ଭାରତ ମାତା କୀ ଜୟ ।

ଭାରତ ମାତା କୀ ଜୟ ।

ଭାରତ ମାତା କୀ  ଜୟ ।

ଉଦଘାଟନ ହୋଇଗଲା ? ଉଦଘାଟନ ହୋଇଗଲା ? ନା, ଏବେ ଅଧା କାମ ହୋଇଛି। ମୁଁ କେବଳ ସେହି ପରଦା ହଟାଇଛି, କିନ୍ତୁ ଆଜି ମୁଁ ଚାହୁଁଛି ଯେ ଏହି ବିମାନବନ୍ଦରର ଉଦଘାଟନ ଅବସରରେ ଏଠାରେ ଯିଏ କେହି ଉପସ୍ଥିତ ଅଛନ୍ତି , ଆପଣମାନେ ସମସ୍ତେ ଏହା କରନ୍ତୁ , ଏବଂ ସେଥିପାଇଁ  ଆପଣ ଆପଣଙ୍କର ମୋବାଇଲ୍ ଫୋନ୍ ବାହାର କରନ୍ତୁ ଏବଂ ମୋବାଇଲ୍ ଫୋନ୍‌ର ଫ୍ଲାସ୍ ଲାଇଟ୍କୁ ଅନ୍ କରନ୍ତୁ ଏବଂ ଭାବନ୍ତୁ ଆପଣ ଏହାର ଉଦ୍ଘାଟନ କରୁଛନ୍ତି । ଆପଣ ଦୀପ ଜାଳି ଏଠାରେ ଉପସ୍ଥିତ ଥିବା ପ୍ରତ୍ୟେକ ବ୍ୟକ୍ତି , ଆଜି ଏହି ବିମାନବନ୍ଦରର ଉଦଘାଟନ କରୁଛନ୍ତି। ଏହା ଆପଣଙ୍କର ସମ୍ପତ୍ତି, ଏହା ଆପଣଙ୍କର ଭବିଷ୍ୟତ, ଏହା ଆପଣଙ୍କର କଠିନ ପରିଶ୍ରମ ଏବଂ ସେଥିପାଇଁ  ଏହାର ଉଦଘାଟନ ମଧ୍ୟ ଆପଣମାନଙ୍କ ହାତରେ କରାଯାଉଛି , ଆପଣ ଆପଣଙ୍କର ଭାରତ ମାତାର ଜୟ କହି, ହାତ ଉଠାଇ, ସମ୍ପୂର୍ଣ୍ଣ ଟର୍ଚ୍ଚଲାଇଟ୍ ଦେଖାନ୍ତୁ। ଭାରତ ମାତାର ଜୟ। ଭାରତ ମାତାର ଜୟ। ଭାରତ ମାତାର ଜୟ। ଅନେକ - ଅନେକ ଧନ୍ୟବାଦ। ଏବେ ଉଦଘାଟନ ହୋଇଗଲା ।

ଉତ୍ତର ପ୍ରଦେଶର ରାଜ୍ୟପାଳ ଆନନ୍ଦୀବେନ ପଟେଲ ଜୀ, ସ୍ଥାନୀୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜୀ, ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟା, ବ୍ରଜେଶ ପାଠକ, କେନ୍ଦ୍ରୀୟ କ୍ୟାବିନେଟରେ ମୋର ସହଯୋଗୀ ଶ୍ରୀ ରାମମୋହନ ନାଇଡୁ ଜୀ, ପଙ୍କଜ ଚୌଧୁରୀ ଜୀ , ଜ୍ୟୁରିକ୍ ବିମାନବନ୍ଦରର ଅଧ୍ୟକ୍ଷ ଜୋସେଫ୍ ଫେଲ୍ଡର ଜୀ, ଅନ୍ୟାନ୍ୟ ମନ୍ତ୍ରୀଗଣ , ସାଂସଦ, ବିଧାୟକ, ଅନ୍ୟ ସମ୍ମାନିତ ବ୍ୟକ୍ତିବିଶେଷ  ଏବଂ ମୋର ପ୍ରିୟ ଭାଇ ଓ ଭଉଣୀମାନେ।

ମୁଁ ଦେଖୁଛି, ଆଜି ଯେଉଁଠାରେ ମୋର ଆଖି ପଡ଼ୁଛି, ସମସ୍ତ ଯୁବକ ମୋତେ ଦେଖାଯାଉଛନ୍ତି , ଉତ୍ସାହରେ ଭରା ଯୁବଗୋଷ୍ଠି ଦେଖାଯାଉଛନ୍ତି , ଉଦ୍ଦିପନାରେ ଭରା ଏହି ଯୁବକମାନେ ଅଟନ୍ତି, ଏହା ଯେଉଁ କାମ ହେଉଛି , ତାହା ହେଉଛି ଯୁବକମାନଙ୍କ ଭବିଷ୍ୟତକୁ ଏକ ନୂତନ ଉଡ଼ାଣ ପ୍ରଦାନ କରୁଥିବା କାମ। ଆଜି ଆମେ ବିକଶିତ ୟୁପି-ବିକଶିତ ଭାରତ ଅଭିଯାନର ଏକ ନୂତନ ଅଧ୍ୟାୟ ଆରମ୍ଭ କରୁଛୁ। ଦେଶର ସର୍ବବୃହତ ରାଜ୍ୟ, ଆଜି ଦେଶର ସର୍ବାଧିକ ଆନ୍ତର୍ଜାତୀୟ ବିମାନବନ୍ଦର ଥିବା ରାଜ୍ୟ ମଧ୍ୟରୁ ଗୋଟିଏ ହୋଇଗଲାଣି। ଏବଂ ଆଜି ମୋ ପାଇଁ ଗର୍ବ ଏବଂ ଖୁସିର ଦୁଇଟି କାରଣ ଅଛି। ଗୋଟିଏ ହେଉଛି ଯେ ଆପଣମାନେ ସମସ୍ତେ ମୋତେ ଏହି ବିମାନବନ୍ଦରର ଶିଳାନ୍ୟାସ କରିବାର ସୌଭାଗ୍ୟ ଦେଇଥିଲେ ଏବଂ ଆପଣମାନେ ସମସ୍ତେ ମୋତେ ଏହି ବିମାନବନ୍ଦରର ଉଦଘାଟନ କରିବାର ସୌଭାଗ୍ୟ ମଧ୍ୟ ଦେଇଛନ୍ତି କିନ୍ତୁ ମୁଁ ସେହି ସୌଭାଗ୍ୟ ଆପଣଙ୍କ ସହିତ ବାଣ୍ଟି ନେଇ ଆପଣମାନଙ୍କ ହାତରେ ଉଦଘାଟନ କରାଇଲି। ଦ୍ୱିତୀୟତଃ, ଯେଉଁ ଉତ୍ତର ପ୍ରଦେଶ ମୋତେ ନିଜର ପ୍ରତିନିଧି ଭାବରେ ବାଛିଥିଲା, ଯେଉଁ ଉତ୍ତର ପ୍ରଦେଶ ମୋତେ ସାଂସଦ କରିଥିଲା, ତାହାର ପରିଚୟ ସହିତ, ସେହି ଉତ୍ତର ପ୍ରଦେଶର ପରିଚୟ ସହିତ ଏହି ମହାନ ବିମାନବନ୍ଦରର ନାମ ମଧ୍ୟ ଯୋଡି ହୋଇଗଲା।  

