ন্যু অমসুং রিন্যুএবল মন্ত্রালয়
পি.এম. সুর্য় ঘর: মুফত বিজলী য়োজনানা রুফতোপ সোলর লাখ ৫০ হেন্না ইন্সতোল তৌদুনা চাউনা মায় পাকপা পুরকখ্রে
পি.এম. সুর্য় ঘর: মুফত বিজলী য়োজনাগী মখাদা নুমিৎ তরুকনি খুদিংগী কান্নবা ফংলবা ইমুং লাখ অমা হাপচিল্লি
জুলাই ২০২৬ তা স্কিম অসিগী মখাদা থাগী ওইনা খ্বাইদগী মশীং য়াম্না রুফ তোপ সোলর ইন্সতোলেসন তৌবা ঙমখি
ইমুং লাখ ১৯ রোমনা হৌজিক্তি ইলেক্ত্রিসিতীগী বিল জিরোদা ফংলি; হৌজিক ফাওবদা রুফতোপ সোলর কেপাসিতি জি.দবল্যু. ১৪.৮ কম্মিসন তৌখ্রে
পি.এম. সুর্য় ঘর: মুফত বিজলী য়োজনাগী মখাদা সেন্ত্রেল গবর্নমেন্ত বিলদিং ২৫,০০০ হেন্না সোলরাইজ তৌখ্রে
प्रविष्टि तिथि:
04 AUG 2026 2:26PM by PIB Imphal
পি.এম. সুর্য় ঘর: মুফত বিজলী য়োজনা অসিনা লৈবাক শিনবা থুংবদা লৈবা ইমুং লাখ ৫০.০৬ হেনবনা রুফতোপ সোলর ইনস্তোলেসনদগী কান্নবা ফংবগা লোইননা অচৌবা মায় পাকপা অমা পুরকখ্রে।
হৌদোকখ্রবা মতুং চহি অনিরোমগী মনুংদা ফংখিবা মায় পাকপা অসিনা মমাংগী চহি ১০ দা রুফতোপ সোলর ইনস্তোলেসন লাখ ৭.৯৪ তৌখিবগা চাংদম্নবদা মশক থোকনা খোঙজেল য়াংখৎলকপগী মশক উরি। মালেমগী খ্বাইদগী চাউবা রুফতোপ সোলর প্রোগ্রাম অসিনা লুপা করোর ৭৫,০২১গী শেনফমগা লোয়ননা খোঙজেল য়াংনা খুমাং চাউশিল্লকপগী মমি তারি। পি.এম. সুর্য় ঘর: মুফত বিজলী য়োজনা অসি মিনিস্ত্রী ওফ ন্যু এন্দ রিন্যুএবল ইনর্জীগী মখাদা লৈবা ভারত সরকারগী মকোক থোংবা সোলর স্কিম অমনি।
ইকাই খুম্নরবা প্রধান মন্ত্রী শ্রী নরেন্দ্র মোদীগী মিৎয়েং মখাদা, স্কিম অসিনা ঙসিদি নুমিৎ তরুক খুদিংগী ইমুং লাখ ১ দা কান্নবা ফংহল্লে। মসিনা মালেমগী মফম অমহেক্তদা খ্বাইদগী থুনা চাউখৎলক্লিবা ক্লিন ইনর্জী প্রোগ্রাম অমা ওইহল্লে। হৌখিবা থা নিপান অসিদা ইন্সতোলেসনগী চাং অসি শরুক ৩.২ হেনগৎখ্রে। ২০২৫গী ওক্তোবরদা নোংমদা ইন্সতোলেসন ৫,০৩৮ ওইরম্বা অদুদগী ২০২৬গী জুলাইদা নোংমদা ইন্সতোলেসন ১৬,৩২৮ য়ৌরে।
জুলাই ২০২৬ খক্তদা য়ুমথোং লাখ ৫.০৬না কান্নবা ফংখি। মসি স্কিম অসি হৌখিবা মতমদগী থাগী ওইনা খ্বাইদগী ৱাংবা মশিং ওইখি।
