প্রধানমন্ত্রীগী লোইশঙ
মমিং চৎলবা বুদ্ধিস্ত স্কোলর রোবার্ত এ.এফ. থরমন লৈখিদবদা প্রধান মন্ত্রীনা অৱাবা ফোঙদোকখ্রে
प्रविष्टि तिथि:
18 JUN 2026 5:30AM by PIB Imphal
প্রধান মন্ত্রী শ্রী নরেন্দ্র মোদীনা মিস্তর রোবার্ত এ.এফ. থরমন লৈখিদবদা অৱাবা ফোঙদোকখ্রে।
প্রধান মন্ত্রীনা মিস্তর থরমনবু বুদ্ধিস্তকী মমিং চৎলবা স্কোলর অমা, মশক নাইবা ওজা অমা অমসুং ভারতকী পুন্সি চুপ্পগী মরুপ অমনি হায়না ফোঙদোকখি। শ্রী মোদীনা হায়খি মদুদি মিস্তর থরমন্না মহাক্কী থবকশিংগী খুত্থাঙদা মালেম শিনবা থুংনা বুদ্ধিস্তকী ৱাখল্লোনশিং শন্দোকখি অমসুং চৎন-লোনচৎশিংগী মরক্তা লেঙদনা লৈহৌগদবা খঙমিন্নবগী থোংশিং শেমগৎখি।
চহি খরগী মমাঙদা ন্যু য়োর্ক সিতীদা মিস্তর থরমনগা উনখিবা অদু নিংশিংলদুনা, প্রধান মন্ত্রীনা মখোয় ৱারী-ৱাতায় নীংথিনা শানখি হায়খি।
প্রধান মন্ত্রীনা অৱাবগী পুংফম অসিদা মিস্তর থরমনগী ইমুং-মনুং, মরুপ-মপাং অমসুং মহাকপু পামজবশিংগী মফমদা মহাক্কী ৱাখল্লোনশিং ফোঙদোকখি।
X তা থাগৎপা পোস্ত অমদা, শ্রী মোদীনা হায়খি;
“বুদ্ধিস্তকী মমিং চৎলবা স্কোলর, মশক নাইবা ওজা অমসুং ভারতকী পুন্সি চুপ্পগী মরুপ অমা ওইরম্বা মিস্তর রোবার্ত এ. এফ. থরমন লৈখিদবদা থম্মোয় শোক্না অৱাবা ফোঙদোকচরি। মহাক্কী থবকশিংগী খুত্থাঙদা, মহাক্না মালেম শিনবা থুংনা বুদ্ধিস্তকী ৱাখল্লোনশিং শন্দোকখি অমসুং চৎন-লোনচৎশিংগী মরক্তা লেংদনা লৈহৌগদবা খঙমিন্নবগী থোংশিং শেমগৎখি। চহি খরগী মমাঙদা ন্যু য়োর্ক সিতীদা মহাকগা উনখিবা, মফম অদুদা ঐখোয়না ৱারী-ৱাতায় নীংথিনা অমা শানখিবা অদু ঐনা নুংশিনা নীংশিংলি। অৱাবগী পুংফম অসিদা ঐহাক্কী ৱাখল্লোনশিং মহাক্কী ইমুং-মনুং, মরুপ-মপাং অমসুং মহাকপু পামজবশিংগী মফমদা ফোঙদোকচরি।”
*****
(रिलीज़ आईडी: 2274386)
आगंतुक पटल : 6
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Telugu
,
Kannada
,
Malayalam