপৰত আৰু অধিক গুৰুত্ব আৰোপ কৰি প্ৰধানমন্ত্ৰীয়ে আই আই টি দিল্লীৰ সোনিপট চৌহদত স্থাপন কৰা কৃত্ৰিম বুদ্ধিমত্তাচালিত উচ্চ-কাৰ্যক্ষমতাৰ ছুপাৰকম্পিউটিং সুবিধা ‘পৰম প্ৰজ্ঞা’ উদ্বোধন কৰিব। এই অত্যাধুনিক সুবিধাই এআই, ডাটা ছায়েন্স, এডভান্সড কম্পিউটিং আৰু আন্তঃবিষয়ক গৱেষণাৰ ক্ষেত্ৰত প্ৰতিষ্ঠানটোৰ সামৰ্থ্য যথেষ্ট বৃদ্ধি কৰিব বুলি আশা কৰা হৈছে।
****
MJPS/SS/PRK/HS