পশ্চিম এছিয়াৰ বিৱৰ্তনশীল পৰিস্থিতিৰ মাজতে ভাৰত চৰকাৰে মূল খণ্ডসমূহৰ কাৰ্যক্ষমতা নিশ্চিত কৰাৰ লগতে নিৰৱচ্ছিন্নভাৱে সক্ৰিয়ভাৱে কাম কৰি  আছে। শক্তি যোগান, সামুদ্ৰিক কাৰ্য্যকলাপ আৰু অঞ্চলটোৰ ভাৰতীয় নাগৰিকসকলৰ বাবে সমৰ্থনৰ ক্ষেত্ৰত গ্ৰহণ কৰা ব্যৱস্থাসমূহৰ বিৱৰণ তলত  উল্লেখ কৰা হৈছে।

শক্তি যোগান আৰু ইন্ধনৰ উপলব্ধতা

পেট্ৰলিয়াম আৰু প্ৰাকৃতিক গেছ মন্ত্ৰালয়ে বৰ্তমানৰ ইন্ধন যোগানৰ পৰিস্থিতিৰ বিষয়ত তথ্য প্ৰকাশ কৰিছে, য’ত হৰমুজ জলদ্বীপক প্ৰভাৱান্বিত  কৰা  পৰিস্থিতিৰ মাজতে পেট্ৰলিয়াম সামগ্ৰী আৰু এল পি জিৰ নিৰৱচ্ছিন্ন উপলব্ধতা নিশ্চিত কৰাৰ বাবে গ্ৰহণ কৰা ব্যৱস্থাসমূহৰ ৰূপৰেখা দাঙি ধৰা হৈছে । ইয়াত কোৱা হৈছে  যে:

পৰামৰ্শ আৰু নাগৰিক সজাগতা

• পেট্ৰ’ল, ডিজেল আৰু এল পি জিৰ উপলব্ধতা নিশ্চিত কৰাৰ বাবে চৰকাৰে সকলো প্ৰচেষ্টা হাতত লোৱাৰ বাবে নাগৰিকসকলক পেট্ৰ’ল, ডিজেল আৰু এল পি জিৰ আতংকিত হৈ ক্ৰয় কৰাৰ  পৰা বিৰত থাকিবলৈ পৰামৰ্শ দিয়া হৈছে।

• উৰাবাতৰিৰ পৰা সাৱধান হওক আৰু সঠিক তথ্যৰ বাবে চৰকাৰী উৎসৰ ওপৰত নিৰ্ভৰ কৰক।

• এল পি জি গ্ৰাহকসকলক ডিজিটেল বুকিং প্লেটফৰ্ম ব্যৱহাৰ কৰিবলৈ আৰু বিতৰকসকলৰ ওচৰলৈ যোৱাৰ পৰা বিৰত থাকিবলৈ অনুৰোধ জনোৱা হৈছে।

• নাগৰিকসকলক বিকল্প ইন্ধন যেনে পিএনজি আৰু বৈদ্যুতিক বা ইণ্ডাকচন কুকটপ ব্যৱহাৰ কৰিবলৈ উৎসাহিত কৰা হৈছে।

• সকলো নাগৰিককে  দৈনন্দিন ব্যৱহাৰৰ সময়ত শক্তি সংৰক্ষণ কৰিবলৈ আহ্বান জনোৱা হৈছে।

চৰকাৰী প্ৰস্তুতি আৰু যোগান ব্যৱস্থাপনা ব্যৱস্থা

• চলি থকা ভূ-ৰাজনৈতিক পৰিস্থিতিৰ মাজতো চৰকাৰে নিশ্চিত কৰিছে যে ঘৰুৱা এল পি জি, ঘৰুৱা পি এন জি আৰু চি এন জি (পৰিবহন)লৈ ১০০% যোগান ধৰা হৈছে।

• বাণিজ্যিক এল পি জিৰ বাবে চিকিৎসালয়, শিক্ষানুষ্ঠানক অগ্ৰাধিকাৰ দিয়া হৈছে। ইয়াৰ উপৰি ফাৰ্মা, ষ্টীল, অটোম’বাইল, বীজ, কৃষি আদিকো অগ্ৰাধিকাৰ দিয়া হৈছে।ইয়াৰ উপৰি প্ৰব্ৰজিত শ্ৰমিকক ২ আৰু ৩ মাৰ্চৰ গড়  উপলব্ধতাৰ ভিত্তিত ৫ কিলোগ্ৰাম এফটিএলৰ যোগানো দুগুণ কৰা হৈছে।

• চৰকাৰে ইতিমধ্যে যোগান আৰু চাহিদা দুয়োটা দিশতে কেইবাটাও যুক্তিসংগতকৰণ ব্যৱস্থা ৰূপায়ণ কৰিছে, য’ত শোধনাগাৰৰ উৎপাদন বৃদ্ধি কৰা, চহৰ অঞ্চলত বুকিংৰ ব্যৱধান ২১ দিনৰ পৰা ২৫ দিনলৈ আৰু গ্ৰাম্য অঞ্চলত ৪৫ দিনলৈ বৃদ্ধি কৰা আৰু যোগানৰ বাবে খণ্ডসমূহক অগ্ৰাধিকাৰ দিয়া আদি ব্যৱস্থা  আছে।

