ইনফোর্মেসন অমসুং ব্রোদকাস্তিং মন্ত্রালয়
দ্রাফ তেলিকম্মুনিকেসন্স (তেলিবিজন, রেদিও এন্দ এসোসিএতেদ সর্বিসেস) রুলস, ২০২৬ না তেলিবিজন অমসুং রেদিওগী থবকশিংগী চৎন-কাংলোনগী ঙাক্লৌ লাইথোকহনগনি
থৌরম শন্দোক্লিবশিংনা চৎন-কাংলোন ইনবা লাইনবা অমসুং থবক তৌবদা লাইবা হেনগৎহন্নবা রুল বুক অমা শেম্নবা পান্দম থম্লি
হৌজিক লাইন্সেস পায়রিবশিং ভোলুন্তরি মাইগ্রেসন তৌবা নত্ত্রগা মাইগ্রেসন তৌদ্রি ফাওবা হৌজিক পায়রিবা লাইন্সেসশিং/পর্মিসনশিংগী মখাদা থবক মখা চৎথবা দ্রাফ রুলশিংনা য়াহল্লে
प्रविष्टि तिथि:
22 JUL 2026 3:53PM by PIB Imphal
নৌনা চৎনরবা তেলিকম্মুনিকেসন্স এক্ত, ২০২৩ গী ঙাক্লৌ মখাদা, তেলিবিজন অমসুং রেদিওগী থবকশিংগী তোঙান-তোঙানবা চৎন-কাংলোনশিং অমতা ওইনা পুনশিন্নবা সরকারনা দ্রাফ তেলিকম্মুনিকেসন্স (তেলিবিজন, রেদিও এন্দ এসোসিএতেদ সর্বিসেস) রুলস, ২০২৬ ফোঙলে। মখাগী চৎন-কাংলোনশিং অসি নিয়মশিং অসিদা পুনশিল্লে:
a. ভারত্ত সেতল্লাইত তেলিবিজন চেন্নেলশিং অপলিঙ্কিং অমসুং দাউলিঙ্কিংগীদমক চৎন-কাংলোনশিং;
b. ভারত্ত দাইরেক্ত-তু-হোম (দি তি ঐচ) শন্দোক্নবা থবকশিংগী লাইসেন্স লৌনবা চৎন-কাংলোনশিং;
c. ভারত্ত হেদেন্দ-ইন-স্কাই (হিতস) শন্দোক্নবা থবকশিংগী চৎন-কাংলোনশিং;
d. লনাই এজেন্সিশিংগী (ফেজ-৩) খুৎথাংদা এফ.এম রেদিও শন্দোকপগী থবকশিং হেনগৎহন্নবা চৎন-কাংলোনশিং;
e. ভারত্ত কম্মুনিতি রেদিও ষ্টেসনশিং লিংখৎনবা নৌনা শেমদোক্লবা চৎন-কাংলোনশিং; অমসুং
f. ইন্তরনেত প্রোতোগোল তেলিবিজন সর্বিসেসকী চৎন-কাংলোনশিং।
নিয়মশিং অসিগা লোয়ননা, হৌজিক ইন্দষ্ট্রিনা অপুনবা অমসুং মপুংফানা লাইথোকহল্লবা নিয়মগী লাইরিক অমা লৈরগনি। তেলিবিজন অমসুং রেদিওগী থৌরমশিং শন্দোকপগী থবকশিং লাইবা হেনগৎহন্নবা হৌজিক লৈরিবা থবকশিং অসি লাইথোকহন্নবা হায়রিবা নিয়মশিং অসি শেমখিবনি। ইনফোর্মেসন অমসুং ব্রোদকাষ্টিং মিনিষ্ট্রিগী ৱেবসাইত (https://www.mib.gov.in/) দা দ্রাফ রুলশিং ফোঙলে, জুলাই ২৭,২০২৬ ফাওবগী মনুংদা হায়নিংবশিং নত্ত্রগা পাউতাকশিং পীরক্নবা খঙহল্লি।
উদ্যোগ অসি অনৌবা চৎন-কাংলোন অমদা লাকপদা মতেং পাংনবা, হৌজিক লাইন্সেস পায়রিবশিং ভোলুন্তরি মাইগ্রেসন তৌবা নত্ত্রগা মাইগ্রেসন তৌদ্রি ফাওবা হৌজিক পায়রিবা লাইন্সেসশিং/পর্মিসনশিংগী মখাদা থবক মখা চৎথবা দ্রাফ রুলশিংনা য়াহল্লে।
দ্রাফ রুলশিং অসিদা মধ্য প্রদেসকী ছিন্দৱারা জিলাগী মনুং হুঞ্জিনবা মফমশিং য়াওনা, লৈবাক শীনবা থুংবদা কম্মুনিতি রেদিও শন্দোকপা য়াওনা, তেলিবিজন অমসুং রেদিওগী থৌরমশিং শন্দোকপা হেনগৎহন্নবা প্রোবিজনশিং দ্রাফ রুলশিং অসিদা য়াওরি।
লোক সভাদা শ্রী মুকেসকুমার চন্দ্রকান্ত দলাল অমসুং শ্রী দিনেসভাই মাকৱানানা হংলকপা ষ্টার ক্বেসন অমগী পাউখুম রেলৱেজ, ইনফোর্মেসন অমসুং ব্রোদকাষ্টিং অমসুং ইলেক্ত্রোনিক্স অমসুং ইনফোর্মেসন তেক্নোলোজিগী য়ুনিয়ন মিনিষ্টর শ্রী অশ্বিনি বৈষ্ণবনা পীবদা ৱাফম অসি ফোঙদোকখিবনি।
***
(रिलीज़ आईडी: 2289147)
आगंतुक पटल : 2
इस विज्ञप्ति को इन भाषाओं में पढ़ें:
Assamese
,
English
,
Urdu
,
हिन्दी
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam