ಭಾರತ ಸರ್ಕಾರವು ನಿಸ್ಸಂದಿಗ್ಧವಾಗಿ ದಾಖಲೆಪೂರ್ವಕವಾಗಿ, ದೇಶೀಯ ಅಗತ್ಯಗಳನ್ನು, ಚಿಲ್ಲರೆ ಮತ್ತು ಕೈಗಾರಿಕಾ ಎರಡನ್ನೂ ಪೂರೈಸಲು ದೇಶವು ಸಾಕಷ್ಟು ಪೆಟ್ರೋಲ್ ಮತ್ತು ಡೀಸೆಲ್ ಪೂರೈಕೆ ವ್ಯವಸ್ಥೆಯನ್ನು ಹೊಂದಿದೆ ಎಂದು ಈ ಮೂಲಕ ತಿಳಿಸಬಯಸುತ್ತದೆ. ಭಾರತವು ವಿಶ್ವದ ನಾಲ್ಕನೇ ಅತಿದೊಡ್ಡ ಸಂಸ್ಕರಣಾಗಾರವಾಗಿದ್ದು, 22 ಕಾರ್ಯಾಚರಣಾ ಸಂಸ್ಕರಣಾಗಾರಗಳಲ್ಲಿ ವರ್ಷಕ್ಕೆ 258.1 ಮಿಲಿಯನ್ ಟನ್‌ ಗಳ ಸ್ಥಾಪಿತ ಇಂಧನ ಸಾಮರ್ಥ್ಯವನ್ನು ಹೊಂದಿದೆ. 2025-26ರ ಹಣಕಾಸು ವರ್ಷದಲ್ಲಿ ದೇಶೀಯ ಬಳಕೆ 243.2 ಮಿಲಿಯನ್ ಟನ್‌ಗಳಷ್ಟಿತ್ತು; ಅದೇ ವರ್ಷದಲ್ಲಿ ಪೆಟ್ರೋಲಿಯಂ ಉತ್ಪನ್ನ ರಫ್ತು 61.5 ಮಿಲಿಯನ್ ಟನ್‌ಗಳಷ್ಟಿತ್ತು, ಇದು ಭಾರತವನ್ನು ಜಾಗತಿಕವಾಗಿ ಸಂಸ್ಕರಿಸಿದ ಉತ್ಪನ್ನಗಳ ಅತಿದೊಡ್ಡ ರಫ್ತುದಾರರಲ್ಲಿ ಒಂದನ್ನಾಗಿ ಮಾಡಿತು. ದೇಶದಲ್ಲಿ ಯಾವುದೇ ರೀತಿಯ ಇಂಧನ ಪೂರೈಕೆ ಸಮಸ್ಯೆ ಇಲ್ಲ.

ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವ ಶ್ರೀ ಹರ್ದೀಪ್ ಸಿಂಗ್ ಪುರಿ ಅವರು, ಸಾರ್ವಜನಿಕ ವಲಯದ ತೈಲ ಮಾರುಕಟ್ಟೆ ಕಂಪನಿಗಳು, ರಾಜ್ಯ ಸರ್ಕಾರಗಳು ಮತ್ತು ಕೈಗಾರಿಕಾ ಸಂಸ್ಥೆಗಳೊಂದಿಗೆ ನಿರಂತರ ಸಮನ್ವಯದಲ್ಲಿದ್ದು, ಎಲ್ಲರಿಗೂ ಪೆಟ್ರೋಲ್ ಮತ್ತು ಡೀಸೆಲ್ ನಿರಂತರ ಪೂರೈಕೆಯನ್ನು ಖಚಿತಪಡಿಸಿಕೊಳ್ಳುತ್ತಿದ್ದಾರೆ. ಕೇಂದ್ರ ಸರ್ಕಾರವು ಪರಿಸ್ಥಿತಿಯನ್ನು ನಿರಂತರವಾಗಿ ಪರಿಶೀಲಿಸುತ್ತಿದೆ. ಇಲಾಖೆಯ ಕಾರ್ಯದರ್ಶಿ (ಪಿ & ಎನ್ ಜಿ) ಕೂಡ ಇಂದು ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ ಮುಖ್ಯ ಕಾರ್ಯದರ್ಶಿಗಳು, ಎಫ್.ಐ.ಸಿ.ಸಿ.ಐ ಮತ್ತು ಸಿಐಐ ಅವರೊಂದಿಗೆ ಪರಿಸ್ಥಿತಿಯನ್ನು ಪರಿಶೀಲಿಸಿದರು. ಇಂಧನ ಕ್ಷೇತ್ರದಿಂದ ಹೊರಹೊಮ್ಮುವ ಸಮಕಾಲೀನ ಚಿತ್ರಣ ಸ್ಥಿರವಾಗಿದೆ. ಯಾವುದೇ ಪೆಟ್ರೋಲಿಯಂ ಉತ್ಪನ್ನದ ಕೊರತೆಯಿಲ್ಲ.