• এল পি জিৰ চাহিদাৰ চাপ কমোৱাৰ বাবে কেৰাচিন আৰু কয়লাৰ দৰে বিকল্প ইন্ধন উপলব্ধ কৰা হৈছে।

• কয়লা মন্ত্ৰালয়ে কল  ইণ্ডিয়া আৰু চিংগাৰেনী কলিয়াৰীক ক্ষুদ্ৰ আৰু মজলীয়া গ্ৰাহকক বিতৰণৰ বাবে ৰাজ্যসমূহক অতিৰিক্ত কয়লা যোগান ধৰিবলৈ নিৰ্দেশ দিছে।

• ঘৰুৱা আৰু বাণিজ্যিক গ্ৰাহকৰ বাবে নতুন পিএনজি সংযোগৰ সুবিধা প্ৰদান কৰিবলৈ ৰাজ্যসমূহক পৰামৰ্শ দিয়া হৈছে।

ৰাজ্য/কেন্দ্ৰীয় শাসিত অঞ্চল আৰু প্ৰতিষ্ঠানিক ব্যৱস্থাৰ সৈতে সমন্বিত প্ৰচেষ্টা

• ৰাজ্য চৰকাৰসমূহক অত্যাৱশ্যকীয় সামগ্ৰী আইন, ১৯৫৫ আৰু এল পি জি নিয়ন্ত্ৰণ আদেশ, ২০০০ৰ অধীনত যোগান নিৰীক্ষণ আৰু অবৈধ মজুতকৰণ  আৰু ক’লা ব্যৱসায়ৰ বিৰুদ্ধে কাম কৰাৰ ক্ষমতা প্ৰদান কৰা হৈছে। চৰকাৰে পেট্ৰল, ডিজেল আৰু এলপিজিকে ধৰি অত্যাৱশ্যকীয় সামগ্ৰীৰ যোগানৰ পৰিস্থিতি নিৰীক্ষণ তথা  নিয়ন্ত্ৰণত ৰাজ্য/কেন্দ্ৰীয় শাসিত অঞ্চলসমূহে প্ৰাথমিক ভূমিকা পালন কৰিব লাগিব।  ভাৰত চৰকাৰে সকলো ৰাজ্য/কেন্দ্ৰীয় শাসিত অঞ্চললৈ একাধিক পত্ৰ আৰু ভিডিঅ' কনফাৰেন্সৰ জৰিয়তে একেখিনি কথা পুনৰবাৰ উল্লেখ কৰিছে।

• ভাৰত চৰকাৰে ২৭.০৩.২০২৬ আৰু ০২.০৪.২০২৬ তাৰিখৰ পত্ৰৰ ভিত্তিত নাগৰিকসকলক পৰ্যাপ্ত ইন্ধনৰ উপলব্ধতাৰ সন্দৰ্ভত আশ্বস্ত কৰিবলৈ সক্ৰিয় ৰাজহুৱা যোগাযোগৰ প্ৰয়োজনীয়তাৰ বিষয়ত গুৰুত্ব আৰোপ কৰিছে। ৰাজ্য/কেন্দ্ৰীয় শাসিত অঞ্চলৰ সৈতে নিয়মীয়াকৈ পৰ্যালোচনা বৈঠক অনুষ্ঠিত হৈ আছে। এই প্ৰসংগত ০২.০৪.২০২৬ তাৰিখে (সচিব, এম অ’ পি এন জিৰ অধ্যক্ষতাত) আৰু ০৬.০৪.২০২৬ তাৰিখে (আই এণ্ড বি আৰু গ্ৰাহক পৰিক্ৰমাৰ সচিবসকলৰ সৈতে এম অ’ পি এন জিৰ সচিবৰ অধ্যক্ষতাত) সভা আহ্বান কৰা হৈছিল, য’ত তলত উল্লেখ কৰা বিষয়সমূহত গুৰুত্ব আৰোপ কৰা হৈছিল।

o দৈনিক সংবাদমেল অনুষ্ঠিত কৰা আৰু নিয়মীয়াকৈ ৰাজহুৱা পৰামৰ্শ জাৰি কৰা।

o ছ’চিয়েল মিডিয়াত ভুৱা বাতৰি / ভুল তথ্য সক্ৰিয়ভাৱে নিৰীক্ষণ আৰু প্ৰতিহত কৰা।

o জিলা প্ৰশাসকৰ দ্বাৰা দৈনিক বলৱৎকৰণ অভিযান তীব্ৰতৰ কৰা আৰু অ’এমচিৰ সৈতে সমন্বয়ত অভিযান আৰু পৰিদৰ্শন অব্যাহত ৰখা

o তেওঁলোকৰ ৰাজ্য/কেন্দ্ৰীয় শাসিত অঞ্চলৰ ভিতৰত বাণিজ্যিক এল পি জি আবণ্টনৰ আদেশ জাৰি কৰা

o ৰাজ্য/কেন্দ্ৰীয় শাসিত অঞ্চলসমূহক আবণ্টিত অতিৰিক্ত এছ কে অ’ৰ বাবে এছ কে অ’ আবণ্টনৰ আদেশ জাৰি কৰা।

o পিএনজি গ্ৰহণ আৰু বিকল্প ইন্ধনক প্ৰসাৰ কৰা।

বিশেষকৈ ঘৰুৱা প্ৰয়োজনীয়তাৰ বাবে এল পি জি যোগানক অগ্ৰাধিকাৰ দিয়া আৰু যোগানৰ স্থিতিশীলতা নিশ্চিত কৰিবলৈ ৫ কিলোগ্ৰাম এফ টি এল চিলিণ্ডাৰ বিতৰণ কৰা।

