প্রধানমন্ত্রীগী লোইশঙ
প্রধান মন্ত্রীগা স্রি লঙ্কাগী প্রেসিদেন্তকা উনবা
থাগৎখিবা:
20 FEB 2026 9:49PM by PIB Imphal
প্রধান মন্ত্রী শ্রী নরেন্দ্র মোদীগা ঙসি নই দিলীদা পাঙথোক্লিবা ইন্দিয়া-AI ইম্পেক্ত সম্মিত শরুক য়াবা লাকখিবা স্রি লঙ্কাগী প্রেসিদেন্ত ঐচ.ই. অনুরা কুমার দিসনায়ক্কা উনখ্রে। হন্দক্কী খোঙচৎ অসিনা, প্রেসিদেন্ত দিসনায়ক্না প্রেসিদেন্তকী ফম পায়রবা মতুং ইকুই কুইদনা ভারত্তা দিসেম্বর ২০২৪ দা লাকখিবদুগী মতুংদা অনিশুবা খোঙচৎনি।
লুচিংবা অনিনা প্রধান মন্ত্রীনা স্রি লঙ্কাদা এপ্রিল ২০২৫ দা চৎখিবা খোঙচৎ য়াওনা কুইদ্রিঙৈদা চৎখিবা নাকল অৱাংবা থাক্কী খোঙচৎশিংদগী লকপা নাকল অনিগী মরীগী খোঙজেল য়েংশিনমিন্নখি। লুচিংবশিং অদুনা ফীজিকেল, দিজিতেল অমদি ইনর্জী কন্নেক্তিবিতীগী মরুওইবা য়ুম্বীশিংদা মখা তানা তেংবাংনবা হেনগৎহন্নবা মান্নবা খোঙফম ফোঙদোকমিন্নখি। চাওখৎ থৌরাংগী পান্দমশিং খুমাঙ চাওশিলহনবদা তেক্নোলোজীনা লৌরিবা থৌদাং য়েংলগা, মখোয়না অর্তিফিসিএল ইন্তলিজেন্স শীজিন্নবগী লমদা ৱাখল্লোন ফোঙদোক্নখি।
প্রেসিদেন্ত দিসনায়ক্না সাইক্লোন দিত্বাহ মতুংদা ভারতনা খোঙলৈ থুনা অমদি ফীভম থমদনা তেংবাং পীরকপগীদমক থাগৎপা ফোঙদোকখি। অহানবা রেস্পোন্দর ওইনা ভারতনা অথু অকায়গী পোৎলমশিং থাজিনখি অমদি ‘ওপরেসন সাগর বন্ধু’গী মখাদা থিবা হুম্বা অমদি মী কনবগী থৌরাংদা ঙাক্লৌ পীখি। লুচিংবা অনিনা USD মিলিয়ন ৪৫০গী তেংবাং পেকেজকী খুত্থাঙদা অমুক হন্না শেমগৎ শাগৎপগী মায়কৈদা ভারতনা পীরিবা ঙাক্লৌগী লৈরিবা খোঙজেলদা অপেনবা ফোঙদোক্নখি।
স্রি লঙ্কাদা হন্দক্দা লোইশিনখিবা হোলি দেবনিমোরীগী অরিবা পোৎলমশিংগী এক্সপোজিসন মায় পাক্না পাঙথোকখিববু তরাম্না ওক্লদুনা, লুচিংবা অনিনা খুন্থোক্লোনগী মরীগী মপাঙ্গলনা ইন্দিয়া-স্রি লঙ্কাগী খোঙবু ওইবগী মরীদা অতৈগা মান্নদবা খুদোংচাবা পীরি হায়বা ৱাফম থম্নখি।
লুচিংবশিং অদুনা স্রি লঙ্কাগী তুং কোইগদবা চাওখৎ থৌরাংগী মথৌ তাবশিং ফংহন্নবা অমদি ইন্দিয়ন ওসীন রিজন্দা মরা চেৎপা ফীভম পুরকপদা থৌদাং য়াননবা নাকল অনিগী তেংবাংনবগী মরী হেন্না খুমাঙ চাওশিলহন্নবা পুন্না থবক পায়খৎমিন্নননবা য়ানখি।
***
(রিলিজ আই.দি.: 2231716)
ভিজিতর কাউন্তর : 37
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam