മന്ത്രിസഭ
വാർത്താക്കുറിപ്പ്
പോസ്റ്റഡ് ഓണ്:
01 MAR 2026 11:30PM by PIB Thiruvananthpuram
പശ്ചിമേഷ്യയിൽ പരിണമിച്ചുകൊണ്ടിരിക്കുന്ന സാഹചര്യം അവലോകനം ചെയ്യുന്നതിനായി പ്രധാനമന്ത്രിയുടെ അധ്യക്ഷതയിൽ സുരക്ഷാ കാര്യ മന്ത്രിസഭാ സമിതി (CCS) ഇന്ന് വൈകീട്ട് യോഗം ചേർന്നു.
ഫെബ്രുവരി 28-ന് ഇറാനിലുണ്ടായ വ്യോമാക്രമണങ്ങളെക്കുറിച്ചും അതിനെത്തുടർന്ന് വിവിധ ഗൾഫ് രാജ്യങ്ങളിലുണ്ടായ ആക്രമണങ്ങൾ ഉൾപ്പെടെയുള്ള സംഘർഷാവസ്ഥയെക്കുറിച്ചും സമിതി വിശദീകരിച്ചു. ഈ മേഖലയിലുള്ള വലിയൊരു വിഭാഗം വരുന്ന പ്രവാസി ഇന്ത്യക്കാരുടെ സുരക്ഷയെയും ഭദ്രതയെയും കുറിച്ച് സമിതി കടുത്ത ആശങ്ക രേഖപ്പെടുത്തി.
ഈ മേഖലയിലൂടെ യാത്ര ചെയ്യുന്ന ഇന്ത്യൻ യാത്രക്കാരും നിശ്ചയിച്ചിട്ടുള്ള പരീക്ഷകളിൽ പങ്കെടുക്കുന്ന വിദ്യാർത്ഥികളും നേരിടുന്ന ബുദ്ധിമുട്ടുകളും കൂടാതെ പ്രാദേശിക സുരക്ഷയിലും സാമ്പത്തിക-വാണിജ്യ പ്രവർത്തനങ്ങളിലും ഉണ്ടാകാവുന്ന വലിയ പ്രത്യാഘാതങ്ങളും സമിതി അവലോകനം ചെയ്തു.
നിലവിലെ സംഭവവികാസങ്ങൾ ബാധിച്ച ഇന്ത്യൻ പൗരന്മാരെ സഹായിക്കുന്നതിന് ആവശ്യമായ പ്രായോഗിക നടപടികൾ സ്വീകരിക്കാൻ ബന്ധപ്പെട്ട എല്ലാ വകുപ്പുകൾക്കും സമിതി നിർദ്ദേശം നൽകി. ഏറ്റുമുട്ടൽ എത്രയും വേഗം അവസാനിപ്പിക്കേണ്ടതിന്റെയും ചർച്ചകളിലേക്കും നയതന്ത്രത്തിലേക്കും തിരിച്ചുപോകേണ്ടതിന്റെയും പ്രാധാന്യം സമിതി ഊന്നിപ്പറഞ്ഞു.
***
NK
( റിലീസ് ഐ.ഡി: 2234460)
സന്ദര്ശക കൗണ്ടര് : 6