প্রধান মন্ত্রী, শ্রী নরেন্দ্র মোদীনা ঙসি পরিক্ষা পে চর্চা (পি.পি.সি.) ২০২৬কী ৯শুবা এদিসনগী মখা তাবা ওইনা মহৈরোইশিংগা ৱারী শানখ্রে। প্রধান মন্ত্রীনা পি.পি.সি. ২০২৬কী অনিশুবা এপিসোদতা কোইম্বতুর, রাইপুর, দেবমোগ্রা অমসুং গুৱাহাতিদগী লাকপা একজাম ৱারিয়রশিংগা ইচম চম্না ৱারী শানখি। 'পরিক্ষা পে চর্চা'গী অখন্নবা ‌এদিসন অসিদা মহৈরোইশিংবু তরাম্না ওক্লদুনা শ্রী মোদীনা হায়খি মদুদি মসিগী থৌরম অসি লৈবাক অসিগী তোঙান তোঙানবা মফমশিংদা পাংথোকখ্রে। কোইম্বতুর এদিসন হৌদোক্লদুনা, প্রধান মন্ত্রীনা হায়খি মদুদি তামিল নাদুগী মহৈরোইশিংগী ইনর্জী অমসুং খঙনীংবা অসিনা মহাকপু য়াম্না পুক্নিং থৌগৎখি। মহাক্না মখোয়বু 'ভানাক্কম' হায়না তরাম্না ওক্লদুনা ৱারী-ৱাতাই খরা শানখি। মহৈরোইশিংনা মখোয়গী নুংঙাইবা ফোংদোক্লদুনা, মখোয়না মহাকপু উবদা মখোয়না থাজবা ঙমখিদে হায়না ফোংদোকখি। মখোয়না থোইদোক হেন্দোকপা এন্ত্রী অমা তৌগদ্রা খল্লুই অদুবু মহাক অসি চম্বা, নোলুকপা, অমসুং খোঙগুন তাবা মীশক অমনি হায়না ফোংদোকখি। মহৈরোই অমনা হায়খি মদুদি মহাক লাকপা মতমদা মখোয়বা তু শুংবা পোকখি।

স্তার্তঅপ অমসুং লাইরিক পানবা পি.এম.গী মন্ত্র

প্রধান মন্ত্রীনা হায়খি মদুদি মহাক্না চহি কয়াদগী পরিক্ষা পে চর্চাগী খুত্থাংদা ১০শুবা অমসুং ১২শুবা থাক্কী মহৈরোইশিংগা ৱারী শানদুনা লাক্লি। মহাক্না হায়খি মদুদি মসি মহাক্কীদমক্তা তম্বগী থৌরম অমনি, তাকপী তম্বিবগী নত্তে। মহাক্না মহৈরোইশিংদা মখোয়গী ৱাখল্লোনশিং ফোংদোক্নবা হায়খি। স্তার্ত-অপশিংগী মতাংদা মহৈরোই অমনা হংলকপা ৱাহং অমদা পাউখুম পীরদুনা মহাক্না হায়খি মদুদি অহানবা মীৎয়েং অসি মীওই অমনা করি তৌবা পাম্বগে হায়বদু ওইগদবনি, তেক্নোলোজীদা ইনোভেসন ওইগেরা নৎত্রগা দ্রোন নৎত্রগা ইলেক্ত্রিসিতী সিস্তেমগুম্বা প্রেক্তিকেল সোলুসন ওইগেরা। তেক্নোলোজী নৎত্রগা ফাইনান্সতা হৈথোই-শিংথোইবা মরুপ-মপাংশিংগা লোয়ননা অপীকপা তীম শেম্নবা মহাক্না খঙহনখি। মহাক্না হায়খি মদুদি ভেঞ্চর অমা হৌনবগীদমক চহিগী মথৌ তাবা অমত্তা লৈতে, অমসুং অপীকপা স্তার্ত-অপশিংনসু ইম্পেক্ত লৈহনবা ঙম্মি। মহাক্না হায়খি মদুদি করিগুম্বা তশেংবা ইন্তরেস্ত লৈরবদি, মসি য়াম্না অফবা অমনি। মহাক্না হৌজিক লৈরিবা স্তার্ত-অপশিং য়েংশিনবা, প্রোজেক্তকী রিপোর্ত অমা শেম্বা অমসুং মসিবু স্কুলগী প্রোজেক্ত অমা ওইনা অচুম্বা মওংদা উৎনবা ৱাফম থমখি। মসিনা লমজিং-লমতাকপীবা অমসুং মতেং পীনবা পুক্নিং থৌগৎকনি। মতৌ করম্না থবক পায়খৎকদগে হায়বগী মতাংদা তপ্না তপ্না মমল য়াম্লবা লৌশিং ফংলগনি হায়না মহাক্না ৱারোইশিন পীখি।

মহৈ তম্বা অমসুং পামজবগী মরক্তা চপ মান্ননা লৈবগী মতাংদা অতোপ্পা মহৈরোই অমগী খন্ন-নৈনবদা, শ্রী মোদীনা হায়খি মদুদি মখোয় অনিমক কান্নৈ অমসুং অমনা অমবু মপুং ফাহল্লকপা য়াই। মহাক্না আর্ত অমসুং সাইন্স এক্সপরিমেন্তশিং পুনশিন্নবগী খুদম অমা পীরদুনা, ক্রিএতিভিতিনা তম্বদা মতেং পাংলি অমসুং চোকথবা হন্থহল্লি হায়না ফোংদোকখি। মহাক্না মহৈ তম্বদা অহানবা থাক্তা লৈহন্দুনা, নুমিৎ খুদিংগী নৎত্রগা চয়োল খুদিংগী মতম অমবু মশাগী অপাম্বশিংদা কৎথোক্নবা রিকমেন্দ তৌখি।

