ইয়োর এক্সেলেন্সী, প্রধান মন্ত্রী এলবানিসী,

লৈবাক অনিমক্কি মীহুৎশিং,

মীদিয়াদগী ইচিল-ইনাওশিং,

খুরুমজরি !

ঐহাকি মরুপ ঐহাক অমসুং ঐহাক্কি মীহুৎ কাঙবুবু অঙকপা মওংদা মেলবোরন্দা তরাম্না ওকপিখিবা অমসুং নিংথিনা থৌগল তৌবিখিবগীদমক ঐহাক্না প্রধান মন্ত্রী অলবানিজবু থম্মো শেঙনা থাগৎপা ফোঙদোকচরি ।

মহাক্না লন্নাই ওইবা হোৎনজবা অমসুং ৱাশক অদুনা ভারত-ওস্ত্রেলিয়াগী মরি অসি অনৌবা অৱাংবা পন্দোল অমসুং পাক-চাওবা মওং অমদা পুখৎলে। মহাক্কী মমল য়াম্লবা কন্ত্রিব্যুসনগীদমক ঐহাক্না মহাক্কী মফমদা নুংঙাইবা ফোঙদোকচরি।

মরুপশিং,

ভারত অমসুং ওস্ত্রেলিয়া

অসি থৱাই য়াওবা গনতন্ত্র অনিনি,

মল্তি-কলচরেল সোসাইতি অনি,

অমসুং মরুওইবা শমুদ্রগী শক্তি অনিনি।

ঐখোয়গী মান্নবশিং অসিনা, অমসুং ঐখোয়গী কমন ৱার্ল্দ ভিয়ু অসিনা ঐখোয়দা অচেৎপা অমগা অমগা থাজবগা লোয়ননা মখা তানা মাংলোমদা চঙশিন্নবা ইথিল পিরি। ঐখোয়গী কম্প্রেহেন্সিব স্ত্রেতেজিক পার্ত্নরশিপ অসিনা হৌখিবা চহি খরসিদা মমাঙদা অমুক্তা ওইখিদ্রিবা মওংদা অহোঙবা পুরক্লে। অদুগা ঙসি অহুমসুবা এন্যুএল শমীৎ অসিনা ঐখোয়গী তেংবাং পিনবদা অনৌবা দাইমেন্সন কয়া অমা হাপচিল্লে।

২০২২দা খুৎয়েক পিনখিবা ইকোনোমিক কোওপরেসন অমসুং ত্রেদা এগ্রীমেন্তনা ঐখোয়গী ত্রেদা অমসুং ইনভেস্তমেন্তকি স্কোপ অসি লেপ্তনা পাকথোক চাওথোকহল্লে। হৌজিক ঐখোয়না কম্প্রেহেন্সিব ইকোনোমিক কোওপরেসন এগ্রীমেন্ত (শি.আই.শি.এ.)দা থবক য়াংনা পায়খৎনবা ৱারেপ লৌরে, মসিনা লৈবাক অনিমক্কি ওইনা বেলেন্স ওইবা, এম্বিসিয়স ওইবা অমসুং ৱান-ৱিন ওইগনি। বাইলেতরেল ইনভেস্তমেন্ত ত্রীতিগী মতাংদসু ঐখোয়না খোঙজেল য়াংনা মাংলোমদা চঙশিনগনি ।

ঐখোয়গী রিন্যুএবল ইনর্জি পার্ত্নরশিপ অসিনা ক্লিন ইনর্জি অমসুং ক্লাইমেৎ এক্সনদা ঐখোয়না হোৎনরিবশিংদা অকক্নবা মওং অমা পিরি। মসিগী মখাদা ঐখোয়না ইনভেস্তমেন্ত, তেক্নোলোজি ত্রান্সফর, অমসুং ইন্দস্ত্রি-তু-ইন্দস্ত্রি কোলাবোরেসন্দা অখন্নবা মীৎয়েং চংলি।

পি.এ.ম সুর্য় ঘর য়োজনাদা শৌগৎনবা ঐখোয়না পুন্না গুজরাত্তা রুফতোপ সোলর ত্রেনিং একাদেমী অমা লিংখৎলে। মসিগী একাদেমী অসিনা নুপী অমসুং নহা কয়াগী কেপাসিতি বিল্দিংদা মতেং পাংগনি।

