প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা লুপা করোর লাখ অমগী অপুনবা সেন্ত্রেল এসিস্তেন্স (সি.এ.) অমগা লোয়ননা অর্বান চেলেঞ্জ ফন্দ (য়ু.সি.এফ.) লোঞ্চ তৌবদা অয়াবা পীখ্রে। সি.এ.না প্রোজেক্তকী শেনফমগী চাদা ২৫গী শেনফম কোনশিনগনি, মসি মার্কেত্তগী প্রোজেক্তকী শেনফমগী য়ামদ্রবদা চাদা ৫০গী হেনগৎলকপগী মতুং ইল্লি। মসিনা অপুনবা ইনবেস্তমেন্ত লুপা করোর লাখ মরি অসি মথংগী লাক্কদৌরিবা চহি মঙা অসিদা ভারতকী অর্বান দিবেলপমেন্ত এপ্রোচতা গ্রান্ত বেজ ফাইনান্সিংদগী মার্কেত লিঙ্ক, রিফোর্ম দ্রিভন অমসুং আউৎকম-ওরিয়েন্তেদ ইনফ্রাস্ত্রকচর শেমগৎপদা পেরাদাইম শিফ অমা ওইরগনি।

অর্বান চেলেঞ্জ ফন্দনা মগুন লৈবা অর্বান ইনফ্রাস্ত্রকচর ফংহন্নবা মার্কেত ফাইনান্সিং, প্রাইবেৎ পার্তিসিপেসন অমসুং সিতিজন-সেন্ত্রিক রিফোর্মশিং শীজিন্নগনি। ফন্দ অসিনা লৈবাক অসিগী শেন্মিৎলোন চাউখৎপগী মথংগী তাঙ্কক্কী মরুওইবা থৌদাং লৌগদবা, রেসিলিয়েন্ত, প্রদক্তিব, ইনক্লুসিব অমসুং ক্লাইমেৎ রেস্পোন্সিব ওইবা সহরশিং শেমগৎনবা পান্দম থম্লি।

ফন্দ অসি এফ.ৱাই. ২০২৫-২৬দগী এফ.ৱাই. ২০৩০-৩১ ফাওবা মথৌ তৌগনি, এফ.ৱাই. ২০৩৩-৩৪ ফাওবা শাংদোকপা য়াবা ইমপ্লিমেন্তেসন পেরিওদ লৈগনি। মসিনা সহরশিংবু গ্রোথ হবশিং ওইনা, সহরশিংবু নৌনা শেমগৎ-শাগৎপা অমসুং ঈশিং অমসুং সেনিতেসনগা মরী লৈনবা প্রপোজেলশিং ইমপ্লিমেন্ত তৌনবা বজেৎ ২০২৫-২৬দা সরকারনা লাউথোকখিবা ভিজনবু থবক ওইনা পাংথোকহল্লি।

অর্বান চেলেঞ্জ ফন্দগী মরু ওইবা মচাকশিং:

1. প্রোজেক্ত ফাইনান্সিংগী য়ামদ্রবদা ৫০%দি ম্যুনিসিপাল বোন্দশিং, বেঙ্ক লোনশিং অমসুং পব্লিক-প্রাইবেত পার্তনরশিপশিং (পি.পি.পি.শিং) য়াওনা কৈথেলগী সোর্সশিংদগী মোবিলাইজ তৌগনি। লেমহৌরিবা শেনফম অসি রাজ্যশিং, য়ুনিয়ন তেরিতোরীশিং, অর্বান লোকেল বোদীশিং নৎত্রগা অতোপ্পা সোর্সশিংনা শরুক তম্বা য়াই।
2. প্রোজেক্তশিং অসি ত্রান্সপরেন্ত অমসুং কম্পিতিতিব চেলেঞ্জ মোদকী খুত্থাংদা খনগৎলগনি, মসিনা ইম্পেক্ত ৱাংবা অমসুং রিফোর্ম ওরিয়েন্তেদ প্রোপোজেলশিংদা মতেং পাংগনি।
3. অর্বান গবর্নান্স, মার্কেত অমসুং ফাইনান্সিএল সিস্তেমশিং, ওপরেস্নেল ইফিসিএন্সী, অমসুং অর্বান প্লানিংদা তৌবা রিফোর্মশিংদা মপাঙ্গল কন্না শাহৌ পীরগনি।
4. স্ত্রকচর তৌরবা রিস্ক-শেয়রিং ফ্রেমৱার্কশিং অমসুং সর্ভিস দেলিভরী স্তেন্দর্দশিংগী বেঞ্চমার্কিংগী খুত্থাংদা প্রাইবেত সেক্তর শরুক য়াবা পুক্নিং থৌগৎকনি।
5. লুপা করোর ৫,০০০গী কোর্পস অমা থম্বনা তায়র-II অমসুং তায়র-IIIগী সহরশিং য়াওনা শহর ৪২২৩গী ক্রেদিৎৱার্দিনেস হেনগৎহনগনি।
6. য়ু.এল.বি.শিংবু বেঙ্কেবল এসেৎ ক্লাস অমা ওইনা পোজিসনিং তৌবা।