ಕಾರ್ಯವಿಧಾನವು ಸರಳವಾಗಿದೆ. ಸರ್ಕಾರದ ನಿರ್ದೇಶನದಡಿಯಲ್ಲಿ ಮತ್ತು ನಡೆಯುತ್ತಿರುವ ಪಶ್ಚಿಮ ಏಷ್ಯಾದ ಸಂದಿಗ್ಧತೆಯ ಅಡಚಣೆಗಳ ಸಂದರ್ಭದಲ್ಲಿ ಗ್ರಾಹಕರ ರಕ್ಷಣೆಯ ಉದ್ದೇಶಪೂರ್ವಕ ಕ್ರಮವಾಗಿ, ತೈಲ ಮಾರುಕಟ್ಟೆ ಕಂಪನಿಗಳು ಪೂರ್ಣ ಅಂತರರಾಷ್ಟ್ರೀಯ ಬೆಲೆಯನ್ನು ದೇಶೀಯ ಚಿಲ್ಲರೆ ಮಾರಾಟಕ್ಕೆ ವರ್ಗಾಯಿಸುವುದನ್ನು ತಪ್ಪಿಸಿವೆ. ಪಿ.ಎಸ್‌.ಯು ಒ.ಎಂ.ಸಿ.ಗಳು ಪ್ರಸ್ತುತ ಪೆಟ್ರೋಲ್, ಡೀಸೆಲ್ ಮತ್ತು ದೇಶೀಯ ಎಲ್‌ಪಿಜಿ ಮಾರಾಟದಲ್ಲಿ ದಿನಕ್ಕೆ ಸುಮಾರು ₹550 ಕೋಟಿ ನಷ್ಟವನ್ನು ಭರಿಸುತ್ತಿವೆ.  ಮನೆಗಳು, ದ್ವಿಚಕ್ರ ವಾಹನ ಪ್ರಯಾಣಿಕರು, ಪಂಪ್‌ನಲ್ಲಿರುವ ರೈತರು - ಈ  ಚಿಲ್ಲರೆ ಇಂಧನ ಗ್ರಾಹಕರಿಗಾಗಿ ಉದ್ದೇಶಿಸಲಾಗಿದೆ.ಇದನ್ನು ಕೈಗಾರಿಕಾ ಖರೀದಿಗೆ ವಿಸ್ತರಿಸಲಾಗಿಲ್ಲ, ಅಲ್ಲಿ ಬೆಲೆ ನಿಗದಿಯು ಅಂತರರಾಷ್ಟ್ರೀಯ ವಾಸ್ತವಗಳನ್ನು ಸ್ಥಿರ ನೀತಿಯ ವಿಷಯವಾಗಿ ಟ್ರ್ಯಾಕ್ ಮಾಡುತ್ತದೆ.

ಕೈಗಾರಿಕಾ ಚಾನಲ್‌ ನಿಂದ ಚಿಲ್ಲರೆ ಪಂಪ್‌ ಗೆ ತಮ್ಮ ಖರೀದಿಗಳನ್ನು ಬದಲಾಯಿಸುವಾಗ ಕೈಗಾರಿಕಾ ಗ್ರಾಹಕರು ಸಾಮಾನ್ಯ ನಾಗರಿಕರ ವೆಚ್ಚದಲ್ಲಿ ಈ ಕುಶನ್ ಅನ್ನು ಸೆರೆಹಿಡಿಯುತ್ತಾರೆ. ಅವರು ಪಂಪ್‌ ನಲ್ಲಿ ಬೇಡಿಕೆಯನ್ನು ಕೇಂದ್ರೀಕರಿಸುತ್ತಾರೆ, ಅದು ಇಲ್ಲದಿದ್ದರೆ ಅಸ್ತಿತ್ವದಲ್ಲಿರದ ಸ್ಥಳೀಯ ಕೊರತೆಗಳನ್ನು ಉಂಟುಮಾಡುತ್ತದೆ.

ಖಾಸಗಿ ತೈಲ ಮಾರುಕಟ್ಟೆ ಕಂಪನಿಗಳು ಪ್ರಸ್ತುತ ತಿಂಗಳಲ್ಲಿ ಚಿಲ್ಲರೆ ಮಾರಾಟ ಮಳಿಗೆಗಳು ಮತ್ತು ಬೃಹತ್ ಗ್ರಾಹಕರಲ್ಲಿ ಹೆಚ್.ಎಸ್.ಡಿ. ಆಫ್‌ ಟೇಕ್‌ ನಲ್ಲಿ ಸುಮಾರು 38% ರಷ್ಟು ಕುಸಿತವನ್ನು ಅನುಭವಿಸುತ್ತಿವೆ ಎಂದು ಗಮನಿಸಲಾಗಿದೆ, ಏಕೆಂದರೆ ಅವುಗಳು ನಿಗದಿಪಡಿಸಿದ ಹೆಚ್ಚಿನ ದರಗಳು ಇದಕ್ಕೆ ಕಾರಣ. ಈ ಪ್ರಮಾಣವು ಸಂಪೂರ್ಣವಾಗಿ ಪಿ.ಎಸ್.ಯು. ತೈಲ ಮಾರುಕಟ್ಟೆ ಚಿಲ್ಲರೆ ಮಾರಾಟ ಮಳಿಗೆಗಳಿಗೆ ಬದಲಾಗುತ್ತಿದೆ. ಇದರೊಂದಿಗೆ, ಪಿ.ಎಸ್.ಯು.ಗಳಿಗೆ ಬೃಹತ್ ಗ್ರಾಹಕರ ಪ್ರಮಾಣವು ಸುಮಾರು 29% ರಷ್ಟು ಕುಸಿತವನ್ನು ದಾಖಲಿಸಿದೆ, ಇದು ಚಿಲ್ಲರೆ ಮಾರಾಟ ಮಳಿಗೆಗಳಿಗೆ ವಲಸೆ ಹೋಗುತ್ತಿದೆ.