ভিক্সিৎ ভারত অমসুং ভোকেল ফোর লোকেলদা নহারোলনা শরুক তম্বা

২০৪৭ ফাওবদা ভারত অসি চাউখৎলবা লৈবাক অমা ওইগদৌরিবরা হায়না হংবদা, প্রধান মন্ত্রীনা নহা ওইরিবা মহৈরোইশিংসু মসিগী মঙলান অসিদা শরুক য়াবদা নুংঙাইবা ফোংদোকখি। মহাক্না সিঙ্গাপুরনা ঙা ফাবগী খুঙ্গং অমা ওইরমবগী মতাংদা পল্লদুনা মহাক্না লি কুৱান য়ুনা চাউখৎলবা লৈবাকশিংগী দিসিপ্লিন লৈবা চৎন-কাঙলোনশিং চৎনহনবদা মরুওইবা পীবগী মতাংদা পনখি। মহাক্না পনখি মদুদি অমোৎ অকাই হুন্দোক্তবা, ত্রাফিক্কী কাংলোনশিং ঙাকপা, চিঞ্জাক মাংহন্দবা অমসুং লোকেল প্রদক্তশিং শৌগৎপা অসিগুম্বা অপীকপা খোংথাংশিং অসিনা লৈবাক অসিগী চাউখৎপদা চাউনা মতেং পাংই। মহাক্না ‘ভোকেল ফোর লোকেল’ অমসুং মপানগী মহুৎ ভারত্তা লুহোংবগী থৌরমশিং পাংথোক্নবা খনবদা মরুওইবা পীখি। মহাক্না হায়খি মদুদি নাগরিক খুদিংমক্কী অপীকপা থবকশিং অসিনা পুন্না চাউখৎলবা ভারত অমা শেমগৎপদা মতেং পাংলি। মহৈরোইশিংনা মহাক্না অচৌবা খোংথাংশিংদগীদি অপীকপা খোংথাংশিংবু হেন্না মরুওইনা লৌই হায়না পুক্নিং চিংশিনখি।

ইথিল নত্ত্রগা দিস্সিপ্লিন?

মাই পাকপাগীদমক মোতিভেসন নৎত্রগা দিসিপ্লিন হেন্না মরু ওইবরা হায়না মহৈরোই অমনা হংলকপা ৱাহংগী পাউখুম পীরদুনা প্রধান মন্ত্রী শ্রী নরেন্দ্র মোদীনা হায়খি মদুদি পুন্সিদা মখোয় অনিমক মরু ওই। মহাক্না শন্দোক্না হায়খি মদুদি দিসিপ্লিন য়াওদনা, ইথিল পীবা খক্তনা কান্নবা লৈতে। মহাক্না লৌমী অমগী খুদম পল্লদুনা হায়খি মদুদি লৌমী অমনা মহাক্কী য়ুম্লোন্নবশিংগী মাইপাকপদগী ইথিল লৌনৈ অদুবু নোংগী মমাংদা মহাক্কী লৌবুক অদু শেম-শাবদা ঙমদবনা অফবা ফল পীবা ঙমদে। মহাক্না হায়খি দিসিপ্লিন অসি তঙাইফদনা মথৌ তাই, অদুগা ইন্সপিরেসননা "সনাদা তম্ফা থিনবা"গুম্না মগুন হাপ্পী। দিসিপ্লিন য়াওদনা, ইন্সপিরেসন অসি পোৎলুম ওই অমসুং নীংঙমদবা থোকহল্লি। মহৈরোই অমনা চহি কয়াগী মমাংদগী চিংনবা লৈরক্লবা ৱাহং অমগী মতাংদা ময়েক শেংনা পাউখুম পীরকপদা মহাক্না নুংঙাইবা ফোংদোকখি।

এ.আই. চাউখৎলকপা অমসুং মসিবু নীংথিনা শীজিন্নবা

আর্তিফিসিএল ইন্তেলিজেন্সকী অতোপ্পা ৱাহং অমদা, প্রধান মন্ত্রীনা হায়খি মদুদি মতম খুদিংদা অনৌবা তেক্নোলোজী, কম্প্যুতর নৎত্রগা মোবাইল ফোন ওইগেরা নুংনাংবা কয়া মায়োক্নখি, অদুবু অকিবা অসি কান্নদবনি। তেক্নোলোজীনা মীওইবগী পুন্সিগী মপু ওইহল্লোইদবনি, দিভাইসশিংগী বোন্দি ওইদনবা হোৎনগদবনি। মহাক্না অকনবা মওংদা হায়খি, "ঐহাক্না বোন্দি অমা ওইরোই।" অমসুং এ.আই. অসি লর্নিংগী মহুৎ শিন্দোক অমা ওইনা নত্তনা লমজিং-লমতাক অমসুং ভেল্যু এদিসনগীদমক শিজিন্নগদবনি হায়না মহাক্না খঙহনখি। মহাক্না হায়খি মদুদি থবকশিংগী মওং অসি মতম পুম্নমক্তা হোংলক্কনি, চৎথোক-চৎশিনগী পাম্বৈ অসি শন গারীদগী এয়রপ্লানদা হোংলকখি, অদুবু পুন্সিদি মখা চত্থরি। তেক্নোলোজী খঙবা, মশাগী তৌবা ঙম্বশিং পাকথোক চাউথোকহনবা অমসুং মসিগী মপাঙ্গলশিং থবকশিংদা পুনশিনবা অসিনা শিংনবা লৈতনা খুমাং চাউশিল্লকপা ঙমগনি হায়না মহাক্না ফোংদোকখি।

