મહિલા અને બાળ વિકાસ મંત્રાલય
પ્રધાનમંત્રી રાષ્ટ્રીય બાળ પુરસ્કાર 2026 માટે નામાંકન સબમિટ કરવાની છેલ્લી તારીખ 31 જુલાઈ
5 થી 18 વર્ષની વયના બાળકો પાત્ર
સ્વ-નામાંકન અને તૃતીય-પક્ષ ભલામણો બંને સ્વીકાર્ય
प्रविष्टि तिथि:
09 JUN 2026 3:48PM by PIB Ahmedabad
મહિલા અને બાળ વિકાસ મંત્રાલય પ્રધાનમંત્રી રાષ્ટ્રીય બાળ પુરસ્કાર (PMRBP) 2026 માટે ઓનલાઇન અરજીઓ મંગાવી રહ્યું છે.
આ પુરસ્કાર માટેની અરજીઓ 1 એપ્રિલ 2026ના રોજથી શરૂ થઈ ગઈ છે, અને અરજી કરવાની છેલ્લી તારીખ 31 જુલાઈ 2026 નક્કી કરવામાં આવી છે. તમામ એન્ટ્રીઓ https://awards.gov.in પર સબમિટ કરવાની રહેશે.
5 થી 18 વર્ષની વચ્ચેની વય ધરાવતા (31 જુલાઈ 2026ના રોજની સ્થિતિ મુજબ) બાળકો, જેઓ ભારતીય નાગરિક છે અને હાલમાં ભારતમાં રહે છે, તેઓ આ માટે પાત્ર છે. સ્વ-નામાંકન અને તૃતીય-પક્ષ ભલામણો બંને સ્વીકારવામાં આવે છે. અરજદારોએ પાયાની વ્યક્તિગત વિગતો અને પુરસ્કારની શ્રેણી ભરવાની રહેશે અને ત્યારબાદ તાજેતરનો ફોટોગ્રાફ તેમજ જરૂરી દસ્તાવેજો અપલોડ કરવાના રહેશે. તેમણે સિદ્ધિ અને તેની અસર વિશે એક લખાણ (1000 શબ્દો સુધીનું) પણ સબમિટ કરવાનું રહેશે.
PMRBP પુરસ્કાર છ ક્ષેત્રોમાં અસાધારણ સિદ્ધિઓ બદલ બાળકોને સન્માનિત કરે છે. નામાંકન માટેની શ્રેણીઓ નીચે મુજબ છે:
વીરતા : એવા બાળકો જેમણે અન્યોના જીવ બચાવવા માટે પોતાનો જીવ જોખમમાં મૂક્યો અથવા ઉત્કૃષ્ટ સાહસ દર્શાવ્યું
રમતગમત : રાષ્ટ્રીય અથવા આંતરરાષ્ટ્રીય સ્તરની સ્પર્ધાઓમાં પ્રશંસા/મેડલ મેળવ્યા હોય તેવા બાળકો
સામાજિક સેવા : એવા બાળકો જેમણે સમાજના પાસાઓમાં સુધારો કરવા, પર્યાવરણની જાળવણી કરવા, વંચિતોને મદદ કરવા માટે પહેલ શરૂ કરી હોય અને રાષ્ટ્રીય હેતુઓ માટે અગ્રેસર રહ્યા હોય
વિજ્ઞાન અને ટેકનોલોજી : બાળકો દ્વારા કરવામાં આવેલી નવીનતાઓ, સંશોધન અથવા બનાવવામાં આવેલા પ્રોટોટાઇપ
પર્યાવરણ : ટકાઉ પદ્ધતિઓ, જાગૃતિ અભિયાનો અથવા પર્યાવરણ-અનુકૂળ નવીનતાઓ
કલા અને સંસ્કૃતિ : એવા બાળકો જેમણે અસાધારણ પ્રતિભા પ્રદર્શિત કરી હોય અને સંગીત, નૃત્ય, લેખન, ચિત્રકામ, પર્ફોર્મન્સ અથવા અન્ય કળાઓમાં ઉત્કૃષ્ટ પ્રદર્શન કર્યું હોય.
મહિલા અને બાળ વિકાસ મંત્રાલય આથી શાળાઓ, સંસ્થાઓ, વાલીઓ, માર્ગદર્શકો અને જનતાને આવી પ્રતિભાઓને સક્રિયપણે શોધવા અને તેમને નામાંકિત કરવા માટે આમંત્રિત કરે છે. ચાલો આપણે સુનિશ્ચિત કરીએ કે દરેક લાયક બાળકને પોતાની પ્રતિભા દર્શાવવા માટે એક રાષ્ટ્રીય મંચ મળે.
SM/IJ/GP
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(रिलीज़ आईडी: 2270717)
आगंतुक पटल : 34
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Tamil
,
Telugu
,
Kannada
,
Malayalam