প্রধান মন্ত্রী শ্রী নরেন্দ্র মোদীনা জুন ২০-২১, ২০২৬ দা ৱেস্ত বেঙ্গোলদা চৎকনি। জুন ২০ দা, নুংথিল পুং ৩:৪৫ রোম তাবদা, প্রধান মন্ত্রীনা হুগলী দিস্ত্রিক্তকী তারাকেশ্বরদা পাঙথোক্কদবা পছ্চিমবঙ্গ দিৱসকী থৌরমদা শরুক য়াগনি। মহাক্না ৱেস্ত বেঙ্গোলদা চাউখৎ থৌরাংগী তোঙান-তোঙানবা প্রোজেক্ত কয়া অমা হৌদোক্কনি, কত্থোক্কনি অমসুং উরেপ উয়ুং তমগনি। থৌরম অদুদা মহাক্না মীয়ামগী মফমদসু মহাক্কী ৱারোল থমগনি।

জুন ২১ দা, অয়ুক পুং ৬:৩০ রোম তাবদা, প্রধান মন্ত্রীনা কোলকতাদা পাঙথোক্কদবা ১২শুবা ইন্তরনেস্নেল য়োগা দেগী থৌরমদা শরুক য়াগনি। থৌরম অদুদা মহাক্না মীয়ামগী মফমদা মহাক্কী ৱারোল ফোঙদোক্কনি।

তুংদা, অয়ুক পুং ৯:১৫ রোম তাবদা, প্রধান মন্ত্রীনা কোলকতাগী শ্যামা প্রসাদ মুখার্জী পোর্ত্তা ভারতকী নেভীগী লমদমসিদা দিজাইন তৌদুনা শাবা নেভেল শিপ অহুম - INS দুনাগিরি, INS সংশোধন অমসুং INS অগ্রহ মীয়ামগী মফমদা কম্মিসন তৌগনি। থৌরম অদুদসু মহাক্না মীয়ামগী মফমদা মহাক্কী ৱারোল ফোঙদোক্কনি।

হুগ্লীদা প্রধান মন্ত্রী

প্রধান মন্ত্রীনা পছ্চিমবঙ্গ দিৱসকী থৌরমদা শরুক য়াগনি। স্তেত-লেবেলগী থৌরম অসি দাঃ শ্যামা প্রসাদ মুখার্জীগা মরী লৈনবা পুৱারী ওইরবা মফম অমনি হায়না খঙনবা হুগলীগী তারাকেশ্বরদা পাঙথোক্কনি।।

চহি অসিগী পছ্চিমবঙ্গ দিৱসকী থিম: “ৱেস্ত বেঙ্গোল: হেরিতেজ, হার্মোনি অমসুং দিবেলপমেন্ত”, অসিনা স্তেত অসিগী নাৎকী ইনাক খুনবা, সোসিয়ল কোহেসন অমসুং দিবেলপমেন্তেল এস্পিরেসনশিংগী মশক তাক্লি।

থৌরম অদুদা, প্রধান মন্ত্রীনা চাউখৎ থৌরাংগী তোঙান-তোঙানবা প্রোজেক্ত কয়া অমা হৌদোক্কনি, কত্থোক্কনি অমসুং উরেপ উয়ুং তমগনি। রেলৱেজ, লৌউ-শিংউ, রুরল দিবেলপমেন্ত, ফিশরীজ অমসুং এনিমেল হজবেন্দরীগী সেক্তরশিং কোনশিল্লিবা থৌশিল অসিনা ইনফ্রাস্ত্রকচর মপাঙ্গল কনখৎহনগনি, হিংনগী লম্বী ফগৎহনগনি, লৌমীগী কান্ননবগী থবক হেনগৎহনগনি অমসুং স্তেত পুম্বদা সোসিও-ইকনমিক চাউখৎ খোঙজেল য়াঙশিনহনগনি।

