Mynta ka sngi, ka Comprehensive Economic Partnership Agreement (CEPA) hapdeng ka India bad Oman ka la treikam bad ka a long u mawmer ba kongsan ha ki jingiadei ha ka liang ka ioh ka kot hapdeng ki ar tylli ki ri bad plie ïa ka bynta kaba thymmai kaba wanrah jingkylla ha ka jingïatreilang ha ka khaii pateng bad ka jingbei tyngka hapdeng kine ki artylli ki ri.

Ia ka CEPA hapdeng ka India bad Oman la iasoi ha ka 18 tarik Nohprah, 2025 ha Muscat ha ka jingiadon lang u Myntri Rangbahduh ba donburom u Narendra Modi bad u Syiem Sultan Haitham bin Tarik Al Said. Hadien ba la pyndep ïa ki kam da baroh arliang mamla, ka jingïateh kular ka la treikam ha ka 1 tarik u Jylliew, 2026.

Ia kane ka jingiateh la pyntreikam ha ka jingiadonlang u Myntri Sorkar Pdeng ba dei khmih ia ka Tnad Commerce and Industry u Piyush Goyal bad u H.E. U Issa Saleh Al Shibani, u nongmihkhmat jong ka Oman sha India. Kum ka dak jong ka jingsdang jong kane ka kam shalan ba nyngkong eh kiba ioh jingmyntoi na ki khajna ba kham kyrpang hapoh ka jingiateh ba kynthup ia ka rep ka riang bad ki mawkordor bad ki jingdeng ksiar kiba shalan shabar ri na Mumbai, Kolkata bad Chennai.

Ka Oman kadei ka nongiatreilang kaba ar ha ka kam khaii pateng jong ka India ha ka thain Gulf bad ka long kum ka khyrdop ba kongsan sha ka iew GCC kaba kham iar lyngba ki jingdon jingem kiba la kiew jong ka ha kaba iadei bad ka kad lieng. Ka khaii pateng hapdeng ka India bad ka Oman ka la poi sha ka USD 11.18 billion ha u snem mang tyngka 2025-26, kaba la pyni ia ka jinglong kaba bha na ka USD 10.61 billion ha u snem mang tyngka 2024-25. La pynkut lyngba ka jingïakren kaba la buh ryntih, ka jingïateh kular ka pynskhem ïa ka jingkiew ka ioh ka kot jong ka India bad ka khaii pateng bad ka jingdon jong ka ha kylleng ki ri jong ka GCC, kaba kynthup ïa ki mar, ki jingshakri, ka jingleit jingwan jong ki riew shemphang, ka jingïatreilang ha ka liang ka jingpyniaid ia ki kam, ki jingïada kiba iadei bad ka jinglait na ka khajna, bad ki bynta jong ka jingiatreilang, ka jing pynduna ïa ka khajna, ban tei ia ka jinglong ka ioh ka kot kaba jrong samoi.

Ka Oman ka don ha ka kyrdan kaba ar napdeng ki nongiatreilang bad ka India ha ka kam khaii pateng ha ka thaiñ Gulf bad ka long kum ka khyrdop ba kongsan sha ki iew ba kham iar jong ka GCC bad East Africa lyngba ki jingpynpoi mar bad ki jingdon jingem ba la kham bha ha ki kad lieng. Ka khaïi pateng hapdeng ka India bad ka Oman ka la poi sha ka USD 11.18 billion ha u snem mang tyngka 2025-26, kaba la bteng ban kiew na ka USD 10.61 billion ha u snem mang tyngka 2024-25.

Ka CEPA hapdeng ka India bad Oman ka pyni sa kawei pat ka mawjam kaba kongsan ha ka jingïadei kaba jylliew jong ka India bad ka thaiñ Gulf bad ka pyni ïa ka rukom treikam kaba kham iar jong ka India ban tei ïa ki jingïatreilang ha ka kam khaii pateng kiba skhem, kiba lah ban shaniah bad kiba bun jait kiba kyrshan ïa ka jinglah ban ïakhun ha ka kam shna tiar, ka jingpynmih ia ki lad ioh kam, ka jingpynpoi ïa ki lad jingshakri shabar ri bad ka jingpynïasoh sha ki kam pynbiang mar jong ka pyrthei.

