Ka bynta kaba 19 jong ka Mumbai International Film Festival (MIFF 2026), ka ba long naduh ka 15 haduh 21 tarik u Jylliew, 2026 ka don ka bynta kaba kyrpang na ka bynta ki phlim kiba wan na ka thain shatei lammihngi kaba riewspah bha ha ka deiriti. Kine ki phlim ki pyni ia ka pateng kaba riewspah, bad ki kam kiba iar kiba iadei bad ka mariang ha ka thain shatei lammihngi. Lyngba ki jingpyni ia ki briew kiba phylla bha, ki dustur kiba iaineh, ki jait bynriew bapher bapher, bad ka jaka kaba dang mad ia ka jingkylla, kine ki phlim ki pyni ia ki sur bapher bapher kiba long ka dak jong ka thain shatei lammihngi jong ka India. Ia kine ki phlim la shna ha ki ktien tynrai kum ka Khasi, Nagamese, Ao, Kokborok, Bhutia, Assamese, Manipuri bad Mizo, bad ki pyni ia ka jingiar jong ka dustur, ka jinglong, ka jingskhem bad ka mariang kaba dang bteng ban ktah ia ka jingim ha kane ka thain.

KA PATENG (Khasi)

La direct da u Sankirang L. Khongwir bad pynmih da u Ponvishal Chidambaranathan na ka bynta ka National Film Development Corporation Ltd., KA PATENG ka dei ka phlim lyngkot kaba 30 minit ha ka ktien Khasi (2023).

Ka phlim ka sdang hadien ka jingkhlad noh jong ka kmie, kaba la wanrah lang biang ia lai ngut ki shipara hapoh kawei ka tnum hadien ba ki la iaid la jong ki lynti da ki snem. U hymen nyngkong u wanphai hadien ba u la sah slem ha sor, uba pdeng u bah ia ki jingkynmaw ia ka jinglong khynnah kaba jynjar, bad ka para khatduh ka don kaei kaei kaba wanrah ia ka jingartatien shaphang ka jinglong kmie jong ka ka ban wan.

LENTINA AO - A LIGHT ON THE EASTERN HORIZON (English, Nagamese, Ao)

Kane ka documentary ha u snem 2023 ka dei kaba direct da u Sanjib Parasar bad ka Nilakshi Medhi bad pynmih da ka National Film Development Corporation Ltd., ha ka ktien Phareng, Nagamese, bad Ao. Ka phlim ka pyni ia ka jingim ba phylla jong ka Lentina Ao, ka nongtrei ha ka imlang sahlang kaba la aiti ialade na ka bynta ka bha ka miat bad ka jingkyntiew ia ki Naga. Ka la sdang ia ka kam jong ka ha u 1955 kum ka nongpynkha khun ha ki jaka ba jynjar ban poi ha ki Naga Hills, bad ka la aiti da ki phew snem ha ka jingai jingshakri ia ki briew. Bunsien ka la sakhi ia ki jingsniew ha ka imlang sahlang, ka jingshah niew bein bad ki jingeh shimet.

MY LAST FACE: FLAT-NOSE (MY LAST FACE: KUNGBARA) (Kokborok, Kaubru)

Kane ka documentary ha u 2024 ka dei kaba direct da u Sujit Debbarma bad u Pranab Jyoti Deka bad pynmih da u Pranab Jyoti Deka, Dilip Debbarma, bad Sujit Debbarma, ha ki ktien Kokborok bad Kaubru. Kane ka dei ka phlim kaba shna ha Tripura, bad ka pyni ia ki dustur jong ki jait bynriew Reang lyngba ki riam bad ki jingdeng tynrai. Kine kim dei tang ka riam, ki dei ka dak jong ka jingitynnad, ka jingngeit, ka jinglong bad ka jingiada, ha kaba ki don ki khana, ki jingngeit bad ki jingnang jingstad tynrai kiba la hiar pateng. Da kaba pyni ia kine ki dustur kiba iaineh, kane ka phlim ka ai lad ia ngi ban iohi ia ki dustur jong kane ka jaitbynriew bad ka bynta ba kine ki mar ki don ha ka jingpynneh ia ka pateng.