ବନ୍ଧୁଗଣ,

ନୋଏଡାର ଏହି ବିମାନବନ୍ଦର, ଏହି ସମଗ୍ର ଅଞ୍ଚଳ - ଆଗ୍ରା, ମଥୁରା, ଆଲିଗଡ଼, ଗାଜିଆବାଦ, ମିରଟ, ଇଟାୱା, ବୁଲନ୍ଦସହର, ଫରିଦାବାଦ,ଏହି ସମସ୍ତ ଅଞ୍ଚଳ  ପାଇଁ ବହୁତ ଲାଭଦାୟକ ହେବ। ଏହା ନିଶ୍ଚିତ ଭାବରେ ଭାରତ ଏବଂ ଉତ୍ତର ପ୍ରଦେଶ ପାଇଁ ହେବା ଆବଶ୍ୟକ। ଏହି ବିମାନବନ୍ଦର ପଶ୍ଚିମ ଉତ୍ତର ପ୍ରଦେଶର ଚାଷୀ, କ୍ଷୁଦ୍ର ଏବଂ ଅଣୁ ଶିଳ୍ପ ଏବଂ ଏଠାକାର ଯୁବକମାନଙ୍କ ପାଇଁ ଅନେକ ନୂତନ ସୁଯୋଗ ଆଣିଦେବ। ଏଠାରୁ ବିଶ୍ୱ ପାଇଁ ବିମାନ ଉଡ଼ାଣ କରିବ, ଏବଂ ଏକକାଳୀନ, ଏହା ବିକଶିତ ଉତ୍ତର ପ୍ରଦେଶର ଉଡ଼ାଣର ପ୍ରତୀକ ହୋଇଯିବ। ମୁଁ ଉତ୍ତର ପ୍ରଦେଶକୁ, ବିଶେଷକରି ପଶ୍ଚିମ ଉତ୍ତର ପ୍ରଦେଶର ଲୋକମାନଙ୍କୁ, ଏହି ମହାନ ବିମାନବନ୍ଦର ପାଇଁ ଅନେକ- ଅନେକ ଅଭିନନ୍ଦନ ଜଣାଉଛି।

ବନ୍ଧୁଗଣ,

ଆଜିର ଏହି କାର୍ଯ୍ୟକ୍ରମ, ଭାରତର ନୂତନ ମନୋଭାବର ପ୍ରତୀକ ଅଟେ । ଆପଣ ସମସ୍ତେ ଦେଖୁଛନ୍ତି ଯେ ଆଜି ସମଗ୍ର ବିଶ୍ୱ କେତେ ଚିନ୍ତିତ। ପଶ୍ଚିମ ଏସିଆରେ ଗୋଟିଏ ମାସ ଧରି ଯୁଦ୍ଧ ଚାଲିଛି। ଯୁଦ୍ଧ ଯୋଗୁଁ, ଅନେକ ଦେଶରେ ଖାଦ୍ୟ ସାମଗ୍ରୀ, ପେଟ୍ରୋଲ-ଡିଜେଲ-ଗ୍ୟାସ, ସାର, ଏପରି ଅନେକ ଅତ୍ୟାବଶ୍ୟକ ଜିନିଷର ସଙ୍କଟ ସୃଷ୍ଟି ହୋଇଛି। ପ୍ରତ୍ୟେକ ଦେଶ ଏହି ସଙ୍କଟର ମୁକାବିଲା କରିବା ପାଇଁ କିଛି ନା କିଛି ପ୍ରୟାସ କରୁଛି, ଚେଷ୍ଟା କରୁଛି। ଏବଂ ଆମର ଭାରତ ମଧ୍ୟ ଦେଶବାସୀଙ୍କ ଶକ୍ତି ଉପରେ ନିର୍ଭର କରି ସମ୍ପୂର୍ଣ୍ଣ ଶକ୍ତିର ସହିତ ଏହି ସଙ୍କଟ ସହିତ ଲଢ଼ୁଛି। ଭାରତ ଯୁଦ୍ଧ ଚାଲିଥିବା ସ୍ଥାନରୁ, ଏହି ଯୁଦ୍ଧ ଦ୍ୱାରା ପ୍ରଭାବିତ ଅଞ୍ଚଳରୁ ବହୁତ ପରିମାଣରେ ଅଶୋଧିତ ତେଲ ଏବଂ ଗ୍ୟାସ ଆଣୁଛି। ତେଣୁ, ସରକାର ପ୍ରତ୍ୟେକ ସ୍ତରରେ ପଦକ୍ଷେପ ନେଉଛନ୍ତି ଯାହା ଦ୍ୱାରା ଏହି ସଙ୍କଟର ବୋଝ ସାଧାରଣ ପରିବାର ଉପରେ, ଆମର କୃଷକ ଭାଇ ଏବଂ ଭଉଣୀମାନଙ୍କ ଉପରେ ନ ପଡ଼ିବ।