ಈ ಮೇಲಿನ ವಿಷಯಗಳನ್ನು ಗಂಭೀರವಾಗಿ ಪರಿಗಣಿಸುವ ಸರ್ಕಾರವು, ತಮ್ಮ ಸದಸ್ಯರಿಗೆ ಶಿಸ್ತು , ತತ್ವ ಮತ್ತು ಉಲ್ಲಂಘನೆಗಳ ಪರಿಣಾಮ ಎರಡರ ಬಗ್ಗೆ ಅರಿವು ಮೂಡಿಸಲು ಉದ್ಯಮ ಸಂಘಗಟನೆಗಳನ್ನು ಕೇಳಿಕೊಂಡಿದೆ.

ಕೇಂದ್ರ ಸರ್ಕಾರವು ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳನ್ನು ವಿಶೇಷ ತಂಡಗಳನ್ನು ರಚಿಸಿ, ಚಿಲ್ಲರೆ ಇಂಧನ ಗ್ರಾಹಕರಿಗೆ ಸರಬರಾಜು ಮಾಡುವ ಬೃಹತ್ ಇಂಧನ ಗ್ರಾಹಕರು ಮತ್ತು ದಾಸ್ತಾನುದಾರರ ದುಷ್ಕೃತ್ಯ, ಕಪ್ಪು ಮಾರುಕಟ್ಟೆ, ಅನಧಿಕೃತ ದಾಸ್ತಾನು ಮತ್ತು ಪೆಟ್ರೋಲಿಯಂ ಉತ್ಪನ್ನಗಳ ಮಾರ್ಗ ಬದಲಾವಣೆಯ ವಿರುದ್ಧ ಇಸಿ ಕಾಯ್ದೆ ಮತ್ತು ಅದರ ಅಡಿಯಲ್ಲಿ ಹೊರಡಿಸಲಾದ ನಿಯಂತ್ರಣ ಆದೇಶಗಳ ಸಂಬಂಧಿತ ನಿಬಂಧನೆಗಳ ಅಡಿಯಲ್ಲಿ ಕಠಿಣ ಶಿಸ್ತು ಕ್ರಮ ಕೈಗೊಳ್ಳುವಂತೆ ವಿನಂತಿಸಿದೆ.

ಕೇಂದ್ರ ಸರ್ಕಾರವು ಅಂತಾರಾಷ್ಟ್ರೀಯ ಪರಿಸ್ಥಿತಿಯನ್ನು ಸಂಪೂರ್ಣವಾಗಿ ಗಮನದಲ್ಲಿಟ್ಟುಕೊಂಡಿದೆ. ಭಾರತದ ಸಂಸ್ಕರಣಾ ಶಕ್ತಿ, ಸಾರ್ವಜನಿಕ ವಲಯದ ಒಎಂಸಿಗಳ ಶಿಸ್ತುಬದ್ಧ ಕಾರ್ಯಾಚರಣೆ ಮತ್ತು ಕೇಂದ್ರ, ರಾಜ್ಯಗಳು ಮತ್ತು ಉದ್ಯಮದಾದ್ಯಂತ ಸಕ್ರಿಯ ಸಮನ್ವಯವು ಈ ಅವಧಿಯಲ್ಲಿ ಇಂಧನ ಭದ್ರತೆಯ ಕಾರ್ಯ ವಾಸ್ತುಶಿಲ್ಪವನ್ನು ರೂಪಿಸುತ್ತದೆ. ನಾಗರಿಕರು ಅಧಿಕೃತ ಸಂವಹನವನ್ನು ಮಾತ್ರ ಅವಲಂಬಿಸುವಂತೆ ಮತ್ತು ಆರ್ಬಿಟ್ರೇಜ್ ಸಮಸ್ಯೆಯನ್ನು ಪೂರೈಕೆ ಸಮಸ್ಯೆ ಎಂದು ತಪ್ಪಾಗಿ ಭಾವನೆ ರೂಪಿಸುವ ವದಂತಿಗಳನ್ನು ನಿರ್ಲಕ್ಷಿಸುವಂತೆ ಈ ಮೂಲಕ ವಿನಂತಿಸಲಾಗಿದೆ.

*****