ہندوستان نے "کوپن ہیگن سے دوحہ تک سماجی ترقی کے لیے دوسرے عالمی اجلاس کے نتائج سے فائدہ اٹھانے" کے موضوع پر اقوام متحدہ کے مکالمے میں اپنے حقوق پر مبنی، جامع اور عوام پر مبنی ترقی کے نقطہ نظر کو اجاگر کیا۔ ہندوستان کا موقف پیش کرتے ہوئے، خواتین اور بچوں کی ترقیا کی وزیر مملکت، محترمہ ساوتری ٹھاکر نے اس بات پر زور دیا کہ سماجی انصاف ہندوستان کے 2047 کے وکست بھارت کے قومی وژن میں مرکزی حیثیت رکھتا ہے۔

اس بات کو یاد کرتے ہوئے کہ کوپن ہیگن اعلامیہ نے لوگوں کو ترقی کے مرکز میں رکھا اور یہ کہ دوحہ سیاسی اعلامیہ نے ابھرتے ہوئے عالمی چیلنجوں کے درمیان اس عزم کی توثیق کی، وزیر نے ذکر کیا کہ "سب کا ساتھ، سب کا وکاس" کا ہندوستان کا حکمرانی فلسفہ پوری حکومت اور تمام طبقات کے لیے مساویانہ رویہ اور مواقع کو یقینی بنانے کی عکاسی کرتا ہے۔

ہندوستان کے بڑے پیمانے پر سماجی تحفظ اور شمولیت کے اقدامات کو اجاگر کرتے ہوئےمحترمہ ساوتری ٹھاکر نے اس بات کا اشتراک کیا کہ:

• 800 ملین سے زیادہ لوگ غذائی تحفظ پروگرام کے تحت آتے ہیں۔
• 550 ملین سے زیادہ شہری صحت اور تندرستی کے مراکز کے وسیع نیٹ ورک کے ذریعے مفت صحت کی دیکھ بھال تک رسائی حاصل کرتے ہیں۔
• کفایتی ادویات اور طبی آلات 16,000 جن آروگیہ کیندروں کے ذریعے فراہم کیے جاتے ہیں۔
• 1.45 ملین سے زیادہ منتخب خواتین نمائندے مقامی حکمرانی میں خدمات انجام دے رہی ہیں، جو زمینی سطح پر جمہوریت کے تئیں ہندوستان کی وابستگی کی عکاسی کرتی ہے۔
• بیٹی بچاؤ بیٹی پڑھاؤ اور سوکنیا سمردھی یوجنا جیسے اہم اقدامات لڑکیوں کی تعلیم اور مالی تحفظ کو مضبوط کر رہے ہیں۔
• لیبر اصلاحات سے مساوی تنخواہ، محفوظ کام کی جگہوں اور خواتین افرادی قوت کی شرکت کو فروغ دیا گیا ہے۔
• بڑے پیمانے پر ضمانت کے بغیر قرض نے لاکھوں خواتین، کاروباری افراد اور خوانچہ فروشوں کو رسمی معیشت میں داخل ہونے کے قابل بنایا ہے۔
•    ایس ایم آئی ایل ای جیسی ٹارگٹڈ اسکیمیں ٹرانس جینڈر افراد اور دیگر کمزور گروپوں کی بحالی اور شمولیت میں معاونت کر رہی ہیں۔

محترمہ ٹھاکر نے اس بات پر زور دیا کہ ہندوستان کا ترقیاتی سفر ڈیجیٹل پبلک انفراسٹرکچر، براہ راست فائدہ کی منتقلی اور شہریوں کی شرکت کو مربوط کرتا ہے، شفافیت اور آخری شخص کی ترسیل کو یقینی بناتا ہے۔

ہندوستان کی تہذیبی اخلاقیات "وسودھیو کٹمبکم" - دنیا ایک خاندان ہے - کی تصدیق کرتے ہوئے وزیر موصوف نے عالمی شراکت داری کو مضبوط بنانے اور دنیا بھر میں سماجی انصاف کو آگے بڑھانے پر اپنے ترقیاتی تجربے کا اشتراک کرنے کے لیے ہندوستان کی تیاری کا اظہار کیا۔

اجلاس میں اقوام متحدہ کے رکن ممالک کی اکثریت کی فعال شرکت دیکھی گئی۔

سیشن کے بعد، وزیر موصوف نےحکومت سویڈن کے وزیر برائے سماجی خدمات محترمہ کیملا والٹرسن گرونوال کے ساتھ ایک غیر رسمی ملاقات بھی کی۔

********

 (ش ح۔م ش ۔رض)

U. No. 1558