Katba ki jingjia ha ka West Asia ki dang ïai bteng, ka Sorkar India ka la shimkhia ïa ki sienjam kiba ryntih ban pynneh ïa ka jingshngain ha kylleng ki bynta kiba kongsan. Ki jingpyrshang ki phaikhmat ha kaba pynthikna ia ka jingpynbiang bording kaba khlem jingthut, ban iada ia ki kam ba iadei bad ka duriaw, bad ban pynpoi ia ka jingkyrshan kaba donkam sha ki nong India ba don ha ka thain. Ia ka jinglong ba mynta jong kine ki jingpyrshang la batai harum.

Ka jingpynbiang bording bad ka jingdon ka umphniang

La shim ia ki sienjam ban pynthikna ia ka jingdon jong ki mar umphniang bad LPG khlem jingthut ha kylleng ka ri, ha kaba iadei bad ka jingkhang ia ka Strait of Hormuz. Ka jinglong mynta ka long kumne harum:

Ka umphniang bym pat pynkhuid/ ki jaka pynkhuid umphniang

· Baroh ki jaka pynkhuid umphniang ki dang trei borbah bad ki dang pynbiang ia ka umphniang ka bym pat pynkhuid. Ka ri ka dang pynbiang ruh ia ka jingdon ka petrol bad ka diesel.

· Ka jingpynmih LPG hapoh ka ri na ki jaka pynkhuid umphniang ka la nang kiew ban kyrshan ia ka jingdonkam hapoh ri.

Ki Jaka die umphniang

· Baroh ki jaka die umphniang ki treikam kumba ju long ha kylleng ka ri.

· Ka jingeh ha ka thain Middle East ka la pynlong ia ka jingkiew dor kaba phylla ha ka dor jong ka umphniang ka bym pat pynkhuid. Khnang ban iada ia ki nongpyndonkam na kane ka jingktah, ka sorkar India ka la rai ban shim ia ka bynta jong kane ka jingban khia lyngba ka jingpynhiar ia ka khajna excise ha ka petrol bad diesel da T. 10/litar

· Shuh shuh, ka Sorkar India ka la buh khajna shalan kaba T. 21.5 shi litar ia ka diesel bad T. 29.5 shi litar ia ka Aviation Turbine Fuel (ATF) ban pynthikna ka jingdon jong kine ki mar ha ki iew hapoh ka ri.

· La lap ba ki don ki jingjia jong ka jingthied kyrkieh namar ki khubor hamsaia ha katto katne ki jaka, kaba la pynlong ïa ka jingdie kaba bun bad ka jingkhapngiah kaba jur ha ki jaka die mar. Hynrei la pyntip ba ki don ki stock kiba biang jong ka petrol bad diesel kiba lah ban ioh ha baroh ki Petrol Pump ha ka ri.

· Ka Sorkar ka pynkynmaw biang ia ka jingai jingmut jong ka ban nym ngeit ia ki khubor hamsaia. Khnang ban tehlakam ïa ki khubor hamsaia, la kyrpad ruh ïa ki Sorkar Jylla ba kin pynsaphriang ïa ki jingtip kiba dei lyngba ki jingïalang bad ki nongthoh khubor.

Natural Gas

· La buh hakhmat eh ia ki nongpyndonkam da kaba pynbiang 100% sha ka D-PNG bad ka jingkit CNG.

 · Ka jingpynbiang sha ki nongpyndonkam ha ki karkhana bad ki kam khaii pateng kiba la pyniasoh ha ka grid ka long haduh 80% na ka jingpyndonkam kyllum jong ki.

· La ai jingmut ruh ia ki kynhun ka City Gas Distribution (CGD) da ka Sorkar India ban buh hakhmat eh ia ki jingpyniasoh PNG na ka bynta ki jaka khaii kum ki jaka bam, ki hotel bad ki canteen ha kylleng ki jaka jong ki, ban weng ia ki jingeh ba iadei bad ka jingdon jong ka LPG ha ka kam khaii.

