ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী ৱার্ল্দ ওদিও ভিজুএল এন্দ এন্তর্তেন্মেন্ত সমিৎ (ৱেবস) গী মখাদা ফ্লেগশিপ ইনিসিএতিব অমা ওইরিবা ক্রিএত ইন ইন্দিয়া চেলেঞ্জ (সি.আই.সি.) সিজন ২গী মখাদা ইন্দস্ত্রীনা লুচিংবা চেলেঞ্জশিংগী ৱাখল্লোন শেম্বা, দিজাইন তৌবা অমসুং থবক ওইনা পাংথোক্নবগীদমক মীদিয়া অমসুং এন্তর্তেন্মেন্ত সেক্তরদা থবক তৌরিবা তোঙান তোঙানবা ইন্দস্ত্রী এসোসিএসনশিং, ওর্গনাইজেসনশিং অমসুং ইন্সতিত্যুসনশিংদগী প্রপোজেলশিং কৌরি। সি.আই.সি. সিজন ২গীদমক্তা, প্রোপোজেলশিং সবমিৎ তৌনবা অমসুং চেলেঞ্জশিং অমসুং মখোয়গী মরী লৈনবা এক্সিক্যুতিং এন্তিতীশিং খনগৎনবা, মনুং মপান উনা অমসুং মশাগী হৈজশিংজবদা য়ুম্ফম ওইবা মেকানিজম অমগী খুত্থাংদা য়ুনিফাইদ পোর্তেল অমা শেমখ্রে।

সি.আই.সি. সিজন ২গী পান্দমদি ইন্দস্ত্রীনা লুচিংবা, সরকারনা মতেং পাংলিবা, নহা ওইরিবা মীওইশিংনা ক্রিএতিব তেলেন্ত মশক খঙদোকপা অমসুং শেমগৎপা, স্কিলিং হেনগৎহনবা অমসুং কেপাসিতী বিল্দিং, মেন্তরিং অমসুং ত্রেনিং, ইনোবেসন পুক্নিং থৌগৎপা, অমসুং আর্তিফিসিএল ইন্তেলিজেন্স (এ.আই.), এ.ভি.জি.সি.-এক্স.আর., দিজিতেল মীদিয়া অমসুং অতোপ্পা তেক্নোলোজী-দ্রিভেন ক্রিএতিব সেক্তরশিং য়াওনা মীদিয়া অমসুং এন্তর্তেন্মেন্ত দোমেনশিংদা তেংবাং পীনবগী খুদোংচাবশিং শেমগৎপা, অমসুং ৱেবস ২০২৭ মনুংদা 'ক্রিএতোস্ফিয়রদা' মায় পাকপা মীওইশিং অমসুং মখোয়গী থবকশিং উৎথোকপনি।

মীদিয়া অমসুং এন্তর্তেন্মেন্ত (এম অমসুং ই) সেক্তরগী এন্তিতীশিংবু ওনলাইন পোর্তেল: https://wavesbazaar.com/create-india-challenge/season2/ifp গী খুত্থাংদা মখোয়গী প্রপোজেলশিং অদু অপীবা মতমগী মনুংদা, হায়বদি থেংলবদা ৩১.০৭.২০২৬ ফাওবদা থাজিনগদবনি। চেলেঞ্জ প্রপোজেলশিং অসি এম এন্দ ই ইন্দস্ত্রীগী তোঙান তোঙানবা লমশিং, আর্তিফিসিএল ইন্তেলিজেন্স (এ.আই.), দিজিতেল অমসুং সোসিএল মীদিয়া, এনিমেসন, ভি এফ এক্স, ওনলাইন সোসিএল গেমিং, ই-স্পোর্তস, কোমিক্স, এক্স আর/এ আর/ভি.আর., ফিল্ম, ব্রোদকাস্তিং, ম্যুজিক অমসুং দান্স অমসুং এম এন্দ ই সেক্তরগী অতোপ্পা অনৌবা লমশিং য়াওনা ওইগনি। হৌজিক এপ্লাই তৌনবগীদমক QR কোদ স্কেন তৌবীয়ু।

সিজন ২গীদমক্তা, ইন্দস্ত্রীনা লুচিংবা চেলেঞ্জ ৫০ হেন্না, আর্তিফিসিএল ইন্তেলিজেন্স (এ.আই.), দিজিতেল অমসুং সোসিএল মীদিয়া অমসুং এ.ভি.জি.সি.-এক্স.আর. সেক্তরগুম্বা অনৌবা লমশিংদা অখন্নবা মীৎয়েং থমদুনা, ক্রিয়ত ইন ইন্দিয়া চেলেঞ্জ (সি.আই.সি.) খনগৎলবা চেলেঞ্জশিং মায় পাক্না থবক ওইনা পাংথোকপদা মতেং পাংনবা, মন্ত্রালয়না ৱান তাইম গ্রান্ত (ও.তি.জি.) ওইনা চেলেঞ্জ খুদিংগী লুপা করোর ১ ফাওবা পীবা য়াই। মসি প্রপোজেলশিংদা মীৎয়েং থম্বা, পুথোক্লিবা থবক অদুদা য়ুম্ফম ওইবা, স্কিল হেনগৎহন্নবা থৌরাংশিং, গ্রাসরুত আউতরিচ অমসুং তোঙান তোঙানবা তেক্নিকেল অমসুং ফাইনান্সিএল ইভাল্যুএসন ক্রাইতেরিয়া অমসুং আই.এফ.পি. দোকুমেন্তশিংদা য়ুম্ফম ওইগনি।

ক্রীএত ইন ইন্দিয়া চেলেঞ্জ (সি.আই.সি.)

'ক্রিয়েত ইন ইন্দিয়া চেলেঞ্জ' (সি.আই.সি.) অসি ৱার্ল্দ ওদিও ভিজুএল এন্দ এন্তর্তেন্মেন্ত সমিৎ (ৱেবস) গী মখাদা মিদিয়া অমসুং এন্তর্তেন্মেন্ত সেক্তরগী ক্রিয়েতরশিং মশক খঙদোকপা, মগুন হেনগৎহনবা, হৈশিংবা হেনগৎহনবা অমসুং শক্তাক্নবা পান্দম থম্লিবা মরুওইবা খোঙথাং অমনি। সি.আই.সি. সিজন ১দা ইন্দস্ত্রীনা লুচিংবা চেলেঞ্জ ৩৩ মাই পাক্না পায়খৎখ্রবা মতুংদা, সি.আই.সি. সিজন ২দা নহারোল-ওরিএন্তেদ চেলেঞ্জশিং, ইন্দস্ত্রী পার্তনরশিপ, গ্রাসরুৎ আউতরিচ, স্ত্রকচর তৌরবা মেন্তোরিং অমসুং অপস্কিলিং, অমসুং ভারতকী ক্রিএতিব ইকোসিস্তেমবু হেন্না মপাঙ্গল কনখৎহন্নবা অমসুং ইকাই খুম্নরবা প্রধান মন্ত্রীগী "ক্রিয়েত ইন ইন্দিয়া, ক্রিয়েত ফোর ৱার্ল্দ"গী মঙলান অদু মাংলোমদা পুখৎহন্নবা রিজল্ত-দ্রিভেন ওইবা চেলেঞ্জশিংদা মীৎয়েং থম্লি।

 ***