খুলুম্বযয়ে কোক্রাঝার!

মরুপশিং,

নোংজু-নুংশা ফত্তবনা মরম ওইদুনা কোক্রাঝারদা লাকপা ঙমধ্রে। ময়াম পুম্নমক্তা ঙাকপিনবা হায়জরি। মফম অসিদগী গুৱাহাতিদা অদোমগা পাও ফাওনবা ঙম্লে; ঐহাক্না অদোমগীদা লাক্নবা দিল্লীদগী থোরকখি, অদুবু ঐহাক্না গুৱাহাতিমক্তদা লেন্দ তৌবা তাখি, অমসুং হৌজিক গুৱাহাতিদগী ঐহাক্না অদোমগী দরসন তৌরি অমসুং অদোমগা ৱারিসু শান্নরি। থৌরম অসিগা মরি লৈননা অসমগী মুখ্য মন্ত্রী, মরুপ হিমন্তা বিস্বা শর্মাজি, কেন্দ্র মন্ত্রীমন্দলদা লৈমিন্নরিবা ঐহাক্কি মরুপ সর্বানন্দা সোনোৱালজি, বোদোলন্দ তেরিতোরি কাওন্সীলগী চিফ এগজিক্যুতিব মেম্বর হাগ্রামা মোহিলারিজি, ঐখোয়গা লোয়ননা শরুক য়ামিন্নরিবা অসমগী রাজ্যপাল শ্রী লক্ষ্মন প্রসাদ আচার্যজি, অসম সরকারগী মন্ত্রীশিং, এম.পি.শিং অমসুং এম.এল.এ.শিং, বি.তি.সি. গী সেনিয়র মেম্বরশিং পুম্নমক, অমসুং ঐগী নুংশিজরবা ইরৈবাকচাশিং পুম্নমক!

খ্বাইদগী ইহান হানবদা ঐহাক্না বোদোফা উপেন্দ্রনাথ ব্রহ্মাজি, রুপনাথ ব্রহ্মাজি, অমসুং লমদম অসিগী অথোইবা পর্সোনেলিতিশিংবু ইকায় খুম্ননা খুরুমজরি। ঐহাক্না উবা ফংলি মদুদি ঐহাক্কি মীৎয়েং য়ৌরকপা মফম খুদিংদা মীঙাক্ত অমসুং মীগী মীঙাক্ত ময়াম অমা উরি, অমসুং ইমা-ইচেশিংসু মখোয়গী থৌজাল পিবিনবা অসুক য়াম্না লাকপিরি। অদোম্না মফম অদুদা মী মশিং অসুক য়াম্না য়ৌরে। নখোয়গী নুংশিবা অসি ঐহাক্কীদি শেন্দোন অমগুম্বলনি। অমসুং অদোমগী থৌগল তৌদুনা, লমদম অসিবু চাওখৎহন্দুনা মসিগী শেন্দোই অসি পিথোক্নবা মতম পুম্নমক্তা ঐহাক্কি হোৎনজমল ওইদুনা লাক্লি।

মরুপশিং,

নুমীৎ খরনিগী মমাঙদা ঐহাক গুৱাহাতিদা লাকখি, মফম অদুদা ঐহাক্না বাগুরুম্বা দাহোগী অচৌবা থৌরম পাংথোকপদা ইনাক খুল্লবা বোদো কলচরগী শরুক অমা ওইবগী খুদোংচাবা ফংজখি। বোদো সমাজনা মখোয়গী লোল, মখোয়গী কলচর, অমসুং মসিগী চৎনবিশিং অসি অসুক য়াম্না নিংথিনা ঙাক্তুনা থম্লি অমসুং য়োকখৎলি হায়বা উবদা ঐহাক য়াম্না চাওথোকচৈ। বাথৌগী স্পিরিচুয়েল ওইবা ত্রেদিসন ওইগেরা নত্রগা বাইসাগুগী কুম্মৈ ওইগেরা, মসি পুম্নমক অসিনা ভারতকি কলচরেল পাৱর অসি মখা তানা মপাঙ্গল কনখৎহল্লি।