· Ka jingpynbiang sha ki karkhana Urea kiba treikam mynta ka long kaba thikna haduh kumba 70-75% na ka jingpyndonkam jong ki ha ki 06 bnai ba ladep. La wad ruh ia kiwei pat ki mar LNG bad ka Regasified LNG (RLNG) ban pynneh ia ki jingpynbiang bad ki jingpynpoi ia ki pipeline hydraulic.

· La ai jingmut ia baroh ki nongpyndonkam ha ki karkhana kynthup ia ki karkhana pynmih sboh ba kin pynbiang shuh shuh ia ka jingdonkam jong ki ha ka jaka khnang ba ia kajuh yn lah ban pynbeit da ki kompeni Gas.

· Ki Kompani CGD kum ka IGL, MGL, GAIL Gas bad BPCL ki la tyrwa ia ki jingai jingmyntoi ban shim ia ka jingpyniasoh PNG ha ka kam khaii bad ka jingpyndonkam ha ki iing ki sem.

· Ka Sorkar India ka la kyrpad ia ki Sorkar Jylla/UT bad ki Tnad Sorkar Pdeng ban pynsted ia ka jingmynjur ia ki aplikeshon kiba donkam na ka bynta ban pyniar ia ka rynsan jong ka CGD.

· Ka Sorkar India lyngba ka shithi kaba ha ka 18.03.2026 ka la tyrwa sha baroh ki Jylla/UT ban mang shuh shuh 10% ia ka LPG ha ka kam khaii sha ki Jylla tang lada ki lah ban iarap ha ka jingkylla kaba jrong samoi na ka LPG sha ka PNG. Hadien kata, ka MoPNG ka la ioh ia ki aplikeshon na ki Jylla kiba bun kiba la shim ia ki sienjam ban pynkylla na ka bynta ban kyntiew ia ka rynsan jong ka CGD. Katkum kane, la ai jingmut ban mang shuh shuh na ka bynta ki katto katne ki Jylla.

· Ka PNGRB lyngba ka hukum jong ka ha ka 23.03.2026 ka la bthah ïa baroh ki kynhun ka CGD ban shim baroh ki sienjam ban pynïasoh ïa ki skul & kolej ba don bad ki jaka sah, ki hostel, ki jaka shet jingshet paidbah, ki jaka shet jingshet jong ki anganwadi bad kiwei kiwei lyngba ka PNG hapoh 5 sngi, ha kano kano ka jaka ba don ki jingpynbiang pipeline kiba don hajan.

· Ka Tnad Road, Transport & Highways, lyngba ka shithi kaba ha ka 24.03.2026 ka la ong ba ki la pdiang ïa ka “Ka rukom ai jingmynjur kaba stet na ka bynta ki jingdon jingsem CGD da kaba pynduna ïa ka por” kum ka sienjam ba kyrpang na ka bynta 3 bnai ha kaba ïa ki aplikeshon kiba ïadei bad ki jingdon jingem CGD yn pyntreikam hakhmat eh.

· Ka Sorkar India lyngba ka Gazette kaba ha ka 24.03.2026 ka la pynbna ia ka Natural Gas and Petroleum Products Distribution (Through Laying, Building, Operation and Expansion of Pipelines and Other Facilities) Order, 2026 hapoh ka Essential Commodities Act, 1955. Ka Hukum ka ai ia ka rukom treikam kaba ryntih bad kaba la buh por na ka bynta ban buh bad pyniar ia ki pipeline ha kylleng ka ri, ban weng ia ka jingpynslem ha ki jingai jingmynjur bad ban ioh ia ka jaka, bad plie lad ia ka jingkyntiew kaba kham stet ia ki jingdon jingem ba iadei bad ka natural gas, kynthup ha ki jaka sah briew. La khmih lynti ba kan pynsted ia ka jingkiew jong ka rynsan jong ka PNG, kan kyntiew ia ka jingpyniasoh ha baroh ki shnong ki thaw, bad kyrshan ia ka jingkylla sha ki umphniang kiba kham khuid, da kaba pynkhlain ia ka jingpynbiang ia ka bording bad kan kyntiew ia ka ioh ka kot jong ka India kaba pynshong nongrim ha ka gas.

· Ka Tnad Iada ri lyngba ka shithi kaba ha ka 27.03.2026 ka la pynmih ia ka jingpynkylla ia ka polisi kaba lyngkot samoi, kaba treikam haduh ka 30 tarik Jylliew, 2026, ban pynsted ia ka jingbuh ia ki jingdon jingem jong ka PNG ha baroh ki jaka sah/unit kine jong ka jingiada.

· U Chairperson (PNGRB) u la pynlong ia ka VC ha ka 30.03.2026 bad la bthah ia ki kynhun ka CGD ban pynsted ia ki jingpyniasoh D-PNG. Kumjuh ruh, ïa ka National PNG Drive 2.0 (01.01.2026-31.03.2026) mynta la pynjlan haduh ka 30.06.2026 ban pynneh ïa ka jingkyntiew ha ka jingpyniar ïa ka PNG.

· Ha u bnai Lber, palat 3.1 Lak tylli ki jingpyniasoh kynthup ki iing, ki jaka khaii, ki hostel, ki jaka bam, ki canteen bad kiwei kiwei la pynbiang gas. Nalor kiba la kdew haneng, palat 2.7 Lak tylli ki jingpyniasoh ba thymmai la pynbiang gas.

LPG

• Ka jingpynbiang ia ka LPG ka shah ktah namar ka jinglong jingman jong ka sain pyrthei.

Ka jingpynbiang LPG hapoh ka ri:

• Ym don kano kano ka jingjia ha kaba ym don umphniang kumba la ioh jingtip ha ki jaka sam.

• Ki jingphah buh online ia ki tyndong LPG ki la kiew sha ka 92% hynnin ka sngi katkum ki karkhana.

• Ban iada na ka jingpynkylla ha ka kyrdan jong ki nongsam, la kyntiew ia ki jingpynpoi katkum ka jingpynshisha ia ka Delivery Authentication Code (DAC) na ka 53% (Rymphang-2026) sha ka 83% hynnin ka sngi.

• Naduh ka 1 tarik u Lber 2026, ha ka jingkhein kyllum palat 50 Lak tylli ki tyndong LPG hapoh ka ri ha ka shisngi la pynpoi da ki kompeni umphniang PSU.

Ka jingpynbiang ia ka LPG na ka bynta ka kam khaii:

• Ka Sorkar ka ladep ban pynbiang ia ka jingpynpoi ia ka Partial Commercial LPG (20%) sha ki nongpyndonkam. Shuh shuh, ka Sorkar India lyngba ka shithi kaba ha ka 18.03.2026 ka la tyrwa ban mang shuh shuh 10% na ka LPG ba pyndonkam ha ka kam khaii sha ki Jylla/UT katkum ka jingpynkylla ia ka jingsuk ban leh ia ka kam khaii pateng na ka bynta ban pyniar ia ka PNG.

• Ka Sorkar India lyngba ka shithi kaba ha ka 21.03.2026 ka la mynjur ban mang sa 20% ia ka LPG ba pyndonkam ha ka kam khaii sha ki Jylla, ha kaba ka jingmang baroh kalong haduh 50% (kynthup ia ka jingmang 10% kaba pynshong nongrim ha ka jingsuk ban leh ia ki jingpynkylla na ka bynta ban pyniar ia ka PNG). Ia kane ka jingmang sa 20% yn kham pynleit jingmut ha ki kam ba kongsan kum ki jaka bam, ki dhaba, ki hotel, ki canteen ha ki karkhana, ki jaka shna jingbam/ki kam ba iadei bad ka dud, ki canteen/ ki jaka die ba la ai jingiarap da ka Sorkar Jylla lane ki bor shnong na ka bynta ki jingbam, ki jaka shet paidbah, 5 Kg FTL na ka bynta ki nongbylla kiba nabar.