প্রধান মন্ত্রীনা প্রধানমন্ত্রী কিসান সম্মান নিধি (PM-KISAN) গী ২৩শুবা ইন্সতোলমেন্ত রিলিজ তৌগনি। ইন্সতোলমেন্ত অসিগী মখাদা, লৈবাক পুম্বগী লৌমী করোর ৯.৪৪ হেনবগী বেঙ্ক একাউন্তশিংদা লুপা করোর ১৮,৮৮০ হেনবা হকথেংননা থাজিনগনি।

ৱেস্ত বেঙ্গোল খক্তদা, লুপা করোর ৯০০ হেন্না বেনিফিসরী করোর ৪.৫ হেনবদা ক্রেদিত তৌদুনা স্তেত অসিদা স্কিম অসিগী মখাদা পুন্না রিলিজ তৌখিবা শেনফম লুপা করোর ১৫,০০০ হেল্লগনি। ২০১৯ দা স্কিম অসি হৌদোক্লকপগী মতমদগী লৈবাক পুম্বদা পুন্না রিলিজ তৌখিবা শেনফম লুপা করোর লাখ ৪.৪৬ হেনখ্রে।

প্রধান মন্ত্রীনা ৱেস্ত বেঙ্গোলদা মরু ওইবা সেন্ত্রেল এগ্রিকলচরেল স্কিম কয়া অমা হৌদোক্কনি। স্কিমশিং অসিদা প্রধানমন্ত্রী ফসল বীমা য়োজনা, দিজিতেল এগ্রিকলচর মিসনগী শরুক অমা ওইনা এগ্রি স্তোক, নেসনেল মিসন ওন নেচরেল ফার্মিং অমসুং প্রধানমন্ত্রী ধন-ধান্য কৃষি য়োজনা য়াওরি।

প্রধান মন্ত্রীনা ৱেস্ত বেঙ্গোলদা প্রধানমন্ত্রী ফসল বীমা য়োজনা (PMFBY) হৌদোক্কনি, মসিনা মালেমগী খ্বায়দগী চাউবা ক্রোপ ইনস্যুরেন্স স্কিমগী কান্নবশিং অসি স্তেত অসিগী লৌমীশিংদা ফংহল্লগনি। ২০২৬-২৭ গী মনুংদা, থৌশিল অসিনা ৱেস্ত বেঙ্গোল স্তেতকী লৌফম হেক্তার লাখ ১৪ রোম কোনশিন্দুনা লৌমী লাখ ৫০ রোমদা ইনস্যুরেন্স কভরেজ পীনবা পান্দম থম্লি, লুপা করোর ২৮,১৪০ রোমগী ইনস্যুরেন্স ভেল্যু লৈবা মহৈ মরোংশিং ঙাকথোকপগা লোয়ননা প্রিমিয়ম সবসিদীগী খুত্থাঙদা লৌমীশিংদা মতেং পাংলগনি।

দিজিতেল এগ্রিকলচর মিসনগী শরুক অমা ওইনা, প্রধান মন্ত্রীনা ৱেস্ত বেঙ্গোলদা এগ্রি স্তোক হৌদোক্কনি, মসিনা হার য়েন্থোকপা, কিসান ক্রেদিত কার্দ, দাইরেক্ত বেনিফিৎ ত্রান্সফর অমসুং মিনিমম সপোর্ত প্রাইস সিস্তেমগী মখাদা পোত্থোক লৈশিনবা য়াওনা লৌউ-শিংউগা মরী লৈনবা অয়াবা ফংলবা তেক্নোলোজীগী খুত্থাঙদা য়ুনাইতেদ দিজিতেল প্লেতফোর্ম অমা ফংহল্লগনি। থৌশিল অসিনা লৌউ-শিংউদা দিজিতেল গবর্নেন্স মপাঙ্গল কনখৎহনগনি অমসুং লৌমীশিংগী কান্ননবগী থবকশিং অথুবা মতমদা ফংহল্লগনি।

প্রধান মন্ত্রীনা মখা তানা ৱেস্ত বেঙ্গোলদা হান্নদগী চৎনরকপা ভারতকী থবকশিংদা য়ুমফম ওইবা সস্তেনেবল, কেমিকেল-ফ্রী লৌউ-শিংউ পাকথোক চাউথোকহন্নবা নেসনেল মিসন ওন নেচরেল ফার্মিং হৌদোক্কনি। ২০২৬-২৭ গী অয়াবা ফংলবা এন্যুয়ল একসন প্লানগী মখাদা, স্তেত অসিনা হেক্তর ১৭,৩০০ কোনশিন্দুনা নেচরেল ফার্মিং ক্লস্তর ৩৪৬ লিংখৎলগনি, লোয়ননা ইকো-ফ্রেন্দলী লৌউ-শিংউগী থবকশিং য়োকখৎনবা বাইও-ইনপুত রিসোর্স সেন্তরশিং শেমগৎকনি অমসুং কৃষি সখিশিং শিজিন্নগনি।

ইন্তিগ্রেতেদ এগ্রিকলচরেল দিবেলপমেন্তকী লম্বীদা অচৌবা খোঙথাঙ অমা ওইনা, প্রধান মন্ত্রীনা ৱেস্ত বেঙ্গোলদা প্রধানমন্ত্রী ধন-ধান্য কৃষি য়োজনা (PMDDKY) হৌদোক্কনি। স্কিম অসিনা চাথোক হেনগৎহনবা, মহৈ মরোংগী তোঙান-তোঙানবা মখলশিং অমসুং সস্তেনেবল লৌউ-শিংউ য়োকখৎপা, লৌরোক মতুংগী ইনফ্রাস্ত্রকচর অমসুং ঈথৈ-লৌখোংগী ফীভম ফগৎহনবা, ইন্সতিত্যুস্নেল ক্রেদিত ফংহনবদা মতেং পাংবা, অমসুং রুরল দিবেলপমেন্তগীদমক সেন্ত্রেল অমসুং স্তেতকী স্কিম কয়া অমা পুনশিন্নবা পান্দম থমদুনা পুরুলিয়া, দার্জিলিং, আলিপুরদ্বার অমসুং ঝারগ্রাম দিস্ত্রিক্তশিং কোনশিনগনি।

প্রধান মন্ত্রীনা সাউথ ২৪ পরগনাগী ফ্রেজারগঞ্জতা মোদর্নাইজ তৌবা অমসুং কেপাসিতি হেনগৎহনবা ফিশিং হার্বর অমসুং বীরভুমগী সাইন্থিয়াদা অনৌবা শাগৎপা মোদর্ন ফিশ মার্কেত হৌদোক্কনি। প্রোজেক্তশিং অসিনা ফিশরীজ ইনফ্রাস্ত্রকচর মপাঙ্গল কনখৎহনগনি, লৌরোক মতুংী মেনেজমেন্ত ফগৎহনগনি অমসুং ঙা পুথোক্লিবশিং অমসুং ত্রেদরশিংগীদমক অফবা মার্কেতিংগী খুদোংচাবশিং ফংহল্লগনি।

প্রধান মন্ত্রীনা নাদিয়া দিস্ত্রিক্তকী হারিনঘাত্তা রিজনেল সিমেন প্রদক্সন লেবোরেতরী অমসুং হামেঙগী সিমেন বেঙ্ক হৌদোক্কনি। দিপার্তমেন্ত ওফ এনিমেল হজবেন্দরী অমসুং দেরীগী নেসনেল লাইভস্তোক মিসনগী মখাদা লিংখৎপা ফেসিলিতী অসি ইস্তর্ন ইন্দিয়াগী অহানবা মখল অসিগী ফেসিলিতি অমনি অমসুং সাইন্তিফিক ওইনা লাইভস্তোক ব্রিদীং, জেনেতিক ইমপ্রুভমেন্ত অমসুং পোত্থোক পুথোকপগী চাং হেনগৎহনবদা চাউনা মতেং পাংলগনি।

