কেন্দ্রগী কম্মর্স অমসুং ইন্দস্ত্রীগী মন্ত্রী, শ্রী পিয়ুশ গোয়লনা ২০২৬গী মে ২৮দা ন্যু য়োর্কতা মহাক্কী ত্রান্সিৎ মনুংদা অৱাংবা থাক্কী বিজিনেস অমসুং ইনবেস্তমেন্ত এনগেজমেন্ত কয়া পাংথোকখি।

খোঙচৎ মনুংদা, মন্ত্রীনা কার্লাইল গ্রুপকী সি.ই.ও., শ্রী হার্বি স্বার্তজ; মোর্গান স্তেনলীগী চেয়রমেন অমসুং সি.ই.ও., শ্রীতেদ পিক; ৱারবুর্গ পিনকসকী চেয়রমেন, শ্রিচার্লস কেয়; অম্নীল ফার্মস্যুতিকল্সকী কো-ফাউন্দর অমসুং সি.ই.ও. শ্রী চিন্তু পতেল; অমসুং মাস্তরকার্দগী সি.ই.ও., শ্রী মাইকেল মীবেককা অমমমতা ওইনা শক্ক-শক্কা উনদুনা খন্ন-নৈনরকখি।

ভারত অমসুং য়ু.এস.কী ত্রেদ অমসুং ইনবেস্তমেন্ত লিঙ্কশিং মপাঙ্গল কনখৎহনবা, ভারত্তা মালেমগী ওইবা বিজিনেসশিংগীদমক খুদোংচাবশিং পাকথোক চাউথোকহনবা, সপ্লাই চেনগী রেজিলিয়েন্স হেনগৎহনবা অমসুং শেল-থুমগী সর্ভিসশিং, হকশেলগী লমদা, দিজিতেল পেমেন্তশিং, মেন্যুফেকচরিং, ইন্নোবেসন, আর্তিফিসিয়েল ইন্তেলিজেন্স অমসুং অনৌবা তেক্নোলোজীশিংগুম্বা লমশিংদা তেংবাং পীনবা হেনগৎহনবা অসি খন্ন-নৈনবগী মরুওইবা অমনি। মালেমগী ইনবেস্তমেন্তগী মফম অমা ওইনা ভারত্তা পুক্নিং চিংশিনবা হেনগৎলক্লিবা অদুগী মতাংদসু খন্ন-নৈনখি।

য়ু.এস.-ইন্দিয়া স্ত্রেতেজিক পার্তনরশিপ ফোরমগা খুৎশম্নদুনা শীনবা বিজিনেস ইন্তরেক্সন্দা ইনবেস্তমেন্ত অমসুং ত্রেদ কম্ম্যুনিতীদগী শক্নাইরবা বিজিনেস লিদর ৫০ হেনবগী মীফম অমদা মন্ত্রীনা ৱা ঙাংখি। ভারতকী মপাঙ্গল কনবা গ্রোথ ত্রেজেক্তরী, চত্থরিবা ইকোনোমিক রিফোর্মশিং, ইজ ওফ দুইং বিজিনেস, কোলাবোরেসনগী ওইথোকপা য়াবা সেক্তরশিং অমসুং মরুওইবা সেক্তরশিংদা ইনবেস্তমেন্তকী খুদোংচাবশিং অসিগী মতাংদা খন্ন-নৈনবা অসিনা   মখোয়গী ৱাখল্লোনশিং অদুবু ফোংদোক্নবগী খুদোংচাবা পীখি।

থৌরমশিং অসিনা ভারতকী শেন্মিৎলোনগী ফীভমদা মালেমগী ওইনা থাজবা হেনগৎলক্লিবা অদু উৎখি অমসুং ভারত অমসুং য়ুনাইতেদ স্তেতসকী মরক্তা ইন্দস্ত্রী-তু-ইন্দস্ত্রী কোলাবোরেসন হেঙ্গৎহনবগী মরুওইবা অদু অমুক হন্না ফোংদোকখি।

***