খোঙজেল অসিবু মতেং পাংনবা, দাইরেক্ত বেনিফিৎ ত্রান্সফরগী খুত্থাংদা বেনিফিসরীশিংদা লুপা করোর ২৮,০২৪গী সবসিদী পীখ্রে। মসিনা মরম ওইদুনা, ইমুং লাখ ১৯ রোমদা হৌজিক্তি ইলেক্ত্রিসিতীগী বিল জিরোদা পীরি। মসিনা ইমুংশিংদা শেলগী চৈথেং য়াম্না হন্থহল্লে। চহী ২০২৪-২৫দা অহেনবা পাৱর য়োক্তুনা ইমুং লাখ ১২ হেনবনা লুপা করোর ৪২১ ফংখ্রে। মসিনা গ্রিদতা অমুক হন্না পাৱর এক্সপোর্ত তৌরিবা ইমুং অমগী ওইনা চহি অমদা লুপা ৩,৫০০গী অহেনবা শেন্থোক ফংহল্লি।
য়ুতিলিতী লেদ এগ্রেগেসন মোদেলগী মখাদা রাজ্য ১২দা মোদেল অসি চৎনহন্নবা অয়াবা পীরগা রাজ্য ৪ দা পি.এম.এ.ৱাই., বি.পি.এল. অমসুং এস.সি./এস.তি. মোদেল অসিনা চাগা নেম্বা ইমুংশিংদা য়ুমগী মথক্তা খিনবা সোলর ফংহনবদা মতেং পাংলি অমসুং স্তেৎশিংদা মখোয়গী তারিফ সবসিদী হন্থহনবদা মতেং পাংলি। রেপো রেৎ প্লস বেসিস পোইন্ত ৫০দা বেঞ্চমার্ক তৌদুনা চাদা ৫.৭৫দা কন্সেস্নেল লোন অসি এপ্লিকান্ট লাখ ২১.৮৭দা অয়াবা পীখ্রে। মসিগী মনুংদা ইনস্তোলেসন লাখ ১৭.৫দি লোন ফাইনান্সিংগী খুত্থাংদা লোইশিনখ্রে। জন সমর্থ ইন্টিগ্রেসননা পেপরলেস লোন প্রোসেসিং তৌবা ঙমহল্লে।
স্কিম অসিনা লৈবাক শীনবা থুংনা থবক তৌরিবা রেজিস্তর তৌরবা ভেন্দর ৩৪,২১৯ লৈদুনা ভেন্দর অমসুং থবক পীবগী পাক চাউবা ইকোসিস্তেম অমা শেমগৎলে। রুফতোপ সোলর ভেল্যু চেনদা মতেং পাংনবা কেপাসিতী বিল্দিং প্রোগ্রামশিংগী মখাদা মীওই লাখ ২.৩২ হেন্না ত্রেন তৌখ্রে। স্কিম অসিগী মখাদা হৌজিক ফাওবদা অপুনবা ওইনা রুফতোপ সোলর কেপাসিতিগী জি.দবল্যু. ১৪.৮ কম্মিসন তৌখ্রে।
স্কিম অসি এপ্লিকেসনদগী সবসিদি রিলিজ তৌবা ফাওবা ১০০% ওনলাইন, এন্দ তু এন্দ দিজিতেল প্রোসেসনা চৎনগনি। কঞ্জুমরশিংদগী ফিজিকেল পেপরৱার্ক নত্ত্রগা ওফিস ভিজিট মথৌ তাদে। মসি পেপরলেস লোনগীদমক জন সমার্থ ইন্তিগ্রেসন, নুমিৎ ১৫নিগী মনুংদা সবসিদী রিলিজ তৌবা য়াহল্লিবা পি.এফ.এম.এস. ইন্তিগ্রেসন, লেপ্পা লৈতনা প্রোসেসিং তৌনবগীদমক দিস্কোম ৮০ হেনবগা লোয়ননা এ.পি.আই. ইন্তিগ্রেসন, নেস্নেল পোর্তেলগী খুত্থাংদা দিজিতেল নেৎ মিতরিং এগ্রীমেন্ত, অমসুং কঞ্জ্যুমরশিংদা স্তার রেতিং ফংহল্লিবা ভেন্দর রেতিং ফ্রেমৱার্কনা ওইথোকহল্লি। দি.সি.আর. পোর্তেলগা পুনশিন্নবনা দোমেস্তিক কন্তেন্তকী কমপ্লাইএন্স লৈহনগনি।
