শেনমিৎলোন্দা মন্ত্রীমন্দলগী মীফম (সি.সি.ই.এ.)
শ্রীনগর ইন্তরনেসনেল এয়রপোর্ততা সিবিল ইনক্লেপ পাকথোক-চাউথোকপদা মন্ত্রীমন্দলনা অয়াবা পীরে
জম্মু অমসুং কাস্মিরদা এভিএসনগী অনৌবা যুগ অমা
থাগৎখিবা:
24 FEB 2026 3:29PM by PIB Imphal
ঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা চাউরাক্না লুপা করোর ১,৬৬৭ রোম চঙনা শ্রীনগর ইন্তরনেসনেল এয়রপোর্ততা সিবিল ইনক্লেপ পাকথোক-চাউথোকপদা অয়াবা পীরে। মসি কাস্মির তম্পাক্ত এভিএসন ইনফ্রাষ্ট্রকচর মপাঙ্গল কনখৎনবা অমসুং চৎথোক-চৎশিন ফগৎহন্নবা অচৌবা খুমাঙচাউশিনবা অমনি। প্রোজেক অসিগী থবকশিংগী মনুংদা সেকুরিতি পর্সোনেলশিংগী বেরেকশিং শাবা য়াওরি। ইন্দিয়ান এয়রফোর্সকী বুদগাম এয়রবেজ মনুংদা লৈরিবা এয়রপোর্তস ওথোরিতি ওফ ইন্দিয়ানা থবক তৌরিবা ২০০৫ দা ইন্তরনেসনেল এয়রপোর্ত ওইখিবা এয়রপোর্ত অসি শ্রীনগর সহরদগী কিমি ১২ রোম থাপ্না লৈরি।
লম একর ৭৩.১৮ হেনবদা লৈরিবা অনৌবা সিবিল ইনক্লেপ অসিদা ইসক্বার মিতর ৭১,৫০০ পাক-চাউবা (হৌজিক লৈরিবা বিল্দিংগী ইসক্বার মিতর ২০,৬৫৯ য়াওনা) অনৌবা তর্মিনেল বিল্দিং লৈগনি, খ্বাইদগী চিনবা মতমদা পেসেঞ্জর ২,৯০০ হেন্না চৎথোক-চৎশিন তৌবা য়াগনি অমসুং চহি অমদা ১০ মিল্লিয়ন পেসেঞ্জর পর এনমগী কেপাসিতি লৈরি। এপ্রোন পাকথোক-চাউথোকপা মতমদা ৱাইদবোদি ১ (কোদ ই) (হৌজিক লৈরিবা ৯ অমসুং শেমগৎকদৌরিবা ৬) য়াওনা পার্কিং বেশিংদা এয়রক্রাফ ১৫ খাম্বা য়াগনি, মিতর ৩,৬৫৮ x মিতর ৪৫ গী রনৱে অসি মখা তানা ইন্দিয়ান এয়রফোর্সনা শীজিন্নগনি। প্রোজেক অসিদা কার ১০০০ গী মথোল কয়াগী কার পার্কিং য়াওগনি।
য়ুমশারোলগী মাইকৈদা, অনৌবা তর্মিনেল অসিদা অনৌবা মতমগী দিজাইন অমসুং কাস্মিরগী ইনাকখুল্লবা নাৎ অমসুং চৎনবীশিং পুনশিনবগী মমি তাগনি, মসিদা ফজরবা উদা হকপা অমসুং মফম অদুগী খুৎ-শা হৈবগী মমাংঙৈগী মচাকশিং য়াওগনি অমসুং পেসেঞ্জরশিংগী মফমশিং, অহাংবা ঙাইফমশিং অমসুং অৱাংবা থাক্কী সেকুরিতি অমসুং চেক-ইনগী খুদোংচাবশিং লৈগনি।
অফবা মখলগী ঈশিং লৌশিন্নবা থবকশিং, ইনর্জি শীজিন্নবা হন্থহন্নবা য়ারিবমখৈ মহৌশাগী মঙাল শীজিন্নবা অমসুং কার্বোন থাদোকপা হন্থহন্নবা অকোয়বদা ফংবা মহৌশাদা অকায়বা পীদবা মচাকশিং শীজিন্নবগুম্বা থবকশিং য়াওদুনা, তুংকোইনা চৎনবা য়াহনবা হায়বসি চাউখৎ-থৌরাংগী মরুওইবা য়ুম্বী অমনি। প্রোজেক অসি লেমজনিঙাই ওইরবা ৫-ষ্টার গ্রিহা রেতিং ফংনবা পান্দম থম্লি।
ইনফ্রাষ্ট্রকচর ফগৎহনবগী মথক্ত, দাল পাৎ, সঙ্করচার্য়া লাইশঙ অমসুং মুগাল লৈকোলশিং য়াওনা মমিং চৎলবা মফমশিং ফাওবা চৎনবগী খুদোংচাবা হেনগৎহন্দুনা প্রোজেক অদুনা শিংথাবা য়ানা তুরিজম অমসুং শেন-থুম চাউখৎহনগনি, মসিনা থবক ফংনবগী খুদোংচাবশিং পীগনি, শেন থাদবা হেনগৎহনগনি অমসুং মরুওইবা লমকোয়ফম অমসুং শেন-থুমগী মফম অমা ওইনা শ্রীনগরগী ফিবম অমুক্কা হেন্না ফগৎহনগনি। সিবিল ইনক্লেপ শেমগৎপা অসি মালেম থাক্কী ইনফ্রাষ্ট্রকচর লৈহন্নবা মাইকৈদা থাংজিনবা অওনবা খোঙথাং অমনি, মসিনা পেসেঞ্জরশিংদা খুদোংচাবশিং হেন্না পীগনি অমসুং চৎথোক-চৎশিন হেনগৎহনগনি, লোয়ননা মালেমদা কাস্মিরগী নাৎ অমসুং মহৌশাগী ফজবা উৎকনি।
***
(রিলিজ আই.দি.: 2232691)
ভিজিতর কাউন্তর : 25
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam