প্রধানমন্ত্রীগী লোইশঙ
প্রধান মন্ত্রীনা বাহরেনগী নীংথৌগা ৱারী শাখ্রে
পি.এম.না ইদকী য়াইফ-পাউজেল পীখ্রে অমসুং ইনর্জী অমদি মীচমগী ইনফ্রাস্ত্রকচরদা লান্দাখিবা অদুবু য়ানিংদবা ফোংদোকখ্রে
থাগৎখিবা:
20 MAR 2026 7:57PM by PIB Imphal
প্রধান মন্ত্রী শ্রী নরেন্দ্র মোদীনা ঙসি বাহরেনগী নীংথৌ হামেদ বিন ইসা অল খলিফাগা লোয়ননা কুহ্মৈগী য়াইফ-পাউজেল পীননবা অমসুং লমদম অসিগী সেক্যুরিতীগী ওইরিবা ফীভমশিংগী মতাংদা ৱারী শানবা কান্নরবা খন্ন-নৈবা অমা পাংথোকখ্রে।
প্রধান মন্ত্রীনা হিস মেজেস্তী নীংথৌ হামেদ বিন ইসা অল খলিফাগা ৱারী শানখি অমসুং ইদ অল-ফিতরগী মহাক অমসুং বাহরেনগী মীয়ামদা য়াইফ-পাউজেল পীখি। ৱারী শানবগী মনুংদা লুচিংবা অনিমক্না নোংচুপ এসিয়াগী লমদমদা হৌজিক ওইরিবা ফীভমগী মতাংদা খন্নখি। পি.এম. মোদীনা ইনর্জী অমসুং মীচমগী ইনফ্রাস্ত্রকচরদা চত্থখিবা এতেকশিং অদু য়ানিংদবা ফোংদোকখি। মহাক্না হায়খি মদুদি মখোয়না মালেমগী ওইবা চিঞ্জাক, ফ্যুএল অমসুং ফর্তিলাইজর সেক্যুরিতীদা শোকহল্লি। শ্রী মোদীনা নেভিগেসনগী নীংতম্বা অমসুং শিপ্পিং লাইনশিং অসি হাংদোকপা অমসুং সেক্যুর ওইহন্নবা হোৎনবগী মরুওইবা অদু অমুক হন্না ফোংদোকখি। প্রধান মন্ত্রীনা বাহরেন্দা লৈরিবা ভারত মচাশিংগী য়াইফনবা লেপ্পা লৈতনা মতেং পাংলিবা অসিগীদমক নীংথৌদা থাগৎপা ফোংদোকখি।
Xতা প্রধান মন্ত্রীনা ইখি:
“বাহরেনগী নীংথৌ, হিজ মেজেস্তী নীংথৌ হামাদ বিন ইসা অল খালিফাগা মহৈ য়াল্লবা খন্ন-নৈনবা অমা পাংথোকখ্রে। ইদ অল-ফিতরগী কুহ্মৈনা লাকপদা মহাক অমসুং বাহরেনগী মীয়ামদা য়াইফ-পাউজেল পীজরি।
ঐখোয়না নোংচুপ এসিয়াগী লমদমদা হৌজিক ওইরিবা ফীভমগী মতাংদা খন্নখি। লমদম অসিদা ইনর্জী অমসুং মীচমগী ইনফ্রাস্ত্রকচরদা চত্থরিবা এতেকশিংবু য়ানিংদবা ফোংদোকখি। মসিনা মালেমগী ওইবা চিঞ্জাক, ফ্যুএল অমসুং ফর্তিলাইজর সেক্যুরিতীদা শোকহল্লিবা অদুসু পনখি।
নেভিগেসনগী নীংতম্বা অমসুং শিপ্পিং লাইনশিং হাংদোকপা অমসুং সেক্যুর ওইহনবা হায়বসি য়াম্না মরু ওই হায়না অমুক হন্না ফোংদোকখি।
বাহরেন্দা লৈরিবা ভারত মচাশিংগী য়াইফনবা মহাক্না লেপ্পা লৈতনা মতেং পাংলিবা অসিগীদমক নীংথৌদা থাগৎপা ফোংদোকখি।”
***
(রিলিজ আই.দি.: 2243306)
ভিজিতর কাউন্তর : 6