অপিকপা সহরশিংগীদমক ক্রেদিৎ রিপেমেন্ত গরেন্তী:

অৱাংনোংপোক থংবা অমসুং চীংগী রাজ্যশিংদা লৈবা সহরশিং/য়ু.এল.বি.শিং অমসুং অতোপ্পা রাজ্যশিং/য়ু.তি.দা লৈরিবা অপিকপা য়ু.এল.বি.শিং (মীশিং <১,০০,০০০)গীদমক ফার্স্ত-তাইম এক্সেস অসি মার্কেৎ ফাইনান্স তৌবদা মতেং পাংনবা লুপা করোর ৫,০০০গী ক্রেদিৎ রিপেমেন্ত গরেন্তী স্কিম অমা অয়াবা পীখ্রে। স্কিম অসিনা ফার্স্ত-তাইম লোনশিংগীদমক লুপা করোর ৭ নত্ত্রগা লোনগী শেনফমগী (অতাবা অমা) চাদা ৭০ ফাওবগী সেন্ত্রেল গরেন্তী অমা পীগনি। অহানবা লোনগী মাইপাক্না রিপেমেন্ত তৌবদা লুপা করোর ৭ নত্ত্রগা লোনগী শেনফমগী চাদা ৫০গী (অতাবা মতম) সেন্ত্রেল গরেন্তী পীগনি। মসিনা অপিকপা সহরশিংদা ফার্স্ত তাইমগীদমক য়ামদ্রবদা লুপা করোর ২০গী প্রোজেক্তশিং অমসুং মথংগী প্রোজেক্তশিংগীদমক লুপা করোর ২৮গী সপোর্ত শোইদনা পীগনি।

চেলেঞ্জতা য়ুম্ফম ওইবা প্রোজেক্ত খনবা:

ফন্দ অসিগী মখাদা প্রোজেক্তশিং অসি ত্রান্সফোর্মেতিব ইম্পেক্ত, সস্তেনেবিলিতী অমসুং রিফোর্ম ওরিএন্তেসন য়াওনা চেলেঞ্জদা য়ুম্ফম ওইবা ফ্রেমৱার্ক অমগী খুত্থাংদা খনগনি। ফন্দিং অসি রিফোর্মশিং, মাইলস্তোনশিং অমসুং ময়েক শেংনা ৱাহন্থোক পীবা মহৈশিংগা মরী লৈনগনি। রিফোর্মশিং অসি মখা তানা ফন্দ থাদোকপদা তঙাইফদবা অমা ওইগনি। হাউজিং অমসুং অর্বান এফিয়র্স মন্ত্রালয়গী সিঙ্গল দিজিতেল পোর্তেল অমগী খুত্থাংদা প্রোজেক্তশিং অমসুং রিফোর্মশিংগী পেপরলেস মোনিতরিং তৌবদা মতেং পাংগনি।

প্রোজেক্ত ভর্তিকেলশিং:

গ্রোথ হবশিং ওইনা সহরশিং ওইহনবা, সহরগী মফমশিং, মরুওইবা ইকোনোমিক নোদশিং মশক খঙদোকপা, ইন্তিগ্রেতেদ স্পেসিএল ইকোনোমিক অমসুং ত্রান্সিৎ প্লান্নিং - গ্রীনফিল্দ অমসুং সেমি-গ্রীনফিল্দ দিবেলপমেন্তশিং য়াওনা, লোয়ননা ইকোনোমিক কম্পিতিতিবিতী হেনগৎহন্নবা ত্রান্সিৎ অমসুং ইকোনোমিক কোরিদোরশিং, অর্বান মোবিলিতী, মরুওইবা ইনফ্রাস্ত্রকচর প্রোজেক্তশিং;

সেন্ত্রেল বিজিনেস দিস্ত্রিক্তশিং অমসুং হেরিতেজ কোরশিং নৌনা শেমগৎপা, ব্রাউনফিল্দ রিজেনেরেশন, ত্রান্সিৎ ওরিয়েন্তেদ দিবেলপমেন্ত অমসুং লিগেৎ ইনফ্রাস্ত্রকচর শেমগৎপা, ক্লাইমেৎ রেসিলিয়েন্স, দিজাস্তর মিতিগেসন অমসুং নোর্থ ইস্তর্ন অমসুং হিল্লি স্তেৎশিংদা লৈরিবা সহরশিংবু দিকঞ্জেস্ত তৌনবা কাউন্তরমেগ্নেৎশিং কোনশিল্লিবা সহরশিংগী ক্রিএতিব রিদভেলপমেন্ত; অমসুং

