প্রধানমন্ত্রীগী লোইশঙ
প্রধান মন্ত্রীনা কজখস্তানগী প্রধান মন্ত্রী উনখ্রে
থাগৎখিবা:
18 FEB 2026 6:34PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ন্যু দিল্লিদা, ভারতনা য়ুম্বু ওইদুনা পাংথোক্লিবা এ.আই ইম্পেক সম্মিৎকী নাকলদা কজখস্তানগী প্রধান মন্ত্রী ওজহাস বেক্তেনোভ উনখ্রে।
এ.আই ইম্পেক সম্মিৎতা কজখস্তানগী প্রধান মন্ত্রী ওজহাস বেক্তেনোভ শরুক য়াবদা প্রধান মন্ত্রীনা থাগৎপা ফোঙদোকখ্রে, খুন্নাইগী য়াইফনবা অমসুং শেন-থুম চাউখৎনবা লৈবাক অনিমক তেক্নোলোজিগী কান্নবা লৌনবা থাজবা পীনখি। রাজনিতি, ললোন-ইতিক, দিফেন্স অমসুং সেকুরিতি, চৎথোক-চৎশিন, ইনর্জি, নৌনা থোক্লকপা তেক্নোলোজিশিং অমসুং মীগা-মীগা লৈনবা মরীশিং য়াওনা হিরম কয়াদা লৈবাক অনি মতেং পাংনরিবা অসিগী ফিবম লুচিংবা অনিনা অমুক হন্না য়েংশিনখ্রে।
এক্সতা তোখায়বা পোষ্টশিংদা, প্রধান মন্ত্রীনা হায়খি;
“ঙসি অঙনবদা প্রধান মন্ত্রী ওজহাস বেক্তেনোভ অমসুং ঐ উনরে। মহাক্কী খোঙচৎ অসিনা ভারত-কজখস্তানগী অচেৎপা মরী মখা তানা ফগৎহনগনি। ললোন-ইতিক, ইনর্জি, মরুওইবা মিনরেলশিং, রিয়ার আর্থশিং, দিফেন্স, চৎথোক-চৎশিন অমসুং স্পেসকী লমদা নাকল অনি মতেং পাংন্নবা খুদোংচাবা কয়া মরাংকাইনা লৈরি। ঐখোয়গী মরুপ-মপাংগী মরী অনৌবা থাকশিংদা পুখৎনবা ঐখোয় পুন্না থবক তৌমিন্নগনি।
@PrimeMinisterEn”
***
(রিলিজ আই.দি.: 2232242)
ভিজিতর কাউন্তর : 26
রিলিজ অসি মসিদা পাবীয়ু:
हिन्दी
,
English
,
Urdu
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam