প্রধানমন্ত্রীগী লোইশঙ
প্রধান মন্ত্রী ফেব্রুৱারি ২২ দা মেরুত্ত চৎকনি
প্রধান মন্ত্রীনা লুপা করোর ১২,৯৩০ রোমগী প্রোজেকশিং শঙ্গাগনি অমসুং কৎথোক্কনি
প্রধান মন্ত্রীনা ভারতকী অহানবা নমো ভারত আর.আর.তি.এস শঙ্গাগনি অমসুং দিল্লি-মেরুত নমো ভারত কোরিদোর লৈবাক মীয়ামদা কৎথোক্কনি
প্রধান মন্ত্রীনা ভারতকী খ্বাইদগী য়াংবা মেত্রো - মেরুত মেত্রো শঙ্গাগনি
অসিগুম্বা থবক্ত অহানবা ওইনা, নমো ভারত আর.আর.তি.এস অমসুং মেরুত মেত্রো চপ মান্নবা ইনফ্রাষ্ট্রকচরদা চেনগনি
প্রোজেকশিং অসি ভারত্ত সহর অমসুং রিজনেল ত্রান্সিৎ পুনশিনবগী খুদম অমনি
থাগৎখিবা:
20 FEB 2026 6:52PM by PIB Imphal
প্রধান মন্ত্রী শ্রী নরেন্দ্র মোদী ফেব্রুৱারি ২২, ২০২৬ দা উত্তর প্রদেসকী মেরুত্ত চৎকনি। নুংথিল পুং ১২:৩০ রোম তাবদা, প্রধান মন্ত্রী শ্রী নরেন্দ্র মোদীনা সতাবদি নগর নমো ভারত ষ্টেসন্দগী মেরুত মেত্রো অমসুং নমো ভারত ত্রেন লমথাগনি। মফম অদুদগী মহাক্না মেরুত সাউথ ষ্টেসন ফাওবা মেত্রো তোংগনি। নুংথিল পুং ১ রোম তাবদা, প্রধান মন্ত্রী শ্রী নরেন্দ্র মোদীনা মেরুত্ত লুপা করোর ১২,৯৩০ রোমগী তোঙান তোঙানবা চাউখৎ-থৌরাংগী প্রোজেকশিং লৈবাক মীয়ামদা কৎথোক্কনি। মহাক্না থৌরম অদুদা মীয়ামদসু ৱা ঙাংগনি।
প্রধান মন্ত্রী শ্রী নরেন্দ্র মোদীনা কিমি ৮২ শাংবা দিল্লি-মেরুত নমো ভারত কোরিদোর মীয়ামদা কৎথোক্কনি। মহাক্না ভারতকী অহানবা নমো ভারত রিজনেল রেপিদ ত্রান্সিৎ সিষ্টেম (আর আর তি এস) গী লেমহৌবা শরুকশিং শঙ্গাগনি। মখোয়গী মনুংদা দিল্লিদা সরাই কালে খান অমসুং ন্যু অশোক নগরগী মরক্ত কিমি ৫ গী শরুক অমসুং উত্তর প্রদেসতা মেরুত সাউথ অমসুং মোদিপুরমগী মরক্ত কিমি ২১ গী শরুক য়াওরি।
পুং অমদা কিমি ১৮০ গী দিজাইন স্পিৎ অমগা লোয়ননা, নমো ভারত অসি ভারতকী অহানবা রিজনেল রেপিদ ত্রান্সিৎ সিষ্টেমনি। মসিনা সহিদবাদ, ঘজিয়াবাদ, মোদীনগর অমসুং মেরুতগুম্বা মরুওইবা সহরশিংগা দিল্লিগা য়াংনা শম্নগনি।
কোরিদোর অসিগী অহানবা ষ্টেসন ওইরিবা সরাই কালে খান, শঙ্গাবা নুমিত্তগী থবক হৌগদৌরিবা নমো ভারত ষ্টেসন মরিগী মনুংদা অমনি। মসি অচৌবা মল্তি-মোদাল হব অমা ওইনা মরুওইবা মফমদা লৈরি, হজরাত নিজামুদ্দিন রেলৱে ষ্টেসন, দিল্লি মেত্রোগী পিঙ্ক লাইন, বীর হক্কিকত রাই আই.এস.বি.তি অমসুং রিং রোদকা শম্নরে। থবক হৌগদৌরিবা অতোপ্পা নমো ভারত ষ্টেসন অহুম, সতাবদি নগর, বেগুমপুল অমসুং মোদীপুরম ষ্টেসন মেরুত্ত লৈরি।
লৈবাক অসিগী অসিগুম্বা মখলগী থবক অহানবা ওইনা, নমো ভারত ওইনা চপ মান্নবা ইনফ্রাষ্ট্রকচরদা থবক তৌবা, মেরুত সাউথ অমসুং মোদীপুরমগী মরক্ত মেরুত মেত্রো সর্বিস প্রধান মন্ত্রীনা শঙ্গাগনি। চাউরাক্না পুং অমদা কিমি ১২০ রোম চেন্দুনা মেরুত মেত্রো লৈবাক অসিগী খ্বাইদগী য়াংবা মেত্রো ওইরগনি। লেপফম থোকপা ষ্টেসনশিংদা লেপতুনা, মেত্রো অসিনা অপুনবা পরিং অদু শুপ্নগী মিনিত ৩০ দা য়ৌগনি। চপ মান্নবা ইনফ্রাষ্ট্রকচরদা মেরুত মেত্রো অমসুং নমো ভারত পুনশিনবা অসিনা সহর অমদগী সহর অমদা অমসুং সহর মনুংদা য়াংনা চৎথোক-চৎশিন তৌবা ঙম্লগনি। মসিনা লম্বী চিনবা হন্থহনগনি অমসুং মখা তারকপদা গারিশিংনা কার্বোনদাইওক্সাইদ থাদোকপা হন্থহনগনি।
প্রোজেকশিং অসিনা সহরগী চৎথোক-চৎশিনগী থবক্ত অওনবা পুরক্নবা, ফজনা পাংথোক্নবা, মতমগা চুনবা ওইনবা অমসুং মীয়াম হিংবদা লাইবা হেনগৎহন্নবা তুংকোইনা চৎনবা য়াবা মীয়ামগী চৎথোক-চৎশিনগী থবক পায়খৎনবা প্রধান মন্ত্রীগী মঙলানদা মখা তানা ইনোৎ হাপকনি।
***
(রিলিজ আই.দি.: 2231777)
ভিজিতর কাউন্তর : 34
রিলিজ অসি মসিদা পাবীয়ু:
Assamese
,
Odia
,
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam