কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ন্যু দিল্লীদা 'বিশ্ব নবকর মহামন্ত্র দিবস'কী থৌরম অমদা অথোইবা মীথুংলেন ওইনা শরুক য়াখ্রে।

কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা হায়খি মদুদি মালেমগী তোঙান তোঙানবা মফমশিংদা মখোয়গী ৱাখল্লোনশিংবু মপাঙ্গল কনখৎহন্নবা হোৎনবদা খুদোংচাদবা কয়া থেংনরিবা মতম অসিদা, মালেম পুম্বগী য়াইফনবগীদমক মফম অসিদা অপুনবা ওইনা নবকর মন্ত্র শোনবা অসি য়াম্না কান্নবা অমসুং মরু ওইবনি। মহাক্না হায়খি মদুদি ভারত অসি তোঙান-তোঙানবা কাঙলুপ অমসুং ধর্মশিংগী লৈবাক্নি, মসিদা চৎনবী খুদিংমক্না মন্ত্রশিংগী অখন্নবা মরুওইবা অমসুং স্পিরিচুএল পাৱরবু ময়েক শেংহল্লি।

কেন্দ্রগী গৃহ মন্ত্রীনা হায়খি মদুদি মন্ত্রশিংনা মীওইবগী পুন্সিবু হেন্না ৱাংবা লম্বী অমদা লমজিংলি, ঐখোয়গী ৱাখল্লোনবু মঙাল পীরি, অমসুং অফবা ৱাখল্লোনবু মপাঙ্গল কনখৎহল্লি। মহাক্না মখা তাখি মদুদি মীপুম খুদিংমক্না পুন্না থম্মোয় শেংনা মান্নবা মন্ত্র অসি শোল্লবা মতমদা, মসিনা মীওই অমা খক্তদা নত্তনা লৈবাক পুম্বা অমসুং মালেম পুম্বদা কান্নবা ফংহল্লি।

শ্রী অমিত শাহনা হায়খি মদুদি ঐখোয়গী লৌশিং লৈরবা অখঙ-অহৈশিংনা, মীরোল কয়াদগী চোকথবা লৈতনা, মীওইবা খুন্নাই পুম্নমক্কী য়াইফনবগীদমক হায়রিবা মন্ত্রশিং অসি শেমগৎখি। ঐখোয়না মখোয়শিং অসিবু ইকায় খুম্ননা লৌগদবনি অমসুং মখোয়শিং অদু থবক ওইনা পাংথোক্কদবনি। মহাক্না হায়খি মদুদি নবকর মন্ত্র অসি মপুং ফানা মওং-মতৌ লৈতবা, খেন্নবা লৈতবা অমসুং য়ুনিভর্সেল প্রেয়র অমনি, মসিদা মতম, কাংলুপ, লমদম, নৎত্রগা ধর্মদা য়ুম্ফম ওইবা খেন্নবা অমত্তা লৈতে। অসিগুম্বা মীপুম খুদিংমক য়াওবা অমসুং য়ুনিভর্সেল ওইনা অয়াবা পীরবা লাইশোন অসি মালেমদা য়াম্না তাঙনা ফংই।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি লাই খুরুমজবা অসি মখোয়গী কর্মা খুদুম চন্দুনা, মশাগী ইথিল খঙবা অমসুং নীংতম্বা ফংনবগী লম্বী য়াৎপীরিবা অৱাংবা থাত্তা লৈবা মীওইশিংগী মগুনশিংবু ইকায় খুম্নবা অমনি। মসিগী অশেংবা মন্ত্র অসিদা, “নমো” হায়বা ৱাহৈ অসিনা মপুং ফানা ইশাবু তাকই, মসিনা চংজরক্লিবা মীওই অদুবু নাপল থাদোক্নবা অমসুং মশাবু মপুং ফানা শেংদোকপগী মায়কৈদা চংশিন্নবা লমজিংলি।