প্রধান মন্ত্রীনা লুপা করোর ৫৯০ রোমগী মরু ওইবা রেলৱে প্রোজেক্তশিং লৈবাক মীয়ামদা কত্থোক্কনি অমসুং উরেপ উয়ুং তমগনি। প্রধান মন্ত্রীনা হাওডরা দিস্ত্রিক্তকী সংকরেল-সন্ত্রগাছি লিঙ্ক লাইন প্রোজেক্ত লৈবাক মীয়ামদা কত্থোক্কনি। প্রোজেক্ত অসিনা ইস্তর্ন ইন্দিয়াগী খ্বায়দগী চিনবা রেল কোরিদোরশিংগী মনুংদা অমা ওইরিবা কোরিদোর অসিদা মী চিনবগী চাং হন্থহনবদা মরু ওইবা থৌদাং অমা লৌদুনা, ওপরেসনেল ইফিসিয়েন্সি ফগৎহনগনি অমসুং পেসেঞ্জর অমসুং ফ্রেৎ ত্রেন অনিমক্কী লম্বী অয়েৎ-অপন লৈতনা চৎহনগনি।

প্রধান মন্ত্রীনা হাওরাদা ফমুং ৩০০ লৈবা অনৌবা দিভিজনেল রেলৱে হোস্পিতালগী উরেপ উয়ুং তমগনি। মোদর্ন হেল্থকেয়ার ইনফ্রাস্ত্রকচর, এদভান্স দাইগ্নোস্তিক ফেসিলিতি, স্পিসিএলিস্ত মেদিকেল সর্ভিস অমসুং ইমর্জেন্সি কেয়র ফেসিলিতিগী খুত্থাঙদা, হোস্পিতাল অসিনা রেলৱে বেনিফিসরীশিং অমসুং লমদম অদুগী মীয়ামগী হেল্থকেয়র সর্ভিস মপাঙ্গল কনখৎহনগনি।

প্রধান মন্ত্রীনা পুর্বা মেদিনীপুর দিস্ত্রিক্তকী হৌর অমসুং রাধামোহনপুরগী মরক্তা রোদ ওভর ব্রিজকী উরেপ উয়ুং তমগনি। প্রোজেক্ত অসিনা রেল অমসুং লম্বী শীজিন্নবা অনিমক্কীদমক সেফ্তী হেনগৎহনগনি অমসুং ত্রাফিক্কী লম্বী অয়েৎ-অপন লৈতনা চৎহনগনি।

প্রধান মন্ত্রীনা প্রধানমন্ত্রী গ্রাম সরক য়োজনা (PMGSY-III) গী মখাদা শাগৎপা রোদ ইনফ্রাস্ত্রকচর প্রোজেক্ত ৪৯ হৌদোক্কনি। ৱেস্ত বেঙ্গোলগী তোঙান-তোঙানবা দিস্ত্রিক্তশিংদা পুন্না কি.মি. ৩১৫ হেন্না কোনশিন্দুনা, প্রোজেক্তশিং অসিনা রুরল কনেক্তিবিতি ফগৎহনগনি, মার্কেত, এজুকেস্নেল ইন্সতিত্যুসন অমসুং হেল্থকেয়র ফেসিলিতিগী কান্নবা ফংহল্লগনি, অমসুং খল মান্নবা রিজনেল দিবেলপমেন্ততা মতেং পাংগনি।

প্রোজেক্তশিং অসিনা পুন্না ৱেস্ত বেঙ্গোল পুম্বদা ইনফ্রাস্ত্রকচর মপাঙ্গল কনখৎহনবা, লৌমীশিং মপাঙ্গল কনখৎহনবা, হিংনবগী লম্বী ফগৎহনবা অমসুং অনৌবা ইকনমিক খুদোংচাবশিং শেমগৎপদা অচৌবা খোঙথাঙ অমা ওইরি। থৌশিল অসিনা ইনক্লুসিভ গ্রোথ, মোদর্ন ইনফ্রাস্ত্রকচর অমসুং সস্তেনেবল দিবেলপমেন্ত য়োকখৎলদুনা বিক্সিত ৱেস্ত বেঙ্গোল অমসুং বিক্সিত ভারতকী মাঙলান্দা চাউনা মতেং পাংগনি।

