ওস্ত্রেলিয়া অমসুং ভারত অসি ফ্রী, ওপন অমসুং প্রোস্পেরস ওইবা ইন্দো-পেসিফিক লমদম অমগীদমক মান্নবা মিৎয়েংগা লোয়ননা চৎমিন্নরিবা কম্প্রিহেন্সিব স্ত্রেতেজিক পার্তনর অমনি।

ওস্ত্রেলিয়া অমসুং ভারতনা মিদল ইস্তকী ওইরিবা ফিভম অমসুং ইনর্জী, রিসোর্সশিং অমসুং অতোপ্পা মরুওইবা পোৎলমশিংগী সপ্লাই চেন অমসুং মমলদা মতম শাংনা অকাইবা পীবনা লমদম অসিদা পীরক্লিবা খুদোংচাদবা মহৈশিং অসিদা কন্না নুংনাংবা ফোংদোকমিন্নরি। অসিগুম্বা অৱাবা কয়া অসিগী মরক্তা, ঐখোয়না ঐখোয়গী চাউখৎনবা অমসুং শেন্মিৎলোন ঙাক্না থম্নবা ওপন মার্কেৎশিং অমসুং কাংলোন নাইবা ললোন-ইতিক্কীদমক শরুক য়ামিন্নবগী ফিরেপ অদু অমুক হন্না ফোংদোক্লি।

ওস্ত্রেলিয়া অমসুং ভারতনা থাজবা য়াবা ইনর্জী ফ্লোশিং মতম শাংনা কাইহন্দনা থম্নবা থাজবা থম্লবা প্রাইবেৎ সেক্তরগী পার্তনরশিপ অমসুং স্ত্রেতেজিক ইনভেস্তমেন্তশিংনা লৌরিবা মরুওইবা থৌদাং অসিসু খঙমিন্নখি। মসিগা তুননা চৎমিন্নরদুনা প্রাইবেৎ সেক্তরগী থৌদাং হেনগৎহনবদা মতেং পাংনবা, লৈবাক অনিমক্না ইকোনোমিক কোওপরেসন অমসুং ত্রেদ এগ্রীমেন্ত (ই.সি.তি.এ.), কমপ্রিহেন্সিব ইকোনোমিক কোওপরেসন এগ্রীমেন্ত (সি.ই.সি.এ.), অমসুং অতোপ্পা মরী লৈনবা বাইলেতরেল ফ্রেমৱার্কশিংগী খুত্থাংদা নাকল অনিগী ওইবা ইনর্জী ত্রেদ অমসুং ইনভেস্তমেন্ত কোওপরেসন হেনগৎহন্নবা হোৎনরি। ওস্ত্রেলিয়া অমসুং ভারতনা ইনর্জী সেক্তরদা কেপাসিতী বিল্দিং অমসুং নোলেজ একচেঞ্জগী মরুওইবা অদু অমুক হন্না ফোংদোক্লি।

ভারত্তা লিক্বিদিফাইদ নেচরেল গ্যাসকী মরুওইবা সপ্লাইয়র অমা ওইনা ওস্ত্রেলিয়াগী থৌদাং অমসুং ওস্ত্রেলিয়াদা লিক্বিদ ফ্যুল অমসুং অতোপ্পা দাউনস্ত্রিম প্রদক্তশিংগী মরুওইবা সপ্লাইয়র অমা ওইনা লৌরিবা ভারতকী থৌদাং শকখঙলদুনা, ওস্ত্রেলিয়া অমসুং ভারতনা ঐখোয়গী লৈবাক অনিগী মরক্তা ইনর্জী প্রদক্তশিং লেপ্তনা থাদোক্নবা অমসুং ইনর্জীগী ললোন-ইতিক মখা তানা হেঙ্গৎহন্নবা অচেৎপা ৱাফম থম্লি। ওস্ত্রেলিয়া অমসুং ভারতনা ইনর্জী ভেল্যু চেন পুম্নমক্তা ইনভেস্তমেন্তগী খুদোংচাবশিং পুক্নিং থৌগৎপগী মরুওইবা অদু অমুক হন্না ফোংদোক্নখি।