ভিক্সিৎ ভারত অমগী মাইকৈদা ফিরেপ লৌবা

মহৈরোইশিংনা মখোয়গী ইমোসনশিং অদু শেয়র তৌখি। মখোয়না থাগৎপা ফোংদোকখি অমসুং প্রধান মন্ত্রীবু লুচিংবা অমা ওইনা লৌবদগী হেন্না ইমুংগী মীওই অমা ওইনা উবা ফংখি। কোইম্বতুরদা মহৈরোইশিংগা ৱারী শানবদা লোইশিনবদা, প্রধান মন্ত্রী মোদীনা হায়খি মদুদি কোইম্বতুরগী নহাশিংনা এ.আই., স্তার্ত-অপশিং অমসুং তুংলমচৎকী তেক্নোলোজীশিংগী মতাংদা য়াম্না খঙই। মসিনা ভারতকী নহা ওইরিবা ৱাখল্লোন অদু উৎলি, মসিনা ২০৪৭ ফাওবদা চাউখৎলবা ভারত অমা ওইহন্নবা ৱারেপ অদুদা অনৌবা শক্তি পীরি।

ৱারী-ৱাতাই অমসুং অমনা অমদগী তম্নবগী মওংদা 'পরিক্ষা পে চর্চা'গী স্পিরিৎ মখা চত্থখি, মহাক্না হায়খি মদুদি খন্ন-নৈনবগী থৌরম অদু কোইম্বতুরদগী ছত্তিসগরগী রাইপুরদা হোংখি, মদুদা মহাক্না মহৈরোইশিংগা ৱারী শাখি অমসুং মফম অদুগী চিঞ্জাকশিংসু চাখি।

পি.এম.না লমকোইবা অমসুং পুক্নিং চংনবগী লমজিংবা

মখোয়বু 'জয় জোহর' হায়না তরাম্না ওক্লদুনা মহাক্না মখোয়গী চিঞ্জাক্কী চৎনবী অমসুং মফম অদুগী অখন্নবা চিঞ্জাকশিংগী মরমদা হংখি। তুংদা মহাক্না মহৈরোইশিংদা ভেকেসনদা অতোপ্পদা চৎত্রিঙৈগী মমাংদা মখোয় মশাগী তহসিল, দিস্ত্রিক্ত অমসুং স্তেৎতা অদুদা চৎনবা খঙহনখি। মহাক্না হায়খি মদুদি মহৈরোই অমা ওইনা ত্রেনদা চৎপা, মশাগী চিঞ্জাক পুবা অমসুং ভারতকী মখল কয়াদগী তমজবা মতমদা তুরিজম অসি য়াম্না নুংঙাইগনি।

একজামগী স্ত্রেস অমসুং রিভিজনগী মতাংদা হংলকপা ৱাহং অমদা, শ্রী মোদীনা হায়খি মদুদি মহৈরোইশিংনা মখোয়গী শেম-শাবা অদুদা থাজবা থমগদবনি, মশা-মউ ফনা লৈগদবনি অমসুং হীরম অদুদা মাস্তরিংদা মীৎয়েং থমগদবনি। মহাক্না মহৈ তম্ববু শান্ন-খোৎনবগা চাংদম্নখি। মহাক্না হায়খি মদুদি লেপ্পা লৈতনা মহৈ তম্বা, দিসিপ্লিন পীবা, অমসুং কম্পিতিসন তৌবনা মপাঙ্গল কনখৎহল্লি। মহাক্না মহৈ তম্বদা লান্থেংনরিবা মীওইশিংগা মরুপ-মপাং ওইনবা অমসুং মখোয়বু তম্বদা মতেং পাংনবা চৎনবা য়াবা পাম্বৈ অমা খংহনখি।

মহৈ তম্বা অমসুং শান্ন-খোৎনবা অসিবু খল কাইদনা থম্বা

শান্ন-খোৎনবা অমসুং মহৈ তম্বগী মরক্তা খল অমা থম্নবা হোৎনরিবা মহৈরোই অমদা ৱা ঙাংলদুনা প্রধান মন্ত্রীনা হায়খি মদুদি ইজুকেসন অসি পর্সনেল লাইফকীদমক্তা নত্তনা সোসিএল লাইফকীদমক্তসু তঙাইফদবা অমনি, অমসুং মসিবু কৈদৌঙৈদা হন্থনা য়েংদবা তাই। স্পোর্তসতা মগুন লৈবনা মহৈ তম্বগী তঙাইফদবা লৈতে হায়না থাজবগী মায়োক্তা মহাক্না চেকশিন ৱা থমখি। মহৈ তম্বনা পুম্নমক ওইদে হায়বা ৱাফমসু মহাক্না ফোংদোকখি। মহাক্না হায়খি মদুদি তেলেন্ত অসি চাউখৎহনগদবনি, অমসুং শান্ন-খোৎনবা হায়বসি শান্নরোই অমা ওইনবগীদমক তঙাইফদবা ওইরবসু, পুন্সিদা শান্নবা হায়বসিসু চপ মান্ননা মরু ওই। মহাক্না হায়খি মদুদি পুন্সিদা চপ মান্নবা থাক অমা লৈহন্নবা শান্নবা য়াওগদবনি। মহাক্না হায়খি, "ঐহাক্না শান্নরবদি, ঐহাক চাউখৎলগনি।" মহাক্না হায়খি মদুদি মীওই অমনা তম্বসু মথৌ তাই, মরম অদুনা অতোপ্পশিংনা মখোয়বু লৌশিং লৈতনা ফিল্দদা লেপ্লিবা মীওই অমা ওইনা খক্তা উহল্লোইদবনি। মহাক্না অশেংবা পাঙ্গল অসি একাদমিক অমসুং স্পোর্তস অনিমক্তা মপাঙ্গল কনবা অদুদা য়ুম্ফম ওই হায়না ফোংদোক্লদুনা লোইশিনখি। মহৈরোইশিংনা মখোয়গী পুন্সিদা মহাক্কী পাউতাকশিং অদু চৎনহনগনি হায়না ফোংদোকখি অমসুং এক্সপরিয়েন্স অদুগীদমক মখোয়গী থাগৎপা ফোংদোকখি।

