:মুম্বাই, মে ৬, ২০২৬

ৱেবস দোক বাজারগী অনিশুবা ইদিসন অসি ১৯শুবা মুম্বাই ইন্তরনেস্নেল ফিল্ম ফেস্তিবেল (এম.আই.এফ.এফ.) গা লোয়ননা জুন ১৬দগী ১৮, ২০২৬ ফাওবা মুম্বাইগী এন.এফ.দি.সি. কমপ্লেক্সতা অমুক হন্না পাংথোক্কনি।

ৱেবস দোক বাজার অসি কোল্লাবোরেসন, মেন্তরশিপ, মার্কেৎ এক্সেস অমসুং গ্লোবেল ভিজিবিলিতীগী খুদোংচাবশিং শেমদুনা দোক্যুমেন্তরী, এনিমেসন অমসুং শোর্ত ফিল্মমেকরশিংগী খোঙচৎপু খুমাং চাউশিলহন্নবা অমসুং খোংজেল য়াংশিন্নবা শেমগৎলবা প্রিমিয়র ৱান-স্তোপ প্লেৎফোর্ম অমনি। মসিগী অনিশুবা ইদিসনগা লোয়ননা, প্লেৎফোর্ম অসিনা ওদিওভিজুএল ইন্দস্ত্রী পুম্বদগী মমিং লৈরবা প্রোফেস্নেলশিং অমসুং অনৌবা তেলেন্তশিং পুনশিন্নবা পান্দম থম্লি। মখা তানা, বাজার অসিনা ক্রিএতরশিং, প্রদ্যুসরশিং, দিস্ত্রিব্যুতরশিং, ব্রোদকাস্তরশিং, ফন্দরশিং অমসুং তেক্নোলোজী পার্তনরশিংগীদমক অচৌবা হব অমা ওইনা থবক তৌগনি অমরোমদা মসিনা অখন্নবা স্তোরীতেল্লীংগী থৌওংশিংবু মপাঙ্গল কনখৎহন্দুনা অমসুং ফিল্ম মেকরশিংদা মালেমগী মীয়ামদা য়ৌহন্নবা মতেং পাংগনি। শরুক য়ারিবশিংনা এক্সপর্তশিং অমসুং এক্সপরিয়েন্স লৈরবা প্রেক্তিসনরশিংগা হকথেংননা ৱারী শানদুনা হৌজিক্কী ইন্দস্ত্রীগী চৎনবীশিং, মার্কেৎকী দিমান্দশিং, দিস্ত্রিব্যুসন স্ত্রেতেজীশিং অমসুং ভাবোক্কী অপাম্বশিংগা মরী লৈনবা মমল য়াম্লবা ৱাখল্লোনশিং ফংলগনি।

ৱেবস দোক বাজারগী মরুওইবা সেগমেন্তশিংগী মরক্তা ভ্যুৱিং রুম (ভি.আর.) য়াওরি, মসিদা নৌনা পুথোকপা নত্ত্রগা পোস্ত-প্রদক্সন তৌরিবা দোক্যুমেন্তরী, অতেনবা অমসুং এনিমেসন ফিল্মশিং অদু রেজিস্তর তৌরবা মীহুৎশিংগী মীহুৎ কাংলুপ অমদা উৎকনি। খনগৎলবা বায়রশিং, প্রোগ্রামরশিং, দিস্ত্রিব্যুতরশিং অমসুং ইনভেস্তরশিং খক্তনা এক্সেস তৌবা ঙম্বা সেক্যুর ওইবা প্লেৎফোর্ম অমা ওইনা দিজাইন তৌদুনা, মসিনা ফিল্ম মেকরশিংদা দিস্ত্রিব্যুসনগী য়ানচেশিং ফংহন্নবা, কো-প্রদ্যুসরশিং অমসুং মালেমগী সেল্স এজেন্তশিংগা শম্ননবা, ফিল্ম ফেস্তিবেলগী প্রোস্পেক্তশিং থিদোক্নবা অমসুং ফিনিশিং ফন্দশিং ফংহন্নবা খুদোংচাবা পীরি। অখন্ননা দিজাইন তৌরবা সিস্তেম অমগী খুত্থাংদা, বায়রশিংনা লোল, মতম, লোইশিনবগী তাঙ্কক অমসুং অতোপ্পা অকুপ্পা মরোলশিংদা য়ুম্ফম ওইদুনা ফিল্মশিং ব্রাউজ তৌবা য়াগনি, অদুগা খনগৎলবা মমিংশিং অদু ভ্যুৱিং রুম কেতালোগতা হাপতুনা রেজিস্তর তৌরবা দেলিগেৎ পুম্নমক্তা শিয়র তৌগনি অমসুং থৌরম অদুগী মমাংদা ওনলাইনদা ফংহনগনি।