Haba ai jingkren halor ka jingpyntreikam ia ka CEPA, u Piyush Goyal u la ong:

“Ka CEPA hapdeng ka India bad Oman kadei ka mawjam kaba kongsan ha ka jingïadei jong ka India bad ka Oman bad ka pyni ïa ka jingthmu jong u Myntri Rangbahduh ba donburom u Narendra Modi ban saindur ïa ki jingïatreilang ha ka kam khaii pateng kaba wanrah jingmyntoi ia ki nongrep, ki nongtong dohkha, ki samla, ki kynthei, ki nongseng kam seng jam bad ki MSME. Kane ka jingiateh kan long ka jingkyntiew ia ka bor ha ka thain Gulf. Da 99.38% na ki mar ba shalan shabar ri jong ka India ki lait ban siew khajna, ka jingïateh ka plie ki lad ba thymmai na ka bynta ki nongshalan mar shabar ri jong ngi bad ki riew shemphang kin ïoh ïa ki lad ki lynti. Ka Oman kadei ka nongiatreilang ba shaniah jong ngi, ka lad na ka bynta ki briew jong ngi bad ka khyrdop sha ka Gulf bad ka East Africa. Ki lad ki lynti jong ngi kin sa kiew bad ka CECA kan pynkhlain ia ka jingpyniasoh jong ka India sha ki kam pynbiang mar jong ka thain bad ka pyrthei. Da kaba ai ïa ki jingmyntoi kiba kongsan sha ki kam kiba donkam bun ki nongtrei, kan kyrshan ïa ka jingthaw a ki lad ioh kam, kan kyntiew ïa ka jingbei tyngka bad kan plie lad ia ki karkhana jong ka India ban ïakhun ha kajuh ka kyrdan bad ki nongpynbiang mar na ki ri kiba ïoh ïa ka lad ba kham bha ban ïoh ïa ki iew”

U Commerce Secretary, Rajesh Agrawal u la ong, “Ha ka por ba ki rukom khaii pateng ha ka pyrthei ki dang kylla namar ka jingkylla jong ki rukom pynpoi mar, ka jingpynkylla ïa ki rukom pynmih mar bad ka jingmih jong ki lad kamai ba thymmai, ka CEPA ka buh ia ka India bad ka Oman ha ka kyrdan ban pyndonkam ia kine ki jingkylla ha ka rukom pyniaid. Da kaba kyntiew ia ka jingpyniasoh ha ka khaii pateng, ki jingshakri, ka jingbei tyngka, bad ka jingpynpoi mar, ka jingiateh ka wanrah ia ka rukom treikam na ka bynta ki jingpynpoi mar kiba kham khlain, ka bor ban iakhun ha ka ioh ka kot bad ka jingiatreilang kaba kham khlain ha ka thain bad kylleng ka pyrthei. Ka India-Oman CEPA ka wanrah ia ka bor kaba thymmai ha ka jingiadei jong ngi ha ka ioh ka kot, kaba la pynshong nongrim ha ki jingkhlain, ka jingiatreilang kaba kham jylliew ha ka jingpyniaid bad ka jingkut jingmut lang na ka bynta ka jingroi. Ka jingiateh kadei ka jinglaitluid ha ka khajna PLUS: ka kyntiew ia ka jinglah ban ioh ia ki iew, ka pynsuk ia ka khaii pateng ba iadei bad ki lad ai jingshakri bad ka ai ia ka jinglah ban tip lypa na ka bynta ki kam kiba treikam ha baroh artylli ki iew.”