অকোইববু ঙাকশেনবা

মহৌশাগী ওইবা রিসোর্সশিং ঙাক-শেন্দুনা থম্বা অসি ঐখোয়গী মহৌশাগী শরুক অমা ওইগদবনি হায়না প্রধান মন্ত্রী মোদীনা মহৌশাগী ওইবা রিসোর্সশিং ঙাক-শেন্দুনা থম্বগী মতাংদা মহৈরোই অমনা হংলকপা ৱাহং অমগী পাউখুম পীরদুনা হায়খি। মহাক্না মরুওইনা ফোংদোকখি মদুদি নুমিৎ খুদিংগী পুন্সিদা অচৌবা অহোংবা পুরকপা য়াবা অপীকপা কাংলোনশিং লৈ। মহাক্না য়া শেংলিঙৈদা ঈশিং থিংজিনবা অমসুং মথৌ তাবা মতমদা খক্তমক শিজিন্নবগী খুদম পনখি। মহাক্না পেট্রোল পম্পশিংদগী ওইল কেনশিং খোমজিনখিবা অমসুং অঙাংশিংদা মখোয়গী য়ুমদগী লেমহৌরিবা ঈশিং বোতলশিংদা পুরক্নবা অমসুং লৈশিংদা ঈশিং চাইবদা শিজিন্নখিবা ওজা অমগী পুক্নিং থৌগৎনিংঙাই ওইবা ৱারী অমা শেয়র তৌখি। মনা-মশিংগী লেমহৌবশিংবু হার ওইনা শিজিন্নদুনা, স্কুল পুম্নমক অসি অশং-অমান্না থনবা মফম অমদা ওন্থোকখি। মসিনা তাক্লি মদুদি ওজা অমগী খোঙথাং অমনা অকোইবগী ফিভমদা অহোংবা কয়া অমা পুরকখি। মীওইবগী লমচৎ-শাজৎনা অসিগুম্বা অহোংবা অমা পুরকপা ঙম্মি অমসুং অকোইবগী ফিভম ঙাকথোক্নবা অপীকপা, অচম্বা থবকশিং লৌখৎপা য়াই হায়না মহাক্না ফোংদোকখি।

লুচিংবা ওইবগী মনুং হুৎপা লৌশিং

লাক্কদৌরিবা মীরোলগী লুচিংবশিংগী মরক্তা মহাক্না করি মগুনশিং আশা তৌবগে হায়না হংলকপদা, প্রধান মন্ত্রীনা হায়খি মদুদি অহানবা মগুন অসি অকিবা লৈতবা ওইগদবনি। মহাক্না হায়খি মদুদি লুচিংবা ওইবগী থৌওংদি অতোপ্পশিং ঙাইবা তৌদনা থবক লৌখৎনবা ৱারেপ লৌবদগী হৌরকই। মহাক্না অমোৎ-অকাই খুন্দোকপগী খুদম অমা পীখি অমসুং মসিনা অতোপ্পশিংবু মতৌ তম্নবা পুক্নিং থৌগৎকনি হায়খি। মহাক্না ময়েক শেংনা হায়খি মদুদি লুচিংবা হায়বসি মীখল নৎত্রগা ৱা ঙাংবদা নত্তে অদুবু অতোপ্পশিংদা শন্দোক্না তাকপা অমসুং মখোয়বু থাজহনবা ঙম্বগী থৌনা অদুনি। মহাক্না হায়খি মদুদি অশেংবা লুচিংবশিংনা মীয়াম্বু লমজিংদ্রিঙৈদা অহানবদা মখোয়বু খঙবা মথৌ তাই। মহৈরোইশিংনা প্রধান মন্ত্রীগা উনবদা নুংঙাইবা ফাওখি অমসুং মখোয়না মসি অঙকপা অমনি হায়না ফোংদোকখি।

রাইপুরগী ৱারী শানবগী লৌশিল্লদুনা, প্রধান মন্ত্রী মোদীনা হায়খি মদুদি পরিক্ষাগী শেম-শাবা, পুক্নিং চিংশিনবা অমসুং অপাম্বা অসি 'পরিক্ষা পে চর্চা'দা হঞ্জিন-হঞ্জিন থেংনরিবা হীরমশিংনি, অমসুং প্রোগ্রাম অসিগী পান্দমদি নহাশিংবু হায়রিবা হীরমশিং অসিগী মতাংদা থম্মোয় শেংনা খন্ন-নৈনবগী খুদোংচাবা পীবনি। মহাক্না অকনবা ৱাফম থমখি মদুদি খন্ন-নৈনবশিং অসি বোর্দ একজামিনেসনগী শেম-শাবা খক্তদা য়ুম্ফম ওইদে অদুবু পুন্সিগী হীরম কয়াদা য়ুম্ফম ওইরি, মসিনা নহাশিংগী ৱাখল্লোনশিং উৎলি। মহাক্না মখা তারদুনা হায়খি মদুদি ৱারী শানবগী মথংগী শরুক অসি গুজরাত্তা পাংথোক্কনি। ত্রাইবেল মহৈরোয়শিংনা হংলকপা ৱাহংশিংনা মহাকপু অঙকপা পোকখি।

