প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা পাংথোকখিবা কেবিনেত কমিতী ওন ইকোনোমিক এফিয়র্সনা ঙসি আত্মনির্ভর ভারতকীদমক নেস্নেল ইনভেস্তমেন্ত পোলিসী ফোর য়ুরিয়া-২০২৬ (এন.আই.পি.য়ু.-২০২৬)গী মতাংদা ফর্তিলাইজর্স দিপার্তমেন্তকী প্রপোজলদা অয়াবা পীখ্রে।

কান্নবশিং:

পোলিসী অসিনা লৈবাক অসিদা গ্যাসদা য়ুম্ফম ওইবা য়ুরিয়া মেনুফেকচরিং য়ুনিৎশিং লিংখৎনবা য়ুরিয়া সেক্তরদা অনৌবা ইনভেস্তমেন্তশিং থৌগৎলগনি। মসিনা মশানা-মরোমদোম লেপচবগী পান্দম ফংবদা মতেং পাংগনি। মসিগী মথক্তা, এন.আই.পি.-২০১২গা চাংদম্নবদা মরুওইবা অহোংবশিংগী মনুংদা হেন্না ত্রান্সপরেন্সী লৈহন্নবা ফিক্স অমসুং ভেরিয়েবল কোস্তশিং খায়দোকপা, ইক্বিতি (আর.ও.ই.) বেন্দগী ভায়েবল রিতর্ন অমা ফ্লোর ওইনা ১২% অমসুং সিলিং ওইনা ১৬% হৌদোকপা অমসুং ফিক্স কোস্তশিংবু চৎনরিবা এক্সচেঞ্জ রেৎশিংদা য়ুম্ফম ওইদুনা চহি মরিগী মতুংদা আই.এন.আর.দা ওন্থোক্তুনা ফোরেন এক্সচেঞ্জ রিস্ক হন্থহনবা য়াওরি। হায়রিবা খোঙথাংশিং অসিনা এন.আই.পি.২০১২গা চাংদম্নবদা এন.আই.পি.য়ু.২০২৬গী মখাদা লিংখৎপা প্লান্ত খুদিংগী লুপা করোর ২৫০ হেন্না সেব তৌগনি হায়না পানরি।

ইমপ্লিমেন্তেসন স্ত্রেতেজি অমসুং পান্দমশিং:

অনৌবা য়ুরিয়া মেনুফেকচরিং য়ুনিৎশিং লিংখৎপা অসি আত্মনির্ভর ভারতকীদমক নেস্নেল ইনভেস্তমেন্ত পোলিসী ফোর য়ুরিয়া-২০২৬ (এন.আই.পি.য়ু.-২০২৬)গী মখাদা লৈগনি।

মমাংগী ৱারোল:

য়ুরিয়া সেক্তরদা অনৌবা ইনভেস্তমেন্তশিং লাকহন্নবগীদমক, দিপার্তমেন্ত ওফ ফর্তিলাইজরসনা ২০১২দা রিভেম্প, এক্সপান্সন, রিভাইবেল/ব্রাউনফিল্দ অমসুং গ্রীনফিল্দ প্রোজেক্তশিংগীদমক য়ুরিয়া সেক্তরদা ইনভেস্তমেন্তশিংগী পোলিসী অমা ফাইনেল তৌখি। অনৌবা ইনভেস্তমেন্ত পোলিসী (এন.আই.পি.)  -  ২০১২গী মখাদা অপুনবা অনৌবা য়ুরিয়া য়ুনিৎ ৬ লিংখৎখ্রে। মসিগী মনুংদা পি.এস.য়ু.শিংগী জোইন্ত ভেঞ্চর কম্পেনীশিংগী (জে.ভি.সি.) খুত্থাংদা লিংখৎপা য়ুরিয়া য়ুনিৎ ৪ অমসুং প্রাইভেৎ কম্পেনীশিংনা লিংখৎপা য়ুরিয়া য়ুনিৎ ২ য়াওরি। এন.আই.পি.-২০১২গী মখাদা অনৌবা ইনভেস্তমেন্তকী মতম অসি ওক্তোবর-২০১৯দা লোইশিনখি।

হৌজিক্কী ওইনা, অপুনবা রি-এসেস/ইনস্তোল তৌরবা কেপাসিতী এল.এম.তি. ২৬৯.৪২ লৈবা ওপরেস্নেল য়ুরিয়া মেনুফেকচরিং য়ুনিৎ ৩৩ লৈরি। লমদমসিদা য়ুরিয়াগী পোত্থোক হেনগৎহনবগী তঙাইফদবা লৈ। লৈবাক অসিদা লমদমসিগী য়ুরিয়াগী পোত্থোক পুথোকপা অমসুং মথৌ তাবা দিমান্দগী মরক্তা লৈরিবা অৱাৎপা অসি য়ুরিয়া পুশিল্লকপনা মেনশিল্লি।

য়ুরিয়া য়ুনিৎশিং লিংখৎনবগীদমক্তা ফর্তিলাইজর দিপার্তমেন্ততা তোঙান-তোঙানবা প্রোপোজলশিং ফংখ্রে। মরম অদুনা, য়ুরিয়াগীদমক নেস্নেল ইনভেস্তমেন্ত পোলিসী অমা মথৌ তাই।

***