কেন্দ্রগী গৃহ মন্ত্রীনা হায়খি মদুদি করিগুম্বা মীওই অমনা ইকায় খুম্নবা উৎলবদি, মসিনা মহাক্কী নাপল অদু তুম্বা হৌরকই। মহাক্না শন্দোক্না হায়খি মদুদি “অরিহন্ত” হায়বসি মনুংগী নুদা লৈরিবা য়েক্নবা (“অরি”)বু মাংহল্লিবা (“হন্ত”) মীওই অমনি। হায়রিবা য়েক্নবশিং অসিদি হকচাং, ৱাখল, ইথিল, মহৌশা, অমসুং দিস্পোজিসন য়াওরিবা শেংদবশিং নত্ত্রগা ফত্তবশিং অদুনি, মখোয় অসিনা নীংতম্বা (মোক্ষা) ফংবদা অৱাবা ওইহল্লি। মসিগী মনুংগী য়েক্নবশিংবু মায়থীবা পীরিবা মীওইশিং অদুবু অরিহন্ত কৌই।

গৃহ মন্ত্রীনা হায়খি মদুদি মপুং ফাবা লৌশিং ফংলবা, কান্থোকপা, চাউথোকচবা, ফত্তবা অমসুং করাম্বা মপুং ফানা মায়থীবা পীরবা, অমসুং জেন লাইরিকশিংদা তাক্লিবা লাইগী ওইবা মগুন ১২ অসি ফংলবা মীওই অমবু অরিহন্তনি হায়না লৌই, অমসুং ঐখোয়না অসিগুম্বা অরিহন্তশিংদা ইকায় খুম্নবা উৎচরি। মহাক্না হায়খি মদুদি মন্ত্র অসিনা সিদ্ধশিংদা ইকায় খুম্নবা উৎলি। মপুং ফানা নীংতম্বা ফংবা থম্মোয়বু সিদ্ধ কৌই। কর্মাগী মখল নিপালবু মুত্থৎখ্রবা, পোকপা অমসুং শিবাগী চক্রগী মথক্তা থোরক্লবা, অমসুং অশেংবা মগুন নিপাল ফংবা মীওইশিংবু সিদ্ধ হায়না খঙনৈ। মহাক্না হায়খি মদুদি ঐখোয়না অসিগুম্বা মশীং থীঙমদ্রবা সিদ্ধশিংবু ইকায় খুম্নবা উৎলি অমসুং মখোয়গী য়াইফ-মঙ্গোল লৌরি।

শ্রী অমিত শাহনা হায়খি মদুদি মোনাস্তিক ওর্দরগী মকোক ওইরিবা আচার্য়শিংদা ইকায় খুম্নবা উৎলি। দিসিপ্লিন অমা শেম্বা, অচৌবা ৱাশকশিং ঙাকপা, অমসুং সীকর পুম্নমকপু লমজিংবা অসি আচার্য় অমগী মরুওইবা থৌদাংনি। নীংতম্বা ফংনবগীদমক্তা মহাক্কী লমচৎ-শাজৎ অদু ঙাকপা মীওই অমবু আচার্য় কৌই। জেন লাইরিকশিংগী মতুং ইন্না, মগুন ৩৬ লৈবা মীওই অমনা আচার্য়গী থাক য়ৌহল্লি। মতৌ অসুম্না, উপাধ্যায়শিং, হায়বদি ওজা-মুনিশিংদসু ইকায় খুম্নবা উৎলি। মখোয়গী থৌদাংদি শাস্ত্রবু কুপ্না নৈনবা অমসুং লৌশিং অদু পাক শন্না শন্দোকপা অসিনি। পীরিবা গুন ২৫ ফংলবা মতুংদা খক্তনি মখোয়না উপাধ্যায়গী পোজিসনগীদমক ইলিজিবল ওইরকপা।