ବନ୍ଧୁଗଣ,

ସଙ୍କଟର ଏହି ସମୟ ମଧ୍ୟରେ ମଧ୍ୟ, ଭାରତ ନିଜର ଦ୍ରୁତ ବିକାଶ ନିରନ୍ତର ଜାରି ରଖିଛି । ଯଦି ମୁଁ କେବଳ ପଶ୍ଚିମ ଉତ୍ତର ପ୍ରଦେଶ ବିଷୟରେ କଥା ହୁଏ, ତେବେ ଗତ କିଛି ସପ୍ତାହ ମଧ୍ୟରେ, ଏହା ଚତୁର୍ଥ ବଡ଼ ପ୍ରକଳ୍ପ ଯାହାର ଶିଳାନ୍ୟାସ ହୋଇଛି ଏବଂଉଦ୍ଘାଟନ ହୋଇଛି। ଏହି କିଛି ସପ୍ତାହ ମଧ୍ୟରେ, ଏହି ସମୟ ମଧ୍ୟରେ ନୋଏଡାରେ ଏକ ବହୁତ ବଡ଼ ସେମିକଣ୍ଡକ୍ଟର କାରଖାନାର ଶିଳାନ୍ୟାସ କରାଗଲା, ଏହି ଅବଧି ମଧ୍ୟରେ ଦେଶର ପ୍ରଥମ ଦିଲ୍ଲୀ-ମେରଠ ନମୋ ଭାରତ ଟ୍ରେନ ଚାଲିଲା, ଏହି ସମୟ ମଧ୍ୟରେ ମେରଠ ମେଟ୍ରୋ ବିସ୍ତାର କରାଗଲା  ଏବଂ ଆଜି ଏତେ କମ୍ ସମୟ ମଧ୍ୟରେ ନୋଏଡା ଅନ୍ତର୍ଜାତୀୟ ବିମାନବନ୍ଦରର ଉଦ୍ଘାଟନ ଆପଣ ସମସ୍ତଙ୍କ ହାତରେ ମଧ୍ୟ ହୋଇଗଲା।

ବନ୍ଧୁଗଣ,

ଏହି ସମସ୍ତ ପ୍ରକଳ୍ପ, ୟୁପିର ବିକାଶ ପାଇଁ , ଡବଲ-ଇଞ୍ଜିନ ସରକାରଙ୍କ ପ୍ରୟାସର ଏକ ମହାନ ଉଦାହରଣ। ସେମିକଣ୍ଡକ୍ଟର କାରଖାନା , ଭାରତକୁ ପ୍ରଯୁକ୍ତିବିଦ୍ୟାରେ ଆତ୍ମନିର୍ଭରଶୀଳ କରୁଛି। ମେରଠ ମେଟ୍ରୋ ଏବଂ ନମୋ ଭାରତ ରେଳ, ଦ୍ରୁତ ଏବଂ ସ୍ମାର୍ଟ ସଂଯୋଗ ପ୍ରଦାନ କରୁଛି। ଏବଂ ଆମର ଏହି ଜେୱାର ବିମାନବନ୍ଦର, ସମଗ୍ର ଉତ୍ତର ଭାରତକୁ ବିଶ୍ୱ ସହିତ ସଂଯୋଗ କରୁଛି। ଏବଂ ଆପଣ ଭିଡିଓରେ ଦେଖୁଛନ୍ତି, ଏହା ଏପରି ଏକ ବିମାନବନ୍ଦର ନିର୍ମାଣ ହେଉଛି , ଯେଉଁଠାରେ ପ୍ରତି ଦୁଇ ମିନିଟ୍‌ରେ ଗୋଟିଏ ବିମାନ ଉଡ଼ିବ, ପ୍ରତି ଦୁଇ ମିନିଟ୍‌ରେ ଗୋଟିଏ ବିମାନ ଉଡ଼ିବ। ପୂର୍ବରୁ, ସପାର ଲୋକମାନେ ନୋଏଡାକୁ ଲୁଟ କରିବା ପାଇଁ ଏକ ଏଟିଏମ୍  କରିଥିଲେ। କିନ୍ତୁ ଆଜି ବିଜେପି ସରକାରରେ  ସେହି ନୋଏଡା ,  ୟୁପିର ବିକାଶର ଏକ ଶକ୍ତିଶାଳୀ ଇଞ୍ଜିନ ପାଲଟିଛି।

ବନ୍ଧୁଗଣ,

ଜେୱାରର ଏହି ବିମାନବନ୍ଦର, ଡବଲ-ଇଞ୍ଜିନ ସରକାରଙ୍କ କାର୍ଯ୍ୟ ସଂସ୍କୃତିର ଏହା ଏକ ବହୁତ ଭଲ ଉଦାହରଣ। ଏବେ ଆପଣ ଭାବନ୍ତୁ, ଅଟଳ ବିହାରୀ ବାଜପେୟୀ ଜୀଙ୍କ ସରକାର ୨୦୦୩ ମସିହାରେ ଫାଇଲରେ ଏହି ବିମାନବନ୍ଦରକୁ ମଞ୍ଜୁରୀ ଦେଇଥିଲେ। ୨୦୦୩ ମସିହାରେ, ଆପଣଙ୍କ ମଧ୍ୟରୁ ଅନେକ ଲୋକ ଥିବେ ଯେଉଁମାନେ ଜନ୍ମ ହୋଇନଥିବେ, ଅନେକ ଲୋକ ଥିବେ ଯେଉଁମାନେ ସେତେବେଳେ ୨୫-୩୦ ବର୍ଷ ବୟସର ହୋଇଥିବେ, ୩୫ ବର୍ଷ ବୟସର ହୋଇଥିବେ ଏବଂ ଆଜି ଅନେକ ଅବସର ନେଇସାରିଛନ୍ତି, କିନ୍ତୁ ବିମାନବନ୍ଦର ତିଆରି ହୋଇନଥିଲା। କିନ୍ତୁ କେନ୍ଦ୍ରରେ କଂଗ୍ରେସ ଏବଂ ଏଠାରେ ପୂର୍ବ ସରକାରମାନେ ବର୍ଷ ବର୍ଷ ଧରି ଏହି ବିମାନବନ୍ଦରର ଭିତ୍ତିପ୍ରସ୍ତର ସ୍ଥାପନ କରିବାକୁ ମଧ୍ୟ ଦେଇ ନଥିଲେ। ୨୦୦୪ ହୋଇଥିଲା, ସେତେବେଳେ ୟୁପିରେ ଏସପି ସରକାର ଥିଲା। ପ୍ରଥମ ଦୁଇ-ତିନି ବର୍ଷ ମଧ୍ୟରେ, ଏସପି ଲୋକମାନେ ଏଥିରେ କାମ ହେବାକୁ ଦେଇ ନଥିଲେ। କିନ୍ତୁ ଏଠାରେ ବିଜେପି-ଏନଡିଏ ସରକାର ଗଠନ ହେବା ମାତ୍ରେ, ଦିଲ୍ଲୀରେ ବିଜେପି-ଏନଡିଏ ସରକାର ଗଠନ ହୋଇଥିଲା, ତା’ପରେ ଜେୱାର ବିମାନବନ୍ଦରର ଭିତ୍ତିପ୍ରସ୍ତର ସ୍ଥାପନ ହୋଇଥିଲା, ନିର୍ମାଣ ମଧ୍ୟ ହୋଇଥିଲା, ଏବଂ ଏବେ ଏହା ଆରମ୍ଭ ମଧ୍ୟ ହୋଇଛି।

