শেনমিৎলোন্দা মন্ত্রীমন্দলগী মীফম (সি.সি.ই.এ.)
কর্নাতকা অমসুং অন্ধ্র প্রদেসকী জিলা অহুম কোনশিনবা মল্তিত্রেক্কিং প্রোজেক অমা মন্ত্রীমন্দলনা অয়াবা পীরে, হৌজিক লৈরিবা ভারত রেলৱেজগী নেতৱার্ক কিমি ৪৬ রোম হেনগৎকনি
প্রোজেক অসি অপুনবা শেনফম লুপা করোর ১,২৬৪ চঙগনি অমসুং ২০২৮-২৯ ফাওবদা লোইশিনগনি
प्रविष्टि तिथि:
24 JUL 2026 4:05PM by PIB Imphal
ঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা অপুনবা শেনফম লুপা করোর ১,২৬৪ রোম চঙনা কর্নাতকা অমসুং অন্ধ্র প্রদেসতা বাল্লারি-গুন্তাকাল সেক্সনগী ৩শুবা অমসুং ৪শুবা লাইন শেমগৎপদা অয়াবা পীরে।
অপুনবা থৌরাং অমসুং মরী লৈনবা খুদিংমক খন্ন-নৈনবগী খুৎথাংদা মল্তি-মোদাল কন্নেক্তিবিতি অমসুং লোজিষ্টিক্সকী খুদোংচাবা হেনগৎহন্নবা মীৎয়েংগা লোয়ননা প্রোজেক অসি পি.এম-গাতি শক্তি নেসনেল মাষ্টর প্লান্দা থৌরাং তৌবনি। মীয়াম, পোৎ-চৈশিং অমসুং থবক কয়া চৎথোক-চৎশিন তৌবদা প্রোজেক অসিনা অপনবা লৈতনা খুদোংচাবা পীগনি।
প্রোজেক অসিনা কর্নাতকা অমসুং অন্ধ্র প্রদেসক রাজ্যশিংগী জিলা ৩ কোনশিনগনি অমসুং হৌজিক লৈরিবা ভারত রেলৱেজগী নেতৱার্ক কিমি ৪৬ রোম হেনগৎকনি।
পায়খৎকদৌরিবা মল্তি-ত্রেক্কিং প্রোজেক অসিনা অপুনবা মীশিং লাখ ৭ রোম লৈবা খুঙ্গং ৯৯ দা চৎথোক-চৎশিনগী খুদোংচাবা হেনগৎহনগনি।
ত্রেক মশিং হেনগৎহনবা অসিনা বাল্লারি ফোর্ত, শ্রী কুমারা শ্বামী লাইশঙ য়াওনা লৈবাক অসিগী মমিং চৎলবা লমকোয়ফমশিং কয়াদা রেল য়ৌবা হেনগৎহনগনি।
প্রোজেক অসি আইরন ওর, দোলোমাইত, শুনু নুঙ, য়োৎ অমসুং ষ্টিল, কয়লা, হার, মহৈ-মরোশিংগুম্বা পোৎ-চৈশিং পুথোক-পুশিন তৌনবা তঙাইফদবা লম্বী পীগনি। মসিনা ১৬.২২ এম.তি.পি.এ (মিল্লিয়ন তন্স পর এন্নম) গী অহেনবা ফ্রেদ ত্রাফিক লৈহনগনি। রেলৱেজনা মহৌশাগী অকোয়গী ফিবম শোকহন্দবা অমসুং ইনর্জি চঙদবা মখলগী ত্রান্সপোর্তেসন ওইদুনা লৈবাক অসিনা ক্লাইমেতগী পান্দমশিং ফংবা অমসুং পোৎ-চৈ পুথোক-পুশিন্দা শেন চঙবা হন্থহনবদা মতেং পাংগনি, মপান্দগী থাউ লৈবা (লিতর করোর ১.৩২) অমসুং উ পাম্বী করোর ০.২৭ থাবগা মান্নবা কার্বোনদাইওক্সাইদ থাদোকপা (কেজি করোর ৬.৬৭) হন্থহনগনি।
লাইন মশিং হেনগৎহনবা অসিনা চৎথোক-চৎশিন শিংথাবা য়ানা ফগৎহনগনি, মসিনা ভারত রেলৱেনা থবক ফজনা পাংথোকপা হেনগৎহনগনি। ওপরেসনশিং নিংথিনা পাংথোক্নবা অমসুং চিনবা হন্থহন্নবা পান্দমদা ত্রেক মশিং হেনগৎহন্নবা থবক পায়খৎলকপনি। মখোয়গী থবক ফংবা/মশানা মশাবু থবক পীনবা খুদোংচাবশিং হেনগৎহন্দুনা লমদম অমা অপুনবা ওইনা চাউখৎহন্দুনা লমদম অমগী মীয়াম “অত্মনির্ভর” ওইনবা প্রধান মন্ত্রী শ্রী নরেন্দ্র মোদীগী অনৌবা ভারত অমগী পান্দম ফংনবা প্রোজেক অসি পায়খৎপনি।
***
(रिलीज़ आईडी: 2289135)
आगंतुक पटल : 11
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam