ভারত সরকারগী এজুকেসন মন্ত্রালয়গী হায়র এজুকেসন দিপার্তমেন্তনা, মালেমগী মমিং লৈরবা য়ুনিভর্সিতীশিং, লেবোরেতরীশিং, রিসর্চ ইন্সতিত্যুসনশিং অমসুং ইন্দস্ত্রীশিংদগী মায় পাক্লবা ভারত্তগী হৌখিবা রিসর্চরশিং, সাইন্তিস্তিশিং, তেক্নোলোজিস্তশিং, অমসুং প্রোফেস্নেলশিংবু ভারত শিনবা থুংনা লৈবা  হায়র এজুকেসন ইন্সতিত্যুসনশিং (ঐচ.ই.আই.শিং), নেস্নেল লেবোরেতোরীশিং অমসুং রিসর্চ সেন্তরশিংদা মীৎয়েং চীংশিন্নবা দিজাইন তৌখিবা ফ্লেগশিপ নেস্নেল ইনিসিএতিব অমা ওইরিবা. প্রাইম মিনিস্তর রিসর্চ চেয়র (পি.এম.আর.সি.) স্কিম ২০২৬কীদমক এপ্লিকেসনশিং কৌরি।

স্কিম অসিনা মালেমগী ভারতকী তেলেন্তশিংবু ভারতকী য়াম্না থুনা চাউখৎলক্লিবা রিসর্চ, দিবেলপমেন্ত, ইন্নোবেসন অমসুং তেক্নোলোজী ইকোসিস্তেমগা নেস্নেল প্রাইওরিতীগী হীরমগী ওইবা হীরম ১৩দা শম্নহল্লগনি।

১. এদভান্স কম্প্যুতিং (এ.আই., ক্বান্তম কম্প্যুতিং অমসুং সুপরকম্প্যুতিং)

২. সেমিকন্দক্তরশিং

৩. ইনর্জী, সস্তেনেবিলিতী অমসুং ক্লাইমেৎ চেঞ্জ

৪. সাইবর সেক্যুরিতী

৫. হেল্থকেয়র অমসুং মেদতেক

৬. বাইওতেক্নোলোজী

৭. এদভান্স মেতরিএলশিং অমসুং ক্রিতিকেল মিনরেলশিং

৮. স্পেস অমসুং দিফেন্স

৯. নেক্স জেনরেসনগী কম্ম্যুনিকেসন

১০. মেন্যুফেকচরিং অমসুং ইন্দস্ত্রী ৪.০

১১. এগ্রিকলচর অমসুং ফুদ তেক্নোলোজী

১২. ব্লু ইকোনোমী

১৩. এতোমিক ইনর্জী

মরুওইবা য়ুম্বী অহুমদা য়ুম্ফম ওইদুনা: লীদ ইন্সতিত্যুসনশিং, হোস্ত ইন্সতিত্যুসনশিং, অমসুং পি.এম.আর.সি. ফেল্লোশিং, স্কিম অসি মিসনগা চুনবা, নেস্নেল ওইনা মরী লৈনবা, অমসুং ইম্পেক্ত ওরিয়েন্তেদ রিসর্চ অমা লৈহন্নবা দিজাইন তৌরি। শরুক য়ারিবা ইন্সতিত্যুসনশিং অমসুং ফেল্লোশিং অসি ভারত সরকারগী প্রিন্সিপাল সাইন্তিফিক এদভাইজরনা লুচিংবা এম্পাৱরদ কমিতী অমনা য়েংশিনবা চেকশিনবা থৌওং অমগী খুত্থাংদা খনগৎকনি।

পি.এম.আর.সি. ফেল্লোশিংনা ফেল্লোশিপ অমসুং রিসর্চ গ্রান্ত সপোর্ত, লেবোরেতরীশিং অমসুং রিসর্চ ইনফ্রাস্ত্রকচরগী খুদোংচাবা অমসুং ভারতকী মকোক থোংবা সরকারগী ইন্সতিত্যুসনশিংগা থবক তৌমিন্নবগী খুদোংচাবা ফংলগনি।

স্কিম অসিগী মখাদা হোস্ত ইন্সতিত্যুসনশিংনা ইন্তর্নেস্নেল একাদমিক কোলাবোরেসন, মালেমগী থাক্তা মগুন লৈরবা রিসর্চ অমসুং প্রোফেস্নেলশিংগা থবক তৌমিন্নবা, অমসুং প্রাইওরিতী সেক্তরশিংদা রিসর্চ অমসুং ইন্নোবেসনগী থবকশিং পাকথোক চাউথোকহনবগী খুত্থাংদা কান্নবা ফংগনি।

স্কিম অসিনা কাংলুপ অহুমগী মখাদা এঙ্গেজমেন্তকী খুদোংচাবা পীরি। মখোয় অদুদি কেরিয়র হৌরকপা রিসর্চরশিংগীদমক য়ং রিসর্চ ফেল্লোশিং, এক্সপরিয়েন্স লৈরবা রিসর্চরশিংগীদমক সেনিয়র রিসর্চ ফেল্লোশিং অমসুং মালেমগী থাক্তা মগুন লৈরবা রিসর্চ লিদরশিংগীদমক রিসর্চ চেয়রশিংনি।