গুজরাতকী দেবমোগ্রাদা মহৈরোইশিংগা ৱারী শানবদা, প্রধান মন্ত্রীনা মখোয়গী হৌরকফমগী মরমদা হংখি, মখোয়গী আর্ত ৱার্কশিংবু থাগৎপা ফোংদোকখি অমসুং মমাংগী মীফমশিংদা থেংনখিবা মমিং চৎলবা মীওইশিংবু মশক খঙদোকখি অমসুং মখোয়গী থৌনা অদুগীদমক থাগৎপা ফোংদোকখি।

গুজরাতকী ত্রাইবেল মফমশিং চাউখৎহনবা

ত্রাইবেল এরিয়াশিংদা থবক তৌনবগীদমক মহাক্কী ইথিলগী মতাংদা হংলকপা ৱাহং অমগী পাউখুম পীরদুনা, শ্রী মোদীনা ত্রাইবেল কম্ম্যুনিতীনা অচৌবা নীংতম লান অমা থেংনখিবা পুৱারী ওইরবা পালচেতরিয়াগী থৌদোক অদু নীংশিংখি। মহাক্না ফোংদোকখি মদুদি মহাক্না মুখ্য মন্ত্রী ওইরকপা মতমদা মহাক্না এজুকেসনবু মরুওইবা পীখি। মহাক্না হায়খি মদুদি উমরগামদগী অম্বাজী ফাওবদা সাইন্স স্কুল অমত্তা লৈরমদে, অদুবু হৌজিক্তি য়ুনিভর্সিতীশিং, সাইন্স স্কুলশিং, ইঞ্জিনীয়রিং ইন্সতিত্যুৎশিং অমসুং আই.তি.আই.শিং লৈরে, মসিনা অচৌবা অহোংবা অমসুং কান্নবা পুরক্লি। মহাক্না পি.এম. জনমান য়োজনা অসি মখা তানা মাংজিল থারিবা ত্রাইবেল কম্ম্যুনিতীশিংদা মতেং পাংনবা শেমখিবগী মতাংদা পনখি। তোঙানবা স্কিমশিং অমসুং বজেৎশিং মথৌ তাখি হায়না মহাক্না ফোংদোকখি। মহাক্না হায়খি মদুদি এজুকেসন্না চাউখৎপা য়াহল্লি। মহাক্না উমরগাম-অম্বাজী হাইৱেগুম্বা ইনফ্রাস্ত্রকচর প্রোজেক্তশিংগী মতাংদসু পনখি। মহাক্না হায়খি মদুদি কনেক্তিবিতী অসি চাউখৎপগীদমক য়াম্না মরু ওই অমসুং মরুওইবা এরিয়া অমা ওইরি।

প্রধান মন্ত্রী মোদীনা, পহলগাম এতেক অমসুং ওপরেসন সিন্দুরগী মতুংদা লৈবাক্কী ওইনা য়াম্না মরু ওইবা মতমশিংদা মহাক্না করম্না স্ত্রেস হেন্দল তৌখিবগে হায়না মহৈরোই অমনা হংলকপা ৱাহংগী পাউখুম পীরদুনা হায়খি মদুদি মহৈরোইশিংনা চাংয়েংগী স্ত্রেস অসি তোইনা ফাওই অদুবু চাংয়েং লোইরবা মতুংদা মদু মতম খরগী ওইনা ওইরম্মি হায়বা খঙলকখি। মহাক্না হায়খি মদুদি একজাম তেন্সন মায়োক্নবগী খ্বাইদগী ফবা পাম্বৈদি পাবা খক্তগী মহুৎ পেপরশিং সোল্ব তৌদুনা চাং নাইনা ইবা হায়বসিনি। মহাক্না মখা তাখি মদুদি চাং নাইনা চত্থবনা স্ত্রেস লৈহন্দে। মহাক্না নোকপগী মরুওইবা অমসুং খ্বাইদগী মরুওইনা, মতিক চানা তুম্বগী মরুওইবা অদু ফোংদোকখি। মতিক চানা তুম্বনা ৱাখলবু ফ্রেশ ওইনা থম্মী, ৱাখল্লোন কয়া অমা লাকই, অমসুং নুংঙাই য়াইফনা লৈ।

অচুম্বা কেরিয়রগী লম্বী

কেরিয়র খনবগী মতাংদা, প্রধান মন্ত্রীনা হায়খি মদুদি লেপ্পা লৈতনা অহোংবা লাক্লিবা এস্পিরেসনশিংনা ইমুংশিংবু চম্মনবা পোকহল্লি, অদুবু মাই পাক্লবা মীওইশিংনা ইথিল পীবসি মহৌশানি। মহাক্না হায়খি মদুদি মী অমনা মখোয়গী এচিবমেন্ততা নত্তনা মখোয়গী মাংদা লৈরিবা হোৎনজবা অমসুং দিসিপ্লিন অদুদসু য়েংগদবনি। মহাক্না অয়ুক্কী পুং ৪ তা ক্রিকেতর অমনা চেন চোংদুনা ত্রেন তৌবগী খুদম পীরদুনা হায়খি মদুদি মঙলানশিং অসি কন্না হোৎনবগা লোয়ননা রুতিন ওইনা চৎকদবনি। মহাক্না হায়খি অচুম্বা মাই পাকপা হায়বসি মশাগী ওইবা খোঞ্জেল অমা লৈ, অমসুং করিগুম্বা মীওই অমনা নম্বর ৱান ওইরক্লবদি, স্কুল, খুঙ্গং অমসুং কম্যুনিতি পুম্নমক্না মদু খঙগনি।