ବନ୍ଧୁଗଣ,

ବିମାନବନ୍ଦର ବ୍ୟତୀତ, ଏହି ଅଞ୍ଚଳ ଦେଶର ଦୁଇଟି ବଡ଼ ମାଲ ପରିବହନ କରିଡରର କେନ୍ଦ୍ର ହେବାକୁ ଯାଉଛି। ଏହି ମାଲ ପରିବହନ କରିଡରଗୁଡ଼ିକ ମାଲ ପରିବହନ ଟ୍ରେନ ପାଇଁ ବିଛାଯାଇଥିବା ଏକ ସ୍ୱତନ୍ତ୍ର ଟ୍ରାକ। ଏହାଦ୍ବାରା ଭାରତର ବଙ୍ଗଳା ଏବଂ ଗୁଜରାଟର ସମୁଦ୍ର ସହିତ ଉତ୍ତର ଭାରତର ସଂଯୋଗୀକରଣ ଉନ୍ନତ ହୋଇଛି। ଏବଂ ଦାଦରୀ  ହେଉଛି ସେହି ସ୍ଥାନ ଯେଉଁଠାରେ ଏହି ଉଭୟ କରିଡର ପରସ୍ପରକୁ ଭେଟନ୍ତି। ଅର୍ଥାତ୍, ଏଠାରେ ଚାଷୀମାନେ କ’ଣ ଚାଷ କରନ୍ତି, ଏଠାରେ କ’ଣ ଶିଳ୍ପ ତିଆରି କରନ୍ତି, ତାହା ସ୍ଥଳପଥ ଏବଂ ବିମାନ ମାର୍ଗ ଦ୍ୱାରା ବିଶ୍ୱର ପ୍ରତ୍ୟେକ କୋଣରେ ଶୀଘ୍ର ପହଞ୍ଚିପାରିବେ। ଏପରି ବହୁମୁଖୀ ସଂଯୋଗୀକରଣ ଯୋଗୁଁ, ୟୁପି ବିଶ୍ୱର ନିବେଶକମାନଙ୍କ ପାଇଁ ଏକ ବହୁତ ବଡ଼ ଆକର୍ଷଣ ପାଲଟିଛି।

ବନ୍ଧୁଗଣ,

ଯେଉଁ ନୋଏଡା  ପୂର୍ବରୁ ଅନ୍ଧବିଶ୍ୱାସ ଯୋଗୁଁ ନିଜ ଭାଗ୍ୟ ଉପରେ ଛାଡି ଦିଆଯାଇଥିଲା, ଚୌକି ହରାଇବା ଭୟରେ ପୂର୍ବରୁ ଶାସକଗୋଷ୍ଠି ଏଠାକୁ ଆସିବାକୁ ଭୟ କରୁଥିଲେ , ମୋର ମନେ ଅଛି ଯେ ଏଠାରେ ସମାଜବାଦୀ ପାର୍ଟିର ସରକାର ଥିଲା ଏବଂ ମୁଁ ନୋଏଡା ଆସିବା ପାଇଁ ଏକ କାର୍ଯ୍ୟକ୍ରମ ପ୍ରସ୍ତୁତ କରିଥିଲି, ତେଣୁ ମୁଖ୍ୟମନ୍ତ୍ରୀ ଏତେ ଭୟଭୀତ ହୋଇଯାଇଥିଲେ ଯେ ସେ ସେହି କାର୍ଯ୍ୟକ୍ରମରେ ଆସି ନଥିଲେ ଏବଂ ଲୋକମାନେ ମୋତେ ଡରାଇବାକୁ ମଧ୍ୟ ଚେଷ୍ଟା କରିଥିଲେ, "ନୋଏଡା ଯାଅ ନାହିଁ ମୋଦି ଜୀ, ଆପଣ ଏବେ ପ୍ରଧାନମନ୍ତ୍ରୀ ହୋଇଛନ୍ତି।" ମୁଁ କହିଥିଲି ଯେ ମୁଁ ଏହି ଭୂମିର ଆଶୀର୍ବାଦ ନେବାକୁ ଯାଉଛି, ଯାହା ମୋତେ ଦୀର୍ଘ ସମୟ ଧରି ସେବା କରିବାର ସୁଯୋଗ ଦେବ। ବର୍ତ୍ତମାନ ସେହି କ୍ଷେତ୍ର ସମଗ୍ର ବିଶ୍ୱକୁ ସ୍ୱାଗତ କରିବାକୁ ପ୍ରସ୍ତୁତ। ଏହି ସମଗ୍ର ଅଞ୍ଚଳ ଆତ୍ମନିର୍ଭରଶୀଳ ଭାରତର ସଂକଳ୍ପକୁ ମଜବୁତ କରୁଛି।

ବନ୍ଧୁଗଣ,

ଏହି ଅଞ୍ଚଳର ଅର୍ଥନୀତିରେ, ଚାଷ-କୃଷି ଉପରେ ବହୁତ ଗୁରୁତ୍ୱ ରହିଛି। ଆଜି, ମୁଁ ବିଶେଷ ଭାବରେ ମୋର ସେହି କୃଷକ ଭାଇଭଉଣୀମାନଙ୍କୁ କୃତଜ୍ଞତା ଜଣାଉଛି ଯେଉଁମାନେ ଏହି ପ୍ରକଳ୍ପକୁ ବାସ୍ତବରେ ପରିଣତ କରିବା ପାଇଁ ସେମାନଙ୍କର ଜମି ଦେଇଛନ୍ତି। ସେହି କୃଷକ ବନ୍ଧୁମାନଙ୍କ ପାଇଁ ଜୋରରେ ତାଳି ବଜାନ୍ତୁ ସାଥିମାନେ, ମୋର କୃଷକ ଭାଇ-ଭଉଣୀମାନଙ୍କ ପାଇଁ ଜୋରରେ ତାଳି ବଜାନ୍ତୁ । ମୋର କୃଷକ ଭାଇ-ଭଉଣୀମାନେ କେବଳ ଆପଣଙ୍କର ଏହି ଅବଦାନ ସହିତ, ଏହି ସମଗ୍ର ଅଞ୍ଚଳରେ ବିକାଶର ଏକ ନୂତନ ଯୁଗ ଆରମ୍ଭ ହେବାକୁ ଯାଉଛି। ଏଠାରେ ହେଉଥିବା ଆଧୁନିକ ସଂଯୋଗୀକରଣର ବିସ୍ତାର ପଶ୍ଚିମ ୟୁପିରେ ଖାଦ୍ୟ ପ୍ରକ୍ରିୟାକରଣର ସମ୍ଭାବନାକୁ ଆହୁରୀ ଅଧିକ ଶକ୍ତି ଦେବ। ଏବେ ଏଠାକାର କୃଷି ଉତ୍ପାଦଗୁଡ଼ିକ ବିଶ୍ୱ ବଜାରକୁ ଉତ୍ତମ ଉପାୟରେ ଯାଇପାରିବେ।

