শেনমিৎলোন্দা মন্ত্রীমন্দলগী মীফম (সি.সি.ই.এ.)
লৌরোক ২০২৬-২৭ গী লিমোনগী মিনিমম সপোর্ত প্রাইজেস মন্ত্রীন্দলনা অয়াবা পীরে
থাগৎখিবা:
24 FEB 2026 3:37PM by PIB Imphal
ঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা লৌরোক ২০২৬-২৭ গী লিমোনগী মিনিমম সপোর্ত প্রাইজেস (এম এস পি) অয়াবা পীরে।
লৌরোক ২০২৬-২৭ গী ওইনা লিমোন (তি.দি-৩ গ্রেদ) গী মিনিমম সপোর্ত প্রাইজেস ইকুন্তল অমদা লুপা ৫,৯২৫ দা লেপ্লে। মসিনা ভারত পুম্নমক্কী ওইনা চাংচৎ অমদা পোৎথোক পুথোকপদা চঙবা শেনফমগী চাদা ৬১.৮ গী শেন্দোং অমা ফংবা ঙম্লগনি। বজেত ২০১৮-১৯ দা সরকারনা লাউথোকখিবা ভারত পুম্নমক্কী ওইনা চাংচৎ অমদা পোৎথোক পুথোকপদা চঙবা শেনফমগী য়ামদ্রবা শরুক ১.৫ দগী তাদনা এম.এস.পি লেপ্নবা পান্দমগী শরুক অমা ওইনা লৌরোক ২০২৬-২৭ গী লিমোনগী এম.এস.পি লাউথোকপনি।
মমাংগী লৌরোক ২০২৫-২৬ দগী লৌরোক ২০২৬-২৭ দা লিমোনগী মিনিমম সপোর্ত প্রাইজেস কুইন্তল অমদা লুপা ২৭৫ হেনগৎলে। সরকারনা লিমোনগী মিনিমম সপোর্ত প্রাইজেস ২০১৪-১৫ দা কুইন্তল অমদা লুপা ২৪০০ ওইরম্বদগী ২০২৬-২৭ দা কুইন্তল অমদা লুপা ৫,৯২৫ দা হেনগৎলে, মসি কুইন্তল অমদা লুপা ৩,৫২৫ (শরুক ২.৫) হেনগৎলবনি।
লিমোন থাবা লৌমীশিংদা ২০০৪-০৫ দগী ২০১৩-১৪ ফাওবদা লুপা করোর ৪৪১ গী এম.এস.পিগী শেনফম পীখি অদুগা ২০১৪-১৫ দগী ২০২৫-২৬ ফাওবদা লুপা করোর ১৩৪২ পীখি।
মমলদা মতেং পাংবগী থবকশিং কেন্দ্র সরকারগী নোদেল এজেন্সি ওইনা মখা তানা জুত কোর্পোরেসন ওফ ইন্দিয়া (জে সি আই) না পাংথোক্কনি, অসিগুম্বা থবকশিংদা, করিগুম্বা শেন মাঙলবদি, শেনফম অদু কেন্দ্র সরকারনা মপুংফানা হঞ্জিনগনি।
***
(রিলিজ আই.দি.: 2232617)
ভিজিতর কাউন্তর : 22
রিলিজ অসি মসিদা পাবীয়ু:
Tamil
,
Telugu
,
Malayalam
,
Marathi
,
Assamese
,
Bengali
,
Bengali-TR
,
Odia
,
English
,
Urdu
,
हिन्दी
,
Punjabi
,
Gujarati
,
Kannada