ঙসি ঐখোয়না ন্যুক্লিয়র ইনর্জিগী লমদা মরুওইবা য়ানচে অমা খুৎয়েক পিনরে। মসিনা ওস্ত্রেলিয়াদগী ভারত্তা য়ুরেনিয়ম সপ্লাই তৌবগী লম্বি য়াৎলগনি অমসুং ঐখোয়গী ক্লিন ইনর্জিগী পান্দমশিংদা অনৌবা ইনোৎ অমা পিরগনি।

মরুওইবা মীনরেলশিংদা ঐখোয়গী তেংবাং পিনবা অসি ঐখোয়গী স্ত্রেতেজিক সেক্যুরিতি অমসুং ক্লিন ইনর্জি ত্রাঞ্জিসনগীদমক য়াম্না মরু ওই। মসিগী ৱাখল্লোন অসিগা লোয়ননা ঙসি ঐখোয়না সাইবর, ক্রিতিকেল তেক্নোলোজিশিং, অমসুং সপ্লাই চেনশিং (এ.আই.-পেক্তাশ)গী মতাংদা ওস্ত্রেলিয়া-ইন্দিয়া পার্ত্নরশিপ হৌদোকখ্রে। ঐখোয়না ক্রিকেল মীনরেল কোরিদোরদসু পুন্না থবক তৌমীন্নগনি।

মরুপশিং,

ইন্দো-পেসিফিক অসি শমুদ্র অনিগী মরক্তা লৈবা মফম অদু খক্তা নত্তে। মসিনা ভারত অমসুং ওস্ত্রেলিয়াগুম্বা ৱাখল মান্নবা গনতন্ত্রশিংগী সেয়র তৌরবা এসপিরেসনশিংগী মমী অমসু ওইরি।

ঙসি ঐখোয়না দিফেন্স অমসুং সেক্যুরিতিদা তেংবাং পিনবা হেঙ্গৎহন্নবা মরুওইবা জোইন্ত দিক্লেরেসন অমা পুথোকখ্রে। ইন্দিয়া-ওস্ত্রেলিয়া দিফেন্স ইনোবেসন কোরিদোরগী খুত্থাদা দিফেন্স শ্তারতঅপশিং অমসুং ইন্দস্ত্রিশিংগা শম্নহন্নবা ঐখোয়না থবক তৌগনি।

ঐখোয়গী মেরিতাইম সেক্যুরিতি কোলাবোরেসন রোদমেপ অসিনা ইন্দো-পেসিফিক্তা ঐখোয়না পুন্না হোৎনমীন্নরিবা অসিদাা অনৌবা ইনোৎ অমা পিরগনি। ঐখোয়না জহাজ শাবা, জহাজ শেমজিনবা, অমসুং সেন্নবগী থবকশিংদসু পুন্না মাংলোমদা চঙশিনগনি।

মরুপশিং,

ঙসি ঐখোয়না রিজনেল অমসুং ইন্তর্নেস্নেল ইসু কয়া অমসু অকুপ্পা মরোলদা খন্নখি।

ভারত অমসুং ওস্ত্রেলিয়ানা তেরোরিজম অসি লৈবাক অমদা খক্তদা নত্তনা মীওইবা জাতি পুম্নমক্তা অচৌবা শিংনবা অমা ওইরি হায়বা খঙই। মরম অদুনা তেরোরিজমগী মায়োক্তা ঐখোয়গী লানফম অসি শরুক য়ামিন্নরি, ঐখোয়গী ৱারেপ অসি লেপ্পা লৈতনা হোৎনরি, অমসুং ঐখোয়গী তেংবাং পিনবা অসি লেপ্তনা মপাঙ্গল কনখৎলক্লি।

ঐখোয়না মসিমসু থাজৈ মদুদি ৱারি শানবা অমসুং দিপ্লোমেসি অসি মালেমগী মফম কয়াদা হৌজিক চত্থরিবা টেনসন অমসুং ৱারশিং লোয়শিন্নবা অমত্তা ঙাইরবা পাম্বৈনি। ঐখোয় পুন্না ইন্দো-পেসিফিক লমদম পুম্বদা শান্তি, তংদু লৈতাবা, নেভিগেসনগী নীংতম্বা, অমসুং রুলশিংদা য়ুম্ফম ওইবা ওর্দর অসি অমুক্কা হেন্না মপাঙ্গল কনখৎহনগনি।