ମୁଁ ଆଉ ଏକ କଥା ପାଇଁ ମଧ୍ୟ ମୋର କୃଷକ ବନ୍ଧୁମାନଙ୍କୁ ଧନ୍ୟବାଦ ଦେବାକୁ ଚାହୁଁଛି। ଆପଣଙ୍କର ଆଖୁରୁ ଯେଉଁ  ଇଥାନଲ ତିଆରି ହୋଇଛି, ସେଥିରୁ ଅଶୋଧିତ ତୈଳ , ଅଶୋଧିତ ତୈଳ ଉପରେ ନିର୍ଭରଶୀଳତା ହ୍ରାସ ପାଇଛି। ଯଦି ଇଥାନଲର ଉତ୍ପାଦନ ବୃଦ୍ଧି ହୋଇନଥାନ୍ତା, ଯଦି ପେଟ୍ରୋଲରେ ଏହାର ମିଶ୍ରଣ ବୃଦ୍ଧି ହୋଇନଥାନ୍ତା, ତେବେ ଦେଶକୁ ପ୍ରତିବର୍ଷ ସାଢ଼େ ଚାରି କୋଟି ବ୍ୟାରେଲ, ସାଢ଼େ ଚାରି କୋଟି ବ୍ୟାରେଲ ଅର୍ଥାତ୍ ପ୍ରାୟ ୭୦୦ କୋଟି ଲିଟର ଅଶୋଧିତ ତୈଳ ବିଦେଶରୁ ଆମଦାନି କରିବାକୁ ପଡ଼ିଥାନ୍ତା। ଏହି ସଙ୍କଟ ସମୟରେ କୃଷକମାନଙ୍କ କଠିନ ପରିଶ୍ରମ ଦେଶକୁ ଏତେ ବଡ଼ ଆଶ୍ୱସ୍ତି ଦେଇଛି।

ବନ୍ଧୁଗଣ,

ଇଥାନଲ ଦ୍ୱାରା ଦେଶକୁ ଲାଭ ହୋଇଛି ଏବଂ ଚାଷୀମାନଙ୍କୁ ମଧ୍ୟ ବହୁତ ଲାଭ ହୋଇଛି । ଏହି କାରଣରୁ ପ୍ରାୟ ଦେଢ଼ ଲକ୍ଷ କୋଟି ଟଙ୍କାର ବୈଦେଶିକ ମୁଦ୍ରା ସଞ୍ଚୟ ହୋଇଛି। ଅର୍ଥାତ୍ ଯଦି ଇଥାନଲ ତିଆରି ହୋଇନଥାନ୍ତା, ତେବେ ଏହି ଟଙ୍କା ବିଦେଶ ଯିବା ନିଶ୍ଚିତ ଥିଲା। ବିଗତ ବର୍ଷଗୁଡ଼ିକରେ ଦେଶର ଚାଷୀମାନେ ଏତେ ଟଙ୍କା ପାଇଛନ୍ତି, ଆଖୁ ଚାଷୀମାନେ ପାଇଛନ୍ତି।

ବନ୍ଧୁଗଣ,

ଏଠାକାର ଆଖୁ ଚାଷୀମାନେ ପୂର୍ବ ସମୟର ସେହି ଦିନ ମଧ୍ୟ ଦେଖିଛନ୍ତି ଯେତେବେଳେ ଆଖୁ ବକେୟା ଅନେକ ବର୍ଷ ଧରି ପଡ଼ି ରହୁଥିଲା । କିନ୍ତୁ ଆଜି, ବିଜେପିର ଡବଲ-ଇଞ୍ଜିନ ସରକାରଙ୍କ ପ୍ରୟାସରେ ଆଖୁ ଚାଷୀଙ୍କ ଅବସ୍ଥାରେ ଉନ୍ନତି ହୋଇଛି।

ବନ୍ଧୁଗଣ,

କୌଣସି ଦେଶରେ, ବିମାନବନ୍ଦର କେବଳ ଏକ ସାଧାରଣ ସୁବିଧା ନୁହେଁ। ଏହି ବିମାନବନ୍ଦରଗୁଡ଼ିକର ପ୍ରଗତି ପାଇଁ ଉଡ଼ାଣ ମଧ୍ୟ ଦିଅନ୍ତି। ୨୦୧୪ ପୂର୍ବରୁ, ଦେଶରେ କେବଳ ୭୪ଟି ବିମାନବନ୍ଦର ଥିଲା। ଆଜି ଦେଶରେ ୧୬୦ ରୁ ଅଧିକ ବିମାନବନ୍ଦର ଅଛି। ଏବେ ମେଟ୍ରୋ ବ୍ୟତୀତ, ଦେଶର ଛୋଟ-ଛୋଟ ସହରଗୁଡ଼ିକରେ ମଧ୍ୟ ବିମାନ ସଂଯୋଗ ପହଞ୍ଚିବାରେ ଲାଗିଛି। ପୂର୍ବ ସରକାରଗୁଡ଼ିକ ବିଶ୍ୱାସ କରୁଥିଲେ ଯେ ବିମାନ ଯାତ୍ରା କେବଳ ଧନୀମାନଙ୍କ ପାଇଁ ହେବା ଉଚିତ। କିନ୍ତୁ ବିଜେପି ସରକାର ସାଧାରଣ ଭାରତୀୟଙ୍କ ପାଇଁ ବିମାନ ଯାତ୍ରାକୁ ସହଜ କରିଦେଇଛି। ଆମର ସରକାର, ଉତ୍ତର ପ୍ରଦେଶରେ ବିମାନବନ୍ଦରର ନେଟୱାର୍କକୁ ଦ୍ରୁତ ଗତିରେ ବିସ୍ତାର କରି, ଏହାର ସଂଖ୍ୟା ସତରକୁ ବୃଦ୍ଧି କରିଛି।