মহৈরোইশিংনা ৱারলি, লিপান অমসুং পিথোরাগী আর্ত য়াওনা মখোয়গী চৎনবীশিং শন্দোক্না তাকপীদুনা কলচরেল আর্ত ৱার্কশিং উৎখি। প্রধান মন্ত্রীনা মখোয়গী পোৎশকশিংবু থাগৎপা ফোংদোকখি, মখোয়না খুৎনা শাবরা হায়না হংখি, অমসুং মখোয়গী হৈশিংববু থাগৎপা ফোংদোক্লদুনা হায়খি, "অদোম্না অচৌবা আর্তিস্ত অমা ওইরে।" মহাক্না কলচরগী মগুন অমসুং ক্রিএতিভিতি লৈ হায়না পল্লদুনা পেন্তিংশিং অসি ফংবদা নুংঙাইবা ফোংদোকখি। মহৈরোইশিংনা মখোয়গী নুংঙাইবা ফোঙদোকখি। মখোয়না মরুপ অমগা ৱারি শানবগুম তৌখি হায়না মখোয়না হায়খি। মখোয়না তৌরিবা থবকশিং অদু প্রধান মন্ত্রীনা মশানা থাগৎপা ফোংদোকপদা মখোয়না চাউথোকচবা ফোংদোকখি।

ওজাশিং অমসুং ত্রাইবেল নহারোলগী থৌদাং

প্রধান মন্ত্রী মোদীনা মহৈরোই অমগী মহাক্কী পুন্সিদা ওজাশিংগী থৌদাংগী মতাংদা হংলকপা ৱাহংগী পাউখুম পীরদুনা, মখোয়না য়াম্না মরু ওইবা থৌদাং অমা লৌখি হায়না ফোংদোকখি। মহাক্না নিংশিংখি মদুদি মহাক্কী ওজা অদুনা মহাকপু লাইব্রেরীদা নুমিৎ খুদিংগী চৎনবা, দি তাইমস ওফ ইন্দিয়াগী ইদিতোরিয়েল লাইন অদু পাবা, মদু ইথোকপা অমসুং মথংগী নুমিত্তা খন্ন-নৈননবা পুক্নিং থৌগৎলি, মসিনা দিস্সিপ্লিন অমসুং ক্যুরিওরিতী পোকহল্লি। মহাক্না মহাক্কী প্রাইমরী স্কুলগী মতমদগী পর্মর সরগী মেমোরীশিং শন্দোক্না হায়খি। মহাক্না ফিজিকেল ফিৎনেসতা অকনবা মীৎয়েং থমখি। মহাক্না য়োগ অমসুং মাল্লাখম্বা তমখি। মসিনা মহাক্না প্রোফেস্নেল শান্নরোই অমা ওইদ্রবসু হকশেলগী মরুওইবা অদু খঙবদা মতেং পাংখি। মহাক্না হায়খি মদুদি শক্নাইরবা মীশক খুদিংমক্কী পুন্সিদা, ইথিল পীরিবা মীশখ অনিদি মতম পুম্নমক্তা শকখঙনৈ - মখোয়গী মমা অমসুং মখোয়গী ওজা।

ভারতকী চাউখৎপদা ত্রাইবেল কম্ম্যুনিতীশিংগী থৌদাং অদুগী মতাংদা হংলকপদা, প্রধান মন্ত্রীনা হায়খি মদুদি লৈবাক অসিনা মখোয়না মরম ওইদুনা চাউনা চাউখৎলে। মহাক্না হায়খি মদুদি ভারতকী অকোয়বগী ফিভম অসি ত্রাইবেল খুন্নাইনা মহৌশাগীদমক থম্লিবা ভক্তিগী মতুং ইন্না ঙাক-শেন্দুনা থম্মি, মরমদি মখোয়না মহৌশাগী মফমদা ইকায় খুম্নবা উৎলি অমসুং ঙাক-শেনলি। মহাক্না পনখি মদুদি ত্রাইবেল কম্ম্যুনিতীশিংগী মচা অমসুং মচানুপী কয়া অমা আর্মদ ফোর্সেসতা থবক তৌরি অমসুং সেক্তরশিংগী মরক্তা খুদোংচাবদা খেন্নবা অমত্তা লৈরোইদবনি। ত্রাইবেল নহারোলশিংনা শান্ন-খোৎনবদা মায় পাক্লি হায়না মহাক্না ফোংদোকখি। মহাক্না ক্রিকেৎতা শক্নাইরবা ত্রাইবেল মচানুপী অমা ওইরিবা মধ্য প্রদেশকী ক্রান্তি গাউদ অমসুং লৈবাক অসিদা মিংচৎ পুরকখিবা অতোপ্পা ত্রাইবেল শান্নরোয় কয়াগী খুদম পনখি। মহাক্না ফোংদোকখি মদুদি ত্রাইবেল কম্ম্যুনিতীশিংদা য়াম্না চাউবা তেলেন্ত লৈরি অমসুং, তেক্নোলোজীগা পুনশিন্নরবদি, মখোয়গী পোতেন্সিএল অসি মখা তানা হেনগৎলগনি। মহাক্না অকনবা ৱাফম থমখি মদুদি পুন্সি অসি থবক ফংনবগীদমক্তা হিংগদবনি, অদুবু তশেংনা কান্নবা পুরকপা, ৱাহন্থোক লৈবা পুন্সি অমা শেমগৎনবা ৱাখল্লোনগা লোয়ননা হিংগদবনি।