ওস্ত্রেলিয়া অমসুং ভারতনা ওস্ত্রেলিয়া-ইন্দিয়া ন্যুক্লিয়র কোওপরেসন এগ্রীমেন্ত (২০১৫) গী মখাদা অখন্নবা শান্তিগী ওইবা পান্দমদা অমসুং ইন্তর্নেস্নেল এতোমিক ইনর্জী এজেন্সী (আই.এ.ই.এ.) গী সেফগার্দকী মখাদা ভারত্তা ওস্ত্রেলিয়াগী য়ুরানিয়ম পুথোকপা য়াহন্নবা দরকার ওইবা এদমিনিস্ত্রেতিব এরেঞ্জমেন্তশিং শিনখ্রে।

ওস্ত্রেলিয়া অমসুং ভারতনা রিজনেল কোওপরেসন হেন্না চেৎশিলহন্দুনা, ইনর্জী ত্রাঞ্জিসনগী খোঙজেল য়াংশিনহন্দুনা, রিন্যুএবল ইনর্জী রিসোর্সশিং শিজিন্নবা হেনগৎহন্দুনা অমসুং ইনর্জী অমসুং লিক্বিদ ফ্যুলশিংগীদমক ওপন ত্রেদ এরেঞ্জমেন্তশিং ঙাক্না চৎতুনা ইনর্জী সপ্লাই চেনগী রেজিলিএন্স মপাঙ্গল কনখৎহন্নবা পুন্না থবক তৌমিন্ননবা অচেৎপা ৱাফম থম্লি। লৈবাক অনিমক্না মরী লৈনবা ইনর্জী সিস্তেমশিংদা ইলেক্ত্রিফিকেসন হেঙ্গৎহনবনা তুংগী ইনর্জী সেক্যুরিতীগী মমল য়াম্লবা সোর্স অমা ওইরগনি হায়না খঙনরি।

ওস্ত্রেলিয়া অমসুং ভারতনা লমদম অসিদা রেজিলিএন্ত ওইবা ত্রেদ অমসুং ইনর্জীগী মার্কেৎশিং শেমগৎনবা ঐখোয়গী অপুনবা ৱাশক অদু খঙই। লৈবাক অনিমক্না পেসিফিক ইথৎ লৈবাকশিংদা ইনর্জী রিসোর্স সেক্যুরিতীগী অখন্নবা খুদোংচাদবশিং অমসুং মখোয়গী রেজিলিএন্স অমসুং শেন্মিৎলোনগী চাউখৎ-থৌরাংগীদমক ইনর্জী রিসোর্স সপ্লাইগী মরুওইবা অদু খঙই।

অসিগুম্বা ফীভম অসিগা মরী লৈননা, ওস্ত্রেলিয়া অমসুং ভারতনা ইনর্জী সেক্যুরিতী মপাঙ্গল কনখৎহন্নবা পুন্না থবক তৌমিন্ননবা ঐখোয়গী অচেৎপা ফিরেপ অদু অমুক হন্না ফোংদোক্লি। মসিগী মনুংদা কোইলা, দিজল, অতোপ্পা লিক্বিদ ফ্যুলশিং অমসুং নেচরেল গ্যাসকুম্বা ইনর্জী প্রদক্তশিং লেপ্পা লৈতনা, অশোই অঙাম য়াওদনা অমসুং থাজবা য়াবা মওংদা সপ্লাই তৌবগী ৱাফমসু য়াওরি। মসিগী মথক্তা, লৈবাক অনিমক্না ইনর্জী ত্রাঞ্জিসন খোংজেল য়াংখৎহন্নবা অমসুং কার্বন হন্থবা ফ্যুলশিংদা তেংবাং পীনবা হেনগৎহন্নবা মখোয়গী ফিরেপ অমুক হন্না ফোংদোক্নখি। মসিগী মতাংদা ওস্ত্রেলিয়ানা গ্লোবেল বাইওফ্যুএলস এলাইন্স (জি.বি.এ.) গী ভারতকী খোংথাং মশক খঙখি।

ঐখোয়গী মীয়ামগী সেক্যুরিতী অমসুং য়াইফ-থৌরাংগী কান্ননবগীদমক মালেমগী ইনর্জী রিসোর্স সপ্লাই চেন অসি হাংদোক্তুনা থম্নবা ওস্ত্রেলিয়া অমসুং ভারতনা রিজনেল পার্তনরশিংদা শরুক য়াবীনবা হায়জরি।

 ***