କ୍ୟାବିନେଟ
ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ସଂଖ୍ୟା ୩୩ ରୁ ୩୭ କୁ ବୃଦ୍ଧିକୁ କେନ୍ଦ୍ର କ୍ୟାବିନେଟ୍ର ଅନୁମୋଦନ
ପୋଷ୍ଟ କରାଯିବା ଦିନାଙ୍କ:
05 MAY 2026 7:22PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଆଜି ସୁପ୍ରିମକୋର୍ଟ (ବିଚାରପତିଙ୍କ ସଂଖ୍ୟା) ସଂଶୋଧନ ବିଲ୍, ୨୦୨୬କୁ ସଂସଦରେ ଆଗତ କରିବା ପ୍ରସ୍ତାବକୁ ମଞ୍ଜୁରି ଦେଇଛନ୍ତି, ଯାହା ଦ୍ୱାରା ସୁପ୍ରିମକୋର୍ଟ (ବିଚାରପତିଙ୍କ ସଂଖ୍ୟା) ଅଧିନିୟମ, ୧୯୫୬ରେ ସଂଶୋଧନ କରାଯାଇ ଭାରତର ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ସଂଖ୍ୟା ୪ଟି ବୃଦ୍ଧି କରାଯାଇ ବର୍ତ୍ତମାନର ୩୩ରୁ ୩୭କୁ (ଭାରତର ପ୍ରଧାନ ବିଚାରପତିଙ୍କୁ ବାଦ ଦେଇ) କରାଯାଇପାରିବ।
ପଏଣ୍ଟ ୱାରୀ ବିବରଣୀ:
ସର୍ବୋଚ୍ଚ ନ୍ୟାୟାଳୟ (ବିଚାରପତିଙ୍କ ସଂଖ୍ୟା) ସଂଶୋଧନ ବିଲ୍, ୨୦୨୬ ରେ ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ସଂଖ୍ୟା ୪ ବୃଦ୍ଧି ପାଇ ଅର୍ଥାତ୍ ୩୩ ରୁ ୩୭ କୁ ବୃଦ୍ଧି କରିବାର ବ୍ୟବସ୍ଥା ରହିଛି (ଭାରତର ପ୍ରଧାନ ବିଚାରପତିଙ୍କୁ ବାଦ ଦେଇ)।
ପ୍ରମୁଖ ପ୍ରଭାବ:
ବିଚାରପତିଙ୍କ ସଂଖ୍ୟା ବୃଦ୍ଧି ହେବା ଦ୍ୱାରା ସୁପ୍ରିମକୋର୍ଟ ଅଧିକ ଦକ୍ଷତାର ସହ କାର୍ଯ୍ୟ କରିପାରିବେ ଏବଂ ତ୍ୱରିତ ନ୍ୟାୟ ସୁନିଶ୍ଚିତ କରିପାରିବେ।
ବ୍ୟୟ:
ବିଚାରପତି ଏବଂ ସହାୟକ କର୍ମଚାରୀଙ୍କ ଦରମା ଏବଂ ଅନ୍ୟାନ୍ୟ ସୁବିଧା ଉପରେ ଖର୍ଚ୍ଚ ଭାରତର ସଞ୍ଚିତ ପାଣ୍ଠିରୁ ପୂରଣ କରାଯିବ।
ପୃଷ୍ଠଭୂମି:
ଭାରତୀୟ ସମ୍ବିଧାନର ଧାରା ୧୨୪ (୧) ରେ କୁହାଯାଇଛି ଯେ, "ଭାରତର ଜଣେ ପ୍ରଧାନ ବିଚାରପତିଙ୍କୁ ନେଇ ଏକ ସର୍ବୋଚ୍ଚ ନ୍ୟାୟାଳୟ ଗଠିତ ହେବ ଏବଂ ସଂସଦରେ ଯେ ପର୍ଯ୍ୟନ୍ତ ଆଇନ ଦ୍ୱାରା ଅଧିକ ସଂଖ୍ୟା ନିର୍ଦ୍ଧାରଣ ନକରିଛନ୍ତି, ସାତ ଜଣରୁ ଅଧିକ ଅନ୍ୟ ବିଚାରପତି ହୋଇପାରିବେ ନାହିଁ ।"