ବନ୍ଧୁଗଣ,

ବିଜେପି ସରକାରଙ୍କ ନିରନ୍ତର ପ୍ରୟାସ ରହିଛି ଯେ ବିମାନବନ୍ଦର ନିର୍ମାଣ ହେଉ ଏବଂ ଭଡା ମଧ୍ୟ ସାଧାରଣ ପରିବାରଙ୍କ ପାଖରେ ପହଞ୍ଚିପାରୁ। ତେଣୁ, ଆମେ ଉଡାନ ଯୋଜନା ଆରମ୍ଭ କରିଛୁ। ଏହି ଯୋଜନା ଯୋଗୁଁ, ଗତ କିଛି ବର୍ଷ ମଧ୍ୟରେ ଏକ କୋଟି ଷାଠିଏ ଲକ୍ଷରୁ ଅଧିକ ଦେଶବାସୀ ଉଡାନ ଯୋଜନାରୁ ଟିକେଟ ନେଇ ଶସ୍ତା ହାରରେ ବିମାନ ଯାତ୍ରା କରିଛନ୍ତି। ଏବଂ ମୁଁ ଆପଣଙ୍କୁ ଆଉ ଏକ ସୂଚନା ଦେବାକୁ ଚାହୁଁଛି। ସମ୍ପ୍ରତି, କେନ୍ଦ୍ର ସରକାର ଉଡାନ ଯୋଜନାକୁ ଆହୁରି ବିସ୍ତାର କରିଛନ୍ତି। ଏଥିପାଇଁ ପ୍ରାୟ ୨୯ ହଜାର କୋଟି ଟଙ୍କାର ଅନୁମୋଦନ ଦିଆଯାଇଛି। ଆଗାମୀ ବର୍ଷଗୁଡ଼ିକରେ ଏହା ଅଧୀନରେ, ଛୋଟ ସହରଗୁଡ଼ିକରେ ୧୦୦ଟି ନୂତନ ବିମାନବନ୍ଦର ଏବଂ ୨୦୦ଟି ନୂତନ ହେଲିପ୍ୟାଡ୍ ନିର୍ମାଣ କରିବାର ଯୋଜନା ଅଛି। ୟୁପି ମଧ୍ୟ ଏଥିରୁ ବହୁତ ଲାଭବାନ ହେବ।

ବନ୍ଧୁଗଣ,

ଭାରତର ବିମାନ ଚଳାଚଳ କ୍ଷେତ୍ର, ବହୁତ୍ ଦ୍ରୁତ ଗତିରେ ବିକାଶ କରୁଛି। ଯେମିତି ଭାରତରେ ନୂଆ-ନୂଆ ବିମାନବନ୍ଦର ନିର୍ମାଣ ହେଉଛି , ସେହିପରି ନୂତନ ବିମାନର ଆବଶ୍ୟକତା ମଧ୍ୟ ବୃଦ୍ଧି ପାଇବାରେ ଲାଗିଛି। ସେଥିପାଇଁ, ଦେଶର ବିଭିନ୍ନ ବିମାନ କମ୍ପାନୀଗୁଡ଼ିକ ଶହ-ଶହ ନୂତନ ବିମାନ ପାଇଁ ଅର୍ଡର ଦେଇଛନ୍ତି। ଏହି ନୂତନ ସୁବିଧା, ଆସୁଥିବା ନୂତନ ବିମାନ, ସେଗୁଡ଼ିକୁ ଉଡ଼ାଉଥିବା ଲୋକ, ସେଗୁଡ଼ିକରେ ସେବା ପ୍ରଦାନ କରୁଥିବା ଲୋକ, ରକ୍ଷଣାବେକ୍ଷଣ ସହିତ ଜଡିତ, ଏପରି ପ୍ରତ୍ୟେକ କାର୍ଯ୍ୟ ପାଇଁ, ବହୁତ ସଂଖ୍ୟାରେ କର୍ମଚାରୀଙ୍କ ଆବଶ୍ୟକତା ପଡିବ। ଏହା ଯୁବପିଢ଼ିଙ୍କ ପାଇଁ ଏକ ବହୁତ ବଡ଼ ସୁଯୋଗ। ତେଣୁ, ଆମ ସରକାର ବିମାନ ଚଳାଚଳ କ୍ଷେତ୍ରରେ ତାଲିମ ସୁବିଧା ମଧ୍ୟ ବିସ୍ତାର କରୁଛି।

ବନ୍ଧୁଗଣ,

ଯେତେବେଳେ ଆପଣ ନିଜ ପାଇଁ କୌଣସି ଯାନ କିଣନ୍ତି, ଆପଣ ନିଶ୍ଚିତ ଭାବରେ ଦେଖନ୍ତି ଯେ ସେହି ଯାନ ନିର୍ମାଣକାରୀ କମ୍ପାନୀର ସର୍ଭିସିଂ ସେଣ୍ଟର ପାଖରେ ଅଛି କି ନାହିଁ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଆମ ଦେଶରେ ବିମାନର ସର୍ଭିସିଂ, ଅର୍ଥାତ୍ ସେମାନଙ୍କର ରକ୍ଷଣାବେକ୍ଷଣ, ମରାମତି ଏବଂ ସବୁକିଛିପାଇଁ ପାଇଁ କୌଣସି ଦୃଢ଼ ବ୍ୟବସ୍ଥା ନଥିଲା। ଆଜି ଭାରତରେ ୮୫ ପ୍ରତିଶତ ବିମାନ ପାଇଁ ,ଏହି କାର୍ଯ୍ୟ ପାଇଁ ସେମାନଙ୍କୁ ରକ୍ଷଣାବେକ୍ଷଣ, ମରାମତି ଏବଂ ସବୁକାମପାଇଁ, ଅର୍ଥାତ୍ ଏମ୍ଆର୍ଓ ପାଇଁ ବିଦେଶକୁ ପଠାଇବାକୁ ପଡ଼େ। ତେଣୁ, ଆମ ସରକାର ସ୍ଥିର କରିଛନ୍ତି ଯେ ଆମେ ଏମ୍ଆର୍ଓ କ୍ଷେତ୍ରରେ ମଧ୍ୟ ଭାରତକୁ ଆତ୍ମନିର୍ଭରଶୀଳ କରିବୁ। ଏବେ ଭାରତରେ, ଏମ୍ଆର୍ଓ ସୁବିଧାଗୁଡ଼ିକ ବହୁତ ବଡ଼ ପରିମାଣରେ ବିକଶିତ କରାଯାଉଛି। ଆଜି ଏଠାରେ ଜେୱାରରେ ମଧ୍ୟ, ଏକ ଏମ୍ଆର୍ଓ ସୁବିଧାର ଶିଳାନ୍ୟାସ କରାଯାଇଛି। ଯେତେବେଳେ ଏହି ସୁବିଧା ପ୍ରସ୍ତୁତ ହେବ, ସେତେବେଳେ ଏହା ଦେଶୀ ଏବଂ ବିଦେଶୀ ବିମାନ ସେବା ପ୍ରଦାନ କରିବ। ଏଥିରୁ ଦେଶ ମଧ୍ୟ ରୋଜଗାର କରିବ, ଆମର ଟଙ୍କା ମଧ୍ୟ ଦେଶରେ ରହିବ, ଏବଂ ଯୁବକମାନଙ୍କୁ ମଧ୍ୟ ଅନେକ ଚାକିରି ମିଳିବ।