• সকলো ৰাজ্য/কেন্দ্ৰীয় শাসিত অঞ্চলে অবৈধ মজুতকৰণ  আৰু ক’লা  ব্যৱসায় ৰোধ কৰিবলৈ নিয়ন্ত্ৰণ কক্ষ আৰু জিলা নিৰীক্ষণ সমিতি গঠন কৰিছে।

• বহু ৰাজ্য/কেন্দ্ৰীয় শাসিত অঞ্চলে সংবাদমেল অনুষ্ঠিত কৰি আছে।

বলৱৎকৰণ আৰু নিৰীক্ষণ কাৰ্য্য

• এল পি জিৰ অবৈধ মজুতকৰণ আৰু ক’লা ব্যৱসায়  ৰোধৰ বাবে সমগ্ৰ দেশতে বলৱৎকাৰী ব্যৱস্থা অব্যাহত আছে। ১৩.০৪.২০২৬ তাৰিখে সমগ্ৰ দেশত ২,৯৫০ টাতকৈও অধিক অভিযান চলোৱা হয়।

• শেহতীয়াকৈ ২০২৬ চনৰ ১১ এপ্ৰিলত কেৰালাৰ অসামৰিক যোগানৰ বিষয়াসকলে তিৰুৱনন্তপুৰমৰ আটংগালত থকা এটা ব্যক্তিগত গেছ এজেন্সীৰ চৌহদৰ পৰা প্ৰায় ৫০০টা অবৈধভাৱে মজুত কৰা গেছ চিলিণ্ডাৰ জব্দ কৰে। এই অভিযান বৰ্তমানৰ এল পি জিৰ নাটনিৰ সময়ত এল পি জিৰ ক’লা বজাৰ ৰোধ কৰাৰ বাবে বিশেষ বলৱৎকাৰী অভিযানৰ অংশ আছিল। বৰ্তমান ৰাজ্যৰ বিভাগসমূহে এই গোচৰৰ তদন্ত অব্যাহত ৰাখিছে।

• পিএছইউ অ’এমচিয়ে  হঠাতে পৰিদৰ্শন শক্তিশালী কৰিছে  আৰু ২৩২টা এলপিজি বিতৰকত শাস্তি প্ৰদান কৰিছে আৰু ৫৬টা এলপিজি বিতৰক কালিলৈকে স্থগিত ৰখা হৈছে।

এল পি জিৰ যোগান

ঘৰুৱা এল পি জি যোগানৰ অৱস্থা:

• প্ৰচলিত ভূ-ৰাজনৈতিক পৰিস্থিতিৰ ফলত এল পি জি যোগানৰ প্ৰভাৱ অব্যাহত আছে।

• এল পি জি বিতৰকত কোনো ধৰণৰ নাটনি হোৱাৰ খবৰ পোৱা হোৱা নাই।

• কালি সমগ্ৰ উদ্যোগ ভিত্তিত অনলাইন এল পি জি বুকিং ৯৮% লৈ বৃদ্ধি পাইছে।

• ডাইভাৰচন ৰোধ কৰিবলৈ ডেলিভাৰী প্ৰমাণীকৰণ ক’ড (DAC) ভিত্তিক ডেলিভাৰী প্ৰায় ৯২% লৈ বৃদ্ধি কৰা হৈছে। গ্ৰাহকে পঞ্জীয়নভুক্ত মোবাইল নম্বৰত ডিএচি লাভ কৰিছে।

• বুকিঙৰ বিপৰীতে ঘৰুৱা এল পি জি চিলিণ্ডাৰৰ যোগান স্বাভাৱিক হৈয়েই থাকে।

বাণিজ্যিক এল পি জি যোগান আৰু আবণ্টনৰ ব্যৱস্থা:

• মুঠ বাণিজ্যিক এল পি জি আবণ্টন সংকটৰ পূৰ্বৰ স্তৰৰ প্ৰায় ৭০% লৈ বৃদ্ধি কৰা হৈছে, য’ত ১০% সংস্কাৰ-সংলগ্ন আবণ্টনো আছে।

• ভাৰত চৰকাৰে ০৬.০৪.২০২৬ তাৰিখৰ পত্ৰৰ জৰিয়তে জনাইছে যে প্ৰব্ৰজিত শ্ৰমিকসকলক প্ৰদানৰ বাবে প্ৰতিখন ৰাজ্যত উপলব্ধ  দৈনিক ৫ কিলোগ্ৰাম এফটিএল চিলিণ্ডাৰৰ পৰিমাণ ২০২৬ চনৰ ২-৩ মাৰ্চৰ ভিতৰত প্ৰব্ৰজিত শ্ৰমিকসকলক গড় দৈনিক যোগান (চিলিণ্ডাৰৰ সংখ্যা)ৰ ওপৰত ভিত্তি কৰি দুগুণ কৰা হৈছে , ২১.০৩.২০২৬ তাৰিখৰ পত্ৰৰ ভিত্তিত তেনে কৰা হৈছে। এই ৫ কেজি এফটিএল চিলিণ্ডাৰসমূহ তেল বিপণন কোম্পানী (অ’এমচি)ৰ সহায়ত তেওঁলোকৰ ৰাজ্যৰ প্ৰব্ৰজিত শ্ৰমিকসকলকহে যোগান ধৰাৰ বাবে ৰাজ্য চৰকাৰৰ দায়িত্বত  থাকিব।