সোলর ফ্রন্ত অসি পায়খৎপা য়াবা মওংদা পায়খৎপদা, চাউরাক্না কিলোৱাৎ ১০ ফাওবগী মনুংদা লৈবা রুফতোপ সোলরগীদমক্তা অয়াবা পীবা হৌখ্রে অমসুং রাজ্য অমসুং য়ুনিয়ন তেরিতোরী ৩২না রুফতোপ সোলরগীদমক্তা এপ্লিকেসন অমসুং নেৎ মিতরিং চার্জ লৌথোকখ্রে। দিস্কোমশিংদা লুপা করোর ৩,৮০৭.৬ অমসুং অর্বান লোকেল বোদীশিংদা লুপা করোর ১০৪গী ইন্সেন্তিব পীখ্রে। শহর ৪৬তা সিতী এক্সিলরেতর প্রোগ্রাম অমা হৌদোকখ্রে অমসুং ভেন্দরগী একাউন্তেবিলিতী ফ্রেমৱার্ককী মখাদা অহুমশুবা পার্তীগী ক্বালিতী ইন্সপেক্সন ২৩,০০০ রোম পাংথোকখ্রে।
কেন্দ্রগী মন্ত্রালয়শিংনা মেগাৱাৎ ১৪২৮গী পোতেন্সিএল লৈবা য়ারিবা সরকারগী বিলদিং ৪২,৫৪২ খংদোকখ্রে। মসিগী মনুংদা মেগাৱাৎ ৮৭২গী বিলদিং ২৫,২৫৫ দি সোলরাইজ তৌখ্রে। রাজ্যশিংনা ৪,৪০০ মেগাৱাৎকী পোতেন্সিএল লৈবা সরকারগী বিলদিং ৩,২০,০০০গী মতুং ইন্না ওইথোকপা য়াবা বিলদিংশিং মশক খংদোকখ্রে। মসিগী মনুংদা বিলদিং ৮১,৩২৯ অমসুং ১৪৫০ মেগাৱাৎ অসি সোলরাইজ তৌখ্রে। অপুনবা ওইনা, হৌজিক ফাওবদা সরকারগী বিলদিং লাখ ১.০৬দা সোলর সেন্তর ফংহনখ্রে। শেল পীবগী রিস্ক হন্থহন্দুনা অমসুং রাজ্য অমসুং য়ু.তি.শিংদা সোলরাইজেসন প্রোজেক্তশিংদা মতম চানা শেল পীবা ফংহন্দুনা রিস্কো বিদরশিং পুক্নিং থৌগৎনবা পেমেন্ত সেক্যুরিতী মেকানিজম অমা হৌদোকখ্রে।
হৌজিক য়ুমথোং লাখ ৫০ হেনবনা কান্নবা ফংলি অমসুং ইনস্তোলেসনশিং অসি লেপ্তনা হেনগৎলক্লি। পি.এম. সুর্য় ঘর: মুফত বিজলি য়োজনা অসিনা ভারতকী য়ুমথোংশিংদা ইনর্জী সেক্যুরিতী অমসুং ইনর্জী ইন্দিপেন্দেন্সীগী পান্দম অনি অসি মাংলোমদা পুখৎপগা লোয়ননা দিসেন্ত্রেলাইজ তৌরবা, নাগরিকশিংনা লুচিংবা ক্লিন ইনর্জী শিজিন্নবদা মালেমগী লুচিংবা অমা ওইনা ভারতকী থাক অদু মপাঙ্গল কনখৎহল্লি।
***
(रिलीज़ आईडी: 2294665)
आगंतुक पटल : 6
इस विज्ञप्ति को इन भाषाओं में पढ़ें:
Odia
,
Kannada
,
English
,
Urdu
,
हिन्दी
,
Bengali
,
Bengali-TR
,
Assamese
,
Gujarati
,
Tamil
,
Telugu
,
Malayalam