Ka lad sha ka Gulf: Ka jingpynrkhlain ia ka khaii pateng, ki kam ai jingshakri bad ka jingriewspah na ka bynta ka Viksit Bharat 2047

Ka jingkhaii ia ki mar: Ka jingkylla 99.38% Ka jingioh khlem da siew khajna

• Ka CEPA ka plié ia ka lad khlem da siew khajna na ka bynta 99.38% na ki mar ba shalan jong ka India sha Oman katkum ka dor, kaba kynthup 98.08% na ki khajna jong ka Oman, kaba pynlong ïa ka kawei na ki jingmih ba pura tam jong ka jingïoh ia ki iew ba la pynskhem da ka India ha ka thaiñ Gulf.
• Baroh ki jingpynlait zero-duty ki treikam mardor kaba pynthikna bad ka jinglah ban ïakhun ki nongshalan mar shabar ri jong ka India.
• Kham mynshwa, hapoh ka jingsynshar jong ka MFN, tang 15.33% na ki mar ba shalan shabar jong ka India ki rung sha Oman khlem da siew khajna. Lyngba ka CEPA, ki nongshalan mar jong India ki ioh ia ka lad kaba khraw ban iakhun ha ka dor ha ka iew shalan mar shabar ri jong ka Oman kaba la kot haduh USD 28 billion.
• La khmih lynti ba ka jingiateh kan kyntiew shibun ia ki MSME, ki kam shna tiar bad ki lad ioh kam da kaba kyntiew ia ka jinglah ban iakhun ha ki kam kiba donkam shibun ki nongtrei kum ki kam ba iadei bad ki mawkordor & ki jingdeng, ki jain, ki snieh, ki juti, ki mar duriaw, ki mar engineering, ki mar bam ba la pynkhreh bad ki dawai.
• Ki nongshalan mar jong ka India mynta ki ïakhun ha ki kyndon kiba ïaryngkat ne kiba kham bha ban ïa ki nongpynbiang mar na ki ri ki bym don ki jingpynbeit ha ka khaii pateng kiba kham bha bad ka Oman.
• Ki jaka pynpoi marbam ba kongsan jong ka Oman ha Sohar, Duqm bad Salalah ki ailad ïa ki nongshalan mar na India ym tang sha Oman hynrei sha ki iew GCC bad ki iew ba kham iar jong ka East Africa.

Ka jingïoh rung sha ki iew ba la pynbeit bad ka jingïada ïa ki kam ba kongsan

• Ka India ka la tyrwa ia ka jinglaitluid ha ka khajna ha ki 77.79% ki khajna kiba kynthup ia 94.81% na ki mar kiba wan na Oman katkum ka dor, katba ka dang pynneh ia ki jingiada kiba khlain na ka bynta ki kam kiba kongsan.
• Ki mar ba la iada hapoh ka thup ba la pyllait ki kynthup ia ki mar ba shna na ka dud, ki cereal, ki soh, ki jhur, ki umphniang bam, ki oilseed, ki jri, ki snieh, ki musli musla bad ki mar rep ba kongsan.
• La kynthup ruh ïa ki rukom buh Tariff Rate Quota bad Minimum Import Price na ka bynta ki katto katne ki mar karkhana bad mar rep kiba kongsan ban ïada ïa ka iew hapoh ka ri bad ka jinglah ban pynmih mar.
• Ka jingpynbeit ryntih jong ki jingpynduna ka peit lang ïa ki jingangnud jong ka India ban shalan mar shabar ri bad ki jingeh ha kaba ïadei bad ka jingpynbiang bam, ka bha ka miat jong ki nongrep bad ka jingïada ïa ka lad kamai kajih ha ki jaka nongkyndong.

Ki mar duriaw: Ki mar duriaw: Ka jingkyntiew ia ka jingdon jong ka India ha ki kam pynbiang ia ki mar na duriaw ha ka thain

• Baroh ki mar duriaw kynthup ïa ki shymprong, ki dohkha bad ki cuttlefish ki lait mardor na ka jingsiew khajna kaba bujli ïa ki khajna ba la buh mynshuwa haduh 5%.
• Ka jingthied ka Oman ia ki mar duriaw ka long haduh USD 35.3 million ha u snem 2025 katba ka jingshalan jong ka India ka long tang USD 10 million, kaba pyni ia ka lad kaba khraw kaba ym pat pyndonkam.
• La khmih lynti ba ka jingiateh kan pyniar shibun ia ka jingshalan mar shabar ri na ki jylla ba kongsan ba don ha ki rud duriaw ba kynthup ia ka Andhra Pradesh, Kerala, Tamil Nadu bad Gujarat.
• Ki nongshalan mar duriaw jong ka India ki ioh ia ka lad ban iakhun kaba kham bha, ka jingioh jingbit kaba kham sted bad ka jingpyniasoh kaba kham khlain ha ki kam pynpoi mar ha ka thain Gulf.