• ২০২৬ চনৰ ৩ এপ্ৰিলৰ পৰা পিএছইউ অ’এমচিয়ে ৫ কিলোগ্ৰাম এফটিএল চিলিণ্ডাৰৰ বাবে ৪৪৫০টাতকৈও অধিক সজাগতা শিবিৰৰ আয়োজন কৰিছে, য’ত ৪৯,৩০০টা ৫ কিলোগ্ৰামতকৈ অধিক এফটিএল চিলিণ্ডাৰো বিক্ৰী কৰা হৈছে।

• শেহতীয়াকৈ ২০২৬ চনৰ ১২ এপ্ৰিলত মহাৰাষ্ট্ৰৰ পালঘৰৰ বয়ছাৰ ঔদ্যোগিক এলেকাত আই অ’ চি এলৰ উদ্যোগত আয়োজন কৰা ৫ কেজি এফ টি এল সজাগতা শিবিৰত  ভাল সঁহাৰি পোৱা গৈছিল আৰু দিনটোত প্ৰায় ৮০০ চিলিণ্ডাৰ বিক্ৰী কৰা হৈছিল।

• ২০২৬ চনৰ ২৩ মাৰ্চৰ পৰা ১৪.৩ লাখতকৈ অধিক - ৫ কিলোগ্ৰাম এফটিএল চিলিণ্ডাৰ বিক্ৰী হৈছে।

• ১৩.০৪.২০২৬ তাৰিখে সমগ্ৰ দেশতে প্ৰায় ১.১ লাখ - ৫ কিলোগ্ৰাম এফটিএল চিলিণ্ডাৰ বিক্ৰী হৈছিল, যিটো ফেব্ৰুৱাৰী-২৬ মাহত দৈনিক গড়ে ৭৭০০০ বিক্ৰী হৈছিল

• আই অ’ চি এল, এইচ পি চি এল আৰু বি পি চি এলৰ কাৰ্যবাহী সঞ্চালকৰ তিনিজনীয়া সমিতিয়ে ৰাজ্যিক কৰ্তৃপক্ষ আৰু উদ্যোগ সংস্থাসমূহৰ সৈতে সমন্বয় কৰি বাণিজ্যিক এল পি জি বিতৰণৰ পৰিকল্পনা কৰিছে।

• ২০২৬ চনৰ ১৪ মাৰ্চৰ পৰা মুঠ ১,৩১,৬৪৫ মেট্ৰিক টন (১৯ কিলোগ্ৰাম এল পি জি চিলিণ্ডাৰৰ ৬৯.২৮ লাখতকৈ অধিক) বাণিজ্যিক এল পি জি বিক্ৰী কৰা হৈছে।

• ১৩.০৪.২০২৬ তাৰিখে ৮৬৬১ মেট্ৰিক টন বাণিজ্যিক এল পি জি (৪.৫ লাখতকৈ অধিক - ১৯ কেজি চিলিণ্ডাৰৰ সমতুল্য) বিক্ৰী কৰা হয়।

প্ৰাকৃতিক গেছ যোগান আৰু পিএনজি সম্প্ৰসাৰণৰ পদক্ষেপ

• ডি-পিএনজি আৰু চিএনজি (পৰিবহণ)লৈ ১০০% যোগানৰ সৈতে গ্ৰাহকক অগ্ৰাধিকাৰ দিয়া হৈছে।

• উপলব্ধ তথ্য আৰু নিৰ্ধাৰিত এল এন জি কাৰ্গোৰ আগমনৰ ভিত্তিত সাৰ উদ্যোগসমূহলৈ সামগ্ৰিক গেছ আবণ্টন ৫% বৃদ্ধি কৰি ছমাহৰ গড় ব্যৱহাৰৰ প্ৰায় ৯৫% পোৱা গৈছে, যিটো ০৯.০৪.২০২৬ৰ পৰা কাৰ্যকৰী হ’ব।

• চিজিডি সত্তাসমূহক হোটেল, ৰেষ্টুৰেণ্ট আৰু কেণ্টিনৰ দৰে বাণিজ্যিক প্ৰতিষ্ঠানৰ বাবে পিএনজি সংযোগক অগ্ৰাধিকাৰ দিবলৈ পৰামৰ্শ দিয়া হৈছে, যাতে বাণিজ্যিক এলপিজিৰ উপলব্ধতাৰ সন্দৰ্ভত সৃষ্টি হোৱা উদ্বেগসমূহ সমাধান কৰিব পৰা যায়।

• আইজিএল, এমজিএল, গেইল গেছ আৰু বিপিচিএলকে ধৰি চিজিডি কোম্পানীসমূহে ঘৰুৱা আৰু বাণিজ্যিক পিএনজি সংযোগৰ বাবে উদগনি আগবঢ়াইছে।

• ৰাজ্য/কেন্দ্ৰীয় শাসিত অঞ্চল আৰু কেন্দ্ৰীয় মন্ত্ৰালয়সমূহক চিজিডি নেটৱৰ্ক সম্প্ৰসাৰণৰ বাবে প্ৰয়োজনীয় অনুমোদন ক্ষিপ্ৰতাৰে কৰিবলৈ অনুৰোধ কৰা হৈছে।

• ভাৰত চৰকাৰে ১৮.০৩.২০২৬ তাৰিখৰ পত্ৰৰ ভিত্তিত সকলো ৰাজ্য/কেন্দ্ৰীয় শাসিত অঞ্চলক ৰাজ্যসমূহলৈ অতিৰিক্ত ১০% বাণিজ্যিক এল পি জি আবণ্টনৰ প্ৰস্তাৱ দিছে , যদিহে তেওঁলোকে এল পি জিৰ পৰা পি এন জিলৈ দীৰ্ঘম্যাদী পৰিৱৰ্তনত সহায় কৰিব পাৰে।

• ইতিমধ্যে ২১খন ৰাজ্য/কেন্দ্ৰীয় শাসিত অঞ্চলে পিএনজি সম্প্ৰসাৰণ সংস্কাৰৰ সৈতে জড়িত অতিৰিক্ত বাণিজ্যিক এলপিজি আবণ্টন লাভ কৰিছে।

• পথ পৰিবহণ আৰু ঘাইপথ মন্ত্ৰালয়ে অগ্ৰাধিকাৰ ভিত্তিত আবেদন প্ৰক্ৰিয়াকৰণৰ বাবে চিজিডি আন্তঃগাঁথনিৰ বাবে ৩ মাহৰ বাবে  অনুমোদনৰ কাঠামো গ্ৰহণ কৰিছে।

• ভাৰত চৰকাৰে ২৪.০৩.২০২৬ তাৰিখৰ গেজেট অনুসৰি প্ৰাকৃতিক গেছ আৰু পেট্ৰলিয়াম সামগ্ৰী বিতৰণ (পাইপলাইন আৰু অন্যান্য সুবিধাসমূহ বিস্তাৰ, নিৰ্মাণ, পৰিচালনা আৰু সম্প্ৰসাৰণৰ জৰিয়তে) আদেশ, ২০২৬ অত্যাৱশ্যকীয় সামগ্ৰী আইন, ১৯৫৫ৰ অধীনত অৱগত কৰিছে দেশত, অনুমোদন আৰু পলমৰ সৈতে মোকাবিলা কৰা, আৰু আবাসিক অঞ্চলকে ধৰি প্ৰাকৃতিক গেছৰ আন্তঃগাঁথনিৰ দ্ৰুত উন্নয়ন সক্ষম কৰা। ইয়াৰ দ্বাৰা পিএনজি নেটৱৰ্ক বৃদ্ধি ত্বৰান্বিত হ’ব, সমাজৰ শেষ মাইললৈকে  সংযোগ বৃদ্ধি হ’ব আৰু  নিকা  ইন্ধনলৈ পৰিৱৰ্তনত সহায় হ’ব, যাৰ ফলত শক্তি সুৰক্ষা শক্তিশালী হ’ব আৰু ভাৰতৰ গেছ ভিত্তিক অৰ্থনীতিক আগুৱাই নিব পৰা যাব ।

• পিএনজিআৰবিয়ে চিজিডি সত্তাসমূহক ডি-পিএনজি সংযোগ ক্ষিপ্ৰ কৰিবলৈ নিৰ্দেশ দিছে। লগতে, পিএনজি সম্প্ৰসাৰণৰ গতি বজাই ৰাখিবলৈ এতিয়া নেচনেল পিএনজি ড্ৰাইভ ২.০ ৩০.০৬.২০২৬ লৈকে বৃদ্ধি কৰা হৈছে।

• স্বচ্ছ, অধিক সুৰক্ষিত আৰু স্বাৱলম্বী শক্তিৰ ভৱিষ্যতক উৎসাহিত কৰিবলৈ ভাৰত চৰকাৰে ৰাজ্যিক চিবিজি নীতিৰ আৰ্হি খচৰা প্ৰস্তুত কৰিছে। আৰ্হি নীতিৰ উদ্দেশ্য হৈছে ৰাজ্যসমূহে চিবিজিৰ উন্নয়নৰ বাবে নিজাকৈ বিনিয়োগকাৰী-বন্ধুত্বপূৰ্ণ আৰু ৰূপায়ণমুখী পৰিৱেশ তন্ত্ৰ সৃষ্টি কৰিবলৈ সক্ষম কৰিবলৈ এক বিস্তৃত নমনীয় পথ প্ৰদৰ্শক কাঠামো হিচাপে কাম কৰিব । যিবোৰ ৰাজ্যই ইয়াক বাছি লয়, সেইবোৰক বাণিজ্যিক এল পি জিৰ অতিৰিক্ত আবণ্টনৰ পৰৱৰ্তী শাখাৰ বাবে অগ্ৰাধিকাৰ দিয়া হ’ব।

• ২০২৬ চনৰ মাৰ্চ মাহৰ পৰা প্ৰায় ৪.৪০ লাখ পিএনজি সংযোগ প্ৰদান  কৰা হৈছে আৰু প্ৰায় ৪.৮৮ লাখ অতিৰিক্ত গ্ৰাহকে নতুন সংযোগৰ বাবে পঞ্জীয়ন কৰিছে।

• ১৩.০৪.২০২৬ তাৰিখলৈকে ৩৩,০০০ৰো অধিক পিএনজি গ্ৰাহকে MYPNGD.in ৱেবছাইটৰ জৰিয়তে নিজৰ এলপিজি সংযোগ ত্যাগ কৰিছে