• Ka Sorkar India lyngba ka shithi kaba ha ka 27.03.2026 ka la rai ban mang shuh shuh 20% na ka bynta ka LPG ba pyndonkam ha ka kam khaii (ka jingmang baroh ha ka kam khaii kalong 70% na ka kyrdan shwa ki jingeh kynthup 10% kaba la pynshong nongrim ha ka jingpynkylla). Ia kane ka jingmang sa 20% yn ai sha ki karkhana kiba buh hakhmat eh ia ki nar, ki kali, ki jain, ki rong, ki dawai bad ki plastic. Napdeng kine, yn buh hakhmat eh ia ki karkhana pynmih mar lane kito kiba donkam ia ka LPG na ka bynta ki jingthmu pynkhluit ba kyrpang ki bym lah ban bujli da ka natural gas.

• Naduh ka 23 tarik Lber 2026, palat 3.2 Lak tylli ki tyndong FTL ba 5 Kg la die sha ki nongbylla sngi ha kylleng ka ri.

• Palat 63,000 – ki tyndong FTL ba 5 Kg la die hynnin ka sngi sha ki Nongbylla kiba wan na bar jylla.

• Kiba bun ki Jylla/UT ki la pynmih ïa ki hukum ban mang ïa ka Non-domestic LPG katkum ki kyndon ba la pynmih da ka Sorkar India. la kyntiew 47928 MT naduh ka 14 tarik u Lber 2026 da ki kynhun khaii ha ki Jylla/UT.

Ka umphniang sharak

· La mang sa 48,000 KL ka umphniang sharak palat ia ka jingmang ba man ka por sha baroh ki Jylla/UT.

· Ka Sorkar India lyngba ka jingpynbna kaba ha ka 29.03.2026 ka la pynsuk ia ka jingsam ia ka PDS SKO ha ki Jylla/UT bym don PDS SKO na ka bynta ban shet jingshet bad ban pynshai –

· La ai jingmynjur ban don haduh ar tylli ki PSU OMC service station ha kano kano ka distrik (Kaba kham biang ba kin long trai ne pyniaid da ki kompani) ki ban shah ban buh haduh 5000 litre ka PDS SKO

· Ïa kine ki PSU OMC service station yn buh da ka sorkar jylla lane ki bor pyniaid UT ha man ki district.

· 17 tylli ki Jylla/UT ki la pynmih ia ki hukum ban mang SKO. Shuh shuh, ka Himachal Pradesh bad ka Ladakh ki la pyntip ba kam don kano kano ka jingdawa SKO ha ka Jylla/UT.

Ka Bynta jong ki Jylla/UT

· Hapoh ka Essential Commodities Act, 1955 bad LPG Control Order, 2000, la ai bor ia ka sorkar jylla ban shim ia ka sienjam pyrshah ia kano kano ka jingpynlang bad pyniaid iew beain. Ka Sorkar jong ki Jylla/UT ki don ka bynta ba kongsan ha kaba peitngor bad pynbeit ia ka jinglong jingman jong ka jingpynbiang ia ki mar ba kongsan kynthup ia ka Petrol, Diesel bad LPG. Ka Sorkar India ka la ban biang ia kajuh lyngba ki shithi bad ki VC sha baroh ki Jylla/UT.

· La kyrpad ïa baroh ki Chief Secretary, ACS/Principal Secretary/Secretary Food & Civil supply jong baroh ki Jylla/UT –

Ø Ban pynlong ia ki jingialang bad ki lad pathai khubor man ka sngi ha ki Jylla/District bad ban pynmih ia ki jingai jingmut ba man ka por na ka bynta ki paidbah.

Ø Ban buh ia ki control room/ /ki helpline

Ø Ban buddien bad ialeh pyrshah ia ki khubor thok / ka jingtip ba ialam bakla ha ki social media.

Ø Ban pynjur ia ki jingpynjari ia ka ain man ka sngi da ki bor pyniaid District bad ban bteng ia ki jingkhynra bad jingjurip ha ka jingiatreilang bad ki OMC.

