الیکٹرانکس اور اطلاعات تکنالوجی کی وزارت
azadi ka amrit mahotsav

آدھار ایپ نے 31 ملین ڈاؤن لوڈ کو عبور کیا ، جو لوگوں  کے لیے بڑھتی  ہوئی افادیت کی عکاسی کرتا ہے


تقریبا 40 لاکھ لوگ نے نئے آدھار ایپ کا استعمال کرتے ہوئے موبائل نمبر کو اپ ڈیٹ کیا

آدھار ایپ کا استعمال کرتے ہوئے تقریبا 8.5 لاکھ لوگوں نے اپنا پتہ اپ ڈیٹ کیا

प्रविष्टि तिथि: 22 JUN 2026 3:29PM by PIB Delhi

محض پانچ  ماہ سے بھی کم عرصہ قبل لانچ کیے  گئے آدھار ایپ کو پورے ہندوستان میں لوگوں میں زبردست مقبولیت حاصل ہو رہی ہے جسے اب تک 31 ملین سے زیادہ لوگوں نے  ڈاؤن لوڈ کیا ہے۔ لوگوں کے ذریعے زیادہ تعداد میں اسے اپنایا جانا ایپ میں بڑھتے ہوئے لوگوں کے اعتماد کی عکاسی کرتا ہے جس سے محض ایک کلک پر خدمات تک ان کی رسائی دستیاب ہے۔

زندگی کو آسان بنانے کے مقصد سےتیار کی گئی نئی آدھار ایپ  لوگوں کو موبائل نمبر اپ ڈیٹ ، اور ایڈریس اپ ڈیٹ سمیت مختلف خدمات سے براہ راست اپنے اسمارٹ فون سے آسانی سے فائدہ اٹھانے کے قابل بنا رہی ہے۔

اب تک تقریبا چار ملین  لوگ نئے آدھار ایپ کا استعمال کرتے ہوئے اپنے موبائل نمبروں کو اپ ڈیٹ کر چکے ہیں ۔   وہیں تقریبا 850,000 لوگوں نے اپنے پتے کو اپ ڈیٹ کرنے کے لیے ایپ کا استعمال کیا ہے ۔

آدھار ایپ کو اس انداز میں تیار کیا گیا ہے کہ  آدھار نمبر ہولڈرز (اے این ایچ) اپنی شناخت  کو محفوظ ، آسان اور رازداری  کے اصولوں  کے مطابق دکھا سکیں ، اشتراک کر سکیں اور تصدیق کر سکیں۔

ایپ میں کئی عوام دوست خصوصیات ہیں جن میں ایک کلک میں بائیو میٹرک لاک/ان لاک ، موجودگی کے ثبوت کے لیے چہرے کی تصدیق ، تصدیق کی تاریخ ، اور فزیکل وزٹنگ کارڈ کے بجائے رابطے کے آسان اشتراک کے لیے کیو آر پر مبنی قابل ترمیم رابطہ کارڈ شامل ہیں ۔  اس سے  ای-آدھار  بھی ڈاؤن لوڈ  کیا جا سکتا ہے اور آدھار  سیوا کیندروں (اے ایس کے) پر جانے کے لیے آن لائن اپائنٹمنٹ بھی  بک کیا جا سکتا ہے

آدھار ایپ عملی  زندگی میں استعمال کی بہت سی سہولیات کی  حمایت کرتا ہے ۔  ان میں آف لائن تصدیق کی تلاش کرنے والے ادارے (او وی ایس ای) کے کیو آر کوڈ اسکیننگ کے ذریعے ہوٹل  چیک ان شامل ہیں ۔ اس کے علاوہ یہ اسپتال میں بھرتی ہونے ، آنے والوں کے انتظام و انصرام ، تقریبات میں داخلے اور گیگ ورکرز اور  خدمات فراہم کرنے والے شراکت داروں کی شناخت  کی تصدیق کی سہولت بھی فراہم کرتا ہے۔

نئی آدھار ایپ اینڈرائیڈ اور ایپل آئی او ایس دونوں پلیٹ فارمز پر دستیاب ہے ۔  لوگ یہاں سے ڈاؤن لوڈ کر سکتے ہیں:

Android: https://play.google.com/store/apps/details?id=in.gov.uidai.pehchaan&hl=en_IN

iOS - https://apps.apple.com/in/app/aadhaar/id6744029871

******

ش ح۔م ش۔ خ م

U-NO.9040


(रिलीज़ आईडी: 2276649) आगंतुक पटल : 31
इस विज्ञप्ति को इन भाषाओं में पढ़ें: Telugu , Assamese , Gujarati , English , हिन्दी , Marathi , Bengali , Bengali-TR , Punjabi , Tamil , Kannada