খাৰুৱা তেলৰ স্থিতি আৰু শোধনাগাৰৰ কাৰ্য্যকলাপ

• সকলো শোধনাগাৰে পৰ্যাপ্ত খাৰুৱা তেলৰ তথ্যৰে উচ্চ ক্ষমতাৰে কাম কৰি আছে, আনহাতে পেট্ৰ’ল আৰু ডিজেলৰ পৰ্যাপ্ত মজুত ৰখা হৈছে।

• ঘৰুৱা ব্যৱহাৰক সহায় কৰিবলৈ শোধনাগাৰৰ পৰা ঘৰুৱা এল পি জি উৎপাদন বৃদ্ধি কৰা হৈছে।

• ভাৰত চৰকাৰে ০১.০৪.২০২৬ তাৰিখৰ আদেশ অনুসৰি ভাৰতৰ পেট্ৰ’কেমিকেল চৌহদকে  ধৰি ৰিফাইনিং কোম্পানীসমূহক ঔষধ বিভাগ, খাদ্য আৰু ৰাজহুৱা বিতৰণ বিভাগ, ৰাসায়নিক আৰু পেট্ৰ’ ৰাসায়নিক বিভাগ আদিৰ দৰে গুৰুত্বপূৰ্ণ খণ্ডৰ বাবে  নূন্যতম পৰিমাণৰ চি৩ আৰু চি৪ ষ্ট্ৰিম উপলব্ধ কৰাৰ অনুমতি দিছে ।

খুচুৰা ইন্ধনৰ উপলব্ধতা আৰু মূল্য নিৰ্ধাৰণৰ ব্যৱস্থা

• সমগ্ৰ দেশতে খুচুৰা বিপণীসমূহ স্বাভাৱিকভাৱে চলি আছে।

• মধ্যপ্ৰাচ্যৰ সংকটৰ ফলত খাৰুৱা তেলৰ মূল্য অস্বাভাৱিকভাৱে বৃদ্ধি পাইছে; কিন্তু গ্ৰাহকক সুৰক্ষা দিবলৈ ভাৰত চৰকাৰে পেট্ৰল আৰু ডিজেলৰ ওপৰত আবকাৰী শুল্ক প্ৰতি লিটাৰত ১০ টকাকৈ হ্ৰাস কৰিছে।

• ভাৰত চৰকাৰে ১১.০৪.২০২৬ তাৰিখৰ গেজেট অধিসূচনা অনুসৰি ডিজেলৰ প্ৰতি লিটাৰত  ওপৰত ৰপ্তানি শুল্ক  ৫৫.৫০ টকা আৰু এ টি এফত ৪২ টকা বৃদ্ধি কৰিছে । ঘৰুৱা বজাৰত এই সামগ্ৰীসমূহৰ উপলব্ধতা নিশ্চিত কৰিবলৈ এনে কৰা হৈছে ।

• খুচুৰা বিপণীত কোনো বৃদ্ধি নোহোৱাকৈ পেট্ৰ’ল আৰু ডিজেলৰ খুচুৰা মূল্য অপৰিৱৰ্তিত হৈ আছে।

কেৰাচিনৰ উপলব্ধতা আৰু বিতৰণৰ ব্যৱস্থা

• নিয়মীয়া আবণ্টনৰ ওপৰত ৰাজ্য/কেৰাষ্ট্ৰীয় কেন্দ্ৰসমূহক ৪৮,০০০ কেল কেৰাচিনৰ অতিৰিক্ত আবণ্টন প্ৰদান কৰা হৈছে।

• ১৮খন ৰাজ্য/কেন্দ্ৰীয় শাসিত অঞ্চলে এছ কে অ’ আবণ্টনৰ আদেশ জাৰি কৰিছে, আনহাতে হিমাচল প্ৰদেশ আৰু লাডাখে কোনো প্ৰয়োজনীয়তাৰ ইংগিত  দিয়া নাই।

সামুদ্ৰিক সুৰক্ষা আৰু জাহাজ চলোৱাৰ কাৰ্য্যকলাপ

অঞ্চলটোত চলি থকা ভাৰতীয় জাহাজ আৰু নাৱিকসকলক সুৰক্ষিত কৰাৰ বাবে প্ৰয়োজনীয় ব্যৱস্থা গ্ৰহণ কৰিছে বন্দৰ, জাহাজ আৰু জলপথ মন্ত্ৰালয়ে। মন্ত্ৰালয়ে উল্লেখ কৰিছে যে:

• অঞ্চলটোৰ সকলো ভাৰতীয় নাৱিক নিৰাপদে আছে  আৰু বিগত ২৪ ঘন্টাত ভাৰতীয় পতাকা থকা জাহাজৰ সৈতে জড়িত কোনো কূটাঘাত  সংঘটিত হোৱা নাই।

• ডিজি শ্বিপিং কণ্ট্ৰল ৰুমে সক্ৰিয় হোৱাৰ পিছত ৬,২৯২টা কল আৰু ১৩,২২৮টাতকৈ অধিক ইমেইল চম্ভালিছে, য’ত বিগত ২৪ ঘণ্টাত ২১৯টা কল আৰু ৩৬১টা ইমেইল আছে।

