১৯শুবা মুম্বাই ইন্তর্নেস্নেল ফিল্মফেয়র (এম.আই.এফ.এফ.)না দেলিগেত রেজিস্তর তৌবা হৌবা য়াহনখ্রে
দোক্যুমেন্তরী, শোর্ত ফিক্সন অমসুং এনিমেসন ফিল্মগী ওইবা খা এসিয়াগী খ্বাইদগী লিরব ফেস্তিবেল, এম.আই.এফ.এফ. . অসি ইং ২০২৬কী জুন ১৫দগী ২১ ফাওবদা মুম্বাইদা পাংথোক্কনি
১৯শুবা মুম্বাই ইন্তর্নেস্নেল ফিল্ম ফেস্তিবেল (এম.আই.এফ.এফ.) না মহারাস্ত্রাগী মুম্বাইগী পেদ্ দর রোদতা লৈবা এন.এফ.দি.সি.দা ইং ২০২৬গী জুন ১৫দগী ২১ ফাওবা পাংথোক্কদৌরিবা ফেস্তিবেল অসিগী দেলিগেৎ রেজিস্ত্রেসন হাংদোক্লে হায়না লাউথোকখ্রে। খা এসিয়াগী খ্বাইদগী লিরবা অমসুং মমিং লৈরবা নোন-ফিচর ফিল্মগী ফেস্তিবেল অমা ওইনা শকখঙনরিবা এম.আই.এফ.এফ.না মালেম শিনবা থুংবদগী ফিল্ম মেকরশিং, আর্তিস্তশিং, মীদিয়া প্রোফেস্নেলশিং অমসুং সিনেমা এন্তিসাইস্তশিং পুনশিল্লি।
ভারতকী ফিল্ম ইন্দস্ত্রীনা কন্তেন্ত শেমগৎপদা মালেমগী লুচিংবা অমা ওইনা লেপ্তনা থোরকপা অসিদা, মুম্বাই ইন্তর্নেস্নেল ফিল্ম ফেস্তিবেল অসি মরুওইবা প্লেৎফোর্ম অমা অমসুং এস্পিরিএন্ত ফিল্মমেকরশিংগীদমক্তা স্তীপস্তোন অমা ওইনা মথৌ তৌরি।
এম.আই.এফ.এফ. ২০২৬গীদমক দেলিগেৎ রেজিস্ত্রেসন
এম.আই.এফ.এফ.কী লাক্কদৌরিবা এদিসনগীদমক দেলিগেৎ রেজিস্ত্রেসন ওফিসিএল ফেস্তিবেল পোর্তেলগী খুত্থাংদা হৌখ্রে। পাম্লিবা শরুক য়ারিবশিংনা এম.আই.এফ.এফ.গী ওফিসিএল ৱেবসাইতকী খুত্থাংদা ওনলাইন ওইনা রেজিস্তর তৌবা য়াগনি: https://miff.in/en
রেজিস্ত্রেসন মপুং ফাহনবগীদমক্তা, দেলিগেৎশিংনা https://my.miff.in/dashboard/ অসিদা চঙবীয়ু।
অনৌবা শিজিন্নরিবশিংনা একাউন্ত অমা শেম্বা মথৌ তাই, অদুগা হৌজিক শিজিন্নরিবা শিজিন্নরিবশিংনা হকথেংননা সাইন ইন তৌবা য়াই। এপ্লিকান্টশীংনা মথৌ তাবা অকুপ্পা মরোলশীং অদু মপুং ফাহনগদবনি অমসুং রেজিষ্ট্রেসন ফি লুপা ৫০০/- পীগদবনি।
মহৈরোইগী রেজিস্ত্রেসন অসি শেল চংদে। মহৈরোয় কাংলুপকী মখাদা পীশিনবা এপ্লিকেসনশিং অদু বেকএন্দ তীমনা অকুপ্পা মরোলশিং অমসুং সপোর্তিং দোকুমেন্তশিং ভেরিফাই তৌরবা মতুংদা রিভিয়ু তৌগনি অমসুং অয়াবা পীগনি।
দেলিগেৎ রেজিস্ত্রেসনগা মরী লৈনবা মতেং অমহেক্তগীদমক্তা, শরুক য়ারিবশীংনা registration@miff.in দা সপোর্ট টিমগা পাউ ফাওনবিয়ু। তেক্নিকেলগী ওইবা ৱাহংশিংগীদমক্তা, digitalteam@nfdcindia.com দা পাউ ফাওনবিয়ু।
১৯শুবা এম.আই.এফ.এফ.কী মতাংদা ৱারোল খরা
