U Myntri ka tnad kam iada ri u Rajnath Singh, ha ka 28 tarik Lber, 2026, u la pynïaid ïa ka jingïalang ba nyngkong jong ka Informal Empowered Group of Ministers (IGoM) ba la thaw ban buddien ïa ka jinglong jingman kaba nang kylla ha ka West Asia, bad ban ai jingmut ïa ki lad ki lynti kiba kham kloi namar ki jinglong jingman. Ha kane ka jingialang kaba la pynlong ha Kartavya Bhawan-2, New Delhi, la iadon lang ka Myntri ka tnad kam pla tyngka ka Nirmala Sitharaman; Myntri ka tnat Parliamentary Affairs u Kiren Rijiju; u Myntri ka tnad Petroleum bad Natural Gas u Hardeep Singh Puri; u Myntri ka tnad kam bording u Manohar Lal; u Myntri ka tnat Chemicals & Fertilizers u Jagat Prakash Nadda; u Myntri ka tnad Consumer Affairs, Food and Public Distribution u Prahlad Joshi; u Myntri ka tnat Civil Aviation u Kinjarapu Rammohan Naidu; bad u Myntri Khynnah ka Sorkar pdeng (Independent Charge) ka tnad Science and Technology u Dr Jitendra Singh.

Ka IGoM ka la peit bniah ia ka jinglong jingman kaba nang kylla bad ka jingktah jong ka ha ki kam bapher bapher ha India. U Myntri ka tnad kam iada ri u la ban jur ia ka jingdonkam jong ka rukom treikam kaba shimkhia, kaba iadei bad kaba peit shakhmat, bad u la ban jur ia ka jingdonkam ban long kiba peitngor ha kaba iadei bad ka jinglong jingman kaba nang kylla.

Kum shi bynta jong ka jingialang, la ai ia ki jingkren da ki hynniew tylli ki kynhun jong ki Secretary ba la ai bor (EGoS), da kaba batai ia ki mat ba kongsan jong ki kam ba la ithuh bad ki sienjam ba iadei bad ka polisi ba la buh ban peit ia ka jinglong jingman. U Rajnath Singh u la ai jingmut ia ka EGoS ban bteng ia ka jingpeitngor ia ka jinglong jingman, ban shim ia ka rukom pynkhreh kaba pdeng haduh kaba jrong samoi, ban pynneh ia ka jingiatreilang jong ki bor ba hakhlieh duh, bad ban pynthikna ia ka jingshim rai kaba kloi. U la ban jur ba baroh ki sienjam ba iadei bad polisi kidei ban long kiba iatreilang bad ban pyntreikam ha ka rukom kaba la buh por. U la pan ruh ia ki jingai jingmut na baroh ki Myntri kiba dei khmih ban pynthikna ba ka India kan iai long kaba skhem bad kaba la pynkhreh.

Ka IGoM ka la pynskhem biang ia ka jingdonkam ban iatreilang bad ki Jylla bad ki bor pyniaid distrik, ryngkat bad ka jingpyntip ha ka por kaba biang ia ki sienjam ba iadei bad ka polisi kaba kongsan sha ki paidbah. La iakren ruh ia ka jingdonkam ban bishar bniah ia ka jingktah jong ka jinglong jingman ha kylleng ki karkhana bapher bapher. La bthah ruh ba baroh ki Tnad sorkar pdeng bad ki Tnad ki dei ban ïasam ïa ki jingtip ba kongsan, ki jingjia bad ki jingai jingmut kiba ïadei bad ka jinglong jingman kaba dang ïaid mynta lyngba ka MIB WhatsApp Channel ban pynthikna ïa ka jingpynphriang ïa ki jingtip kiba thikna sha ki nongshong shnong bad ban ïakhun pyrshah bha ïa ki khubor hamsaia, ki khubor ba ialam bakla bad ki khubor thok.

Ha ka post ha ka X hadien ka jingïalang, u Myntri ka tnad kam iada ri u la ong ba ka Sorkar hapoh ka jingïalam jong u Myntri Rangbahduh ka ri u Narendra Modi ka shimkhia ban ïada ïa ki briew jong ka ri na kino kino ki jingktah jong ka jingïakynat.

https://x.com/rajnathsingh/status/2037880943470313683?s=48

********