নুপী অমসুং অঙাংগী চাউখৎ থৌরাং মন্ত্রালয়না পোশন পখৱারাগী ৮শুবা এদিসন ২০২৬গী এপ্রিল ৯দগী ২৩ ফাওবা পাংথোক্কনি, মসিনা লৈবাক শিনবা থুংনা মচি ওইবা চীঞ্জাক চাবগী কান্নবশিং হেগৎহন্নবা সরকারগী ফিরেপ অদু অমুক হন্না ফোংদোক্লি।

মচি ওইবা চীঞ্জাক্কী মরুওইবা অদু পল্লদুনা, প্রধান মন্ত্রী নরেন্দ্র মোদীনা হায়খি: “নীংথিনা মচি ওইবা চীঞ্জাক চাবা অঙাং অমা হায়বসি মপাঙ্গল লৈবা লৈবাক্কী য়ুম্বীনি। পোশন অভিয়ান অসি সরকারগী প্রোগ্রাম অমা খক্তা নত্তে, মমা অমসুং অঙাং খুদিংমক্কী অপুনবা ন্যুত্রিসন ফংহন্নবা মীয়ামগী খোঙজং অমনি।”

পোশান পখৱারা ২০২৬গী নেস্নেল লোঞ্চ অসি ২০২৬গী এপ্রিল ৯দা ন্যু দিল্লীগী বিজ্ঞান ভবনদা নুংথিল পুং ৩দগী ৪ ফাওবা মীৎয়েং শানবা কেন্দ্রগী নুপী অমসুং অঙাং চাউখৎ থৌরাংগী মন্ত্রী শ্রীমতি অন্নপুরনা দেবীগী লমজিং মখাদা হৌদোক্কনি অমসুং মসিদা নুপী অমসুং অঙাংশিংগী চাউখৎ থৌরাংগী রাজ্য মন্ত্রী শ্রীমতি সাবিত্রি থাকুরগা লোয়ননা নুপী অমসুং অঙাংগী চাউখৎ থৌরাংগী সেক্রেতরী, শ্রী অনিল মালিকনা শরুক য়াগনি।

২০২৬কী পোশন পখৱারাগী থিমদি ‘পুন্সিগী অহানবা চহি তরুক্তা ব্রেন দিবেমলপমেন্ত য়ারিবা মখৈ হেনগৎহনবা’ হায়বসিনি, মসিনা খঙহল্লি মদুদি অঙাং ওইরিঙৈগী অঙনবা মতম, মরুওইনা অহানবা নুমিৎ ১০০০ অসি ব্রেন দিবেলপমেন্ত, হকচাং চাউখৎপা অমসুং অপুনবা হকচাংগীদমক য়াম্না মরু ওই। সাইন্তিফিক ওইবা প্রমান্না তাক্লি মদুদি ব্রেন দিবেলপমেন্তকী ৮৫%গী মথক্তা চহি তরুক ফাওবদা থোকই, মসিনা খ্বাইদগী ফবা ন্যুত্রিসন, রেস্পোন্সিব কেয়রগিভিং, অমসুং অঙনবা মতমদা তম্বগী মরুওইবদু ময়েক শেংনা তাক্লি।

চহি অসিগী থিম অসিগী মখাদা মরুওইবা মীৎয়েং থম্লিবা লমশিং অদুদি:

১. মমা অমসুং অঙাংগী ন্যুত্রিসন - মীরোনবা মতমদা খ্বাইদগী ফবা ন্যুত্রিসন, খক্তনা খোম্লাং পীথকপা অমসুং চহিগা চুনবা কম্প্লিমেন্তরী ফীদিং প্রোমোৎ তৌবা।

২. ব্রেন দিবেলপমেন্তকীদমক অঙনবা মতমগী স্তিমুলেসন (চহি ০-৩) - রেস্পোন্সিব কেয়রগিভিং অমসুং অঙনবা মতমগী লর্নিং ইন্তরেক্সনশিং পুক্নিং থৌগৎপা।

৩. অঙনবা চহিশিংদা (চহি ৩-৬) প্লে-বেজ এজুকেসন - হোলিস্তিক দিবেলপমেন্ত অমসুং স্কুলগী শেম-শারিবা অদু শৌগৎপা।