ৱার্ক-ইন-প্রোগ্রেস লেবোরেতরী (দবল্যু.আই.পি) অসি দোক্যুমেন্তরী অমসুং এনিমেসন ফিল্মশিংবু রফ-কৎ স্তেজদা শীজিন্ননবগীদমক্তা অখন্ননা দিজাইন তৌবনি। লেব অসি ক্লোস-দোর সেত্তিং অমদা পাংথোকই মসিনা খনগৎলবা শরুক য়ারিবশিংদা এক্সপরিয়েন্স লৈবা ফিল্ম মেকরশিং, ইদিতরশিং অমসুং ইন্তরনেস্নেল মেন্তরশিংদগী মমল য়াম্লবা ফিদবেক, গাইদেন্স অমসুং মেন্তরশিপ ফংহল্লি। মসিনা মখোয়না মখোয়গী প্রোজেক্তশিং অসি হেন্না পাক চাউবা ভাবোকশিংগীদমক শেমগৎপদা মতেং পাংই।

ভি.আর., এ.আর. অমসুং এক্স.আর.দা মীৎয়েং থম্বগা লোয়ননা ৱেবস দোক বাজারদা ইম্মর্সিব মার্কেৎ প্রিমিয়র তৌগনি

অহানবা ওইনা, ৱেবস দোক বাজারনা ইম্মর্সিব মার্কেৎ, ইম্মর্সিব কন্তেন্ত ক্রিএতরশিং, প্রদ্যুসরশিং অমসুং তেক্নোলোজী পার্তনরশিংগীদমক অখন্নবা প্লেৎফোর্ম অমা হৌদোক্কনি। ভি.আর., এ.আর., এক্স.আর. অমসুং ইন্তরেক্তিব এক্সপরিয়েন্সতা মীৎয়েং থমদুনা, কৈথেল অসিনা ইনোবেতিব প্রোজেক্তশিং উৎনবা, অনৌবা স্তোরীতেল্লীং ফোর্মেৎশিং থিদোক্নবা অমসুং আর্থ লৈবা কোলাবোরেসনশিং ফগৎহন্নবা মফম অমা পীগনি।

মাগী দাইনামিক প্রোগ্রামিং অমসুং ইন্দস্ত্রী-ফোকস ইনিসিএতিবশিংগা লোয়ননা, ৱেবস দোক বাজারনা দোক্যুমেন্তরী, এনিমেসন অমসুং অতেনবা ফিল্মশিংগী ইকোসিস্তেম মপাঙ্গল কনখৎহন্নবা শেম-শারি, অমসুং ক্রিএতিব এক্সিলেন্স অমসুং ইন্তর্নেস্নেল আউতরীচকী অনৌবা লম্বীশিং হাংদোক্লি।

ৱেবস দোক বাজার ২০২৬তা ভ্যুৱিং রুম অমসুং দবল্যু.আই.পি.গীদমক এন্ত্রীশিং হাংলে

ৱেবস দোক বাজার ২০২৬দা ভ্যুৱিং রুম অমসুং ৱার্ক-ইন-প্রোগ্রেস (দবল্যু.আই.পি.) লেবকীদমক্তা এন্ত্রীশিং হৌজিত্তি হাংদোক্লে। মসি দোক্যুমেন্তরী অমসুং এনিমেসন ফিল্মমেকরশিংগা ইন্দস্ত্রীগী মকোক থোংবা প্রোফেস্নেলশিংগা শম্নহল্লিবা মালেমগী ওইবা প্লেৎফোর্ম অমনি। থৱায়া য়াওবা পার্তিসিপেন্তশিংনা মখোয়গী এপ্লিকেসনশিং মে ১৫, ২০২৬গী নুমিদাং পুং ১১:৫৯গী মমাংদা পীশিনহৌবা য়াগনি।