Ki mawkordor bad ki jingdeng: Ka jingkyntiew ia ka jinglong nongialam jong ka India ha ka kam khaii pateng ia ki mawkordor ha ka pyrthei

• La pynduh noh ia ki khajna Import duty haduh 5% ha kaba iadei bad ki mawkordor bad ki jingdeng naduh ka sngi kaba nyngkong.
• Ki nongshalan mar na India ki ioh ia ka jingmyntoi ha ka dor ba la buh ryntih ban ia kito kiba don ha kane ka kam na Italy, Turkey, Thailand bad China.
• Ka jingthied ka Oman ia ki mawkordor bad ki jingdeng baroh kalong USD 1.07 billion man la u snem. Ka jingshalan jong ka India sha Oman ha kane ka bynta ka long USD 25.78 million ha u snem 2025, kaba kynthup ïa USD 18.48 million ha ki mawkordor ba la pynphyrnai bad USD 6.67 million ha ki jingdeng ksiar.
• La antad ba ka jingshalan shabar ri ka lah ban poi sha ka hynriew shah sha ka USD 150 million hapoh lai snem. Ki nongpynbiang mar na India mynta ki don ka dor kaba la buh ryntih bad ka jingmyntoi ha ka jinglah ban iakhun ia kiwei kiwei kiba don ha kane ka kam kiba dang ïai bteng ban hap siew ia ki khajna jong ka Oman.
• Ki kynhun ha Surat (ki mawlynnai), Jaipur (ki mawkordor), Mumbai, Kolkata bad Chennai ki don ha ka kyrdan ban shim ia kane ka kabu, namar ki lad ki lynti kiba thymmai ki plie na ka bynta ki mawkordor bad ki jingdeng, bad la khmih lynti ia ka jingioh kam ha kylleng kine ki kynhun.

Ka rep ka riang bad ki jingbam ba la pynkhreh: Ka jingpyndonkam ia ka bor jong ka India ha ka rep ka riang na ka bynta ki iew ha kylleng ka pyrthei

• Ka India kadei ka ri kaba ar ha ka jingpynpoi mar rep sha ka Oman da kaba don 17.8% ka bhah ha ki mar rep na Oman. Katba ka jingshalan shabar ri ka la kiew ha ka CAGR kaba 9.13% sha ka USD 552.85 million ha u snem 2025, ka jingshalan shabar ri ia ki mar ba la buh por da ka APEDA ka la kiew kham stet haduh 12.36% CAGR sha ka USD 477 million.
• Ka jingpynduh khajna ka pynkhlain ia ka jinglah ban iakhun jong ka India ha ki mar kum ka ngap, ki jingber, ki cashew, u khaw basmati, ka makhon bad ki biskit ba thiang.
• Ka India mynta ka don palat 94% na ka jingwanrah doh masi na Oman bad palat 98% na ka jingwanrah pylleng, kaba pynlong ïa ka Oman kawei na ki jaka ba kongsan tam jong ka India ban shalan ia ki mar rep ha ka thaiñ Gulf.

• Ki mar ba kongsan ba la ithuh ban shalan shabar ri ki kynthup ïa u khaw basmati bad u khaw ba la phon, ki cashew kernel, ki piat, ki phan, ki soyabean meal, ki biskit ba thiang, ka makhon, ka doh masi khlem syieng ba la buh pyndait-thah, bad ki pylleng ki pyni ïa ka kam kaba iar bad kaba nangkiew na ka bynta ki nongrep, ki nongpynmih marbam bad ki nongshalan ia ki mar rep.
• Ka jingshalan ia u sohpieng shabar ri kynthup ia u jait Alphonso, Kesar bad Dasheri ka ioh ia ka lad ban iakhun kaba kham bha ha ki iew jong ka Gulf lyngba ka jingioh ka lad ban lait na ki khajna.
• La khmih lynti ba ka jingiateh kan ai jingmyntoi ia ki nongrep, ki nongpynkhreh ia ki mar rep bad ki nongshalan marbam sha kylleng ki jylla ba kynthup ia ka Uttar Pradesh, Punjab, Haryana, Maharashtra, Gujarat, Andhra Pradesh bad Tamil Nadu.