ঈশিং অমসুং সেনিতেসন, ঈশিং সপ্লাই, সিৱরেজ অমসুং স্তোর্মৱাতর সিস্তেমশিং, রুরবান ইনফ্রাস্ত্রকচর, ৱাতর গ্রীদ অমসুং ইন্তিগ্রেতেদ সোলিদ ৱেস্ত মেনেজমেন্ত, লিগেসী ৱেস্ত রিমেদিএসন য়াওনা স্বচ্ছতাদা মীৎয়েং থমদুনা অপগ্রেদ তৌবা।

কোভরেজ:

ফন্দ অসিনা মখাদা পীরিবশিং অসি কোনশিল্লগনি:

• মীশিং লাখ ১০ নৎত্রগা মসিদগী হেনবা মীশিং লৈবা সহর পুম্নমক (২০২৫গী ওইবা এস্তিমেৎ);
•  মথক্তা পনখ্রিবা রাজ্য অমসুং য়ুনিয়ন তেরিতোরীগী কোনুং পুম্নমক; অমসুং
• মীশিং লাখ ১ নৎত্রগা মসিদগী হেনবা লৈবা মরুওইবা ইন্দস্ত্রিএল সিতীশিং।

মসিগী মথক্তা, চীংগী রাজ্যশিং, অৱাং-নোংপোক্কী রাজ্যশিং অমসুং মীওই লাখ ১গী মখাদা লৈবা অপিকপা য়ু.এল.বি পুম্নমক ক্রেদিৎ রিপেমেন্ত গেরেন্তী স্কিমগী মখাদা মতেং ফংনবগীদমক ইলিজিবল ওইগনি। ইন প্রিন্সিপল ওইনা সহর পুম্নমকপু য়ু.সি.এফ.না কোনশিল্লগনি

রিফোর্ম-লিঙ্ক ফন্দিং ফ্রেমৱার্ক:

অর্বান চেলেঞ্জ ফন্দগী মখাদা ফন্দিং অসি মখাদা পীরিবশিং অসি কোনশিল্লিবা মপুংফাবা রিফোর্ম এজেন্দা অমদা য়ুম্ফম ওই:

• গবর্নান্স অমসুং দিজিতেল রিফোর্মশিং;
• ক্রেদিৎ সিতী হেনগৎহন্নবা মার্কেৎ অমসুং ফাইনান্সিএল রিফোর্মশিং;
• সর্ভিস দেলিভরী অমসুং য়ুতিলিতী ইফিসেন্সী ফগৎহন্নবা ওপরেস্নেল রিফোর্মশিং;
• ত্রান্সিৎ-ওরিএন্তেদ দিবেলপমেন্ত অমসুং গ্রীন ইনফ্রাস্ত্রকচর য়াওনা অর্বান প্লান্নিং অমসুং স্পেসেল রিফোর্মশিং; অমসুং
• ময়েক শেংবা কী পর্ফোমেন্স ইন্দিকেতরশিং (কে.পি.আই.শিং), থর্দ পার্তী ভেরিফিকেসন অমসুং সস্তেনেবল ওপরেসন এন্দ মেইন্তিনেন্স মেকানিজমশিংগা লোয়ননা প্রোজেক্ত-স্পেসিফিক রিফোর্মশিং।

আউৎকম ওরিয়েন্তেসন:

1. প্রোজেক্তশিং অসি মখোয়গী ত্রান্সফোর্মেতিব রিজল্তশিং- ইকোনোমিক, সোসিএল অমসুং ক্লাইমেৎ, রেভেন্যু মোবিলাইজেসন, প্রাইবেৎ ইনভেস্তমেন্ত, থবক ফংহন্নবা অমসুং, হেন্না ফবা সেক্যুরিতী, ইনক্লুসিবিতী, সর্ভিস ইক্বিতী অমসুং লুনানবা য়াওনা পুথোকপা ঙম্বগী মতিক্কী মতুং ইন্না য়েংশিনগনি।
2. অর্বান চেলেঞ্জ ফন্দনা অচৌবা প্রাইবেৎ ইনভেস্তমেন্তশিং কেতালাইজ তৌগনি, অর্বান গবর্নান্স মপাঙ্গল কনখৎহল্লগনি অমসুং লৈবাক্কী চাউখৎ থৌরাংগী মরুওইবশিংগা চুনবা তুংলমচৎকীদমক শেম-শারিবা সহরশিং শেমগৎপা য়াহল্লগনি হায়না পানরি।

অর্বান চেলেঞ্জ ফন্দদা তোইনা হংলকপা ৱাহংশিংগী লিঙ্ক

***