মরুপশিং,

ঐখোয়গী মরি অসিগী খ্বাইদগী তোপ তোপ্পা পাঙ্গলদি ঐখোয়গী মীচম মীয়ামগী মরি অসিনি। ভারত মচাশিংনা ওস্ত্রেলিয়াগী ইকোনোমিক অমসুং সোসিয়েল লাইফতা অফবা কন্ত্রিব্যুসনশিং পিরি।

ওস্ত্রেলিয়া অসি ভারতকি মহৈরোয়শিংগী য়াম্না পাম্নবা মফম অমা ওইদুনা লাক্লি। ভারত্তা ওস্ত্রেলিয়াগী য়ুনিভর্সিতি কেম্পসশিং হাংদোকপনা ঐখোয়গী নোলেজ পার্ত্নরশিপতা অনৌবা চেপ্তর অমা হাপচিল্লে। ঐখোয়গী লৈবাক অনিগী মরক্তা মহৈরোয়শিং, প্রোফেস্নেলশিং, অমসুং লমকোয়বশিংগী মরক্তা এক্সচেঞ্জ তৌবা হেনগৎহন্নবা ঐখোয়না মখা তানা হোৎনগনি।

মরুপশিং,

ঙসি ঐখোয়না মালেমগী স্পোর্তিং কেপিতেল অসি মেলবোরন্দনিং অদুনা শান্ন-খোৎনবগী মতাংদা ৱারি শাবা ঙমদবা অসি ক্রিকেত্তা তোশ তৌরবা  মতুংদা ক্রিকেৎকি মেচ হৌদবগুম ওইরনি!

ক্রিকেৎ অসি ভারত-ওস্ত্রেলিয়াগী মরিগী দিপ্লোমেতিক লোলনি। মরম অসিনা ঐখোয়গী মীফমশিং অসিসু ক্রিকেৎকুম্বনি:

এজেন্দা-ৱান দেগুম্বদা ফোকস তৌরবা,

ৱারেপশিং-তি-২০গী মেচকুম্না য়াংই,

অমসুং পার্ত্নরশিপ অসি তেস্ত মেচ অমগুম শাংলবা অমসুং য়াম্না লুবা অমনি।

লাক্কদৌরিবা চহিশিংদা লৈবাক অনিমক্না ওলেম্পিক্স অমসুং কমনৱেল্থ গেমসকুম্বা অচৌবা শান্ন-খোৎনবগী থৌরমশিং পাঙথোক্কনি। মসিনা ঐখোয়গী শান্ন-খোৎনবগী মতেং পিনবা হেনগৎহনবতা নত্তনা শান্ন-খোৎনবগী ইনফ্রাস্ত্রকচরদা শেল থাদবগী খুদোংচাবা কয়া অমা হাংদোক্লগনি।

মরুপশিং,

ঙসি ঐখোয়গী খন্ন-নৈনবাগী ৱাফম অসি ময়েক সেংলে: ভারত অমসুং ওস্ত্রেলিয়াগী মরক্তা লৈরিবা পার্ত্নরশিপ অসি হৌজিক্কী ওইনা পার্ত্নরশিপ খক্তা নত্তনা তুংগীদমক্তসু পার্ত্নরশিপ অমনি। ঐখোয়গী সেয়র তৌরবা মীৎয়েংদা ঐখোয় পুন্না মাংলোমদা চঙশিনগনি।

প্রধান মন্ত্রী এলবানিসী,

অদোমগী মরুপ-মপাং ওইবগী মরি, অদোমগী কমীৎমেন্ত অমসুং ঙসিগী মহৈ য়াল্লবা খন্ন-নৈনবাগীদমক ঐহাক্না অমুক হন্না থাগৎপা ফোঙদোকচরি।

ঐহাক অমসুং ভারত মচা করোর ১৪0 না অদোম্বু অথুবা মতমদা ভারত্তা অমুক হন্না তরাম্না ওকচবদা নুংঙাইজগনি ।

অদোম্বু য়াম্না থাগৎচরি।

***