কেন্দ্রগী গৃহ মন্ত্রীনা হায়খি মদুদি লম্বোইবশিং, মুনিশিং অমসুং সীকরশিং অসিদি, দিসিপ্লিন, পুম্নমক থাদোকপা, অচৌবা ৱাশকশিং, তপস্যাগী থবকশিং পায়খৎতুনা, তপ্না তপ্না মশাদা মগুন ২৭ শেমগৎলকপা মীওইশিংনি। অসিগুম্বা মগুনশিং অসি লৈবা মীওই অমবু সাধু কৌই। মহাক্না হায়খি মদুদি হায়রিবা মন্ত্র অসিনা মকোক থোংবা মঙা (পঞ্চ পরমেস্থী)গী ইকায় খুম্নবা উৎলি। মসিগী কোর ফিলোসোফিগী মতুং ইন্না, হায়রিবা মঙা অসি মরুওইবা কাংলুপ অনি থোক্না খায়দোকই। অহানবা কাংলুপ অসিই “দেব” নি, মসিদা মহৌশাগী ওইবা মীওইবগী মতিংদগী হেন্না ৱাংখৎলবা অমসুং অরিহন্ত অমসুং সিদ্ধাগী থাক য়ৌরকখিবা অচৌবা মীওইশিং য়াওরি। অনিশুবা কাংলুপ অসি “গুরু” নি, মসিদা আচার্য়, উপাধ্যায়, অমসুং সাধু য়াওরি। মহাক্না হায়খি মদুদি নবকর মন্ত্রগী মগুন অসি অথোইবা মীওই মখল মঙাগী মখোয়গী মগুনশিংগী থাক অমসুং মখোয়গী থৌজালশিং নীজবা অদুনা ওইরি।

শ্রী অমিত শাহনা হায়খি মদুদি ঐখোয়না অপুনবা ওইনা অরিহন্ত, সিদ্ধ, আচার্য়, উপাধ্যায় অমসুং সাধুদা য়াওরিবা মগুন ১০৮ অদুগী মফমদা ইকায় খুম্নবা উৎলি। মহাক্না হায়খি মদুদি মন্ত্র অসিনা অতেনবা মতমগী মনুংদা মখোয় পুম্নমক্কী মগুনশিংবু নীংশিংবা অমসুং ইকায় খুম্নবা ঙমহল্লি। মহাক্না নহারোলশিংদা হায়খি মদুদি করিগুম্বা মখোয়না মন্ত্র অসিগী অঙকপা ৱাহন্থোক অদু মপুং ফানা খঙবা ঙমদ্রবসু - মসিগী অঙকপা অদু আচার্য়, লম্বোইবা নৎত্রগা খঙহৈরবা মুনিগী মখাদা চুম্না খঙবা ঙম্মি - মখোয়না মসি কৈদৌনুংদা চৎপা তোক্লোইদবনি।

কেন্দ্রগী গৃহ মন্ত্রীনা হায়খি মদুদি নবকর মন্ত্রগী চৎনবী অসি চহী লিশিং কয়াদগী চৎনরক্লি। মসিদা তীর্থানকর ২৪ অমসুং মখোয়গী মতুং ইল্লিবশিংনা অচৌবা থৌদাং লৌরি। অহানবদা, মসিগী মন্ত্র অসি মীরোল অমদগী মীরোল অমদা খুত্থাংদা পীথরকখি। মতুং তারকপদা, মসিবু ইশৈগী খুত্থাংদা ঙাকথোকখি অমসুং অকোনবদা তোঙান তোঙানবা লাইরিকশিংদা মফম অমা ফংখি। মহাক্না হায়খি মদুদি সমাজগী তোঙান-তোঙানবা শরুকশিংনা মসিগী মন্ত্র অসিবু ঙাক-শেন্দুনা অমসুং শন্দোক্নবগীদমক হোৎনরিবশিং অসি থাগৎনিংঙাইনি। মসিগী হোৎনবা অসিনা তুংগী চারোন-শুরোনশিংবু লাইনিং লাইশোল অমসুং পোজিতিবিতীগী পুন্সি অমদা লমজিংবদা মরু ওইবা থৌদাং অমা লৌগনি। মালেম অসিনা শান্তিগী মথৌ তারিবা মতম অসিদা, নবকর মন্ত্র পুন্না শোনবা অসিনা অকোয়বগী ফিভম অসি শেংদোকপদা মতেং পাংগনি অমসুং ৱাখলগী অৱাবা হন্থহনগনি হায়না মহাক্না মখা তাখি। মসিনা অমনা অমবু খঙমিন্নবা, য়ানশিন্নবা অমসুং ইকায় খুম্নবা হেনগৎহনগনি।

***