ବନ୍ଧୁଗଣ,

ଆଜି ଆମ ସରକାରଙ୍କ ପ୍ରାଥମିକତା ହେଉଛି ଦେଶର ନାଗରିକଙ୍କ ସୁବିଧା। ଦେଶର ନାଗରିକଙ୍କ ସମୟ ସଞ୍ଚୟ ହେବା ଉଚିତ ଏବଂ ତାଙ୍କ ପକେଟ ଉପରେ ଅଧିକ ବୋଝ ନ ପଡ଼ିବା ଉଚିତ, ଏହା ଆମର ଲକ୍ଷ୍ୟ। ଏହି ଭାବନା ସହିତ ମେଟ୍ରୋ ଏବଂ ବନ୍ଦେ ଭାରତ ଭଳି ଆଧୁନିକ ରେଳ ସେବାକୁ ବିସ୍ତାର କରାଯାଉଛି। ଦିଲ୍ଲୀ-ମେରଠ ନମୋ ଭାରତ ରେଳ, ଏଥିରୁ କେତେ ଲାଭ ହେଉଛି, ଆମେ ସମସ୍ତେ ଦେଖୁଛୁ। ଏପର୍ଯ୍ୟନ୍ତ, ନମୋ ଭାରତରେ ଅଢ଼େଇ କୋଟିରୁ ଅଧିକ ଲୋକ ଯାତ୍ରା କରିସାରିଛନ୍ତି। ଦିଲ୍ଲୀ-ମେରଠର ଯାତ୍ରା ଯାହା ପୂର୍ବରୁ ଘଣ୍ଟା ଘଣ୍ଟା ଧରି ଚାଲିଥିଲା ​​ତାହା ଏବେ ସେହି  ଯାତ୍ରା ମିନିଟ୍‌ରେ ସମାପ୍ତ ହେଉଛି।

ବନ୍ଧୁଗଣ,

ଆମର ସରକାର ବିକଶିତ ଭାରତର ବିକଶିତ ଆଧୁନିକ ଭିତ୍ତିଭୂମିରେ ଅଭୂତପୂର୍ବ ନିବେଶ କରୁଛନ୍ତି । ଗତ ୧୧ ବର୍ଷ ମଧ୍ୟରେ, ଭିତ୍ତିଭୂମି ପାଇଁ ବଜେଟ୍ ଛଅ ଗୁଣରୁ ଅଧିକ ବୃଦ୍ଧି ପାଇଛି। ଏହି ବର୍ଷଗୁଡ଼ିକରେ, ରାଜପଥ ଏବଂ ଏକ୍ସପ୍ରେସୱେରେ ୧୭ ଲକ୍ଷ କୋଟି ଟଙ୍କା ଖର୍ଚ୍ଚ ହୋଇଛି, ଏକ ଲକ୍ଷ କିଲୋମିଟରରୁ ଅଧିକ ରାଜପଥ ନିର୍ମାଣ କରାଯାଇଛି। ୨୦୧୪ ପର୍ଯ୍ୟନ୍ତ, ରେଳବାଇରେ କେବଳ ୨୦ ହଜାର କିଲୋମିଟର ରୁଟର ବିଦ୍ୟୁତୀକରଣ ହୋଇଥିଲା। ଯେତେବେଳେ ୨୦୧୪ ପରେ, ୪୦ ହଜାର କିଲୋମିଟରରୁ ଅଧିକ ରେଳ ଟ୍ରାକର ବିଦ୍ୟୁତୀକରଣ କରାଯାଇଛି। ଆଜି ବ୍ରଡଗେଜ୍ ନେଟୱାର୍କର ପ୍ରାୟ ଶତପ୍ରତିଶତ ବିଦ୍ୟୁତୀକରଣ କରାଯାଇଛି। ଆଜି କାଶ୍ମୀର ଉପତ୍ୟକା ହେଉ କିମ୍ବା ଉତ୍ତର-ପୂର୍ବର ରାଜଧାନୀ, ଏଗୁଡ଼ିକ ପ୍ରଥମ ଥର ପାଇଁ ରେଳ ନେଟୱାର୍କ ସହିତ ସଂଯୋଗ ହେଉଛି। ଗତ ଦଶନ୍ଧିରେ ବନ୍ଦରର କ୍ଷମତା ଅର୍ଥାତ୍ ବନ୍ଦରଗୁଡ଼ିକର ସଂଖ୍ୟା ଦୁଇଗୁଣରୁ ଅଧିକ ହୋଇଛି। ଦେଶରେ ନଦୀ ଜଳପଥର ସଂଖ୍ୟା ମଧ୍ୟ ନିରନ୍ତର ବୃଦ୍ଧି ପାଉଛି। ବିକଶିତ ଭାରତର ନିର୍ମାଣ ପାଇଁ ଆବଶ୍ୟକ ପ୍ରତ୍ୟେକ କ୍ଷେତ୍ରରେ ଭାରତ ଦ୍ରୁତ ଗତିରେ କାର୍ଯ୍ୟ କରୁଛି।