Ki dawai: Ka jingkyntiew ia ka jinglah ban ioh ia ka iew lyngba ka jingkylla ha ki kyndon

• Ka jingiateh ka ai ia ka lad ban ioh ia ka zero-duty na ka bynta ki dawai, ki dawai tika bad ki mar shna dawai kynthup ia ki penicillins, streptomycins bad tetracyclines.
• Ka iew die dawai jong ka Oman la khein haduh USD 302.84 million ha u snem 2025 bad la antad ba kan poi sha ka USD 473.71 million shuwa u snem 2031 (CAGR 6.6%), kaba pyni ia ka lad kaba kongsan bad kaba nang kiew na ka bynta ki nongshalan dawai jong ka India.
• Ki mar ba la mynjur da ka USFDA, EMA, UK MHRA bad TGA kin ioh ia ka jingbit ban pyniaid iew hapoh 90 sngi khlem da jurip shwa bad da ka thong kaba 270 sngi trei ha kaba donkam ban don jingjurip.
• Ka jingpdiang ia ka GMP bad ki kaiphod jingpeit bniah ka pynduna shibun ia ka jingban khia jong ka jingbud ryntih bad ka pynsted ia ka jingrung sha ki iew na ka bynta ki nongshalan dawai shabar jong ka India.
• Ki kompeni shna dawai jong ka India ki ioh ia ka jinglah ban tip lypa kaba kham bha, ki jingmynjur kiba kham sted bad ka jinglah ban iakhun kham bha ha ka iew ba iadei bad ka jingai jingsumar ha ka Gulf.
• Ka iew ba iadei bad ki dawai jong ka Oman la antad ba kan kiew bha ha ki snem ban wan, kaba plie ki lad ba kongsan na ka bynta ki nongshalan dawai na India.

Ki mar elektrik bad ki mar engineering: Ka jingthikna ia ka khajna ba pura ban pynkhlain ia ka bor jong ka India ban shalan mar shabar ri

• Baroh ki mar engineering ki lait na ka jingsiew khajna kaba bujli ia ki khajna MFN kaba haduh 5%.
• Ki kam ba kongsan kiba ioh jingmyntoi ki kynthup ia ki mashin, ki kali, ki tiar elektrik, ki nar bad ki mashin na ka bynta ki karkhana.
• Ka Oman ka la wanrah kumba USD 1.7 billion ki mar ilektrik ha u snem 2025, kaba ai ki lad ki lynti kiba kongsan na ka bynta ki nongshna mar na India. Ka jingshalan ia ki tiar elektrik jong ka India sha Oman ka long USD 146 million, ka jingduna kaba khraw kaba ka jingpynthikna pura ia ka khajna jong ka CEPA, kaba kynthup ia baroh ki jait tiar elektrik kynthup ia ki board bad ki cabinet, ki static converter bad ki tiar ban ioh signal TV, ba la saindur ban pyndep.
• Ki nongshalan ia ki tiar elektrik bad ki tiar shna jingshna jong ka India, kynthup ia kito kiba treikam hapoh ka rukom treikam jong ka PLI, la khmih lynti ba kin ioh ia ka bhah kaba kham heh ha ka iew.
• Ka Oman kadei ka jaka ba kongsan na ka bynta ki mar engineer ba ka India ka shalan shabar ri, kaba la poi sha ka USD 875.83 million ha u snem mang tyngka 2025-26, kaba kynthup ïa ki kor ki bor, ki tiar elektrik, ki kali, ki nar, bad ki nar non-ferrous. Baroh ki mar engineering ki ioh ia ka lad ban poi sha ka iew khlem da siew khajna, kaba bujli ia ki khajna MFN kiba kham mynshuwa kiba long 0–5%. Ka jingshalan ia ki mar shna jingshna sha Oman la antad ba kan kiew sha ka USD 1.3–1.6 billion shuwa u snem 2030. La khmih lynti ia ka jingmyntoi ba kongsan ha kaba iadei bad ki nar na ka bynta ki projek pynroi, ki tiar elektrik bad ki mashin na ka bynta ki karkhana, ki kali (5% la weng ia ka khajna), bad ki mar copper.