Ø Ban pynmih ia ki hukum ban mang Commercial LPG hapoh ki Jylla/UT jong ki

Ø Ban pynmih ia ki hukum mang SKO na ka bynta ki SKO ba la mang shuh shuh sha ki Jylla/UT

Ø Ban pynsted ia ka jingpyniar ia ka CGD kynthup ka jingpynsted ia ki jingai jingbit RoW/RoU, ki jingai jingbit ban trei baroh arphew saw kynta bad kiwei kiwei.

Ø Ban kyntiew ia ka jingpdiang ia ka PNG bad kiwei pat ki umphniang.

Ø Ban jied ia ki senior nodal officer na ka bynta ka jingiatreilang bad ka MoPNG.

· Ka Sorkar India lyngba ka shithi kaba ha ka 27.03.2026 ka la kyrpad biang ïa ki Chief Secretary jong baroh ki Jylla/UT ban pynlong man ka sngi ïa ki jingialang bad ki lad pathai khubor bad ki jingai jingtip ha ki social media/ electronic media ban pynsaphriang ïa ki jingtip kiba dei bad ban pynduh ïa ka jingpynsaphriang ia ki khubor hamsaia.

· Mynta, 16 tylli ki Jylla/UT kata ka Andhra Pradesh, Bihar, Gujarat, Himachal Pradesh, J&K, Madhya Pradesh, Maharashtra, Meghalaya, Nagaland, Odisha, Rajasthan, Telangana, Uttar Pradesh, Uttarakhand, Tamil Nadu bad Arunachal Pradesh ki pynlong ia ki jingialang bad ki lad pathai khubor.

Ki kam na ka bynta ka jingtehlakam

· Ki jingkhynra ki dang ïai bteng ha kiba bun ki Jylla/UT ban peit bniah ïa ki jingpynlang bad ka jingdie beain ïa ki LPG. La pynlong palat 3000 tylli ki jingkhynra, bad palat 500 tylli ki cylinder la ioh ban kurup hynnin ka sngi.

· Ki heh jong ki OMC PSU ki la pynlong ruh ia ki jingjurip kynsan ha palat 1200 tylli ki RO bad ki jaka sam LPG hynnin ka sngi ha kylleng ka ri ban pynthikna ba ka jingpynpoi ka iaid beit iaid ryntih bad ban peit bniah ia kino kino ki jingpynlang/jingdie beain.

· Ki OMC PSU ki la pynmih palat 540 tylli ki jingpynbna sha ki jaka sam LPG haduh mynta ka sngi.

Kiwei kiwei ki sienjam jong ka Sorkar

· Wat hapdeng kane ka jinglong jingman jong ka thma, ka Sorkar ka la ka Sorkar ka la peit nyngkong duh ia ka kam kaba iadei bad ka LPG bad PNG hapoh ka ri, ryngkat bad ka jingbuh hakhmat eh ïa ki hospital bad ki jaka pule.

· Ka Sorkar ka la dep pyntreikam katto katne ki lad pynbeit ryntih ha kaba iadei bad ka jingpynbiang bad jingdawa, kynthup ïa ka jingpynkiew ïa ka jingpynmih umphniang, ka jingpynkiew ïa ka por phah buh lypa na ka 21 sha ka 25 sngi ha ki jaka sor bad haduh 45 sngi ha ki jaka nongkyndong bad ka jingbuh hakhmat eh ia ki kam kiba hap ban ioh ia ka jingpynbiang.

· Kiwei kiwei ki lad ban ioh bording kum ka umphniang sharak bad u dewiong ki dei kiba la tyrwa ban pynduna ia ka jingbankhia ka jingdawa LPG.

· Ka Tnad kam dewiong ka ladep ban ai hukum ia ka Coal India bad Singareni Coallieries ban ai kham mang bun sha ki Jylla na ka bynta ban sam ia u dewiong sha ki nongpyndonkam kiba rit, kiba pdeng bad kiwei kiwei de.