SHANGRILA - THE HIDDEN PARADISE [Sikkimese (Bhutia)]

Kane ka documentary ha u 2025 ka dei kaba direct da u Samten Bhutia bad pynmih da ka National Film Development Corporation Ltd., ka dei ka phlim kaba 90 minit ha ka ktien Sikkimese (Bhutia). La shna ia ka ha Sikkim, kaba ioh jingiada na u Lum Kanchenjunga, bad kane ka phlim kam sahkut ha tang ka jingitynnad ka jaka bad ka jingkhring ia ki nongjngoh kai pyrthei hynrei ka peit ruh ia ka histori, ka jinglong bad ka jaka. Ka jingpeit kham bniah ia ka jinghiar pateng ha kane ka jylla ka ailad ban iohi ia ka jaka kaba kiba dang bun kim pat iohi bha.

TEENS OF 1942 (BIYALLISAR LARALI)(Assamese)

Kane ka documentary ba la shna ha u 2023- “Teens of 1942” ka dei kaba direct da u Samiran Deka bad pynmih da u Samiran Deka bad Bhaskar Jyoti Das. La shna ia ka kum ka jingburom ia ki 75 snem ka jingioh jinglaitluid ka India bad kane ka phlim ka pyni ia ka jingieid ri jong ki samla Bholanath Nagaria bad Radha Bora kiba iakhun na ka bynta ka jinglaitluid jong ka ri. Lyngba ka jingpyni ia ki jingkynmaw jong ki, kane ka documentary ka ai burom ia kine ki riewkhraw ki bym pat da paw pyrthei, bad ka pynneh ia ki khana jong ki bad ai mynsiem ia ki pateng ban wan lyngba ka jingshlur, ka jingaiti bad ka jingkut jingmut jong ki na ka bynta ka jingiakhun jong ka ri ban ioh jinglaitluid.

THE HEALING PRIEST (PUITHIAM) (Mizo)

Kane ka phlim lyngkot kaba la shna ha u snem 2026 ha ka ktien Mizo, ka dei kaba la direct da u Napoleon RZ Thanga, bad ka dei ka phlim lyngkot kaba 9 minit kaba peit ia ki dustur, jingngeit bad ki jingkhuslai ha kine ki por mynta. Da kaba pyni ia ka jingai jingsumar tynrai Daibawl, ha kaba u Puithiam (u nongai jingsumar) u la pynlong ia ki jingleh niam bad wah ia u Lenglep ban tehlakam ia ki ksuid ki khrei kiba wanrah ia ki jingpang, kane ka phlim ka peit ia ki por mynshuwa bad ki por mynta. Ka pyni ia u samla uba la duh jingkyrmen uba wad ia ka lad ban ai jingsumar ia u kpa jong u uba shitom, ha kaba ngi iohi ia ka jingiathut hapdeng ki rukom ai jingsumar tynrai bad ki jingkwah mynta ia ka koit ka khiah bad ka bha ka miat. Lyngba kane ka phlim, ngi iohi ia ki dustur Mizo bad ki jingngeit kiba iaineh kiba iadei bad ka jingpang bad ka jingai jingsumar.

MANIPUR BROW ANTLERED DEER (SANGAI) (Manipuri and English)

Kane ka documentary kaba la shna ha u 2025, ka dei kaba la direct da ka Akanksha Sood Singh bad pynmih da ka Roshni Nadar Malhotra bad Rushikesh Atmaram Chavan, bad ka dei ka phlim kaba 30 minit ha ka ktien Manipuri bad English. Ka dei shaphang ka khana jong ki skei Sangai, ki skei kiba la jan duh jait kiba long ruh ka dak jong ka jylla Manipur. La shna ia kane ka phlim ha ka jaka kaba bun ki jingeh hapdeng ki jaitbynriew bad ki kam sain pyrthei, bad kane ka documentary ka pyni ia kane ka jait mrad kaba iaid lyngba ki jaka phlang kiba per ha um bad kaba pyni ia ka jingiakhun ban im. Lyngba ka khana jong ka Sangai, kane ka phlim ka pyni ia ka jingiadei hapdeng ki mrad khlaw, ka jingiada ia ki jaka ba ki sah, bad ki jinglong jingman ha ka imlang sahlang bad ki kam sain pyrthei ha kane ka thain.

Shon hangne ban ioh ia ki kyrwoh bad ki dur kiba man ka sngi kiba iadei bad ka MIFF.

* * *