২০২৪দা পাংথোকখিবা দোক ফিল্ম বাজারগী হৌদোকপগী ইদিসনগী পি.আই.বি. ফাইল ফোতোশিং।

ইলিজিবিলিতী
প্রোগ্রাম অসি মালেম পুম্বগী দোক্যুমেন্তরী অমসুং এনিমেসন ফিল্মশিংদা উবা ফংই। অতেনবা, ময়াই ওইনা শাংবা অমসুং ফিচর-লেনথ ফিল্মশিং অসি ৱেভবস দোক বাজার ২০২৬তা উৎনবা ইলিজিবল ওই। ফিল্মশিং অসি মপুং ফানা লোইশিনগদবনি নৎত্রগা পোস্ত-প্রোদক্সনদা লৈগদবনি, লোয়ননা অয়াম্বা শুতিং লোইশিনখ্রবা ওইগদবনি। দিবেলপমেন্ত নত্ত্রগা প্রি-প্রদক্সনগী প্রোজেক্তশিং অসি ইলিজিবল ওইদে। ফেস্তিবেলশিং, সেলশিং, দিস্ত্রিব্যুসন, নৎত্রগা ফিনিশিং ফন্দশিং থিরিবা প্রোজেক্তশিং লৈবা ফিল্ম মেকরশিংবু এপ্লাই তৌনবা অখন্ননা পুক্নিং থৌগৎলি। ইন্তরনেস্নেল এক্সপোজর মশিং য়াম্না লৈতবা নত্ত্রগা অমত্তা লৈতবা ফিল্মশিংবু তরাম্না ওকই।

পীশিনবগী থৌওং

অহানবা তাঙ্কক্কী ওইনা, এপ্লিকেন্তশিংনা পাসৱার্দ প্রোতেক্ত তৌরবা স্ক্রীন্নর লিঙ্ক অমবু অপুনবা ফিল্ম নত্ত্রগা রফ কৎ অমবু য়েংনবগীদমক্তা পীশিনগদবনি। করিগুম্বা খনগৎলবদি, ফিল্ম মেকরশিংনা ভ্যুৱিং রুমগীদমক য়ামদ্রবদা মিনিৎ ১০গী ফুতেজ সবমিৎ তৌগদবনি। মপুংফাবা ফিল্ম অদু সবমিৎ তৌবসি য়াম্না পুক্নিং থৌগৎলি। অরোইবা ফাইলশিং অসি সেক্যুর ওইনা অপলোদ তৌগনি অমসুং ওথোরাইজ তৌরবা শরুক য়ারিবশিংদা খক্তদা এক্সেস তৌবা য়াহনগনি।

ফিল্ম মেকরশিংবু মখোয়গী থবকশিং মালেমগী থাক্তা উৎনবা অমসুং দোক্যুমেন্তরী অমসুং এনিমেসন ইন্দস্ত্রীগী মরুওইবা ৱারেপ লৌবশিংগা শম্ননবা খুদোংচাবা অসি লৌনবা হায়রি।

অপাম্বা কেন্দিদেৎশিংনা মখাগী লিঙ্ক অসিদা ক্লিক তৌদুনা মখোয়গী এপ্লিকেসনশিং সবমিৎ তৌবা য়াগনি।

https://my.miff.in/vr/start/

রুলস অমসুং রেগুলেসন, তোইনা হংবা ৱাহংশিং অমসুং ভি.আর. অমসুং দবল্যু.আই.পি.গী মতাংদা অহেনবা অকুপ্পা মরোলশিং মসিদা ফংগনি।

***