ত্রাইবেল এফিয়র্স মন্ত্রালয়
ইকায় খুম্নজরবা প্রধান মন্ত্রী শ্রী নরেন্দ্র মোদীনা মালেমগী লুচিংবশিংদা দিপ্লোমেতিক ওইরবা খুদোল পিবগী খুত্থাংদা ভারতকি ত্রাইবেল পারী-পুরীগী শক্তম উৎখ্রে
থাগৎখিবা:
26 MAY 2026 11:18AM by PIB Imphal
হন্দক্তা মহাক্কি দিপ্লোমেতিক ওইবা খোঙচত্তা ইকায় খুম্নজরবা প্রধান মন্ত্রীনা মালেমগী লুচিংবশিংদা ভারতকি ইনাক খুল্লবা ত্রাইবেল পারী-পুরী অমসুং ত্রেদিস্নেল ক্রাফমেনশিপকি মমি তাবা অখন্নবা ক্যুরেৎ তৌরবা খুদোলশিং পিখ্রে।
মধ্য় প্রদেশকি ত্রেদিস্নেল গোন্দ পেন্তিং অমা স্বীদেনগী ক্রাওন প্রীন্সেস ভিক্তোরিয়াদা পিখি। গোন্দ ত্রাইবেল কম্যুনিতিনা শেমগৎপা মমিং লৈরবা আরতকি মওং অসি মসিগী অকনবা দোত-এন্দ-লাইন পেতর্নশিং অমসুং থৱাই য়াওবা মহৌশাগী মচুশিংগীদমক খঙনৈ, অমসুং ত্রাইবেল আর্তিসানশিংগী পুন্সী মহিংদা মখা তানা মতেং পাংলি।
ইতালিগী প্রধান মন্ত্রী জিওর্জিয়া মেলোনিদা মনিপুরগী তাংখুল নাগা কম্যুনিতিনা শাবা সিরুই লিলি স্তোল অমগা লোয়ননা অসামদগী মুগা শিল্ক স্তোল অমা পিখি। মহৌশাগী ওইবা সনাগী শেংলবা মওং-মতৌগীদমক্তা খঙনরবা মুগা শিলক অসি জি.আই.-তেগ তৌরবা তেক্সতাইল ত্রেদিসন অমনি অমসুং মসি ত্রাইবেল ৱিভিং কম্যুনিতিশিংনা চহি লিশিং কয়াদগী ঙাক্তুনা থম্লি। সিরুই লিলি স্তোল অসিনা মনিপুরগী য়াম্না তাংনা থোকপা রাজাগী লৈ মচুদগী ইন্সপিরেসন অদু পী অমসুং তাংখুল নাগা ত্রাইবকি কলচরেল আইদেন্তিতি অদু উৎলি।
য়ু.এ.ই.গী হর মেজেস্তি ইমা মহারানীনা চীংগী ত্রাইবেল কম্যুনিতিশিংনা চৎনবিগী মতুং ইন্না লৌউ-শিংউ তৌবা অমসুং মসিগী মচি ওইবা চিঞ্জাক্কি মগুনশিংগীদমক্তা পাক শন্না মমল লৈবা পারী-পুরী চেং অমা ওইরিবা মনিপুরদগী ব্লেক রাইস (চাক-হাও) অসি লৌশিনখি।
হায়রিবা খুদোলশিং অসিগী খুত্থাংদা ইকায় খুম্নজরবা প্রধান মন্ত্রীনা মালেমগী থাক্তা ভারতকি ত্রাইবেল ত্রেদিসন, ক্রাফমেনশিপ অমসুং কলচরেল পারী-পুরীগী মতাংদা পনখি।
***
(রিলিজ আই.দি.: 2265420)
ভিজিতর কাউন্তর : 4
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Punjabi
,
Gujarati
,
Tamil
,
Telugu
,
Malayalam