মুম্বাই ইন্তর্নেস্নেল ফিল্ম ফেস্তিবেল (এম.আই.এফ.এফ.) অসি য়াম্না মরু ওইবা থৌরম অমনি অমসুং মসিদা দোক্যুমেন্তরী, শোর্ত ফিক্সন অমসুং এনিমেসন ফিল্মশিংদা কৎথোকপা খা এসিয়াগী খ্বাইদগী লিরবা অমসুং খ্বাইদগী চাউবা ফিল্ম ফেস্তিবেল ওইবগী মগুন লৈ। ইং ১৯৯০দা (হৌজিক বোম্বে ইন্তর্নেস্নেল ফিল্ম ফেস্তিবেল ওইনা) লিংখৎখিবা এম.আই.এফ.এফ.না ভারত অমসুং মালেমগী ফিল্মমেকরশিংগী শিংথানিংঙাই ওইবা থবকশিং উৎনবা থৌনা ফরবা প্লেৎফোর্ম অমা ওইরকখি।
১৯শুবা মুম্বাই ইন্তর্নেস্নেল ফিল্ম ফেস্তিবেলদা গ্রান্দ ওপনিং অমসুং ক্লোজিং সেরিমোনিয়মশিং, ইন্তর্নেস্নেল অমসুং ইন্দিয়ন কম্পিতিসন সেক্সনশিং য়াওরগনি। মসিগী মনুংদা মকোক থোংবা গোল্দন অমসুং সিলভর কনচ এৱার্দ অমসুং লুপা লাখ ৫৫গী শেলগী মনাশিং য়াওরি। মরুওইবা ইকায় খুম্নবাশিংগী মনুংদা ভি. শান্তরাম লাইফতাইম এচিবমেন্ত এৱার্দ, খ্বাইদগী ইন্নোবেতিব/এক্সপরিমেন্তেল ফিল্মগীদমক্তা প্রমোদ পাতি এৱার্দ, তেক্নিকেল এক্সিলেন্সকীদমক্তা এৱার্দ, বেস্ত স্তুদেন্ত ফিল্ম এৱার্দ অমসুং বেস্ত দেবিউ দাইরেক্তর এৱার্দ।
ফেস্তিবেল অসিদা নন-কম্পিতিসন সেক্সন কয়া অমসু য়াওরি। মসিগী মনুংদা প্রিজম য়াওরি। মসি ভারত অমসুং মালেম পুম্বদগী লাকপা অৱাংবা থাক্কী অমসুং লম্বী থোংবা ফিল্মশিং উৎনবা ক্যুরেৎ তৌরবা সেক্সন অমনি। স্পিসিএল ক্যুরেৎ সেক্সনশিংদা ইন্তর্নেস্নেলগী থাক্তা শকখঙনরবা অমসুং এৱার্দ ফংখ্রবা ফিল্মশিং য়াওরি। ইন্দিপেন্দেন্ত ফিল্মশিং, কন্ত্রী ফোকস ফিল্মশিং, রিস্তোর তৌরবা ক্লাসিকেল ফিল্মশিং, ৱাইল্দলাইফ ফিল্মশিং, মহৈরোইশিংগী ফিল্মশিং, ন্যু মীদিয়া অমসুং এ.আই. ফিল্ম অমদি অতোপ্পা সেগমেন্তশিংশু উৎকনি।
এম.আই.এফ.এফ. ২০২৬না গালা স্ক্রীনিং, রেদ কারপেৎ ইভেন্তশিং, মাস্তর ক্লাসশিং, পেনেল দিস্কসনশিং অমসুং ৱেবস দোক বাজারসু পাংথোক্কনি। মসিনা সিনেমেতিক এক্সিলেন্স অমসুং ক্রিএতিব একচেঞ্জগী অপুনবা কুমহৈ অমা ওইহল্লগনি। অহানবা ওইনা, ৱেভস দোক বাজারনা ইম্মর্সিভ মার্কেত, ইম্মর্সিভ কন্তেন্ত শেম্বা মীওইশিং, প্রদ্যুসরশিং অমসুং তেক্নোলোজী পার্তনরশিংগীদমক অখন্নবা প্লেৎফোর্ম অমা হৌদোক্কনি। ভি.আর., এ.আর., এক্স.আর. অমসুং ইন্তরেক্তিব এক্সপরিয়েন্সতা মীৎয়েং থমদুনা, কৈথেল অসিনা ইনোভেতিব প্রোজেক্তশিং উৎনবা, অনৌবা ৱারী শাবগী ফোর্মেৎশিং থিদোক্নবা অমসুং আর্থ লৈবা কোলাবোরেসনশিং ফগৎহন্নবা মফম অমা পীগনি।
***
रिलीज़ आईडी:
2259685
| Visitor Counter:
25
इस विज्ञप्ति को इन भाषाओं में पढ़ें:
Marathi
,
English
,
हिन्दी
,
Gujarati
,
Tamil
,
Telugu
,
Kannada
,
Malayalam
,
Assamese
,
Bengali
,
Bengali-TR
,
Urdu