• ডি জি শ্বিপিঙে এতিয়ালৈকে ২,২৬২ জনতকৈ অধিক ভাৰতীয় নাৱিকক নিৰাপদে প্ৰত্যাৱৰ্তনৰ সুবিধা প্ৰদান কৰিছে, য’ত সমগ্ৰ উপসাগৰীয় অঞ্চলৰ বিভিন্ন স্থানৰ পৰা যোৱা ২৪ ঘণ্টাত ৮৫ জন নাৱিকক নিৰাপদে প্ৰত্যাৱৰ্তনৰ সুবিধা প্ৰদান কৰিছে।

• সমগ্ৰ ভাৰতত বন্দৰৰ কাম-কাজ স্বাভাৱিকভাৱে অব্যাহত আছে আৰু কোনো ধৰণৰ অসুবিধাৰ তথ্য পোৱা হোৱা নাই।

• ভাৰতীয় নাৱিকসকলৰ কল্যাণৰ বাবে  আৰু নিৰৱচ্ছিন্ন সামুদ্ৰিক কাৰ্য্যকলাপ নিশ্চিত কৰাৰ বাবে মন্ত্ৰালয়ে বৈদেশিক পৰিক্ৰমা মন্ত্ৰালয়, ভাৰতীয় মিছন আৰু সামুদ্ৰিক অংশীদাৰসকলৰ সৈতে ঘনিষ্ঠভাৱে সমন্বয় অব্যাহত ৰাখিছে।

অঞ্চলটোত ভাৰতীয় নাগৰিকৰ সুৰক্ষা

সমগ্ৰ অঞ্চলটোত ভাৰতীয় মিছন আৰু পোষ্টসমূহে ভাৰতীয় লোকৰ সৈতে ঘনিষ্ঠ যোগাযোগ ৰক্ষা কৰি  আছে, একে সময়তে তেওঁলোকৰ সুৰক্ষা আৰু মংগলৰ বাবে সহায় তথা  প্ৰয়োজনীয় পৰামৰ্শ প্ৰদান অব্যাহত ৰাখিছে। বৈদেশিক পৰিক্ৰমা মন্ত্ৰালয়ে জনোৱা মতে:

• বৈদেশিক পৰিক্ৰমা মন্ত্ৰালয়ে পশ্চিম এছিয়াৰ দেশসমূহৰ সৈতে যোগাযোগ  অব্যাহত ৰাখিছে ।

• বৈদেশিক পৰিক্ৰমা মন্ত্ৰীয়ে কুৱেইটৰ বৈদেশিক মন্ত্ৰীৰ সৈতে কথা পাতিছে। তেওঁ আঞ্চলিক পৰিস্থিতি আৰু ভাৰতীয় লোকৰ মংগলৰ বিষয়ে আলোচনা কৰিছে।

• বৈদেশিক পৰিক্ৰমা মন্ত্ৰীয়ে ইজৰাইলৰ বৈদেশিক মন্ত্ৰীৰ সৈতেও কথা পাতি পশ্চিম এছিয়াৰ সংঘাতৰ বিভিন্ন দিশৰ ওপৰত আলোচনা কৰিছে।

• ইয়াৰ উপৰি বৈদেশিক পৰিক্ৰমা মন্ত্ৰীয়ে ছিংগাপুৰ আৰু অষ্ট্ৰেলিয়াৰ বৈদেশিক মন্ত্ৰীসকলৰ সৈতেও কথা পাতিছে।  তেওঁলোকে পশ্চিম এছিয়াৰ সংঘাতৰ বিষয়ত মত বিনিময় কৰিছে।

• উপসাগৰীয় আৰু পশ্চিম এছিয়া অঞ্চলৰ উন্নয়নৰ বিষয়ত  চৰকাৰে  নিৰীক্ষণ অব্যাহত ৰাখিছে।

• তথ্যৰ উন্নত বিনিময় আৰু সমন্বয়ৰ বাবে বৈদেশিক পৰিক্ৰমা মন্ত্ৰালয়ে ৰাজ্য চৰকাৰ আৰু কেন্দ্ৰীয় শাসিত অঞ্চলৰ সৈতে নিয়মীয়াকৈ যোগাযোগ ৰক্ষা কৰি আছে।

• অঞ্চলটোত থকা  ভাৰতীয় লোকৰ  সুৰক্ষা আৰু কল্যাণ নিশ্চিত কৰাৰ বিষয়ত  প্ৰচেষ্টা  অব্যাহত আছে।

• ভাৰতীয় মিছন আৰু পোষ্টসমূহে ২৪ ঘণ্টাই হেল্পলাইন চলাই আছে আৰু ভাৰতীয় নাগৰিকসকলক সক্ৰিয়ভাৱে সহায় কৰি আছে। স্থানীয় চৰকাৰৰ সৈতে তেওঁলোকৰ ঘনিষ্ঠ যোগাযোগ অব্যাহত আছে।

• স্থানীয় চৰকাৰৰ নিৰ্দেশনা, বিমান আৰু ভ্ৰমণৰ পৰিস্থিতি তথা  কনছুলাৰ সেৱাৰ তথ্য আৰু আমাৰ দেশৰ লোকক সহায় কৰিবলৈ গ্ৰহণ কৰা বিভিন্ন কল্যাণমূলক ব্যৱস্থাকে ধৰি নিয়মিতভাৱে  পৰামৰ্শ জাৰি কৰা হৈছে।