Ki jingshakri: Ka jingtyrwa kaba bha tam da ka Oman kaba wanrah ïa ki lad ba thymmai na ka bynta ki jingshakri

• Ka khaii pateng ba iadei bad ki lad ai jingshakri hapdeng arliang mamla ka la kot sha ka USD 863 million ha u snem 2024, ha kaba ka India ka don ka surplus kaba long USD 447 million. Ka jingwanrah ka Oman ia ki mar nabar ri ka kot sha ka USD 12.52 billion, katba ka India pat ka don tang 5.31% na kine ki jingwanrah, kaba pyni ia ka lad kaba khraw kaba ym pat lah ban pyndonkam.
• Hapoh ka CEPA, ka Oman ka la sdang ia ki jingkut jingmut kiba iar ban ioh ia ka iew ha kylleng ki 127 tylli ki bynta jong ki jingshakri. Kine ki jingkular ki pyni ia ki jingkular jong ka GATS/Best FTA-plus, kaba pynlong ia ka kum ka jingai jingshakri kaba bniah tam kaba la ai da kano kano ka ri GCC sha ka India.
• Ki kam ba kongsan ki kynthup ïa ki jingshakri ba ïadei bad ka computer, ki jingshakri da ki riewshemphang, engineering, ka jingai jingsumar, ka pule puthi, ki jingshakri ha ka liang ka pisa tyngka, ki jingtei, ki kam jngohkai pyrthei bad ka telecommunications, ki jingshakri ba ïadei bad ka computer bad ki lad ai jingshakri ba ïadei bad kine, ki jingshakri ba kyrpang (ka aiñ, ka jingkheiñ jingdiah, ki kam engineering, ki jingshakri Audio- Visual, kiwei kiwei ki jingshakri ba iadei bad ka kam khaii pateng, ki jingshakri ba iadei bad ka kam wad bniah bad ka roi ka par, ki jingshakri bad iadei bad ka Telecommunication, ki jingshakri ha kaba iadei bad ka jingtei, ka pule puthi, ka kam ba iadei bad ka mariang, ki Jingshakri ha ka koit ka khiah, ki Jingshakri ha ka liang ka pisa tyngka bad ki Jingshakri kiba ïadei bad ka kam jngohkai pyrthei bad ka leit ka wan.
• Ki jingkut jingmut jong ka MFN ha ki bynta ba kongsan ki pynthikna ba kano kano ka jingleh kaba kham bha kaba la pynjlan da ka Oman sha kiwei kiwei ki ri kan sa poi hi dalade sha ka ri India.
• Ha ka sien kaba nyngkong ha kano kano ka FTA hapdeng ki arliang mamla, ka Oman ka la ai ïa ki jingkular kiba tehsong na ka bynta ki kyrdan ba la batai jong ki riew shemphang, kynthup ïa kito kiba don ha ka jingkheiñ jingdiah, ka kam engineering, ka kam sumar,  ka IT, ka pule puthi, ka kam shna jingshna.
• Ki jingpynbeit ba la pynbha ia ka jingleit jingwan kin ai jingmyntoi haduh 6,000 tylli ki kompeni ba iatreilang jong ka India bad ka Oman. Ki briew kiba leit na ka bynta ka kam ki lah ban sah ha Oman haduh 90 sngi; Ki nongtrei ba laitluid ki lah ban sah haduh 180 sngi; Ki Intra-Corporate Transferee (ICT) ki lah ban sah haduh 4 snem. Kine ki kyndon ki ai ki lynti kiba shai, kiba lah ban pyntreikam katkum ka ain na ka bynta ki nongtrei ba tbit jong ka India.
• Ka jingiateh ka ailad ia ki jingiakren ha ki por ban wan halor ka Social Security Agreement (SSA). Ka SSA kan ai ka jingbteng kaba iadei bad ki jingmyntoi jong ka imlang sahlang bad kan iarap ban kiar na ki jingnoh synniang arsien na ka bynta ki nongtrei jong ka India bad ki nongpyntreikam ha Oman.

