وزیر اعظم جناب نریندر مودی کی صدارت میں اقتصادی امور سے متعلق کابینہ کمیٹی نے آج اتر پردیش اور ہریانہ کی ریاستوں میں ہائبرڈ اینیویٹی موڈ پر دلی-فرید آباد-بلبھ گڑھ-دلی-ممبئی ایکسپریس وے کے سوہنا سپر سے جیور بین الاقوامی ہوائی اڈے تک گرین فیلڈ کنیکٹوٹی کی تعمیر کے لیے 3630.77 کروڑ روپے کی نظر ثانی شدہ کل تخمینہ لاگت کو منظوری دے دی ہے ۔

یہ 31.42 کلومیٹر طویل پروجیکٹ کوریڈور جنوبی دلی ، فرید آباد اور گروگرام سے جیور بین الاقوامی ہوائی اڈے تک براہ راست اور تیز رفتار رابطہ فراہم کرے گا ، اس طرح قومی راجدھانی خطہ (این سی آر) میں اقتصادی ترقی اور لاجسٹک کارکردگی کو فروغ حاصل ہو گا ۔

مذکورہ کوریڈور ایسٹرن پیریفرل ایکسپریس وے ، جمنا ایکسپریس وے ، اور ڈیڈیکیٹڈ فریٹ کوریڈور (ڈی ایف سی) کو جوڑتا ہے، جو ملٹی ماڈل ٹرانسپورٹ کنورجنس کو قابل بناتا ہے ۔  ایلیویٹڈ کوریڈور محض ایک ڈھانچہ جاتی اضافہ نہیں ہے ، بلکہ شہری تبدیلی ، علاقائی رابطے اور قومی لاجسٹک کارکردگی کے لیے اہمیت کا حامل ہے ۔  جیور ہوائی اڈے-دلی-ممبئی ایکسپریس وے کوریڈور کی مکمل صلاحیت کو بروئے کار لانے اور فرید آباد میں پائیدار شہری ترقی کو یقینی بنانے کے لیے اس کی تعمیر ضروری ہے ۔

تقریبا 11 کلومیٹر لمبائی کے اس پروجیکٹ کو ایلیویٹڈ ہائی وے کے طور پر تیار کیا جانا ہے، جو ڈی این ڈی-بلبھ گڑھ بائی پاس اور جیور بین الاقوامی ہوائی اڈے کے درمیان گرین فیلڈ رابطے کا ایک اہم حصہ ہے ، جو اسے دلی-ممبئی ایکسپریس وے سے جوڑتا ہے ۔  یہ کوریڈور فرید آباد ماسٹر پلان 2031 کے تحت زیادہ کثافت والے شہری ترقی اور مستقبل کے بنیادی ڈھانچے کی توسیع کے لیے مختص علاقے سے گزرتا ہے ۔  مجوزہ ایلیویٹڈ کوریڈور کی اضافی لاگت. 689.24 کروڑ  روپے ہے اور ہریانہ کی حکومت نے ایلیویٹڈ کوریڈور کے لیے .450 کروڑ روپے کا خرچ برداشت کرنے سے اتفاق کیا ہے ۔

دلی-فرید آباد-بلبھ گڑھ-دلی-ممبئی کے سوہنا سپر سے جیور بین الاقوامی ہوائی اڈے تک گرین فیلڈ کنیکٹیویٹی کے لیے پروجیکٹ الائنمنٹ میپ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ش م۔ ق ر)

U. No.3670