ବନ୍ଧୁଗଣ,

ବିକଶିତ ଭାରତ ଗଠନ ପାଇଁ ସମସ୍ତଙ୍କ ପ୍ରୟାସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ୧୪୦ କୋଟି ଦେଶବାସୀ ଏକ ହୋଇ କଠିନ ପରିଶ୍ରମ କରିବା ଏବଂ ବିଶ୍ୱ ସଙ୍କଟର ମୁକାବିଲା କରିବା ଆବଶ୍ୟକ। ବର୍ତ୍ତମାନ ଚାଲିଥିବା ଯୁଦ୍ଧ ଦ୍ୱାରା ସୃଷ୍ଟି ହୋଇଥିବା ସଙ୍କଟର ମୁକାବିଲା କିପରି କରିବେ, ମୁଁ ସଂସଦରେ ମଧ୍ୟ ଏହା ବିଷୟରେ ବିସ୍ତୃତ ଭାବରେ କହିସାରିଛି। ଗତକାଲି ଦେଶର ସମସ୍ତ ମୁଖ୍ୟମନ୍ତ୍ରୀଙ୍କ ସହିତ ମୋର ଏକ ଲମ୍ବା ଆଲୋଚନା ହୋଇଥିଲା ଏବଂ ଏକ ଅତ୍ୟନ୍ତ ସକାରାତ୍ମକ ଆଲୋଚନା ହୋଇଥିଲା। ମୁଁ ଆଜି ଆପଣ ସମସ୍ତ ଜନ-ଦେବତା (ଜନତା-ଜନାର୍ଦନ)ଙ୍କୁ ପୁଣି କହିବି, ମୁଁ ଦେଶବାସୀଙ୍କୁ ପୁଣି କହିବି। ଆମକୁ ଶାନ୍ତ ମନରେ, ଧର୍ଯ୍ୟର ସହିତ, ଏକତା ସହିତ ଏବଂ ଏକାଠି ହୋଇ ଏହି ସଙ୍କଟର ମୁକାବିଲା କରିବାକୁ ପଡିବ। ଏହା ଏକ ସଙ୍କଟ ଯାହା ସମଗ୍ର ବିଶ୍ୱରେ ସମସ୍ୟା ସୃଷ୍ଟି କରେ। ଆମକୁ ଆମ ଦେଶ ବିଷୟରେ ସବୁଠାରୁ ଅଧିକ ଚିନ୍ତା କରିବାକୁ ପଡିବ। ଏବଂ ଏହା ଆମେ ଭାରତୀୟମାନଙ୍କର ସବୁଠାରୁ ବଡ଼ ଶକ୍ତି। ମୁଁ ୟୁପି ଏବଂ ଦେଶର ସମସ୍ତ ରାଜନୈତିକ ଦଳମାନଙ୍କୁ ମଧ୍ୟ ଦୃଢତାର ସହିତ କହିବାକୁ ଚାହୁଁଛି, ଅନୁରୋଧ ସହିତ କହିବାକୁ ଚାହୁଁଛି । ଏହି ପ୍ରକାରର ସଙ୍କଟରେ ଏପରି କଥା କହିବାରୁ ଦୂରେଇ ରୁହନ୍ତୁ ଯାହା ଦେଶ ପାଇଁ କ୍ଷତିକାରକ। ଯାହା ଭାରତୀୟଙ୍କ ସପକ୍ଷରେ, ଯାହା ଭାରତର ସ୍ୱାର୍ଥରେ, ତାହା ହିଁ ଭାରତ ସରକାରଙ୍କ ନୀତି ଏବଂ ରଣନୀତି। ଯେଉଁମାନେ ରାଜନୀତି ପାଇଁ ଭୁଲ ବୟାନବାଜି କରୁଛନ୍ତି, ସେମାନେ ରାଜନୈତିକ ବିତର୍କରେ କିଛି ସଂଖ୍ୟା ପାଇବେ, କିନ୍ତୁ ଦେଶର ଲୋକମାନେ ଦେଶକୁ କ୍ଷତି ପହଞ୍ଚାଉଥିବା କାର୍ଯ୍ୟକୁ କେବେ କ୍ଷମା କରନ୍ତି ନାହିଁ। କୋରୋନାର ମହାସଙ୍କଟ ସମୟରେ ମଧ୍ୟ କିଛି ଲୋକ ଗୁଜବ ପ୍ରଚାର କରିଥିଲେ, ଟୀକା ବିଷୟରେ ମିଛ କହିଥିଲେ, ଯାହା ଦ୍ୱାରା ସରକାରଙ୍କ କାମ କଷ୍ଟକର ହୋଇଯାଏ ଏବଂ ଦେଶ କ୍ଷତି ସହେ। ଫଳାଫଳ କ'ଣ ହେଲା ? ନିର୍ବାଚନ ସମୟରେ ଜନତା ଏପରି ରାଜନୀତିକୁ ପ୍ରତ୍ୟାଖ୍ୟାନ କରିଥିଲେ, ଏହାକୁ ପ୍ରତ୍ୟାଖ୍ୟାନ କରିଥିଲେ। ମୁଁ ସମ୍ପୂର୍ଣ୍ଣ ବିଶ୍ୱାସ ଯେ ଦେଶର ସମସ୍ତ ରାଜନୈତିକ ଦଳ ମଧ୍ୟ ଏଥିରୁ ଶିକ୍ଷା ପାଇବେ ଏବଂ ସେମାନେ ଦେଶର ମିଳିତ ପ୍ରୟାସକୁ ଶକ୍ତି ଏବଂ କ୍ଷମତାଦେବେ। ଏହି ଅନୁରୋଧ ସହିତ, ପୁଣି ଥରେ ଏହି ସୁନ୍ଦର ବିମାନବନ୍ଦର ପାଇଁ ଉତ୍ତର ପ୍ରଦେଶକୁ ଅନେକ -ଅନେକ ଶୁଭକାମନା।

ମୋ ସହିତ କୁହନ୍ତୁ

ଭାରତ ମାତାର ବିଜୟ!

ବନ୍ଦେ ମାତରମ୍!

ବନ୍ଦେ ମାତରମ

ବନ୍ଦେ ମାତରମ୍!

ବନ୍ଦେ ମାତରମ୍!

ବନ୍ଦେ ମାତରମ୍!

ବନ୍ଦେ ମାତରମ୍!

ବନ୍ଦେ ମାତରମ୍!

ବନ୍ଦେ ମାତରମ୍!

ବନ୍ଦେ ମାତରମ୍!

ବନ୍ଦେ ମାତରମ୍!

ବନ୍ଦେ ମାତରମ୍!

ଅନେକ ଅନେକ ଧନ୍ୟବାଦ।

****

NS