• আমাৰ মিছনসমূহে ভাৰতীয় সম্প্ৰদায়ৰ সংঘ, পেছাদাৰী গোট, ভাৰতীয় কোম্পানী আৰু অঞ্চলটোৰ অন্যান্য অংশীদাৰসকলৰ সৈতে সক্ৰিয়ভাৱে যোগাযোগ ৰক্ষা কৰি আছে।

• আমাৰ মিছনসমূহে স্থানীয় কৰ্তৃপক্ষ আৰু সংস্থাসমূহৰ সৈতে সমন্বয়, কনছুলাৰ সাহায্য প্ৰদান আৰু ভাৰতলৈ ঘূৰি অহাৰ অনুৰোধৰ সুবিধা প্ৰদানকে ধৰি অঞ্চলটোৰ জাহাজসমূহত থকা ভাৰতীয় ক্ৰু সদস্যসকলক সকলো সহায় আগবঢ়াইছে।

• যিবোৰ দেশত আকাশমাৰ্গ মুকলি হৈ আছে  সেইবোৰ দেশৰ পৰা বিমান সেৱা অব্যাহত আছে। ২৮ ফেব্ৰুৱাৰীৰ পৰা এই অঞ্চলৰ পৰা প্ৰায় ৯,৫৫,০০০ যাত্ৰীয়ে  ভাৰতলৈ যাত্ৰা কৰিছে।

• ইউ এ ইত বিমান সংস্থাসমূহে কাৰ্য্যকৰী আৰু সুৰক্ষাৰ বিবেচনাৰ ভিত্তিত ইউ এ ই আৰু ভাৰতৰ মাজত সীমিত অ-নিৰ্ধাৰিত বাণিজ্যিক বিমান চলাচল অব্যাহত ৰাখিছে, আজি প্ৰায় ১০০খন বিমান সেৱাৰ আশা কৰা হৈছে।

• চৌদি আৰৱ আৰু ওমানৰ বিভিন্ন বিমানবন্দৰৰ পৰা ভাৰতৰ গন্তব্যস্থানলৈ বিমান সেৱা অব্যাহত আছে।

• কাটাৰৰ আকাশমাৰ্গ আংশিকভাৱে মুকলি হোৱাৰ বাবে আজি কাটাৰ এয়াৰৱেজে ভাৰতলৈ প্ৰায় ১০খন বিমান চলাচল কৰাৰ সম্ভাৱনা আছে।

• কুৱেইটৰ আকাশমাৰ্গ বন্ধ হৈ আছে। কুৱেইটৰ জাজিৰা এয়াৰৱেজ আৰু কুৱেইট এয়াৰৱেজে ছৌদি আৰৱৰ ডাম্মাম বিমানবন্দৰৰ পৰা ভাৰতলৈ অ-নিৰ্ধাৰিত বাণিজ্যিক বিমান চলাই আছে। ছৌদি আৰৱৰ জৰিয়তে ভাৰতীয় নাগৰিকৰ কুৱেইটৰ পৰা ভাৰতলৈ যাত্ৰাৰ সুবিধা অব্যাহত আছে।

• বাহৰেইনৰ আকাশমাৰ্গ মুকলি কৰা হৈছে। বাহৰেইনৰ পৰা ভাৰতলৈ সীমিত বিমান সেৱা আৰম্ভ কৰাৰ সম্ভাৱনা আছে গালফ এয়াৰে আৰু বৰ্তমান ছৌদি আৰৱৰ ডাম্মাম বিমানবন্দৰৰ পৰা ভাৰতলৈ অনিৰ্ধাৰিত বিমান সেৱা চলাই আছে। বাহৰেইনৰ পৰা ভাৰতীয় নাগৰিকৰ চৌদি আৰৱৰ মাজেৰে ভাৰতলৈ যাত্ৰাৰ সুবিধা অব্যাহত আছে।

• তেহৰাণত থকা দূতাবাসে এতিয়ালৈকে ইৰাণৰ পৰা আৰ্মেনিয়া আৰু আজাৰবাইজানলৈ ২৩১৩ জন ভাৰতীয় নাগৰিকক ভাৰতলৈ আগবাঢ়ি যোৱাৰ বাবে স্থানান্তৰিত কৰাৰ সুবিধা প্ৰদান কৰিছে। ইয়াৰ ভিতৰত আছে ১০২৮ গৰাকী ভাৰতীয় শিক্ষাৰ্থী আৰু ৬৫৭ জন ভাৰতীয় মাছমৰীয়া।

• ইজৰাইলৰ আকাশমাৰ্গ আংশিকভাৱে মুকলি কৰি দিয়া হৈছে আৰু সীমিতভাবে বিমান সেৱা চলি আছে । ইজৰাইলৰ পৰা, জৰ্ডান আৰু ইজিপ্তৰ মাজেৰে ভাৰতলৈ ভাৰতীয় নাগৰিকৰ যাত্ৰাৰ সুবিধা প্ৰদান কৰা হৈছে।

• ইৰাকৰ আকাশমাৰ্গ মুকলি হৈছে। ভাৰতলৈ পুনৰ বিমান সেৱা আৰম্ভ কৰিছে ইৰাকী এয়াৰৱেজে। ইৰাকৰ পৰা, জৰ্ডান আৰু চৌদি আৰৱৰ মাজেৰে ভাৰতলৈ ভাৰতীয় নাগৰিকৰ যাত্ৰাৰ সুবিধা অব্যাহত আছে।

TM/DM