প্রধানমন্ত্রীগী লোইশঙ
পি.এম.না ফেব্রুৱারী ২৮দা রাজস্থানদা চৎকনি
পি.এম.না সর্ভাইকেল কেন্সরদগী ঙাকথোক্নবা চহি ১৪ শুরবা নুপীমচাশিংগীদমক লৈবাক শিনবা থুংবদা চৎথগদবা ঐচ.পি.ভি. ভেক্সিনেসন দ্রাইভ হৌদোক্কনি
পি.এম.না অজমেরদা লুপা করোর ১৬,৬৮০ হেনবগী তোঙান তোঙানবা চাউখৎ-থৌরাংগী প্রোজেক্তশিং উরেপ-উয়ুং তমগনি অমসুং শঙ্গাগনি
প্রোজেক্তশিং অদুদা অর্বান দিবেলপমেন্ত, দ্রিঙ্কিং ৱাতর সপ্লাই, লম্বী, ঈথৈ-লোংখোং, ইনর্জী, ইন্দস্ত্রিএক ইনফ্রাস্ত্রকচর য়াওনা মরু ওইবা সেক্তশিং কোনশিল্লি
পি.এম.না রাজস্থানদা সরকারগী বিভাগশিং অমসুং ওর্গনাইজেসনশিংদা নৌনা থবক খল্লবা নহারোলশিংদা এপোইন্তমেন্ত লেত্তর ২১,৮০০ হেন্না য়েন্থোক্কনি
থাগৎখিবা:
27 FEB 2026 3:35PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬গী ফেব্রুৱারী ২৮দা রাজস্থানগী অজমেরদা চৎকনি। অয়ুক্কী পুং ১১.৩০ রোম তাবদা, প্রধান মন্ত্রীনা লুপা করোর ১৬,৬৮০ হেনবগী দিবেলপমেন্ত প্রোজেক্ত কয়া হৌদোক্কনি, শঙ্গাগনি অমসুং উরেপ উয়ুং তমগনি। থৌরম অদুদা মহাক্না মীয়াম তিনবা মীফম অমদা ৱা ঙাংগনি। প্রোজেক্তশিং অসি অর্বান দিবেলপমেন্ত, দ্রিঙ্কিং ৱাতর সপ্লাই, লম্বী, ঈথৈ-লোংখোং, ইনর্জী, ইন্দস্ত্রীএল ইনফ্রাস্ত্রকচর য়াওনা মরুওইবা সেক্তরশিং কোনশিল্লি।
প্রিভেন্তিব হেল্থকেয়র মপাঙ্গল কনখৎহন্নবা অমসুং নুপীশিংগী য়াইফ-থৌরাং হেনগৎহন্নবা মরুওইবা খোংথাং অমা ওইনা, প্রধান মন্ত্রীনা চহি ১৪গী নুপীমচাগীদমক লৈবাক শিনবা থুংবদা চৎথগদব হ্যুমেন পেপিলোমা ভাইরস (ঐচ.পি.ভি.) ভেক্সিনেসন কেম্পেন হৌদোক্লগনি। থৌশিল অসিনা নুপীশিংদা কেন্সরগা মরী লৈনবা লায়নাশিং থোকহন্নবগী মরুওইবা মরম অমা ওইরিবা সর্ভাইকেল কেন্সর ঙাকথোক্নবা পান্দম থম্মি অমসুং লৈবাক শিনবা থুংনা নুপীমচাশিং অমসুং নুপীশিংগী লোং-তর্ম হেল্থ ঙাকশেন্নবা মরুওইবা মাইলস্তোন অমা ওইরি।
লম্বীগী কনেক্তিবিতীদা অচৌবা শাহৌ অমা পীরদুনা, প্রধান মন্ত্রীনা নেস্নেল হায়ৱেজ প্রোজেক্ত কয়া শঙ্গাগনি। মসিগী মনুংদা বন্দিকুইদগী জয়পুর ফাওবগী লেন মরিগী গ্রীনফিল্দ এক্সপ্রেসৱে, অমৃতসর-জামনগর ইকোনোমিক কোরিদোরগী পেকেজ ৭ সেক্সন্দা লেন ৬গী এক্সেস কন্ত্রোল গ্রীন হাইৱে অমসুং দিল্লী-ভদোদরা এক্সেস কন্ত্রোল গ্রীনফিল্দ এক্সপ্রেসৱেগী পেকেজ ১৪ সেক্সন্দা লেন ৮গী কেয়িরেজৱে য়াওরি। মহাক্না জোধপুর সিতিদা লেন মরিগী ইলিভেতেদ রোদ, বরান দিস্ত্রিক্তকী মালাবমোরি-মঙ্গরোল-বরান স্তেত হায়ৱেগী উরেপ উয়ুংসু তমগনি।
মীপুম খুদিংমক্তা থক্নবা ঈশিং ফংহন্নবা সরকারগী অচেৎপা ফিরেপ অদুগী মতুং ইন্না, প্রধান মন্ত্রীনা নোনেরা মেজর দ্রিঙ্কিং ৱাতর প্রোজেক্তকী পেকেজ মরি অমসুং পরৱান আকাৱাদ মেজর দ্রিঙ্কিং ৱাতর প্রোজেক্তকী পেকেজ মঙাগী উরেপ উয়ুং তমগনি।
রিন্যুএবল ইনর্জী ইনফ্রাস্ত্রকচর মপাঙ্গল কনখৎহন্নবা অমসুং রাজস্থানগী জেনরেসন হবশিংদগী অপনবা লৈতবা ত্রান্সমিসন ফংহন্নবা, প্রধান মন্ত্রীনা রাজস্থানগী রিন্যুএবল ইনর্জী জোনশিং (আর.ই.জেদ.)দগী পাৱর ইভাক্যুএসনগীদমক ত্রান্সমিসন সিস্তেমশিং শঙ্গাগনি। প্রধান মন্ত্রীনা ত্রান্সমিসন লাইনশিংগা লোয়ননা ২২০ কে.ভি.গী গ্রিদ সবস্তেসন মঙা অমসুং ৪০০ কে.ভি.গী গ্রিদ সবস্তেসন অনিগী উরেপ উয়ুংসু তমগনি।
থবক ফংহন্নবা অমসুং নহারোলশিংবু মপাঙ্গল কনখৎহন্নবা মহাক্কী ফিরেপ মখা চত্থদুনা, প্রধান মন্ত্রীনা রাজস্থানগী তোঙান তোঙানবা সরকারগী দিপার্তমেন্তশিং অমসুং ওর্গনাইজেসনশিংদা নৌনা থবক চংলক্লবা নহারোল ২১,৮০০ হেনবদা এপোইন্তমেন্ত লেতরশিং য়েন্থোক্কনি।
***
(রিলিজ আই.দি.: 2234602)
ভিজিতর কাউন্তর : 22
রিলিজ অসি মসিদা পাবীয়ু:
Odia
,
English
,
Urdu
,
Marathi
,
हिन्दी
,
Bengali
,
Bengali-TR
,
Punjabi
,
Gujarati
,
Tamil
,
Telugu
,
Kannada
,
Malayalam