ইনফোর্মেসন অমসুং ব্রোদকাস্তিং মন্ত্রালয়গী প্রেস ইনফোর্মেসন ব্যুরোগী মখাদা ফেক্ত চেক য়ুনিৎ (এফ.সি.য়ু.)না মথৌ তৌই। এফ.সি.য়ু.না কেন্দ্র সরকারগা মরী লৈনবা লান্না পাউ শন্দোকপা অমসুং অরানবা পাউ মশক খঙদোকই। ওথোরাইজ ওইরবা সোর্সশিংদগী পাউগী ওথেন্তিসিতী ভেরিফাই তৌরবা মতুংদা, এফ.সি.য়ু.না অচুম্বা পাউদু ঙমখৈগী জিলাশিং য়াওনা পাকশন্না শন্দোক্নবা সোসিএল মীদিয়া প্লেৎফোর্মশিংদা ফোঙই।

ওপরেসন সিন্দুরগী মনুংদা, পি.আই.বি. ফেক চেক য়ুনিৎনা ওনলাইনদা শন্দোক্লিবা অরানবা পাউশিং অমসুং নুংশিন্দবা পোকহল্লিবা ৱারোলশিং মশক খঙদোকখি। মসিনা ফেক-চেক তৌদুনা অরানবা ৱাফমশিং খুদক্তা লাকশিন্দুনা অশেংবা পাউশিং পীরি অমসুং মীয়ামদা অচুম্বা পাউ ফংহনখি অমসুং মরিক চুম্বা পব্লিক কম্ম্যুনিকেসন ফংহল্লি। মিনিস্ত্রীনা ওপরেসন সিন্দুরগী মনুংদা দিজিতেল মীদিয়াদা য়ু.আর.এল. ১৪০০ হেন্না ব্লোক তৌনবগী য়াথং থোকখ্রে। মসিগী য়ু.আর.এল.শিং অসিগী কন্তেন্ত অসিদা অরানবা, লান্না লমজিংনবা, ভারতকী মায়োক্তা লৈবা পাউগী কন্তেন্ত, মরু ওইনা পাকিস্তানদা য়ুম্ফম ওইবা সোসিএল মীদিয়া একাউন্তশিংদগী কম্ম্যুনেল ওইবা সেন্সিতেবল ওইবা কন্তেন্ত অমসুং ভারতকী আর্মদ ফোর্সেসকী মায়োক্তা ইরাং শাগৎনবা কন্তেন্ত য়াওরি।

ইনফোর্মেসন তেক্নোলোজী এক্ত, ২০০০গী সেক্সন ৬৯এগী মখাদা, ভারতকী সোভরেনিতী অমসুং ইন্তিগ্রিতি, ভারতকী ঙাকশেল, রাজ্যগী সেক্যুরিতী অমসুং মীয়ামগীদমক ৱেবসাইতশিং, সোসিএল মীদিয়া হেন্দলশিং অমসুং পোস্তশিং ব্লোক তৌনবা সরকারনা মথৌ তাবা ওর্দরশিং পীরি।

মথক্তা পনখ্রিবা অসি নত্তনা, সরকারনা ফেক ন্যুজশিং অসি তোঙান তোঙানবা মীদিয়া প্লেৎফোর্মশিংদা লৈরিবা স্তেচ্যুতরী অমসুং ইন্সতিত্যুস্নেল মেকানিজমশিংগা লোয়ননা লাকশিন্নবা লৌখৎপা য়াবা খোংথাং খুদিংমক লৌখৎলি:

• প্রিন্ত মীদিয়া: প্রেস কাউন্সিল ওফ ইন্দিয়া (পি.সি.আই.) না পুথোকপা "নোর্মস ওফ জর্নেলিস্তিক কন্দক্ত" অসি পাউচেশিং অসিনা ঙাক্না চৎকদবনি। হায়রিবা চৎন-কাঙলোনশিং অসিনা, অতোপ্পা ৱাফমশিংগী মরক্তা, অরানবা/ মীংচৎ থীগদবা/ লান্না লমজিংগদবা পাউশিং ফোঙবা থিংই। কাউন্সিলনা পি.সি.আই. এক্তকী সেক্সন ১৪গী মতুং ইন্না চৎন-কাংলোনশিং অদু থুগাইরে হায়না চিংনবশিংগী থক্তা ইনক্বারী পাঙথোকই অমসুং কেসকী মতুং ইন্না পাউচে, ইদিতর, পাউমীনচিংবদা চেকশিন ৱারোল পীবা, য়ানীংদবা ফোংদোকপা নত্ত্রগা সেন্সর তৌবা য়াই।
• তেলিভিজন: কেবল তেলিভিজন নেৎৱার্ক (রেগুলেসন) এক্ত, ১৯৯৫গী মখাদা তিভি চেনেলশিংনা প্রোগ্রাম কোদ ঙাক্না চৎপা মথৌ তাই। মসিগী মনুংদা, নাতৈ চাদবা, মীংচৎ থীনিংঙাই ওইবা, তৌগে য়াওনা চুমদবা অমসুং নাকোইননা ঙাংবা ৱারোল অমসুং মরিক চুমদবা পাউশিং য়াওবা কন্তেন্তশিং শন্দোকপা য়াদে। কেবল তেলিভিজন নেৎৱার্ক (এমেন্দমেন্ত) রুলস, ২০২১না তিভি চেনেলশিংনা কোদ অসি থুগাইবগা মরী লৈনবা কমপ্লেন্তশিং য়েংশিন্নবা তায়র অহুমগী গ্রিভান্স রিদ্রেসেল মেকানিজম অমা লৈহল্লি। প্রোগ্রাম কোদ থুগাইবা থেংনরবদি চুনবা থবক লৌখৎকনি।

• দিজিতেল মীদিয়া: দিজিতেল মীদিয়াদা পাউ অমসুং হৌজিক্কী থোক্লিবা থৌদোকশিং শন্দোক্লিবা অমসুং ওনলাইন ক্যুরেৎ তৌরবা কন্তেন্ত পুথোক্লিবা পব্লিশরশিংগীদমক, ইনফোর্মেসন তেক্নোলোজী (ইন্তরমিদিয়রী গাইদলাইনশিং অমসুং দিজিতেল মীদিয়া ইথিক্স কোদ) রুলস, ২০২১ (আই.তি. রুলস, ২০২১) না কোদ ওফ ইথিক্স অমা অমসুং অসিগুম্বা পব্লিশরশিংনা কোদ ওফ ইথিক্স থুগাইবগা মরী লৈনবা গ্রিভান্সকী রিদ্রেসেল তৌনবগীদমক থাক অহুমগী ইন্সতিত্যুস্নেল মেকানিজম অমা লৈহল্লি।

আই এন্দ বি মন্ত্রালয়না প্রাইবেৎ সেতিলাইত তি.ভি. চেনেলশিংদা কেবল তি.ভি. নেৎৱার্ক (রেগুলেসন) এক্ত, ১৯৯৫গী মখাদা প্রোগ্রাম কোদ অমসুং এদভর্তাইজিং কোদ ঙাক্না চৎনবা মতম মতমগী ওইনা এদভাইজরীশিং থোকই।

কম্ম্যুনিতি রেদিও স্তেসনশিংনা (সি.আর.এস.)না ঙমখৈগী জিলাশিং য়াওনা অশেংবা, মতম চানা অমসুং মফম অদুগী ওইবা মরী লৈনবা ঈ-পাউ শন্দোকপদা মরু ওইবা থৌদাং অমা লৌরি। প্রোগ্রামশিং অসি লোকেল কম্ম্যুনিতীদা হকথেংননা মরী লৈনবা ওইগদবনি। মসিনা লোকেলগী ওইবা অৱাবা অদু কোকহল্লগনি অমসুং অরানবা পাউ শন্দোকপবু ইফেক্তিব ওইনা থেংনগনি। সি.আর.এস.শিংনা কম্ম্যুনিতি রেদিওদা শন্দোক্লিবা কন্তেন্ত অদুগী মতাংদা ৱারেপ লৌনবগীদমক, লোকেল কম্ম্যুনিতীগী মেম্বরশিং য়াওবা এদভাইজরী অমসুং কন্তেন্ত কম্মিতী অমা শেম্বা মথৌ তাই। প্রোগ্রামশিং অসি তার্গেৎ ওদিএন্সকী মরক্তা হেন্না ফবা আউটরিচ অমসুং কম্প্রিহেন্সন লৈহন্নবগীদমক লোকেল লোলশিং অমসুং দাইলেক্তশিংদা শন্দোকই।

মসিগী ই-পাউ অসি শ্রী উম্মেদা রাম বেনিৱালনা হংলকপা ৱাহংশিংগী পাউখুমদা লোক সভাদা অইবা পাউহুম অমদা ইনফোর্মেসন অমসুং ব্রোদকাস্তিংগী রাজ্য মন্ত্রী, দা. এল. মুরুগন্না পীশিনখি।

****