কোলকতাদা প্রধান মন্ত্রী

প্রধান মন্ত্রী শ্রী নরেন্দ্র মোদীনা কোলকতাগী রেদ রোদতা ১২শুবা ইন্তর্নেস্নেল দে ওফ য়োগাগী থৌরম লুচিংদুনা শরুক য়াগনি। প্রধান মন্ত্রীনা মীফম অদুদশু ৱা ঙাংগনি অমসুং মীওই লিশিং কয়াগা য়োগা তৌমিন্নবগা লোয়ননা কমন য়োগা প্রোতোকল সেসন্দা শরুক য়াগনি।

ইন্তর্নেস্নেল দে ওফ য়োগা ২০২৬ কী থিম “য়োগা ফোর হেল্থী এজীং” অসিনা ফিজিক্েল হেল্থ, মেন্তেল ৱেল-বীইং, ইমোস্নেল রেজিলিএন্স অমসুং একতিভ এজীং য়োকখৎপদা য়োগাগী থৌদাং মশক তাক্লি, মসিনা পুন্সিগী মতিং ফগৎহনবদা মতেং পাংই। থিম অসিনা মীয়ামগী পুন্সিগী মতিং হেনগৎলকপা অমসুং হেল্দী, একতিভ অমসুং দিগ্নিফাইদ এজীংদা মরু ওইনা মিৎয়েং থম্লিবা মতম অসিদা খ্বায়দগী চাউনা কান্নগনি। ২০১৫ দা য়ুনাইতেদ নেসন্স জেনরেল এসেমব্লী (UNGA) না জুন ২১ অসি IDY ওইনা পাঙথোক্নবা ভারতকী প্রপোজল অয়াবা পীখিবা মতমদগী হৌনা, প্রধান মন্ত্রীনা নই দিল্লি, চান্দিগর, লখ্নৌ, মৈসুরু, ন্যু য়োর্ক (UN হেদক্বাতর্স), স্রীনগর অমসুং বিশাখাপত্নম য়াওনা তোঙান-তোঙানবা মফমশিংদগী থৌরম অসি লুচিংদুনা লাক্লি।

য়োগা দেগী থৌরমশিং অসি মালেম শিনবা থুংনা মফম ২,৫০০ রোমদা পাঙথোক্লি, অমসুং ভারতকী মিসন অমসুং পোস্ত ২১০ হেনবনা শরুক য়াখ্রে, মসিনা হেল্থ, হার্মোনি অমসুং কলেক্তিভ ৱেল-বীইংগীদমক য়োগাগী মালেমগী থাক্কী থৌরম অমা ওইবগী মশক তাক্লি।

প্রধান মন্ত্রীনা ভারত্তা লমদমসিদা দিজাইন তৌদুনা শাবা নেভল জহাজ অহুম - INS দুনাগিরি (এদভান্স স্তীল্থ ফ্রিগেত), INS সংশোধন (সর্ভে ভেসেল - লার্জ) অমসুং INS অগ্রহ (এন্তি-সবমেরিন ৱারফেয়র শেলো ৱাতর ক্রাফ্ত) কম্মিসন তৌগনি।

ইন্দক্সন অসিনা লৈবাক অসিগী ওপরেস্নেল কেপেবিলিতি মপাঙ্গল কনখৎহনগনি, মেরিতাইম দোমেন অৱ্যারনেস ফগৎহনগনি অমসুং জিওপোলিতিক থ্রেতশিংদগী ঐখোয়গী কোস্তেল ৱাতরশিংগী সেক্যুরিতি মপাঙ্গল কনখৎহনগনি।

জহাজ অহুম্মক অসি ইন্দিয়ান নেভীগী ৱারশিপ দিজাইন ব্যুরোনা দিজাইন তৌখিবনি অমসুং গার্দেন রিচ শিপবিল্দর্স অমসুং ইঞ্জিনীয়র্স (GRSE) না কোলকতাদা শাগৎখিবনি, মসিদা এম.এস.এম.ই ২০০ হেনবা য়াওনা ভারতকী ইন্দস্ত্রীনা চাউনা শরুক য়াখি। চাদা ৭৫ হেন্না ইনদিজিনস কন্তেন্তকা লোয়ননা শাখিবা জহাজশিং অসি ভারতকী আত্মনির্ভরতাগী কমিতমেন্তকী খুদম অমসু ওইরি।

***