প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা লুপা করোর ৫,০৭০গী অপুনবা শেনফমগা লোয়ননা ইনর্জী স্তোরেজ সিস্তেম (ই.এস.এস.) য়াওবা ফ্লোতিং সোলর ফোতোভোল্তেক (এফ.এস.পি.ভি.) প্রোজেক্তশিং শেমগৎনবা স্কিম অমা ওইরিবা 'প্রধান মন্ত্রী সুর্য় সরোভর য়োজনা (পি.এম.-এস.এস.ৱাই.)' অসি ঙসি অয়াবা পীখ্রে।

স্কিম অসিনা য়ামদ্রবদা পুং অনিগী স্তোরেজ কেপাসিতী হায়বদি মেগা ৱাত ১০,০০০ লৈবা কো-লোকেতেদ ইনর্জী স্তোরেজ সিস্তেমগা লোয়ননা ফ্লোতিং সোলর ফোতোভোল্তেক প্রোজেক্ত মেগা ৱাত ৫,০০০ শেমগৎনবা পান্দম থম্লি। প্রোজেক্তশিং অসি শেনবা চহি ২০২৬-২৭তগী শেনবা চহি ২০৩০-৩১ ফাওবগী মনুংদা অয়াবা পীদুনা শেনবা চহি ২০৩২-৩৩ ফাওবদা শেলগী তেংবাং পীনবা মখা তানা কাইথগনি।

নেস্নেল ইন্সতিত্যুৎ ওফ সোলর ইনর্জী (এন.আই.এস.ই.)না তৌখিবা হন্দক্কী এসেসমেন্ত অদুদা লৈবাক অসিগী রিজর্বরশিং অমসুং অতোপ্পা মতিক চাবা ইনলেন্ত ৱাতর বোদীশিংদা চাউরাক্না জি.দবল্যু.পি. ১০২.১৮গী ফ্লোতিং সোলার পোতেন্সিএল অমা লৈ হায়না পানখিবা অদুগী মতুং ইন্না অয়াবা অসি পীবনি।

স্কিম অসিগী মখাদা, সেন্ত্রেল ফাইনান্সিএল এসিস্তেন্স (সি.এফ.এ.) মায় পাক্না কম্মিসন তৌরবা মতুংদা ইলিজিবল ওইরবা ফ্লোতিং সোলর ফোতোভোল্তেক প্রোজেক্তশিংগীদমক মেগাৱাৎ অমদা লুপা করোর অমা পীরগনি। মসিগী মথক্তা, প্রোজেক্ত অমমমগী ওইনা লুপা লাখ ৫০ ফাওবগী সি.এফ.এ. অসি প্রোজেক্ত দিবেলপমেন্তকী রিস্ক হন্থহন্নবা মথৌ তাবা বেথিমেত্রী অমসুং হায়দ্রোগ্রাফী এসেসমেন্তশিং, এনভাইরনমেন্তেল স্তদীশিং অমসুং অতোপ্পা শেম-শারিবা থবকশিং য়াওনা ফিজিবিলিতী স্তদীশিং পাংথোক্নবগীদমক ফংহল্লগনি।

রাজ্য অমসুং য়ুনিয়ন তেরিতোরী পুম্নমক্না স্কিম অসিগী খুত্থাংদা কান্নবা ফংগনি। স্কিম অসিনা লৈবাক অসিদা হৌজিক্কী ওইনা মেগাৱাৎ ৭০০ রোম খক্তগী ওইরিবা ফ্লোতিং সোলর পি.ভি. কেপাসিতী অসি মেগাৱাৎ ৫০০০ হেনগৎহনগনি। প্রোজেক্তশিং অসিনা হৌজিক লৈরিবা রিজর্বরশিং অমসুং ইন্দস্ত্রীএল পোন্দশিংবু কান্নবা মওংদা শীজিন্ননবা খুদোংচাবা অমা পীগনি অমসুং অতাংবা লেন্দ রিসোর্সশিংগীদমক কম্পিতিসন তৌবা লৈহল্লরোই। ইনর্জী স্তোরেজ সিস্তেম অমা পুনশিনবনা গ্রিদকী থাজবা হেনগৎহনবদা মতেং পাংগনি। স্কিম অসিনা চহিগী ওইনা কার্বোন দাইওক্সাইদ থাদোকপা তন মিলিয়ন ১০ হন্থহনবদা মতেং পাংগনি। মসিনা প্রোজেক্ত ভেল্যু চেন পুম্বদা চাউরাক্না ফুল-তাইমগী থবক ১৬,০০০-১৭,০০০কী চাংগা মান্নবা থবক ফংহনবদা মতেং পাংগনি। স্কিম অসিনা ফ্লোতেসন সিস্তেমশিংগী দোমেস্তিক মেন্যুফেকচরিং অমসুং প্রোজেক্তশিংগী ভেল্যু চেন পুম্নমক, হায়বদি পি.ভি. সেলশিং, মোদ্যুলশিং, ইনর্জী স্তোরেজ সিস্তেমশিং অসিনচিংবশিংসু প্রোমোৎ তৌগনি অমসুং মসিনা আত্মনির্ভর ভারতকী মীৎয়েংসু শৌগৎকনি।

স্কিম অসিনা রিন্যুএবল ইনর্জী কেপাসিতী হেনগৎহনবদা মতেং পাংগনি, নেস্নেল ইনর্জী অমসুং ক্লাইমেৎ ওবজেক্তিবশিং ফংহনবদা মতেং পাংগনি অমসুং বিক্সিৎ ভারতকী মীৎয়েং অসি মাংলোমদা পুখৎপগা লোয়ননা ঈশিংগী রিসোর্সশিং খ্বাইদগী ফবা মওংদা শীজিন্নবদা মতেং পাংগনি।

***