ଭାରତର ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ସଂଖ୍ୟା ବୃଦ୍ଧି କରିବା ପାଇଁ ୧୯୫୬ ମସିହାରେ ସର୍ବୋଚ୍ଚ ନ୍ୟାୟାଳୟ (ବିଚାରପତିଙ୍କ ସଂଖ୍ୟା) ଅଧିନିୟମ ୧୯୫୬ ମାଧ୍ୟମରେ ଏକ ଅଧିନିୟମ ପ୍ରଣୟନ କରାଯାଇଥିଲା। ଏହି ଆଇନର ଧାରା ୨ ଅନୁଯାୟୀ ସର୍ବାଧିକ ୧୦ ଜଣ ବିଚାରପତି (ଭାରତର ପ୍ରଧାନ ବିଚାରପତିଙ୍କୁ ବାଦ ଦେଇ) ରହିବେ।
ଭାରତର ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ସଂଖ୍ୟା ସର୍ବୋଚ୍ଚ ନ୍ୟାୟାଳୟ (ବିଚାରପତିଙ୍କ ସଂଖ୍ୟା) ସଂଶୋଧନ ଅଧିନିୟମ, ୧୯୬୦ ଦ୍ୱାରା ୧୩କୁ ଏବଂ ସର୍ବୋଚ୍ଚ ନ୍ୟାୟାଳୟ (ବିଚାରପତିଙ୍କ ସଂଖ୍ୟା) ସଂଶୋଧନ ଅଧିନିୟମ, ୧୯୭୭ ଦ୍ୱାରା ୧୭କୁ ବୃଦ୍ଧି କରାଯାଇଥିଲା। ୧୯୭୯ ମସିହା ଶେଷ ସୁଦ୍ଧା ଭାରତର ପ୍ରଧାନ ବିଚାରପତିଙ୍କ ଅନୁରୋଧ କ୍ରମେ ଏହି ପ୍ରତିବନ୍ଧକ ପ୍ରତ୍ୟାହାର କରାଯିବା ପର୍ଯ୍ୟନ୍ତ, ଭାରତର ସର୍ବୋଚ୍ଚ ନ୍ୟାୟାଳୟର କାର୍ଯ୍ୟ କ୍ଷମତା, ଭାରତର ପ୍ରଧାନ ବିଚାରପତିଙ୍କୁ ବାଦ ଦେଇ, କ୍ୟାବିନେଟ ଦ୍ୱାରା ୧୫ ଜଣ ବିଚାରପତିଙ୍କ ମଧ୍ୟରେ ସୀମିତ ରହିଥିଲା।
ସର୍ବୋଚ୍ଚ ନ୍ୟାୟାଳୟ (ବିଚାରପତିଙ୍କ ସଂଖ୍ୟା) ସଂଶୋଧନ ଅଧିନିୟମ, ୧୯୮୬ ଭାରତର ପ୍ରଧାନ ବିଚାରପତିଙ୍କୁ ବାଦ ଦେଇ ଭାରତର ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ସଂଖ୍ୟାକୁ ୧୭ ରୁ ୨୫ କୁ ବୃଦ୍ଧି କରିଥିଲା। ପରବର୍ତ୍ତୀ ସମୟରେ, ସର୍ବୋଚ୍ଚ ନ୍ୟାୟାଳୟ (ବିଚାରପତିଙ୍କ ସଂଖ୍ୟା) ସଂଶୋଧନ ଅଧିନିୟମ, ୨୦୦୮ ଭାରତର ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ସଂଖ୍ୟାକୁ ୨୫ ରୁ ୩୦ କୁ ବୃଦ୍ଧି କରିଥିଲା।
ସୁପ୍ରିମ କୋର୍ଟ (ବିଚାରପତିଙ୍କ ସଂଖ୍ୟା) ସଂଶୋଧନ ଅଧିନିୟମ, ୨୦୧୯ ମାଧ୍ୟମରେ ମୂଳ ଅଧିନିୟମକୁ ଆହୁରି ସଂଶୋଧନ କରି ଭାରତର ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ସଂଖ୍ୟା (ଭାରତର ପ୍ରଧାନ ବିଚାରପତିଙ୍କୁ ବାଦ ଦେଇ) ୩୦ ରୁ ୩୩ କୁ ବୃଦ୍ଧି କରାଯାଇଥିଲା ।
HS
(ରିଲିଜ ଆଡି: 2258217)
ପରିଦର୍ଶକ କାଉଣ୍ଟର : 12