প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদীনা কতারগী অমিরগা তেলিফোন্দা ৱারী শানখ্রে
কতারগী অমিরনা কতারদা থোকখিবা এক্সিদেন্ত অমদা ভারতকী নাগরিক কয়া লৈখিদবদা অৱাবা ফোংদোকখ্রে
অশোকপশিংদা অথুবা মতমদা মেদিকেলগী মতেং পাংবগীদমক প্রধান মন্ত্রীনা মহাকপু থাগৎপা ফোংদোকখি অমসুং তৌবিমল খঙবা উৎখি
লুচিংবা অনিনা মখোয়গী নাগরিকশিংগী য়াইফ-থৌরাং অমসুং অসোই-অঙাম বাওহন্দনবা মখোয়গী ফিরেপ অমুক হন্না ফোংদোকখ্রে
নোংচুপ এসিয়াগী শান্তিগী খোঙথাংশিংদা কতারনা লৌরিবা পোজিতিব ওইবা থৌদাং অদুগীদমক প্রধান মন্ত্রীনা থাগৎপা ফোংদোকখ্রে
লুচিংবা অনিনা নাকল অনিগী ওইবা মতেং পীনবা হেঙ্গৎহন্নবা মখোয়গী ফিরেপ অমুক হন্না ফোংদোকখ্রে
प्रविष्टि तिथि:
23 JUN 2026 10:34PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি কতার স্তেতকী অমির হিস এক্সেলেন্সী শেখ তামিম বিন হামাদ অল-থানিগা তেলিফোনদা ৱারী শানখ্রে।
কতারগী অমিরনা জুন ২১দা কতারগী রাস লফান ইন্দস্ত্রীয়েল সিতীদা থোকখিবা এক্সিদেন্ত অমদা ভারতকী নাগরিক কয়া লৈখিদবদা অৱাবা ফোংদোকখি অমসুং অশোকপশিংবু অথুবা মতমদা ফগৎলক্নবা য়াইফ-পাউজেল পীখি।
প্রধান মন্ত্রীনা শোকহল্লবা ইমুং-মনুংগী মীওইশিংগীদমক অৱাবা ফোংদোকপগীদমক মহাকপু থাগৎপা ফোংদোকখি অমসুং অশোকপশিংদা অথুবা মতমদা মেদিকেলগী মতেং পাংবগীদমক থাগৎপা ফোংদোকখি।
লুচিংবা অনিনা মখোয়গী নাগরিকশিংগী য়াইফনবা অমসুং অসোই-অঙাম য়াওহনদনবা মখোয়গী অচেৎপা ফিরেপ অদু অমুক হন্না ফোংদোকখি অমসুং অমনা অমবু মতেং পাংনবা অমসুং অমত্তা ওইনা লৈমিন্নবগী ৱাফম অমুক হন্না ফোংদোকখি।
নোংচুপ এসিয়াদা ওইরিবা ফীভমগী মতাংদা খন্ন-নৈনরকপদা, কতারনা শান্তিগী খোঙথাংশিংদা লৌরিবা পোজিতিব ওইবা থৌদাং অদুগীদমক পি.এম.না থাগৎপা ফোংদোকখি অমসুং মখোয়না লমদম অসিদা তুং-কোইনা চৎথগদবা শান্তি অমসুং তংদু লৈতাবা পুরক্কনি হায়না থাজবা ফোংদোকখি।
লুচিংবা অনিনা হিরম খুদিংমক্তা নাকল অনিগী ওইবা মতেং পীনবা হেনগৎহন্নবা মখোয়গী ফিরেপ অদু অমুক হন্না ফোংদোক্নখি।
মখোয়না নক্নবা মরী লৈননবা য়ানখি।
***
(रिलीज़ आईडी: 2277329)
आगंतुक पटल : 5
इस विज्ञप्ति को इन भाषाओं में पढ़ें:
Bengali
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Telugu
,
Kannada
,
Malayalam