মরুপশিং,

বি.জে.পি.-এন.দি.এ.গী দবল ইঞ্জিন সরকারনসু অসমগী হেরিতেজ ঙাক-শেনবা অমসুং অসমগী খোঙজেল য়াংনা চাওখৎপা অনিমক্কিদমক লেপ্তনা থবক তৌরি। ঙসি মসিগী থৌরম অসিদা মশা মথন্তা লমদম অসিগী চাওখৎ-থৌরাংগীদমক লুপা করোর লিশিং মরি মখায়দগী হেনবা প্রোজেক্তশিংগী উরেপ-উয়ুং তম্বা অমসুং শঙ্গাবগী থবক পায়খৎলে। মসিদগী লুপা কোতি ১১০০ হেনবগী শেনফম অমা বোদোলন্দগী লম্বিদা চাদিং তৌগদৌরি। কেম্পেন অসিগী অহুমসুবা তাঙ্কক, অসম মালাদগী, অসমগী লম্বি শম্নহনবা অসি হেন্না মপাঙ্গল কনখৎহল্লগনি।

মরুপশিং,

মতম খরগী মমাঙদা ঐহাক্না কামাখ্যা-চেরলাপল্লি অমৃত ভারত এক্সপ্রেস অমসুং গুৱাহাতি-ন্যু জলপায়গুরি এক্সপ্রেসপু ফ্লেগ ওফ তৌনবগী খুদোংচাবসু ফংখি। প্রোজেক্ত পুম্নমক অসিদগী অদোম্না খুদোংচাবশিং ফংবতা নত্তনা ত্রেদ অমসুং তুরিজমদসু ইনোৎ ফংলগনি। মসিগী খুত্থাংদা লৌমীশিংগী পোত্থোক য়াম্না লায়না অচৌবা কৈথেলশিংদা য়ৌবা ঙম্লগনি। চাওখৎ-থৌরাংগী প্রোজেক্তশিং অসিগীদমক ঐহাক্না ময়াম পুম্নমকপু য়াম্না নুংঙাইবা ফোঙদোকচরি।

মরুপশিং,

কোক্রাঝার য়াওনা লমদম পুম্বা হৌখিবা চহি তরাগী খুজিং কয়াদা অৱাবা কয়া মায়োক্নখি অমসুং অমাং-অতা কয়া অমা থোকখি। লমদম অসিদা বোম অমসুং নোংমৈশিংগী খোঞ্জেল খক্তনা নিন্না তাবা ফংখিবা অদুগুম্লবা অরুবা মতম অদু ঐখোয়না উবা ফংলে। অদুবু ঙসিদি মসিগী পিকচর অসি হোঙলক্লি। ঙসিদি হিলশিং অসি ‘খাম’গী খোঞ্জেল অমসুং ‘সিফুং’গী খোয়থুম্নরবা খোঞ্জেলশিংনা নিল্লে। ঙসিদি বোদোলন্দনা শান্তি অমসুং চাওখৎপগী লম্বিদা চংশিনখ্রে। ঙসি অসমনা শান্তি অমসুং চাওখৎপগী অনৌবা লমায় অমা ইরি।

মরুপশিং,

ঙসি বি.তি.আর. রিজন অসিদা মরুওইবা লম্বিগী প্রোজেক্ত ৬ কী লৈবাক পুংজাও থিনবা থৌরম অসি মফম অসিদা পাংথোকখ্রে; মসিদসু নত্তনা লমদম অসিগী রেল কনেক্তিবিতি মপাঙ্গল কনখৎহন্নবা অচৌবা খোঙথাংশিং লৌখৎখ্রে। মফম অসিদা শাগদৌরিবা রেলৱে ৱার্কসোপ অসিনা লমদম অসিবু লোজিস্তিক্সকি অচৌবা সেন্তর অমা ওইহনগদৌরিবনি। মফম অসিদা ভুতানগা শম্নহল্লিবা রেল লাইনদসু থবক চত্থরি; স্তেসন কয়া অমসু মোদর্ন ওইহল্লি। হৌজিক্তি ভন্দে ভারত অমসুং রাজধানি এক্সপ্রেসকুম্বা ত্রেনশিং কোক্রাঝারদা থমজিল্লি। মসি বোদোলন্দগী হেন্না ফবা কনেক্তিবিতিগী খুদম্নি। অসিগুম্বা প্রোজেক্তশিং অসিগা লোয়ননা কোক্রাঝার অসি লল্লোন-ইতিক্কী অচৌবা সেন্তর অমা ওইরক্কদৌরিবনি।

মরুপশিং,

ঐহাক্না হাগ্রামা মোহিলারিজিগী কাঙবু, অমসুং হেমন্তজিগী তিম পুম্নমকপু চাওখৎ-থৌরাংগী থবকশিং অসিগীদমক য়াম্না নুংঙাইবা ফোঙদোকচরি।

