থা অহুমদা মিল্লিয়ন ২১ দাউনলোদ তৌদুনা অনৌবা আধার এপ্প মীয়াম্না য়াম্না পাম্না শীজিন্নবা উবা ফংলে, খুদোংচাবশিং মীয়ামগী খুৎশাশিংদা ফংহল্লে অমসুং হিংবদা লাইহল্লে।

লাইনা, অপাম্বা মতমদা অমসুং মফম অমদা হেক্ত মোবাইল নম্বর অমসুং লৈফম অপদেদ তৌবা য়াওনা, তোঙান তোঙানবা থবকশিং পাংথোক্নবা মীয়াম্না অনৌবা আধার এপ্প শীজিন্নবা উরে।

অনৌবা আধার এপ্প শীজিন্নদুনা হৌজিক ফাওবদা মীওই লাখ ২৮ হেনবনা মখোয়গী মোবাইল নম্বরশিং অপদেদ তৌখ্রে। মসিগা চপ মান্ননা, মখোয়গী লৈফমশিং অপদেদ তৌনবা মীওই ৬০,০০০ রোম্না এপ্প অসি শীজিন্নখ্রে।

অনৌবা আধার এপ্প অসি, অশোই-অঙাম য়াওদনা, নুংঙাইনা অমসুং মখোয় মশক তাক্নবা আধার নম্বর হোলদরস(এ এন ঐচ) পীনবা দিজাইন তৌবা অনৌবা মীরোলগী মোবাইল এপ্লিকেসন অমনি।

মীয়াম্না শীজিন্নবা হেগৎলকপা অসিদা মীয়ামগী থাজবা উৎপা খক নত্তনা, আধারগী থবকশিং লাইনা অমসুং শীজিন্নবদা নুংঙাইনা ফংহনবগী অনৌবা এপ্পনা লৌরিবা থৌদাং অমসুং আধার নম্বর পায়রিবশিংগী হিংবদা লাইবা উৎলে।

এপ্প অসিদা প্রমান ওইনবা মাইথোং মশক খঙদোকপা, ক্লিক অমদা বাইওমেত্রিক লোক/অনলোক, ওথেন্তিকেসন হিষ্টরি অমসুং ফিজিকেল ভিসিতিং কার্দশিংগী মহুত্ত ক্বিউ.আর-বেজ ইদিতেবল কন্তেক কার্দগী মথৌশিং য়াওরে।

শীজিন্নবদা নুংঙাইনবা দিজাইন তৌদুনা, আধার এপ্প অসিনা অশেংবা পুন্সিদা শীজিন্নবা য়াবা কেস কয়াদা মতেং পাংলি। মখোয়গী মনুংদা ওফলাইন ভেরিফিকেসন সিকিং ইন্তাইতিস (ও ভি এস ই) ক্বিউ.আর কোদ স্কেন্নিংগী খুৎথাংদা হোতেল চেক-ইনশিং য়াওরি। মসিদা এপ্পশিং শীজিন্নবদা অথিংবা থম্নবা, হোস্পিতালগী মিং চৎন্নবা, মী উনবা লাকপগী থবকশিং, থৌরমশিংগী ইশিনবা, শিন্মীশিং মশক তাকপদা শীজিন্ননবা খুদোংচাবশিং য়াওরি। 

অনৌবা আধার এপ্প অসি এন্দ্রোইদ অমসুং এপ্পল আই.ও.এস প্লেতফোর্মশিংদা ফংলে। মফম অসিদগী মীয়াম্না দাউনলোদ তৌবা য়াগনি।

এন্দ্রোইদ: https://play.google.com/store/apps/details?id=in.gov.uidai.pehchaan&hl=en_IN

আই.ও.এস - https://apps.apple.com/in/app/aadhaar/id6744029871

***