৪. স্ক্রীন তাইম মশিং য়াম্না হন্থহনবদা মমা-মপা অমসুং কম্যুনিতিগী থৌদাং - হকশেল ফবা মহৈ-মরোংশিং অমসুং এক্তিব এঙ্গেজমেন্ত প্রমোৎ তৌবা।

৫. কম্ম্যুনিতী পার্তিসিপেসনগী খুত্থাংদা অঙ্গনৱাদি সেন্তরশিং মপাঙ্গল কনখৎহনবা - জন ভাগিদারী অমসুং সি.এস.আর.গী খুত্থাংদা ইনফ্রাস্ত্রকচর অমসুং সর্বিস দেলিভরী হেনগৎহনবা।

হৌদোকপগী থৌরম অসিদা রাজ্যশিং অমসুং য়ুনিয়ন তেরিতোরীশিংদগী খ্বাইদগী ফবা থবকশিং উৎকনি, মরুওইবা থৌরাংশিং হৌদোক্কনি অমসুং অঙনবা মতমগী অঙাংশিংগী কেয়র অমসুং ন্যুত্রিসন সর্ভিসশিং মপাঙ্গল কনখৎহনবদা ফ্রন্তলাইন ৱার্করশিং, মরুওইনা অঙ্গনৱাদি ৱার্করশিংগী কন্ত্রিব্যুসনশিং শন্দোক্না তাক্কনি।

হৌদোকপগী নুমিত্তা, প্রোগ্রাম অসি এন.আই.সি. ৱেবকাস্ত প্লেৎফোর্মগী খুত্থাংদা https://webcast.gov.in/mwcd অমসুং মন্ত্রালয়গী য়ু.তিউব চেনেলগী খুত্থাংদা হকথেংননা শন্দোক্কনি।

পখৱারাগী মনুংদা, থবক থৌরমশিং অসি রাজ্যশিং অমসুং য়ুনিয়ন তেরিতোরীশিংদা অঙ্গনৱাদি সেন্তরশিংগী খুত্থাংদা মমাশিং, শেন্নরিবা মীওইশিং, ইমুং মনুংশিং, কম্ম্যুনিতী ইন্সতিত্যুসনশিং অমসুং লোকেল বোদীশিং শরুক য়াদুনা পাংথোক্কনি। পোশন পঞ্চায়ৎশিং, এৱেরনেস সেসনশিং, ঙল্লিঙৈ মতমদগী পুক্নিং থৌগৎপগী থবকশিং, শান্ন-খোৎনবদা য়ুম্ফম ওইবা লর্নিং ইনিসিয়েতিবশিং অমসুং অঙাংশিংগী মরক্তা হকচাং ফবা পুন্সি মহিং অমসুং স্ক্রীনগী তাইম হন্থহন্নবা কেম্পেনশিং য়াওরি।

পোশন পখৱারা ২০২৬গী খুত্থাংদা, মন্ত্রালয়না জন আন্দোলানবু হেন্না মপাঙ্গল কনখৎহন্নবা পান্দম থম্লি। মসিগী পান্দমদি মচি ওইবা চীঞ্জাক, কেয়র, ঙল্লিঙৈদগী মহৈ তম্বা অমসুং কম্ম্যুনিতীগী শরুক য়াবা অসিনা পুন্না মশা-মউ ফবা, মহৈ হৈবা অমসুং শক্তি লৈবা ভারত অমগী য়ুম্ফম ওই।

পোশন অভিয়ান, মচি ওইবা চীঞ্জাক্কী কান্নবা হেনগৎহন্নবা ভারত সরকারগী মরুওইবা মিসন অসি লৈবাক শিনবা থুংনা জন অন্দোলন অমা ওইরকখ্রে, মসিনা কম্ম্যুনিতীগী শরুক য়াবা অমসুং মচি ওইবা চীঞ্জাক্কী অৱাৎপা লৈতবা ভারত অমা ওইহন্নবা জন ভাগিদারীবু পুক্নিং থৌগৎলি। পোশন পখৱারা অসি মীয়ামদা এৱেরনেস, লমচৎ-শাজৎ হোংদোকপা অমসুং কম্ম্যুনিতী মোবিলাইজেসন তৌদুনা খোঙজং অসিগী মরুওইবা য়ুম্বী অমা ওইরি।

***