প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদীদা ঙসি শ্রী লঙ্কাগী রাস্ত্রপতিনা তেলিফোন্দা ৱারী শাখ্রে
লুচিংবা অনিনা মালেমগী ইনর্জী সেক্যুরিতীদা শোকহল্লিবা অথিংবা-অপনবশিং অদুগী মতাংদা খন্নখ্রে
লুচিংবা অনিনা শিপ্পিং লাইনশিং হাংদোকপা অমসুং সেক্যুর ওইহন্নবা মরুওইবা অদু অমুক হন্না ফোংদোকখ্রে
লুচিংবা অনিনা নাকল অনিগী ওইবা ইনর্জী কোওপরেসন মপাঙ্গল কনখৎহন্নবা অমসুং রিজনেল সেক্যুরিতী
হেঙ্গৎহন্নবগী পান্দম থম্লিবা তোঙান-তোঙানবা অনৌবা থৌরাংশিং খুমাং চাউশিল্লকপগী মতাংদা য়েংশিনখি
মায়োকমিন্নরিবা শিংনবশিং থেংননবা পুন্না থবক তৌমিন্ননবা ভারতনা অচেৎপা ফিরেপ লৌরি হায়না প্রধান মন্ত্রীনা অমুক হন্না ফোংদোকখ্রে
থাগৎখিবা:
24 MAR 2026 9:10PM by PIB Imphal
প্রধান মন্ত্রী, শ্রী নরেন্দ্র মোদীদা ঙসি শ্রী লঙ্কাগী রাস্ত্রপতি, ঐচ.ই. অনুরা কুমারা দিসানায়াকানা ফোনদা ৱারী শাখ্রে।
লুচিংবা অনিনা মালেমগী ইনর্জী সেক্যুরিতীদা শোকহল্লিবা অৱাবা কয়াদা মরুওইনা পুক্নিং চিংশিনদুনা নোংচুপ এসিয়াদা ওইরক্লিবা ফীভমগী মতাংদা খন্নখি।
লুচিংবা অনিনা মালেম পুম্বগী কান্ননবগীদমক শিপিং লাইনশিং হাংদোকপা অমসুং সেক্যুর ওইহন্নবগী মরুওইবা অদু অমুক হন্না ফোংদোকখি।
লুচিংবা অনিনা ভারত-শ্রী লঙ্কা ইনর্জী কোওপরেসন মপাঙ্গল কনখৎহন্নবা অমসুং রিজনেল সেক্যুরিতী হেঙ্গৎহন্নবা পান্দম থম্লিবা তোঙান-তোঙানবা অনৌবা থৌরাংশিংগী খোংথাং কয়া অমগী মতাংদা খন্নখি।
প্রধান মন্ত্রীনা ভারতকী নেবরহুদ ফার্স্ত পোলিসী অমসুং মহাসাগর ভিজনগী মতুং ইন্না পুন্না থবক তৌমিন্নদুনা মায়োকমিন্নরিবা শিংনবশিংবু কোকহন্নবা পুন্না হোৎনমিন্নবগী অচেৎপা ফিরেপ অদু অমুক হন্না ফোংদোকখি।
লুচিংবা অনিমক্না পাউ ফাওনদুনা লৈনবা য়ানখি।
***
(রিলিজ আই.দি.: 2244933)
ভিজিতর কাউন্তর : 2