· La ai jingmut ia ki jylla ban pynsuk ia ki jingpyniasoh PNG ba thymmai na ka bynta ki nongpyndonkam ha ki iing ki semi bad ki nongpyndonkam ha ka kam khaii pateng.

Ka jingai jingmut ia ki paidbah

· Ka Sorkar ka la shim lut ki sienjam ban pynthikna ka jingdon ka Petrol, Diesel bad LPG. Kiar na ka jingthied kyrkieh ia ka Petrol, diesel bad ka jingphah buh ia ka LPG.

· Husiar na ki khubor lamler bad shaniah ha ki tyllong khubor ba thikna na ka bynta ki jingtip kiba thikna.

· Na ka bynta ka LPG, la kyrpad ia ki nongshong shnong ban–

Ø Pyndonkam ia ki lad Digital na ka bynta ki jingphah buh

Ø Kiar na kaba leit sha ki jaka sam LPG

· La kyrpad ia ki nongshong shnong ba kin pyndonkam da kiwei kiwei ki tyllong bording kum ka PNG, ki electric/induction cooktop, bad kiwei kiwei.

· Ha ka jinglong jingman kaba mynta, la kyrpad ia baroh ki nongshong shnong ban shim ia ki sienjam ba donkam ban pynneh pynsah ia ka bording ha ka jingpyndonkam jong ki man ka sngi.

Ka jingshngain ha ki kam duriaw bad ki kam pyniaid lieng

La shim ia ki sienjam ba donkam ban pynthikna ia ka jingshngain jong ki lieng bad ki nongleit nongwan jong ka India kiba treikam ha katei ka thain, kumba la pyntip da ka Tnad Ports, Shipping and Waterways. Katkum ka Tnad Sorkar:

· Ka Tnat Ports, Shipping and Waterways ka dang peit bniah ia ka jingiaid jong ki jhad, ka jingtreikam jong ki kad lieng bad ka jingshngain jong ki nongleit nongwan jong ka India lyngba ki duriaw, katba ka pynthikna ka jingbteng ki kam khaii lyngba ki duriaw.

· Baroh ki nongleit jingleit jong ka India lyngba ka duriaw kiba don ha kane ka thain ki don ha ka jingshngain, kam shym la don kano kano ka jingjia ba iadei bad ki jhad ba don lama India ha kine ki 24 kynta ba ladep.

· 18 tylli ki jhad kiba pynher ia ka lama jong ka India kiba don 485 ngut ki nongleit nongwan jong ka India lyngba ka duriaw ki dang don ha ka thain sepngi jong ka Persian Gulf; ka DG Shipping ha ka jingiatreilang bad ki trai jong ki jhad, ki kynhun RPSL bad ki Indian Mission ki dang peitngor ia ka jinglong jingman.

· Ka DG Shipping Control Room ka dang trei baroh 24 kynta bad ki jubab ia 4699 tylli ki jingphone bad 9364 tylli ki email naduh ba la pyntreikam, la iohpdiang 144 tylli ki jingphone bad 290 tylli ki email ha kine ki 24 kynta ba ladep.

· Ka DG Shipping ka la pynsuk ban pynphai biang ïa palat 959 ngut ki nongleit jingleit na India lyngba ka duriaw haduh mynta, kynthup 9 ngut ha kine ki 24 kynta ba ladep.

· Ka jingtreikam jong ki kad lieng ha kylleng ka India ka dang bteng ban long kumba ju long khlem kano kano ka jingkhapngiah; Ki State Maritime Board jong ka Gujarat, Maharashtra, Goa, Kerala, Andhra Pradesh bad Puducherry ki la pynthikna ia ka jingtreikam kaba iaid beit iaid ryntih.

· Ka Tnad ka dang bteng ban iatreilang bad ka Tnad kam bar ri, ki Indian Mission bad kito kiba don bynta ha ka kam duriaw ban pynthikna ia ka bha ka miat jong ki nongleit jingleit lyngba ki duriaw bad ki kam duriaw kiba khlem jingpynthut.