শ্রী মোদীনা মহৈরোইশিংগী অপুনবা ঈশৈ মোগি মাতাদা কত্থোকখি। ঈশৈ অদুদা মহৈরোইশিংনা মহাক্না কদাইদা অমসুং করম্না হিংলিবগে হায়বদু শন্দোক্না তাকখি। মহৈরোইশিংনা মখোয়গা ৱারী শানখিবা অদুদা পুন্সিদা নুংঙাইনা লৈনবা, ৱাখল ৱাবা কোকহন্নবা, মতমবু মতিক চানা শীজিন্ননবা অমসুং চেকশিন্না একজামগীদমক শেম-শাবগী মতাংদা খংহনখি হায়না পাউদমখি। মখোয়না প্রধান মন্ত্রীগা হকথেংননা উনবদা অঙকপা ফোংদোকখি। মখোয়না মখোয়গী মীৎবা উরিবা অদু থাজবা ঙমখিদে অমসুং ৱারী শানরিঙৈদা মতম হৌখিবা খঙহৌদে হায়খি।

প্রধান মন্ত্রী মোদীনা পনখি মদুদি পরিক্ষা পে চর্চাগী খোঙচৎ অসি অৱাং নোংপোক্কী অষ্টলক্ষ্মী লমদমদা য়ৌখি। গুৱাহাতিদা ব্রহ্মপুত্রাগী ঈশিং ঈচেল মরক্তা ৱারী শানখি। অসামদা অসিগুম্বা থৌওং অসি য়াম্না মরু ওই হায়না পল্লদুনা মহাকপু চৎনবীগী ওইবা গামোসাগা লোয়ননা তরাম্না ওকখি। মহৈরোইশিংনা হায়খি মদুদি মহাক্কী মফম অদুদা লৈবনা মখোয়দা নুংঙাইবা পোকহল্লি অমসুং মখোয়গী অৱাবা হন্থহনবদা মতেং পাংই। প্রধান মন্ত্রীনা মহৈরোইশিংদা মখোয়না প্রোগ্রাম অসি মমাংদা তেলিভিজনদা য়েংখিবরা নৎত্রগা একজাম ৱারিয়র কৌবা মহাক্কী লাইরিক অসি পাখিবরা হায়না হংখি। মহৈরোইশিংনা মসিনা মখোয়গী একজামগী অকিবা হন্থহনখি অমসুং মখোয়বু একজাম অসি কুমহৈ অমা ওইনা পাংথোক্নবা তাকপীখি হায়না মহাক্না হায়খি। মহাক্না ফোংদোকখি মদুদি অয়াম্বা মতমদা ইমুংগী মীওইশিংনা মাংখিবা মার্কশিংবু ৱাহং হংদুনা অকিবা পোকহল্লি, অমসুং অপেনবা অদুনা খোংজেল তপথহল্লোইদবনি হায়না মহাক্না ফোংদোকখি। মহাক্না মহাক্কী মন্ত্র অদু অমুক হন্না ফোংদোকখি মদুদি কম্পিতিসন অসি অতোপ্পগা নত্তনা ইশাগা ওইগদবনি, অমসুং ইশাবু ফগৎচহনবা অসি লেপ্পা লৈতনা তৌগদবনি।

হকচাং ফাবা দাইৎ অমসুং পুন্সি মহিং অমা

দাইৎ অমসুং পুন্সি মহিংগী মতাংদা হংলকপা ৱাহং অমগী পাউখুম পীরদুনা, প্রধান মন্ত্রীনা হায়খি মদুদি মহাক্না অকক্নবা পথাপ অমত্তা ঙাক্না চৎতে। মহাক্না তোঙান তোঙানবা য়ুমশিংদা মনা-মশিংগী ওইবা চিঞ্জাকশিং চাবা অমসুং খেচিগুম্বা অচম্বা চিঞ্জাকশিং মশামক্না শেম্বগী মতমশিং নীংশিংখি। মহাক্না হায়খি মদুদি দাইৎ অসি মী অমগী অপাম্বদা য়ুম্ফম ওইগদবনি, হিদাক অমগুম্না লৌরোইদবনি, অমসুং কনাগুম্বা অমনা পুক থলহন্নবগীদমক্তা নৎত্রগা ৱাখল নুংঙাইহন্নবগীদমক্তা চাগদ্রা হায়বদু লেপকদবনি। মহাক্না ফোংদোকখি মদুদি মীশিংনা মখোয়গী মবুক থলহন্নবা মহৈ-মরোংশিং চানৈ, অদুবু মখোয়না মখোয়গী থম্মোয়বু মপুং ফাহনবগীদমক্তা শ্বর শাংনা হোনবগী শাজেল তৌদে। মহাক্না হায়খি মদুদি মসিগী ওন্ন-তৈনবদু চত্থগদবনি। মহাক্না মহৈরোইশিংদা মখোয়গী হকচাংবু মরুওইনা লৌনবা, অয়ুক্কী নুমিৎ থোরকপা য়েংবা অসি হৈনবী ওইনা তৌনবা অমসুং হকশেলদা খ্বাইদগী হেন্না মরুওইবা পীনবা পুক্নিং থৌগৎখি, মরমদি হায়রিবা থবকশিং অসিনা অনৌবা পুন্সি অমসুং ইনর্জী পীরি।