পি.এম.আর.সি. স্কিমগী মখাদা ইলিজিবল ওইবা ফেল্লোশিং অসিদা মপাল লমদা থবক তৌরিবা ভারত মচাশিং, ও.সি.আই. কার্দ হোল্দরশিং অমসুং ভারত্তগী হৌখিবা মীওইশিং য়াওনা ভারত মচাগী ওইবা মগুন লৈবা রিসর্চরশিং, সাইন্তিস্তশিং অমসুং প্রোফেস্নেলশিং য়াওরি। স্কিম অসিনা রিসর্চ, ইন্নোবেসন অমসুং তেক্নোলোজীদা মগুন লৈরবা ইন্দিয়ন ওরিজিন রিসর্চরশিং অমসুং মালেমগী মকোক থোংবা ইন্সতিত্যুসনশিং অমসুং ইন্দস্ত্রীশিংগী প্রোফেস্নেলশিংবু পুক্নিং চিংশিন্নবা পান্দম থম্লি।

ইলিজিবল ওইগদবা হোস্ত ইন্সতিত্যুসনশিংগী মনুংদা এন.আই.আর.এফ. ওভরওল নৎত্রগা ইঞ্জিনীয়রিংগী কাংলুপশিংদা খ্বাইদগী ফবা ১০০গী মনুংদা লৈবা সরকারগী হায়র এজুকেস্নেল ইন্সতিত্যুসনশিং, নৎত্রগা এন.আই.আর.এফ. রিসর্চকী কাংলুপতা খ্বাইদগী ফবা ৫০গী মনুংদা লৈবা, অমসুং দিপার্তমেন্ত ওফ সাইন্স এন্দ তেক্নোলোজী (দি.এস.তি.), দিপার্তমেন্ত ওফ বাইওতেক্নোলোজী (দি.বি.তি.), ইন্দিয়ন কাউন্সিল ওফ মেদিকেল রিসর্চ (আই.সি.এম.আর.), অমসুং কাউন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.) গুম্বা এজেন্সীশিংগী মখাদা লৈবা খ্বাইদগী ফবা নেস্নেল লেবোরেতরীশিং অমসুং রিসর্চ ইন্সতিত্যুসনশিং য়াওরি।

থিমেতিক এরিয়াশিংদা ইমপ্লিমেন্তেসন সপোর্ত তৌনবগীদমক, মকোক থোংবা ইন্সতিত্যুসন তরেৎ (০৭) অসি লীদ ইন্সতিত্যুসনশিং ওইনা মশক খঙদোকখ্রে:

১. ইন্দিয়ন ইন্সতিত্যুত ওফ তেক্নোলোজী দিল্লী (আই.আই.তি. দিল্লী)

২. ইন্দিয়ন ইন্সতিত্যুত ওফ তেক্নোলোজী বোম্বে (আই.আই.তি. বোম্বে)

৩. ইন্দিয়ন ইন্সতিত্যুত ওফ তেক্নোলোজী মদ্রাস (আই.আই.তি. মদ্রাস)

৪. ইন্দিয়ন ইন্সতিত্যুত ওফ তেক্নোলোজী কানপুর (আই.আই.তি. কানপুর)

৫. ইন্দিয়ন ইন্সতিত্যুত ওফ তেক্নোলোজী হাইদরাবাদ (আই.আই.তি. হাইদরাবাদ)

৬. ইন্দিয়ন ইন্সতিত্যুত ওফ তেক্নোলোজী (ইন্দিয়ন স্কুল ওফ মাইন্স) ধানবাদ [আই.আই.তি. (আই.এস.এম) ধানবাদ]

৭. ইন্দিয়ন ইন্সতিত্যুত ওফ সাইন্স বেঙ্গলুরু (আই.আই.এস.সি. বেঙ্গলুরু)

ফেল্লোশিং অমসুং হোস্ত ইন্সতিত্যুসনশিংদগী এপ্লিকেসনশিং অসি জুন ১, ২০২৬তগী পি.এম.আর.সি. পোর্তেলদা হাংদোক্লগনি।

অকুপ্পা গাইদলাইনশিং, ইলিজিবিলিতী ক্রাইতেরিয়া অমসুং এপ্লিকেসন প্রোসিজরশিংগীদমক, মসিদা চংবীয়ু: https://pmrc.education.gov.in/

রিসর্চ, ইন্নোবেসন অমসুং নেসন-বিল্দিংগী ভারতকী অনৌবা পন্দুপকী শরুক অমা ওইবিয়ু। আত্মনির্ভর অমসুং বিক্সিত ভারতকী মায়কৈদা ভারতনা চংশিল্লিবা খোঙচৎ অসিদা শরুক য়াবীয়ু।

*****