মরুপশিং,

চহি তরাগী খুজিং কয়াদগী বোদোলন্দগী লমদম অসি কংগ্রেশকি থৱায় থাদোকপগী শাক্ষি ওইদুনা লাক্লি। কংগ্রেশনা বোদোলন্দগী মীরোল কয়াবু অরানবা মংলানশিংদা থমখি। দিল্লীদা ফম্লিবা কংগ্রেশ সরকারশিংনা পেপর এগ্রীমেন্তশিং অসি উৎনবগীদমক খক্তমক তৌখি।

মরুপশিং,

অদোম্না লৈবাক অমসুং অসম অনীমক্তগী কংগ্রেশপু মুত্থৎলগা বি.জে.পি.-এন.দি.এ.দা খুদোংচাবা অমা পিরকপা মতমদা ঐখোয়না পুকচেল শেংনা হোৎনবা হৌখি। কংগ্রেশনা মশাগী ওইজবা থিবা রাজনিতিগীদমক তোঙান তোঙানবা খুন্নাইশিংগী মরক্তা খেন্নবা থমখিবা মফম অদুদা বি.জে.পি.না মতম চুপ্পগী ওইনা শান্তিগীদমক থবক তৌখি। মসিগী ৱাখল্লোন অসিগা লোয়ননা বোদো পিস একোর্দ শেমখি। য়ানচে অসিদা অহানবা ওইনা অচৌবা ওর্গনাইজেসন অমসুং গ্রূপ পুম্নমক পুনশিনখি।

মরুপশিং,

কংগ্রেশকি মতাংদা অতোপ্পা অচুম্বা অমসু লৈরি; কংগ্রেশ অসি অরানবা ৱাশকশিংগী দুকান অমনি। অমসুং অরানবা ৱাশক অমগা লোয়ননা মসিনা সুপর ওইবা-মীনম্বা মরি খুদোল ওইনা পিরি। মরমদি, কংগ্রেশকি ৱাশকশিং অদু মপূঙ ফাহন্নবগী ৱাখল ফাওবা খন্দে। অমরোমদা বি.জে.পি.-এন.দি.এ.গী মোদেল অসি অদোমগী মাঙদা লৈরি। ঐখোয়গী দবল ইঞ্জিন সরকারনা করিগুম্বা অমা হায়রবসু, মদুবু অচুম্বা ওইহন্নবা পুকচেল শেংনা হোৎনখি, অমসুং মসি ঙসিগী ৱাফম নত্তে; ২০০৩দা এন.দি.এ.গী সরকারনা অতল বিহারি বাজপায়িজিগী লুচিং মখাদা দিল্লীদা লৈরম্বা মতম অদুদসু ঐখোয়না অচুম্বা অমসুং পুকচেল শেংনা থবক তৌবদা চিত্থবা অমত্তা থমখিদে। মদুগী মখাদা ৬সুবা সেদ্যুলদা বি.তি.সি. মসিনা বোদোলন্দগী চাওখৎপদা সক্তি পিখি। মফম অসিদা বোদোলন্দা য়ুনিবরসিতি শাখি, সেন্ত্রেল ইন্সতিত্যুত ওফ তেক্নোলোজি শাখি, ইঞ্জিনিয়রিং কোলেজ শাখি, অসিগুম্বা প্রোজেক্ত কয়া মফম অসিদা লৈখি।

মরুপশিং,

২০২০গী য়ানচেগী মখাদা ঐখোয়না ৱাশকখিবা অদু অমুক হন্না, খোঙজেল য়াংনা, লেপ্তনা কন্না হোৎনবগী খুত্থাংদা মপূঙ ফাহল্লি। বোদো লোল অসি এসোসিয়েৎ ওফিসিএল লেঙ্গুয়েজগী স্তেতস পিখ্রে। বোদোলন্দগীদমক লুপা কোতি ১৫০০গী অখন্নবা দিবেলপমেন্ত পেকেজ অমা পিখি। ঙসি কোক্রাঝারদা মেদিকেল কোলেজ অমা থবক তৌবা হৌরে অমসুং তামুলপুরদা মেদিকেল কোলেজ অমা শাগৎলি। মফম অসিদা অনৌবা থোঙশিং শারি। ঙসিদি খুৎলায় থাদোকখিবা অসমগী নহা লিশিং ১০রোমদি মেনস্ত্রীমদা য়াওদুনা মাংলোমদা পুখৎলি। মচাশিং অদু ঙসি ময়ুমদা হল্লক্লবা ইমা পুম্নমক্না ঐখোয়দা থৌজাল পিবিরি। মখোয়না মখোয়গী ইমুং মনুংগা লোয়ননা নুংঙাইনা পুন্সি হিংলি।