চাংদম্নবগী প্রেসর থেংনবা

মমা-মপাশিংনা মচিন-মনাওশিং অমসুং মরুপশিংগা চাংদম্নবগী মতাংদা মহৈরোই অমনা নুংনাংবা পোকপা অদুগী পাউখুম পীরদুনা প্রধান মন্ত্রী মোদীনা হায়খি মদুদি অসিগুম্বা ফিভমশিং অসি পোজিতিব ওইবা মওংদা লৌগদবনি। মহাক্না হায়খি মদুদি করিগুম্বা মমা-মপাশিংনা মচানুপা নৎত্রগা মচানুপী অমগী খুৎ ইবু থাগৎপা তারবদি, মখোয়না মাঙহল্লকপনি হায়না খল্লমদনা, মচানুপা নৎত্রগা মচানুপী অদুবু তাকপী তম্বীনবা হায়জবা অসি অচুম্বা খোঙথাংনি। মহাক্না মরুওইনা ফোংদোকখি মদুদি অঙাংশিংনা মখোয়গী মচিন মনাওশিংদগী তমগদবনি অমসুং মমা-মপাশিংদা হায়গদবনি, "অদোম্না অফবা মগুন অমা পনখি, হৌজিক ঐহাকপু মদু করম্না চাউখৎহনগদগে হায়বগী লমজিং-লমতাকপীয়ু।” মহাক্না মমা-মপাশিংদা অঙাং অমবু অতোপ্পশিংগী মমাংদা কা হেন্না থাগৎপা তৌদনবা খঙহনখি, মরমদি মসিনা খল কাইবা অমা থোকহনবা য়াই। মহাক্না হায়খি মদুদি করিগুম্বা নক্নবা মীওই অমনা করিগুম্বা অমদা মগুন লৈরবদি, মহাকপু গুরু অমা ওইনা লৌগদবনি, অমসুং মখোয়দা হায়দনা, থোং মান্নবা অমসুং ইকাই খুম্নবা হেনগৎহনগদবা লমজিং-লমতাক পৌবীনবা হায়য়ু।

ইশাদা থাজবা থম্বা

স্তেজ ফিয়র অমসুং কনফিদেন্সকী মতাংদা, প্রধান মন্ত্রীনা হায়খি মদুদি সেল্ফ কনফিদেন্স অসি 'আত্মা' অমসুং 'বিশ্বাস' হায়রিবা ৱাহৈ অনি অসিদগী লাকপনি, হায়বদি মশাদা থাজবা হায়বনি। মহাক্না ফোংদোকখি মদুদি মখোয় মশামক্তা থাজবা থম্বা মীওইশিংদি কৈদৌনুদা অকিবা পোক্তে, অমসুং মখোয়না থবক তৌদ্রিঙৈ মমাংদা ফিভমশিং অদু চেকশিন্না নৈনৈ। মহাক্না স্বামী বিবেকানন্দগী মমিং লৈরবা চিকাগোগী স্পীচ নিংশিংখি। বিবেকানন্দনা অহানবদা অকিবা পোক্লম্মি অদুবু মহাক্না শক্তি পীনবা মা সরস্বতীদা লাই খুরম্মি, অমসুং মহাক্না "সিস্তর্স এন্দ ব্রদর্স ওফ অমেরিকা" হায়দুনা হৌরকপা মতমদা, মীফম অদুদা লৈরিবা মীওইশিংনা মিনিত কয়া খুবাক খুখি। মহাক্না অকনবা ৱাফম থমখি মদুদি শক্নাইরবা স্পিকরশিং অমসুং শান্নরোয়শিংসু অৱাবা মায়োক্নরি। মহাক্না শচীন তেন্দুলকরগী জিরো ফংবা পনখি, অদুবু মখোয়না থাজবা মাংবা তৌদে। মহাক্না মহৈরোইশিংদা ফিভমশিং য়েংনবা, অৱাবা কয়াবু লৌবা, অমসুং মখোয়গী মনুংগী মপাঙ্গলদা থাজবা থম্নবা হায়খি।

মহৈরোইশিংনা ভারত রত্ন দা ভুপেন হাজরিকানগী ঈশৈ অমা খুদোল তমখি মদুবু প্রধান মন্ত্রীনা থাগৎপা ফোংদোকখি। মহৈরোই অমনা মহাক্কী ইমুংগী চাগী ভাগানগা মরী লৈনবদু শন্দোক্না তাকখি অমসুং মহাকপু চা মনাশিং পীখি, মদুদা মহাক্না মহাক্কী মমাদা ইকায় খুম্নবা উৎতুনা মদুবু তরাম্না লৌখি। মহৈরোইশিংনা মহাক্কা উনবদা থাজবা ঙমদবা অমসুং নুংঙাইবা ফোংদোকখি, মখোয়না জেনরেসন গেপ লৈরবসু মখোয়নবু খঙবী হায়না ফোংদোকখি।

লোইশিনবদা, প্রধান মন্ত্রীনা পনখি মদুদি পরিক্ষা পে চর্চাদা পরিক্ষাগী মতাংদা খন্ন-নৈনবতা নত্তনা লোকেল ম্যুজিক অমসুং আসামগী চা য়াওরি, মসিনা মসি নীংশিংবা য়াবা এক্সপরিয়েন্স অমা ওইহল্লি। মহাক্না অকনবা ৱাফম থমখি মদুদি একজামিনেসন অসি খুদোংচাবা অমনি অমসুং হকচাং ফনা চাংদম্নবনা শেম-শাবা হেনগৎহল্লি। মহাক্না হায়খি মদুদি মফমশিং, মহৈরোইশিং অমসুং এক্সপরিয়েন্সশিং অসি খেন্নরবসু, খন্ন-নৈনবগী পান্দমদি মান্নরি মদুদি পুক্নিং চংবা, খঙনবা হোৎনবা অমসুং পুন্না তম্বা অসিনি হায়ি অমসুং মহাক্না মহৈরোই পুম্নমক্তা য়াইফ-মঙ্গোল পীখি।

Episode 2 of Pariksha Pe Charcha is a special one. It features students from various cities across India. Do watch!#ParikshaPeCharcha26 https://t.co/GdUvEJw5rf

— Narendra Modi (@narendramodi) February 9, 2026

***