Ka jingshngain jong ki briew jong ka ri ha ka thain

La pynlong ia ka jingiakren kaba man ka por bad ki briew jong ka ri kiba don ha katei ka thain, da kaba la ai ia ki jingiarap kiba donkam bad la pynmih ia ki jingai jingmut na ka bynta ka jingshngain bad bha ka miat jong ki. Kumba la pyntip da ka Tnad kam bar ri:

· U Myntri Rangbah duh ka ri, u Narendra Modi u la iakren bad u Myntri rangbah duh jong ka Netherlands, H.E. Rob Jetten, bad ki la iakren ia ki lad ki lynti ban pynkhlain shuh shuh ia ka jingiadei hapdeng ka India bad ka Netherlands. U Myntri Rangbahduh u la ban jur ïa ka lad ban ïatreilang ha ki kam Semiconductor, ki projek kiba heh ba iadei bad ka um, green hydrogen bad ka jingpyndonkam ia ki sap. Baroh arngut ki nongialam ki la iasam ia ki jingsngew halor ka West Asia bad ki la ban jur ia ka jingdonkam ban wanrah biang ia ka shongsuk shongsain.

· Ka Tnad kam bar ri ka dang bteng ban buddien bha ia ki jingjia ha ka thain Gulf bad West Asia. Ka jingshngain, bad ka bha ka miat jong ka briew ka ri ka long kaba kongsan tam.

· Ka control room kaba kkyrpang ka dang treikam. Ka Tnad ka iakren man ka por bad ki Jylla bad ki Union Territory ban iasam jingtip bad ban pyniahap lang ia ki sienjam.

· Ki Mission bad Post ha kylleng ka thain ki dang treikam baroh arphew saw kynta, ha kaba ki pyntreikam baroh arphew saw kynta ia ki helpline bad ki dang iatrei bad ki briew jong ka ri, ki kynhun, nad lo kompeni. La pynmih man ka por ia ki jingai jingmut ba thymmai.

· Ki Mission ki dang iakren bad ki Sorkar ha ka thain bad ki dang iai bteng ban iarap ia ki nongleit jingleit, ki samla pule bad ki nong India ha kaba pynsuk ia ki visa, ki jingshakri jong ki nongkitkam bad ka jingkyrshan ha ka liang ki mar ki mata.

· Naduh ka 28 tarik Rymphang, kumba 5,72,000 ngut ki nongleit nongwan ki la wanphai na ka thain sha India.

Ø Ha UAE, la khmih lynti ba kumba 85 tylli ki liengsuiñ kin treikam mynta ka sngi. Ki jingpynher liengsuiñ ki dang ïai bteng katkum ka jingpeit ïa ka jinglah pyntreikam bad ka jingshngaiñ.

Ø Ki liengsuin ki dang bteng ban treikam na Oman bad Saudi Arabia sha India.

Ø Da kaba plie shi bynta ïa ka Qatar airspace, la khmih lynti ba kumba 8–10 tylli ki jingpynher liengsuiñ kin leit sha India mynta ka sngi.

Ø Ki airspace jong ka Kuwait bad Bahrain ki dang khang. Ki jingpynher liengsuiñ ba kyrpang ki treikam na ka kad liengsuiñ Dammam ha Saudi Arabia sha ki jaka bapher bapher ha India.

Ø Ha kaba iadei bad ka jingkhang ïa ka airspace ha Iran, la pynsuk ïa ka leit ka wan jong ki nong India lyngba ka Armenia bad Azerbaijan.

Ø Ha kaba iadei bad ki jingpyrkhing ïa ka airspace ha Israel, la pynsuk ïa ka jingleit jingwan jong ki nong India lyngba ka ri Egypt bad Jordan.

Ø Ha kaba iadei badr ka jingkhang ïa ka airspace ha Iraq, la pynsuk ïa ka leit ka wan jong ki nong India lyngba ka Jordan bad Saudi Arabia.

***