প্রধানমন্ত্রীগী লোইশঙ
শিংথানিঙাই ওইবা থবক অমা ওইনা প্রধান মন্ত্রীনা ইন্দিয়া-ন্যু জিলেন্দ এফ.তি.এ থাগৎপা ফোঙদোকখ্রে, মসিনা চাউখৎ-থৌরাংগী থবক তৌমিন্নবদা মমাঙদা অমুক্ত ওইখিদ্রিবা খোঙজেল য়াঙখৎহল্লগনি হায়খি
থাগৎখিবা:
27 APR 2026 5:32PM by PIB Imphal
লৈবাক অনিগী মরক্ত থবক তৌমিন্নবদা শিংথানিঙাই ওইরবা তাঞ্জা অমা ওইনা ঙসি প্রধান মন্ত্রী শ্রী নরেন্দ্র মোদীনা ইন্দিয়া-ন্যু জিলেন্দ ফ্রি ত্রেদ এগ্রিমেন্ত (এফ তি এ) থাগৎপা ফোঙদোকখ্রে।
মহাক্না হায়খি মদুদি এগ্রিমেন্ত অসিনা চাউখৎ-থৌরাংগী থবক তৌমিন্নবদা মমাঙদা অমুক্ত ওইখিদ্রিবা খোঙজেল য়াঙখৎহল্লগনি অমসুং অচেৎপা থাজবা, লৈবাক অনি অমতা ওইহল্লিবা মান্নবা গুনশিং অমসুং পান্দমগী মমি তারে।
প্রধান মন্ত্রীনা হায়খি মদুদি এফ.তি.এ অসিনা লৌমীশিং, নহারোলশিং, নুপীশিং, এম.এস.এম.ইশিং, খুৎহৈবশিং, ষ্টার্দঅপশিং, মহৈরোয়শিং অমসুং ইন্নোবেতরশিংদা মপুংফানা কান্নবা পীগনি। মসিনা চাউখৎনবা, অনৌবা খুদোংচাবশিং অমসুং হিরম খুদিংমক্ত পুন্না থবক তৌমিন্নবগী অনৌবা খুদোংচাবশিং পীরগনি।
প্রধান মন্ত্রীনা মখা তানা হায়খি মদুদি দোল্লর বিল্লিয়ন ২০ থাদনবা ন্যু জিলেন্দগী থাজবা অসিনা লৌউ-শিংউ, মেনুফেকচরিং, ইন্নোবেসন অমসুং তেক্নোলোজিদা মতেং পাংনবা হেনগৎহনগনি, লৈবাক অনিমক্কী হেন্না নুংঙাই য়াইফবা অমসুং অফবা তুংলমচৎ অমগী লম্বী শেমগনি।
প্রধান মন্ত্রীনা এক্সতা হায়খি;
“ঙসি ইন্দিয়া-ন্যু জিলেন্দ পুন্না থবক তৌমিন্নবগী মরুওইবা তাঞ্জা অমনি!
ঙসি খুৎয়েক পীনরিবা ইন্দিয়া-ন্যু জিলেন্দ এফ.তি.এ অসিনা চাউখৎ-থৌরাংগী ঐখোয় থবক তৌমিন্নবদা মমাঙদা অমুক্ত ওইখিদ্রিবা খোঙজেল য়াঙখৎহনবদা ঐ হরাওই। মসিদা অচেৎপা থাজবা, ঐখোয়গী লৈবাক অনি অমতা ওইহল্লিবা মান্নবা গুনশিং অমসুং পান্দমগী মমি তারে।
এগ্রিমেন্ত অসিনা লৌমীশিং, নহারোলশিং, নুপীশিং, এম.এস.এম.ইশিং, খুৎহৈবশিং, ষ্টার্দঅপশিং, মহৈরোয়শিং অমসুং ইন্নোবেতরশিংদা মপুংফানা কান্নবা পীগনি। মসিনা চাউখৎনবা, অনৌবা খুদোংচাবশিং অমসুং হিরম খুদিংমক্ত পুন্না থবক তৌমিন্নবগী অনৌবা খুদোংচাবশিং পীরগনি।
দোল্লর বিল্লিয়ন ২০ থাদনবা ন্যু জিলেন্দগী থাজবা অসিনা লৌউ-শিংউ, মেনুফেকচরিং, ইন্নোবেসন অমসুং তেক্নোলোজিদা মতেং পাংনবা হেনগৎহনগনি, লৈবাক অনিমক্কী হেন্না নুংঙাই য়াইফবা অমসুং অফবা তুংলমচৎ অমগী লম্বী শেমগনি
@chrisluxonmp”
প্রধান মন্ত্রীগী ওফিসনসু এক্সতা হায়খি;
“পাউজেল অমদা, প্রধান মন্ত্রী @narendramodi না হায়খি মদুদি মালেমগী ওইনা চেৎনা থবক তৌমিন্নবা অমসুং নুংঙাই-য়াইফবা শরুক য়ামিন্নবগী মাইকৈদা ইন্দিয়া-ন্যু জিলেন্দ এফ.তি.এনা অচৌবা খুমাঙচাউশিনবা অমা ওইরে।
মসিনা অচৌবা গনতন্ত্র চৎপা লৈবাক অনিগী মরক্ত শেন-থুমগী মরীশিং মপাঙ্গল কনখৎহনগনি, লৌমীশিং, নহারোলশিং, নুপীশিং, এম.এস.এম.ইশিং, খুৎহৈবশিং অমসুং মহৈরোয়শিংগীদমক খুদোংচাবশিং থোঙ হাংদোক্লে।
মসিনা লৌমীশিং, নহারোলশিং, এম.এস.এম.ইশিং অমসুং ওন্ত্রেপ্রেন্যুরশিংগী খুদোংচাবশিং পীরগনি। #IndiaNZFTA”
***
(রিলিজ আই.দি.: 2256118)
ভিজিতর কাউন্তর : 7