গৃহ মন্ত্ৰালয়
কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে ২০২৬ বৰ্ষৰ ১০ মে, দেওবাৰে দেশত বান ব্যৱস্থাপনা আৰু গ্ৰীষ্মপ্ৰবাহৰ প্ৰস্তুতিৰ পৰ্যালোচনা কৰাৰ উদ্দেশ্যে নতুন দিল্লীত এখন উচ্চ পৰ্যায়ৰ বৈঠকত সভাপতিত্ব কৰিব
প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত ভাৰত চৰকাৰে দুৰ্যোগ ব্যৱস্থাপনাৰ ক্ষেত্ৰত চৰকাৰৰ সম্পূৰ্ণ দৃষ্টিভংগী গ্ৰহণ কৰিছে
কেন্দ্ৰীয় গৃহ মন্ত্ৰী শ্ৰী অমিত শ্বাহৰ নিৰ্দেশনাত গৃহ পৰিক্ৰমা মন্ত্ৰালয়ে দেশৰ দুৰ্যোগ ব্যৱস্থাপনা পৰিকাঠামো যথেষ্ট শক্তিশালী কৰিছে
বৈঠকৰ সময়ত কেন্দ্ৰীয় চৰকাৰৰ সংস্থাসমূহৰ প্ৰস্তুতি, আগতীয়া সতৰ্কবাণী প্ৰণালী, সম্পদৰ মোতায়েন আৰু আন্তঃ-সংস্থা সমন্বয়ৰ মূল্যায়ন কৰা হ’ব
দীৰ্ঘম্যাদী বান প্রশমন ব্যৱস্থাৰ অগ্ৰগতিৰ পৰ্যালোচনাও কৰা হ’ব
পোষ্ট কৰা হৈছে:
08 MAY 2026 4:52PM by PIB Guwahati
কেন্দ্ৰীয় গৃহ সমবায় মন্ত্ৰী শ্ৰী অমিত শ্বাহে ২০২৬ বৰ্ষৰ ১০ মে, দেওবাৰে সম্ভাৱ্য বান আৰু গ্ৰীষ্মপ্ৰবাহৰ পৰিস্থিতিৰ সৈতে মোকাবিলা কৰাৰ বাবে দেশৰ প্ৰস্তুতি সম্পৰ্কে ব্যাপকভাৱে পৰ্যালোচনা কৰিবলৈ নতুন দিল্লীত এখন গুৰুত্বপূৰ্ণ উচ্চ পৰ্যায়ৰ বৈঠকত সভাপতিত্ব কৰিব।
প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত দুৰ্যোগ ব্যৱস্থাপনাৰ দিশত ভাৰত চৰকাৰৰ সক্ৰিয় তথা নিৰ্ণায়ক আৰু সমগ্ৰ সমাজৰ দৃষ্টিভংগীৰ প্ৰতি লক্ষ্য ৰাখি এই বৈঠকখনে বিশেষ গুৰুত্ব লাভ কৰিছে।
কেন্দ্ৰীয় গৃহ মন্ত্ৰী শ্ৰী অমিত শ্বাহৰ নিৰ্দেশনাত গৃহ পৰিক্ৰমা মন্ত্ৰালয়ে শেহতীয়া বছৰবোৰত দেশৰ দুৰ্যোগ ব্যৱস্থাপনা পৰিকাঠামো যথেষ্ট শক্তিশালী কৰিছে। ইয়াৰ ভিতৰত আছে কেন্দ্ৰীয় আৰু ৰাজ্য চৰকাৰৰ সংস্থাসমূহৰ মাজত উন্নত সমন্বয়, এনডিআৰএফক ব্যাপকভাৱে শক্তিশালী কৰা আৰু প্ৰাকৃতিক দুৰ্যোগৰ সময়ত ‘শূন্য হতাহত’ দৃষ্টিভংগীৰ ওপৰত নিৰন্তৰ গুৰুত্ব দিয়া।
এই উচ্চ পৰ্যায়ৰ পৰ্যালোচনাই সক্ৰিয় প্ৰশাসন, নাগৰিক-কেন্দ্ৰিক দুৰ্যোগ ব্যৱস্থাপনা আৰু দুৰ্যোগ-স্থিতিস্থাপক ভাৰত গঢ়ি তোলাৰ ক্ষেত্ৰত মোদী চৰকাৰৰ অটল দায়বদ্ধতাক প্ৰতিফলিত কৰে।
বৈঠকৰ সময়ত কেন্দ্ৰীয় গৃহ মন্ত্ৰীগৰাকীয়ে কেন্দ্ৰীয় চৰকাৰৰ সংস্থাসমূহৰ প্ৰস্তুতিৰ মূল্যায়ন কৰিব, আগতীয়া সতৰ্কবাণী প্ৰণালী, সম্পদ মোতায়েন আৰু আন্তঃ-সংস্থা সমন্বয়ৰ পৰ্যালোচনা কৰিব, যাতে জীৱনৰ শূন্য ক্ষতি আৰু সম্পত্তিৰ ন্যূনতম ক্ষতি নিশ্চিত কৰিব পাৰি।
কেন্দ্ৰীয় গৃহ মন্ত্ৰী শ্ৰী অমিত শ্বাহে গুৰুত্বপূৰ্ণ আন্তঃগাঁথনি প্ৰকল্পৰ সুৰক্ষা, নদী ব্যৱস্থাপনা পদক্ষেপ আৰু পূৰ্বানুমানৰ ক্ষেত্ৰত বৈজ্ঞানিক অগ্ৰগতিৰ লগতে সমগ্ৰ দেশতে গ্ৰহণ কৰা দীৰ্ঘম্যাদী বান প্ৰতিৰোধ ব্যৱস্থাৰ অগ্ৰগতিৰো পৰ্যালোচনা কৰিব। তেওঁ যোৱা বছৰৰ পৰ্যালোচনা সভাত লোৱা সিদ্ধান্তসমূহৰ ৰূপায়ণ, দায়বদ্ধতা নিশ্চিত কৰা আৰু কাৰ্যকলাপৰ সমন্বিত ৰূপায়ণ ত্বৰান্বিত কৰাৰ বিষয়েও পৰ্যালোচনা কৰিব।
উচ্চ পৰ্যায়ৰ বৈঠকখনৰৰ গুৰুত্বপূৰ্ণ বিষয়সমূহ হ’লঃ
- উন্নত প্ৰযুক্তি আৰু প্ৰকৃত-সময়ৰ তথ্য একত্ৰীকৰণৰ জৰিয়তে বানৰ পূৰ্বানুমান আৰু আগতীয়া সতৰ্কবাণী প্ৰণালী শক্তিশালী কৰা।
- একেসময়ৰ দুৰ্যোগ, বিশেষকৈ বান আৰু গ্ৰীষ্মপ্ৰবাহৰ প্ৰত্যাহ্বানৰ সৈতে মোকাবিলা কৰাৰ বাবে প্ৰস্তুতি বৃদ্ধি কৰা।
- জীৱন আৰু সম্পত্তিৰ ক্ষতি প্ৰতিৰোধৰ বাবে সামূহিক সজাগতা তথা স্থিতিস্থাপকতা-নিৰ্মাণ কাৰ্যসূচী।
- অত্যাৱশ্যকীয় সাহায্য সামগ্ৰী আৰু চিকিৎসা প্ৰস্তুতিৰ পৰ্যাপ্ত মজুত নিশ্চিত কৰা।
*****
RK / RR / PS/MK
(ৰিলিজ আই ডি : 2259099)
অতিথি কক্ষ : 6