Ka jingpyniaid kaba stad bad ka jingpynsuk ia ka khaii pateng

• Ka Oman kan pdiang ïa ki syrnot ba la ai da ka Export Inspection Council (EIC) jong ka India, kaba pynduh noh ïa ki jingtest bad jingpeit bniah ba arsien.
• Ia ki syrnot NPOP ia ki jingbam organic bad ki lad ai syrnot halal jong ka India la ithuh da ka Oman.
• Ki bynta ba la aiti kyrpang jong ka SPS bad TBT ki pynduna ia ki jingkhanglad ki bym iadei bad ki khajna bad kyntiew ia ka jingshai bad ka jingiatreilang ha ka liang ka ain.
• Ki por ba la buh ban ai jingmynjur ia ki mar bad ki lad ki lynti kiba stet na ka bynta ki mar kiba lah ban pyut ki kyntiew ia ka jingtreikam bad pynduna ia ka jinglut jingsep ha ka jingpynpoi mar na ka bynta ki nongshalan mar.

Ka jingbei tyngka: Ka jingpynkhlain ia ki jingdon jingem ha kaba iadei bad ka ioh ka kot

• Ka CEPA ka wanrah ia ka rukom treikam kaba la buh ryntih na ka bynta ban pynsuk ia ka jingbei tyngka, ban kyrshan ia ki jingbei tyngka ha kylleng ki kam ba kongsan kynthup ia ka kam shna tiar, ka jingpynpoi mar, ka bording bad ki kam ai jingshakri.
• Ka jingpynduna ia ki jingban khia jong ka jingbud ryntih, ka jingkyntiew ia ka jingthikna jong ki kyndon bad ka jingkyntiew ia ka jinglah ban ioh ia ki iew ki hat la khmih lynti ba kan pynkhlain shibun ia ka jinglah ban iakhun ki MSME jong ka India.
• Ki startup, ki kynthei, ki nongseng kam seng jam bad ki riewshemphang ha ki kam ai jingshakri la khmih lynti ba kin ioh jingmyntoi na ka jingpynbha ia ka jingpyniasoh sha ki kam pynbiang mar jong ka GCC.

Ka Khaii pateng hapdeng ki arliang mamla: Ka bor kaba khlain, ka jingpynkhlain biang ia ka khaii pateng

Ka khaii pateng hapdeng ka India bad ka Oman ka la poi sha ka USD 11.18 billion ha u snem mang tyngka 2025-26 bad ka dang bteng ban pyni ia ka jingkiew kaba khlain. Da ka jingpyntreikam ia ka CEPA, la khmih lynti ba ka khaii pateng hapdeng ki artylli ki ri kan sakhi ia ka jingkiew kaba khraw ha ki snem ban wan lyngba ka jingkyntiew ia ka jinglah ban ioh ia ki iew ki hat, ka jingiatreilang, ka jingbei tyngka bad ka jingpynkhlain ia ka jingiatreilang ha ka ioh ka kot.

Ka jingiateh ka wanrah ia ka rukom kamai kaba khlain hapdeng ka India bad ka Oman kaba kynthup ia ka khaii pateng, ka jingbei tyngka, ki jingshakri, ka jingpynpoi mar bad ka jingiatreilang ha ka liang ka ain. Ka India-Oman CEPA ka pyni ia kawei pat ka sienjam kaba kongsan ha ka jingiaid lynti jong ka India ban long ka ioh ka kot kaba iasoh bad ka pyrthei, kaba khlain bad kaba lah ban iakhun hapoh ka jingthmu jong ka Viksit Bharat @2047.

***