মরুপশিং,

ঐখোয়গী সরকারনা বোদো সমাজগী থাজবা অমসুং চৎনবিবু জাতিগী থাক্তা ইকায়খুম্নবা ফংহনবসু ঙমহল্লে। বোদো সোসাইতিগী চৎনবিগী ওইবা থাজবা বাথৌ অসিসু য়াম্না ইকায় খুম্নবা উৎখ্রে। অদুগা থাজবগী মফমশিং চাওখৎহন্নবগীদমক্তা অখন্নবা তেংবাংসু পিরি।

মরুপশিং,

কংগ্রেশকি অতোপ্পা অচৌবা পাপ অমসু লৈরি, মদু লৈবাক অমসুং অসমগী সেক্যুরিতিদা য়াম্না চাওবা চৈথেং অমা ওইরে। মসিনা রোতি, বেতি, অমসুং মাতি (ব্রেদ, মচানুপী, অমসুং লম), অহুম অসিগী সেক্যুরিতিদা খুদোংথিবা নংহল্লে। কংগ্রেশকি খুত অসি মতম পুম্নমক্তা ইনফিলতরশিংগা লোয়ননা লৈরি অমসুং ঙসি ফাওবা লৈরি। চহি তরাগী খুজিং কয়াদগী কংগ্রেশনা মফম অসিদা লৈরিবা অরিবা মীওইশিংদা লমগী আইনগী ওইবা দোকুমেন্তশিং ফাওবা পিখিদে। কংগ্রেশনা ত্রাইবেলশিংগী লম কয়া অমা ইনফিলত্রেতরশিংদা শিন্নখি। ধুবরি অমসুং গোলপারাগুম্বা জিলাশিংদা ফীভম অসি য়াম্না শাথিনা শোকহল্লম্মি। মসিনা মরম ওইদুনা বোদোলন্দগী মীশিংগী খল মান্নবদা অকায়বা পিরকখি; খুন্নাই অসিদা ক্রাইসিস অমা থোরকপা হৌরকখি। ঐহাক্না নুংঙাইবা ফাওই মদুদি হেমন্তাজিগী লুচিং মখাদা লম অসি ইনফিলতরশিংগী লমদগী নান্থোকহন্নবা য়াম্না চাওবা খোঙজং অমা অসমদা চত্থরি। মফম অসিদা বি.জে.পি.-এন.দি.এ.গী সরকারনা অসমগী অরিবা মীওইশিংদা লমগী আইনগী ওইবা দোকুমেন্তশিংসু পিখ্রে। কেম্পেন অসিবু থম্মোয় শেংনা শৌগৎপিবগীদমক ত্রাইবেল কম্ম্য়ুনিতিদসু ঐহাক্না থম্মোয় শেংনা থাগৎপা ফোঙদোকচরি। ঙসি ঐহাক্না লাক্কদৌরিবা মীখলদা কংগ্রেশতা খ্বাইদগী অকনবা চৈরাক পিবিনবা হায়জবা লাকচরি; হৌজিক লৈবাক অসিদা ইনফিলত্রেতরশিংগী মফম লৈত্রে হায়বগী ময়েক শেংবা পাওজেল অমা পিবিয়ু। অসমদগী থোরকপা পাওজেল অসি লৈবাক পুম্বগী খোঞ্জেল ওইরগনি।

মরুপশিং,

ঐখোয়না অসমগী চাওখৎপগী খোঙজেল অসি লেপ্তনা খোঙজেল য়াংশিলহনগদবনি অমসুং ঐহাক্না খঙই মদুদি অসমগী মীয়ামগী থৌজালদগী চাওখৎপা অসম অমগী রিজোলুসন শোয়দনা থুংলগনি। মসিগী থাজবা অসিগা লোয়ননা ঐহাক্না অমুক হন্না অদোম পুম্নমক্তা চাওখৎ-থৌরাংগী প্রোজেক্তশিংগীদমক য়াইফ-পাওজেল কয়া, কয়া অমা পিজরি।

অদোম্বু য়াম্না থাগৎচরি.

খুরুমজরি।

***