দিজিতেলগী লৌশিং ফংহন্নবা মরুওইবা খোংথাং অমা ওইনা, পব্লিকেসন দিবিজন্না মাগী মরুওইবা জর্নেলশিং হায়বদি য়োজনা, কুরুক্ষেত্র, আজকল অমসুং বাল ভারতী অমসুং চয়োলগী ওইবা ইমপ্লোয়মেন্ত ন্যুজ অসি প্রসার ভারতীগী ৱেবস ও.তি.তি.দা লেম্না ফংহন্দুনা লৈবাক শিনবা থুংবগী রীদরশিংদা হকথেংননা ফংহল্লি।

ইনিসিএতিব অসিনা লৈবাক শিনবা থুংনা লৈরিবা লাইরিক হৈবা মীওইশিংগীদমক থাজবা য়াবা, ইনফোর্মেতিব অমসুং কলচরেল ওইনা মপাঙ্গল হাপ্পা কন্তেন্তকী খুদোংচাবা ফংহন্নবা পান্দম থম্লি। থাগী চেফোঙশিং অসি সোসিও-ইকোনোমিক ইসুশিং, রুরেল দিবেলপমেন্ত, লিতরেচর অমসুং অঙাংশিংগী এজুকেসনগী মতাংদা কুপ্না নৈনবগীদমক পাক শন্না খঙনরি। এমপ্লোয়মেন্ত ন্যুজনা থবক ফংনবগী খুদোংচাবশিং, রিক্রুতমেন্ত নোতিফিকেসনশিং, কেরিয়র গাইদেন্স অমসুং স্কিল দিবেলপমেন্তগী মতাংদা থাজবা য়াবা অমসুং মতম চানা পাউতাক পীদুনা থবক থিরিবা মীওইশিংগীদমক মরুওইবা রিসোর্স অমা ওইনা মথৌ তৌরি।

জর্নেলশিংগী মথক্তা, মখল কয়াগী ই-বুকশিংগী পাক চাউবা খোমজিনবা অসিসু ৱেবস প্লেতফোর্মদা মমল তিংদনা ফংহল্লি। মসিগী মনুংদা ভারতকী লৈঙাক, শেন্মিৎলোন অমসুং চাউখৎ-থৌরাংগী খোংথাংশীংগী মপাঙ্গল লৈরবা অমসুং অকুপ্পা ৱারোল পীবগীদমক খঙনরবা মরুওইবা পব্লিকেসন অমা ওইরিবা মমিং লৈরবা ভারত ইয়ার বুক অসিসু য়াওরি। হৌজিক্কী ওইনা অপুনবা ওইনা ই-বুক ২২৭ অসি লাইরিক পাবশিংদা লেম্না ফংহল্লি।

মসিগী দিজিতেলগী খুদোংচাবশিং মখা তানা পাকথোক চাউথোকহন্দুনা, পব্লিকেসন দিভিজননা এপ্রিল লোইদ্রিঙৈগী মমাংদা চাউরাক্না অহেনবা ই-বুক ৩০০ ৱেবস প্লেৎফোর্মদা ফংহন্নবা থৌরাং তৌরি। দিভিজন অসিনা লৌশিং শন্দোকপদা মতেং পাংবগী মিসন মখা চত্থরিঙৈদা মমল হোংদনা ফংহনবগীদমক পব্লিকেসনশিং অসি মমল হোংদনা পীগনি।

এক্সেসিবিলিটি অমসুং রিদরগী খুদোংচাবা হেন্না হেনগৎহন্নবগীদমক, পব্লিকেসন দিভিজননা ফোংবা প্রিন্ট তৌরবা লাইরিকশিংসু ৱেবস প্লেটফোর্মগী খুত্থাংদা ফংগনি। সি.এস.সি. গ্রামীন ই-স্তোরগী খুত্থাংদা ও.এন.দি.সি. (ওপেন নেৎৱর্ক ফোর দিজিতেল কমর্স) ফ্রেমৱার্ককী মখাদা মসিগী খুদোংচাবা অসি ফংহল্লে। মসিনা খুঙ্গং অমসুং অরাপ্পা মফমশিং য়াওনা লৈবাক শীনবা থুংনা লৈরিবা লাইরিক হৈবা মীওইশিংদা ফিজিকেল কোপিশিং লেপ্পা লৈতনা ফংহন্নবা হোৎনরি। হৌজিক্কী ওইনা অপুনবা প্রিন্ট তৌরবা লাইরিক ৫২৪ লৈ।

মসিগী খোঙথাং অসিনা পাব্লিকেসন দিভিজননা মসিগী পব্লিকেসনশিংগী য়ৌগদবা মফম পাকথোক চাউথোকহন্নবা অমসুং লাইরিক হৈবশিংগী অহোংবা অপাম্বশিং ফংহন্নবা দিজিতেল প্লেতফোর্মশিং শীজিন্ননবা লেপ্লিবা অদু উৎলি। ফ্রী দিজিতেল এক্সেস অসি শেল চংদবা পেদ কন্তেন্ত অমসুং ফিজিকেল বুক ফংহনবগা পুনশিন্নদুনা, দিভিজন অসিনা মপুং ফাবা অমসুং ইনক্লুসিব ওইবা লাইরিক লাইশুগী ইকোসিস্তেম অমা শেমগৎনবা পান্দম থম্লি।

মীয়াম্বু ৱেবস ও.তি.তি. প্লেতফোর্মদা হৌজিক ফংলিবা মখল-মখা কয়াগী জর্নেলশিং অমসুং ই-বুকশিং নৈননবা অমসুং খোংথাং অসিদগী কান্নবা লৌনবা পুক্নিং থৌগৎলি।

***